譚仔三哥米線 (恒隆大廈)

營業中

休息中

平時同朋友選擇吃什麼作晚餐，必有人提出"不如去食三哥啦"。位於旺角西洋菜街的一間譚仔三哥米線，我想定必有人認識及惠顧這間分店。一如既往晚市等候時間大概5分鐘，沒有想像中那麼長時間。座位比較狹窄，我們剛剛好4人可以坐靠近窗口的位置。聽聞三哥比譚仔米線的小食種類比較少，一打開餐牌先發現原來譚仔三哥近這數星期推出不同新嘅小食，例如豬耳，雲耳，豬脷，手柏青瓜 (重口味/中口味 )和意式醋香雲耳(輕口味)。我們點了豬耳和尖椒皮蛋，譚仔三哥的豬耳是一條的形狀與酒樓平時點的豬耳形狀一樣，口感沒有那麼爽口，味道比較一般。譚仔小食的豬耳來比較，形狀為扁身比較爽口。譚仔三哥的醬汁與譚仔比較沒有太大分別，不會太辣。而尖椒皮蛋和舊日的一樣，沒有太大落差，比較不易會散開。米線方面還是點了三哥出名的胡辣湯底有咸有辣，如果有客人還是覺得湯底比較辣可以點乍醬來中和，因為我覺得乍醬味道偏向甜又不會有辣味，可以中和湯底的辣味朋友點了墨丸，雞肉和魚腐清湯米線。魚腐在譚仔和三哥是有所不同的，譚仔的魚腐屬於扁身及比較淋身，而三哥的魚腐是屬厚身及會比較滲入湯底的味道。

譚仔三哥已是其門如市, 但我好少食, 因覺得味道ㄧ般而且偏咸。我平時下午食飯多, 食得有D厭, 今日想食其他, 剛巧經過譚仔三哥, 就買咗碗雞肉, 豆卜加我從未食過既湯底 - 煳辣(另加$1)。湯㡳好重胡椒味少少辣, D米缐配合這個湯底幾好味, 而且豆卜吸收咗D湯底, 好夠味, 雞肉就ㄧ般, 份量都幾多, 食完超飽

係唔知食乜嘅情況下，譚仔係一候非常好嘅選擇。好想食蒜泥白肉，朋友又好，肯一齊食，佢嘅建議唔好叫細份，唔夠食。一上碟，即刻食。我一直以為係有啲辣，原來無嘅，好強嘅蒜味，食落都接受到，肉都ok。米線正常，都係有我最愛嘅魚片頭，墨丸，同樣十小辣。正呀！見到枱上有張溫馨提示，叫人唔好放手機係枱上，似乎大家都習慣左放係枱上，係嘅，濕左就唔好啦。

終於等到屋企附近有間三哥，即興搵左個frd去食！佢11點收工，我地10點幾到，仲叫得切！好耐無食譚仔三哥，十小辣，我最愛！呢種辣，呢種味道，又煮得夠林！好滿足！緊係要寫食評支持下

平時都唔食開“三哥”呢間，因為覺得麻麻，今日行經家樂坊見新舖開張，所以入去再試吓，點知都係一樣咁失敗，又中伏。我叫了酸菜墨丸米線，煳麻湯低加凍檸茶走甜。等了12分鐘，米線先送上，一望就知大鑊，成碗嘢嘅顏色咁似拖完泥地啲水，加埋腐皮似…… 深泥黃色，極度嘔心。味道似咖哩溝水，又唔辣，只得一啲咖哩香料味，仲之唔好食。啲餸仲衰，酸菜切到勁薄勁幼，無咬口，又浸到無哂味，墨丸又細粒。杯凍檸茶，唉…淡過貓尿，啲冰又溶哂。仲有，侍應反應及服務都非常有問題，我隔離枱叫一碗米線加飲品，重覆咗三次，最後嚟咗杯無檸檬嘅涷檸茶，我都忍唔住笑咗出嚟。另外又有人漏order, 真係差差差。以後見到“三哥”都唔會再幫襯。

潮流對面開左間新譚仔三哥，難得落旺角梗係去試下.......都幾多人，一如既往，搭檯啦....坐底左唸住叫野啦，點知叫極個係櫃檯的姐姐都唔行埋來，最後終於侍應姐姐行埋來......她好兇惡......她說：你講要咩送先落湯底啦！我記唔到野架！哇我呆左.... 譚仔三哥的姐姐出左名聽order記性好到不得了.....最可惡點解姐姐的態度總惡過食客架......呢個姐姐要train過啦，甘樣態度做嘢，極差.....也許她真的一個新人....但都唔應該用這種兇惡的態度對待食客....

譚仔三哥真係越開越多好似梗係嗰間係附近咁今日同個女仔朋友行開呢頭佢想食米線所以就陪佢係度食我哋帶咗個套餐share要咗10少辣入邊啲料真係幾多有魚蛋墨魚丸芽菜竹笙生菜ham 等等一碗兩個女仔都食唔晒味道都OK唔會好重味精食完都唔會太口喝5o幾蚊真係幾抵食入面啲材料都新鮮魚蛋同墨魚丸都好彈牙講真唔食辣嘅話10小辣都已經有d 辣