譚仔三哥米線 (軒尼詩道)

營業中

休息中

疫情期間成日困喺屋企煮野食，煮得多都攰，係時候偷懶去搵譚仔三哥😜每次去都有新產品推出，當然要試勻晒佢😎叫左番茄湯酸辣魚片米線($40)、蒜燒茄子($16)、夠薑瑪莉(原價$15, 加配價$11)酸辣魚片米線🐟🍜：上菜時姐姐好貼心咁提醒小心碎骨🥰不過好幸運地食晒成碗都冇乜碎骨😆佢d魚片數量都幾多，食落夠嫩滑😋今次叫左番茄湯底，但因為佢呢碗米線有埋酸菜同辣椒粒配料，所以番茄鮮甜當中帶點酸辣，食落更加醒胃😎蒜燒茄子🧄🍆：上次朋友夜晚去試結果售罄，叫我早D去食穩陣D。試完就知點解會售罄，因為真係幾正🤤大量香濃嘅蒜蓉加喺茄子上面，再配以三哥秘製紅油黎燒，所以燒得夠香兼惹味😋茄子切成細細條，作為小食都幾方便食👍🏻夠薑瑪莉🍹：叫得夠薑，飲落果然夠薑味夠刺激😜佢主要係薑味梳打，再加入原粒荔枝、愛玉、草莓茸、新鮮薑茸，所以充滿住薑嘅獨特辛味之餘額外加點甜味中和一下，層次感豐富，即使係怕薑味辣嘅朋友仔都可以試下😋補返張大合照

三哥係一個禮拜點都會食兩至三次，食親都係蕃茄湯底三小辣，兩個人share一個套餐， 加一兩碟小食，夠晒飽又可以食到唔同嘅嘢。小食嚟講，我最鍾意係個麻辣豬耳，好多豬耳都係好瘦得條筋，但三哥嘅豬耳係比較厚肉，食落去好有口感。同埋個麻辣汁超正！食完仲會有麻香味係口入面😋😋。不過如果佢有埋另一間譚仔嘅嗰個涼拌豆腐就好！同埋佢之前出咗個茄子🍆，雖然都唔係話好入味但係我都覺得好好食，但係唔知點解而家又冇咗，好失望呀！

譚仔最近新推出補身養生蟲草花雞湯底，喚起了我對譚仔的感情。但進入譚仔的我，最後竟然沒有貪新忘舊。懷著一顆對譚仔不變的心的我，仍然選了喜愛的酸辣湯底，兩餸分別是腐皮，炸醬。原本有的腐皮我嫌不夠，要加底才合我心意。每一口麵加一口炸醬，真是百吃不厭，身邊的同事們都中了譚仔的癮。另外選了蒜泥白肉，一如既往，蒜泥量超多，豬腩肉薄切拌蒜泥吃，十分惹味。解辣當然少不了加杯凍檸茶，檸味，茶味，是我不會厭的港式口味。

爆辣小豬件 $23一碟有四件豬件🤩每件都好鬆軟，肥瘦適中。爆辣其實都唔算太辣，辣度接近平日既五小左右其實。樂味在於佢上面調味料，豬件不單啖啖肉，仲要連骨都唔會淡茂茂係食到味。桂花柚子蜜+辣雜果賓治唔食得辣嘅人最好叫返柚子蜜，因為只食豬件係唔辣，但加賓治係再辣啲。桂花柚子蜜桂花味唔係太濃不過都ok，果賓治就真係雪碧果汁加雜果，但辣既🤩估唔到地幾夾。

今日自己行到銅鑼灣，唔知食啲乜嘢好就入咗去三哥譚仔是但食啲嘢本身都冇乜預期，所以都是但叫咗三個酸辣，炸醬，牛肉，墨魚丸碗米線一嚟到嘅時候個賣相都幾好，今次係我第一次食三個酸辣，原來呢個湯底真係幾好食幾開胃，辣辣地酸酸地又唔會話過分辣，再加埋炸醬米線一齊食，個配搭都幾好牛肉方面唔會熟得過頭，岩岩好，墨魚丸正正常常所以總括嚟講唔係太貴鍾意食辣嘅朋友可以去試一試

話說白色情人節，我哋一向好少慶祝，不過見譚仔三哥搞綽頭做辣之戀人情侶套餐，就湊下熱鬧買咗個外賣返屋企食。椒夕相對二人套餐前菜 - 麻辣汁手拍青瓜，口水汁雲耳個汁好惹味主菜 - 過橋米線非常大碗，食完真係好飽，我哋叫咗蕃茄湯，中和返其他辣嘅嘢食，過橋米線份量十足，有好多餸，有豬肉，牛肉，火腿，豬膶，墨丸，牛丸，腐皮，豆卜，炸醬等等。小食 - 土匪雞翼我至愛，色香味俱全特飲 - 三哥賓治（5小辣）& 柚子桂花茶三哥賓治一入口好似平時雜果賓治咁甜甜地，但之後會感覺到微微嘅辣味慢慢喺喉嚨滲出，既特別又好飲。本來套餐仲有杯薑味雙檸梳打（10小辣）可以選擇，可惜賣晒，姐姐話可以揀柚子桂花茶試吓，飲落都ok，尤其食完辣嘢飲，幾解渴。今日惠顧有5小辣心型朱古力送，而且外賣有9折

行過見到有新小食出場，poster上面滿滿同波波辣椒非常給睛，好耐冇食過譚仔，雖然我啱啱食完飯一個鐘左右，好掙扎究竟食定唔食好，當然最後結局都係魔鬼戰勝左，麻辣中辣雞肉少米線，一如既往熟悉嘅湯底，唔飲晒對唔住自己，雞肉份量好似比平時多，小食點咗爆辣小豬件（另外仲有一款係唔辣）小豬件用咗豬扒部份，一碟有三件，收費合理，小豬件滿佈乾辣椒，呢一種辣椒嘅辣係慢慢滲透出嚟，辣得好過癮，用燒嘅方式去煮比較香口

間中會掛住的味道🤤身邊好多朋友都會間中掛住譚仔三哥，尤其係去完旅行返黎既時候🤤有無人同我一樣，每次去三哥唔食辣食清湯都會俾朋友串🙊蕃茄湯米線配豬肉魚腐//濃濃既蕃茄湯底，好多蕃茄蓉，真係好正🤤就算揀唔辣都無人可以笑我😤乍醬烤四季豆 ($14)//岀左新小食😱 乍醬配四季豆原來都幾夾！好惹味，十小辣既辣度🤣白薄荷雙檸梳打($15，加配$10)//同樣係新產品！好重薄荷味，好清新，解辣一流呀🤣

3人去食LUNCH, 落ORDER 被呼喝唔緊要, 被黑面唔緊要, 等野食都唔緊要, 但3個人叫野食得2個人有得食我地黎食野, 最低限度係咪起碼俾啱我地叫嘅野食同埋俾野我食?!?!講完!

↠ 譚仔三哥米線 ↞平時食三哥都係十小辣或者清湯 (我認我垃圾🌝) 真係會悶，所以呢排都嗌咗番茄湯😆 今日食咗雞肉墨丸番茄湯米線，米線同墨丸都依舊好食😋 番茄湯好濃，成個湯好紅，味道偏甜，而且有好多茄蓉茄肉，滿滿嘅茄紅素🍅 中意嘅可以加辣添架😌見到佢出咗新小食同飲品就嗌咗黎試😂 口水三素係啲豆卜，雲耳同冬菇撈咗口水汁，食落好惹味😋 特別中意舊豆卜索晒啲汁，勁正！食素嘅你而家都可以試到三哥嘅口水汁啦🤪 不過有啲辣，menu寫係相對於五小辣🥵 好彩叫定咗杯白薄荷雙檸梳打，好清新好重薄荷味，可以解下辣🤣▫️番茄湯米線 配雞肉墨丸▪️口水三素 $12▫️白薄荷雙檸梳打 +$10

由於我地被安排坐左係佢地泊個餐車既位佢地不斷推個個碰碰車 令到我地食飯都變得好刺激同埋佢地又遲遲唔上彷彿好似要我地自己拎咁一如既往既咸真係要小食⋯太多味精唔知點樣可以日日食

夜晚游完水覺得好肚餓就諗起三哥嘅雞肉麻辣米線始終都係鍾意食三哥米線多啲，因為佢隻麻辣味夠麻，而米線口感爽啲，辣度足啲，果隻味係就算已經飽都仲想食多啲嘅感覺，而啲雞肉都幾嫩滑。如果平時同朋友去食就會食過橋米線，大大碗，又有好多料，好抵食！

冇咩心情食野，落樓下三哥快食個lunch......煳辣豬肚米線 ($40)去親三哥，十次有九次都係食煳辣，貪佢香得黎又唔係好辣，食落啖啖孜然味，香口惹味！見到有新餸 - 豬肚，咁就試下啦~幾彈牙，幾入味，仲可以自選一餸$40幾抵食西柚醋 (跟餐+$10)西柚味好fresh，仲有d西柚果蓉係底，怕辣嘅話，呢個就啱啱好啦~可以解辣~清爽！不過Lunch time好繁忙，一個人食就要搭枱，一張四人枱，四個人都係唔識嘅，空間又唔大，真係只可以快食.....

如果話最能夠代表香港人嘅食店, 譚仔唔係排第一, 就係排第二。 記得有朋友仔移民咗去外國, 一講到香港嘅美食, 最掛住嘅一定係譚仔米線唔知點解佢個湯底有一種特別嘅味道, 令人特別懷念<清湯炸醬雞肉米線>雖然大食妹都想嘗試下佢嘅十小辣...但次次都忍唔住叫返清湯因為佢個胡椒湯有種特別嘅味道, 鹹鹹辣辣, 超級索口水灣仔呢間分店, 雞肉同埋米線嘅份量都幾多 雖然肉醬唔係特別多, 但係都足夠食嘅

午餐想快快地搞掂，就揀左黎譚仔三哥，餐牌見有呢個新出既煳辣豬肚米線，$40，可以揀一個餸。減肥想食少啲，就揀左少麵，可以減$1架。揀左生菜配豬肚。豬肚幾爽口，有四舊左右。米線唔太腍，有咬口。湯底係胡椒味，幾特別，辣度揀左10小辣。飲品我就揀左柚子醋，加$10，好似都係新野。柚子醋酸甜，唔會太甜。解辣一流。呢度有兩層，落單用電子pad，夠曬高科技。無加一，埋單$49，抵食飽肚，靜靜地完成一個人既午餐。