譚仔三哥米線 (福榮街)

營業中

休息中

我食清湯墨魚丸、朱潤、牛肉米線,味道期望不要太高,都算好食。但土匪雞翼不可不試,正。

擒日因為要去shamshuipo 買番張mini sd 咭所以晚餐就係附近食啦, 諗起每次都會經過呢間鋪頭都人頭湧湧今次就試下啦:我咗個墨丸米線酸辣湯底- 唔明點解要酸辣湯底要加錢囉間鋪明明講明係食雲南米線即係都係食辣嘢架啦咁都要加錢, 好要加錢唔緊要好食就得啦, 碗米線嚟到我以為自己叫錯嘢點解啲湯白色既等埋老公個碗嚟又係白色既咁好啦試下個湯先啦, 原來佢既湯已經加咗酸但係無辣, 啲墨魚丸無味又唔夠熱啲米線又太淋真係無牙婆都食到老公叫咗豬腩肉米線- 啲豬腩肉好鞋無味仲衰過啲白烚豬肉啲米線咪同我個碗一樣囉土匪雞亦- 食第一隻都還可以啦食到第二隻己見好漏油菜同凍檸茶係唯一可以接受既仲有食食下居然有隻唔知係乜既小飛俠飛咗落我碗米線度呀食過呢餐之後我真係唔明點解佢可以日日都排長龍, 唔通係我地倆公婆既口味比其他人特別???

成日聽d 朋友同埋同事推介---佐敦---譚仔雲南米線----今日放左工去食........點知期望越大失望越大叫了2個(食送)----炸醬及雞肉既米線同埋土匪雞翼味道真的很一般，不是推介中的好吃，炸醬肉碎很\"鞋\" ，雞肉不夠嫩口，配菜中的芽菜帶有青澀味.....土匪雞翼也說不上好吃(20元5隻)....米線吃到最後還被我發現有條雞毛在米湯底中(莫非叫雞肉送雞毛) ，忘記用相機拍下證據....去了這一次，都不會有第二次了.....都是前2個街口的景霖米線好吃很多，它家的香草和麻辣麻雞很出名，好吃.....

唔駛講啦...... 我相信好少人未食過... 但係我都係想讚下佢地個麻辣夠勁>.< 以前食完佢地個大辣第二人會搞肚... 不過而家個肚適應左,唔食得辣就唔好亂尼

我經常在此吃米線推介雞肉墨丸，和炸醬（很特別的）麻辣米線不是人人頂得順，但我就很喜歡一想起隻辣就流口水大大碗一個正常女仔也吃不完不過不足之處就是水準不太穩定總括來說是吃得過的

昨天同bf 再到此店吃米線, 奇怪今天差不多坐滿客人, 以往同樣時間只有一半客人.奇怪今天的米線大碗了很多, 湯汁也香濃了, bf 細聲問道：你是否上網批評此店, $17一碗已很超值, 現在那么大碗問你如何吃完它? 我只是說事實, 改善得這么快, 今天見這么多客人也實在替此店老闆高興呢!吃完了, 阿姐收碗時竟說（請問）是否不要了? 光顧了多次從沒聽過（請問）這兩個字, 實在進步得神速, 希望水準可以維持,　值得稱讚呢!

吃罷劉森記，因為已經有一段時間沒有吃，忍不住走到譚仔再吃米線。胃納有限的問題，只能兩人分著吃一碗。叫了豬潤、腩肉、酸菜3小辣(麻辣)米線。若是到永隆街店我通常會吃5小辣，覺得3小因為太辣，是會令人完全吃不到譚仔麻辣湯底那股特有的味道。昨晚朋友說要吃3小，唯有同吃，幸運的是居然不是太辣，太概是那邊5小的程度。朋友說覺得這裡的湯味道淡一點，不過觀塘比這邊更淡呢! 但我覺得雖說是味道淡一點，依然是一樣的好吃，只是喜愛更辣的人來到分店可能就要叫麻辣級數更高的湯底。是日酸菜非常出色，非常夠酸!

又黎呢頭買野，行到餓去食碗米線。譚仔之前都食過一次，味道一般。由於阿媽鍾意食，今次又試多次。兩點幾，仍勁多人，等咗10鐘有位。地方好細，超迫，真係肥D都坐唔落。我叫咗個清湯炸醬雞肉米線。先講炸醬，同想像中有好大出入，出面食o個D 炸醬都係好深色ge，呢間異常淺色，淺粉紅色，望落有D核突，好係嘔吐物咁一pat pat。食落呢...完全唔得，唔夠味，又唔香，帶微辣，真的很失望！雞肉ok，唔鞋。米線超硬，好似未熟，我比較鍾意諗D ge米線囉。呢度o個D同橡筋差唔多。湯底也不及其他食評講得咁好，其實無咩味，唔覺鮮又唔覺甜。應該都無下次啦！

諗住今日去深水步，於是尋晚上黎睇下有d 咩好介紹。見到呢間都幾多笑哈哈,咁即管試下啦!可能遇上lunch時間，店內好多人，門前都好多人排隊。我同d fd 邊等就邊揀定食乜，咁一陣就可以即刻落單。我試左個竹笙清湯米線。純白色既湯底，好似牛奶咁。不過d 米線好硬，我比較鐘意食d 稔既。而且d 麵好大碗，好辛苦先食得晒。同fd share 左個土匪雞翼,幾好味架，面頭d 黑芝麻好香，不過就無我想像中咁好食。如果唔介意環境迫同埋無乜招呼的話，都值得試試。

因為bf喜歡食米線, 己經光顧過很多次, 但水準真是每況愈下, D 阿姐又掛住談天冇心機招呼客人, 對客很不禮貎, 以往門庭若巿, 經常要等位, 現在大不如前.雞翼有3 款: 土匪、麻辣、香草也是我至愛, 有時會買回家.米線: 多款餸供選擇, 也有16款餸夠2人吃的大碗米線. 辣度分5 級, 也可以選擇清湯, 米線很大碗, 加3 元送冷熱飲品, 算很抵食, 近期米線煮得太冧湯味也差了, 水準欠穏定, 其他小食偏貴也不吸引, 未試過.

尤記得第一次到譚仔真是驚為天人，不單湯底夠味，而且米線煙韌帶咬勁，但這次到譚仔真是令人失望有餘，下次也未必會再光顧。首先，阿姐的服務態度真的勁差，呼喝再加上不耐煩，招呼我像我欠她錢般。另外湯底現在而有色水而沒有味道，令人失望x10，米線軟軟的沒有口感，失望度倍升，唉‧‧‧為何好吃的東西永不能持久呢？

自己一個食我就會叫清湯雞肉配炸醬~雞肉軟滑﹐有些人可能會唔鐘意個口感但我就接受到仲好鐘意食。炸醬甜甜的﹐是本人最愛﹐有時還會叫兩份(本人太貪吃了)也會加豬潤~~ 那天配同媽媽一起去﹐佢比較喜歡酸辣湯底而佢胃口比較蚊形所以就share個米線套餐。米線套餐乜都有小小size係好大碗(比起平常既還要大)﹐黑銆葉﹐墨丸﹐牛丸﹐牛肉﹐豬潤﹐竹笙﹐生菜﹐酸菜﹐炸醬... 等等配料。我國得黑銆葉無其它譚仔branch既comment講得咁正! 對我來說有少許un, 其他配料如丸類就不過不失。比起我愛既雞肉我就唔太好佢既牛肉囉!($3X)我亦試過佢地既雞翼同蒜泥白肉﹐都好好食﹐好香!!

我以前響荔枝角返工好多時都同同事行來呢間食LUNCH時間都要12:30即跑落黎先搵到位唔係都唔知等到幾時我通常都食佢個雞肉竹笙米線要清湯因為我一D辣都頂唔順有時會加炸醬雞肉好嫰口有竹笙就清清地如果多個3個人一齊食就會加埋土匪雞翼因為佢碗米線真係好大碗淨係一碗米線都飽到傻左不過佢個土匪雞翼真係好惹味唔知點解也有試過香草都好食但都係鍾意土匪多D另外加3蚊就有奶茶咖啡跟算好抵下

午餐, 叫了炸醬麻辣米線(中辣) $17炸醬有一大堆少少甜的豬肉, 可以接受.米線有少少咬口, 幾好.湯底只有辣味加少少酸味, 就像麻辣火煱湯底加水, 味道層次比較單薄. 吃到滿頭大汗, 只是辣在口腔, 不會辣到喉嚨.以我食過3間米線: 景霖(佐敦), 譚仔(深水埗), 雲南桂林(佐敦). 雲南桂林的湯底最濃郁, 層次最豐富, 而譚仔的米線就比較出色.

譚仔米線的湯底很好味，但其服務很差。本人試過叫賣，叫兩餸，但取回家食時，只得一餸。試過有兩次這樣情況。