影片
更多
2004-01-11
12 瀏覽
終於有機會試o下唔少食家都讚好o既"譚仔", 因為佢o係黃金商場隔離(即係"維記" 對面)開o左新o既分店.呢度o既食品款式同價錢, 俾我o既感覺就好似係佐敦"景霖" o既翻版. Order米線同景霖一樣, 都係車仔麵式- 清湯/酸辣/麻辣湯底(有芽菜, 韭菜同腐皮料), 麻辣湯底可自選辣度(小辣/中辣/大辣/特辣), 送料就有15種可供選擇(比景霖少o左6款). 除此之外, 呢度又有同景霖一樣o既兩款烤雞中翼, 新彊香草同四川麻辣, 另外又有自創o既湖南土匪雞翼, 令人不禁想起"海天堂" o既鬍鬚仔同大家姐, 唔知"譚仔" 同"景霖" 又係咪一樣o既情況呢? (希望唔係啦)我叫o左"麻辣雞肉米線" (特辣; 新張期內酸辣同麻辣湯底係唔收錢o既. 下午茶時段加1蚊有o野飲, 冷熱同價, 我要o左凍豆漿), 同埋一直都好想試o既"湖南土匪雞翼".麻辣雞肉米線(特辣; $16) - 好大碗又好多料, 淨係米線已經佔o左成大半碗, 足夠大食o既男士享用. 米線冇煮淋, 好爽口. 雞柳夠滑, 份量比景霖o既仲要多好多, 反而芽菜, 韭菜同腐皮料就少過景霖.至於個米線o既"特辣" 麻辣湯底, 我
呢度o既食品款式同價錢, 俾我o既感覺就好似係佐敦"景霖" o既翻版. Order米線同景霖一樣, 都係車仔麵式- 清湯/酸辣/麻辣湯底(有芽菜, 韭菜同腐皮料), 麻辣湯底可自選辣度(小辣/中辣/大辣/特辣), 送料就有15種可供選擇(比景霖少o左6款). 除此之外, 呢度又有同景霖一樣o既兩款烤雞中翼, 新彊香草同四川麻辣, 另外又有自創o既湖南土匪雞翼, 令人不禁想起"海天堂" o既鬍鬚仔同大家姐, 唔知"譚仔" 同"景霖" 又係咪一樣o既情況呢? (希望唔係啦)
我叫o左"麻辣雞肉米線" (特辣; 新張期內酸辣同麻辣湯底係唔收錢o既. 下午茶時段加1蚊有o野飲, 冷熱同價, 我要o左凍豆漿), 同埋一直都好想試o既"湖南土匪雞翼".
麻辣雞肉米線(特辣; $16) - 好大碗又好多料, 淨係米線已經佔o左成大半碗, 足夠大食o既男士享用. 米線冇煮淋, 好爽口. 雞柳夠滑, 份量比景霖o既仲要多好多, 反而芽菜, 韭菜同腐皮料就少過景霖.
至於個米線o既"特辣" 麻辣湯底, 我覺得佢比景霖o既四川麻辣較為遜色, 因為係雲南白湯溝麻辣料, o係色澤上(橙橙地色)唔及景霖o既咁鮮紅. o係"特辣" 呢個辣度, 辣味好足好猛(雖未至於噴火咁誇張), 但花椒o既麻味就反而唔多夠, 唔及景霖o既咁足料.
湖南土匪雞翼(20蚊6隻) - 係以沙薑粉搽上大大隻o既雞中翼o黎燒, 最後沈上黑芝麻. 咁樣o既配搭相當好味! 如果講抵食夾大件的話, 譚仔o既雞中翼就要比景霖o既較勝一籌.
杯差唔多係送o既凍豆漿係鮮榨o既, 好有豆味, 係意外o既驚喜!
37蚊已經食到我好飽, 幾滿足. 麻辣米線唔夠景霖o既咁好味, 但土匪雞翼就贏景霖成條街, 譚仔同景霖可謂各有千秋. 以後行完黃金又多個好地方食o野喇! ^_^
張貼