譚仔三哥米線 (西洋菜南街)

營業中

休息中

譚仔出新品當然要第一時間嘗試！全新的「滷汁牛肚蜂巢豆腐香辣番茄湯米線」，不僅有新配料，連湯底都是以前番茄湯🍅的升級版，聽到名字已經讓人流口水了🤤牛肚軟諗大條，分量也很多，淡淡的滷汁味和番茄湯很match～如果牛肚可以切細件一點就更入味而且更容易咬了👍🏻蜂巢豆腐索曬番茄湯汁之後超級入味，蜂巢的口感也十分不錯，感覺和任何湯底都是絕配🤣而升級版的香辣番茄湯底感覺和以往的番茄湯差不多～小編選了中辣，辣味十足，非常惹味呀！小編還另外加了至愛的韭菜，碳水、蛋白質、蔬菜都有齊，又是健康的一餐😛

#譚仔 之後我終於食到#麻辣汁烤雞炸醬撈米線 係外賣個樣好一般🤣不過味道唔錯喎😄#麻辣汁烤雞 無骨，嫩滑，麻辣汁其實撈咗係個米線度，所以唔係醃咗係雞肉入面，另外麵烤到雞皮好香，本身應該都少少脆，不過撈咗浸咗汁，就腍咗🤭仲有好多#咸酸菜 ，正😍味道: 8/10味精: 8/10價錢: 8/10環境: NA/10服務: 7/10

譚仔三哥又出左新湯底—螺酸湯😋 試過既朋友都話呢個新湯底超正，酸辣鮮甜，小編就一於去試下啦😍 不得不提，新推出左呢個湯底之後成間譚仔三哥都充斥住呢陣螺酸湯既味🤭🤭 🍜 螺酸湯豬皮螺片米線呢個新出既米線有啲似出面食開既螺絲粉咁，配有爽脆酸筍同酸辣豆角，大大增加左成碗米線既口感😍 有啲人唔係咁好呢個湯底🤣 但我就超中意啦🥰面頭有幾塊海螺切片，幾彈牙，連埋啲湯同米線一齊食，好鮮甜😚豬皮即使煮完都好爽滑同帶點麻辣，仲要塊塊都勁大塊，煮得都超入味👍🏼雖然我只係叫左小辣，但呢碗新米線都偏辣，好彩都叫定杯野飲🥵 唔食得太辣既朋友仔可以由十少辣試起啦😎🦴 椒麻涼拌魚爽肚小編第一次食魚爽肚，原來都真係好爽口🤩我特別中意三哥既秘製椒麻汁，絕對唔係死辣，係食得出麻麻辣辣既感覺，超滿足😍仲有有啲青瓜一齊做配菜，開胃👍🏼🍹 鳳梨藍蝶花香特飲蝶豆花既顏色加落飲品度真係好靚😬 打卡一流～飲落口酸酸甜甜咁，鳳梨同青檸既組合配搭得好好😬 個底啲黃色原來係鳳梨粒黎，增添口感🤤碗米線太辣，飲完呢杯野就好解辣啦🥴有興趣既朋友快啲去試下啦😻😻😻

近排三哥出左新野好hit 係咁見到廣告彈出黎 搞到我返工放lunch都專登買左個外賣黎食碗野聲稱係酸辣湯底 但我覺得係好辣 同食緊中辣冇分分別 唔知堂食係咪咁呢螺片好大塊 都腍 可接受豬皮普普通通 索左d湯汁 超辣整體黎講不推介 希望堂食會吸引d

螺酸湯米線配海螺片及麻辣豬皮🍜⁡湯底夠晒重口味 又麻又酸 惹味得黎好過癮🤤🤤材料有深海既海螺切片同麻辣汁爽口豬皮再加入以傳統古法醃製的爽脆酸筍和酸辣豆角麻辣豬皮索晒湯既精華好入味海螺切片鮮味十足😋😋整體好夾 有驚喜👍🏻⁡椒麻涼拌魚爽肚呢個小食 我好鍾意😍👍🏻口感爽脆彈牙 配上譚仔三哥秘製椒麻汁🤤提昇魚爽肚味道 仲有清爽帶點微辣既手拍青瓜一個字 「爽」阿🤣⁡鳳梨藍蝶花香梳打用鳳梨同青檸調配 再加入碟豆花顏色好夢幻 有層次食左咁多麻酸辣既野食 飲番杯甜中帶酸嘅鳳梨藍蝶花香梳打可以解辣又解渴😝底部仲有鳳梨果茸飲之前記得攪均✌🏻

好開心今日可以嚟食譚仔三哥，個人來講覺得三個係特別好食的，解釋唔到原因，他們的湯底係特別吸引，特別香，食完特別回味，覺得係代表在香港！最近都好一段時間冇食到三哥啦，好開心可以過嚟食多三個，今次佢哋出咗新嘅湯底，當然要立即試吓，因為是期間限定的，過一排又會冇咗！今次竟然有螺絲粉湯底，筍嘅酸酸香香真係好濃烈，好正，好重口味！！！好正！回味無窮！！餸菜固定配豬皮和螺片，覺得螺片好有鮮味，不過得3片，有啲少

一個人食嘢，最好就係選擇粉麵，快靚正。番茄湯米線加豬肉片，番茄湯味鮮甜，豬肉片雖然是雪藏，但經處理後， 質感都是可以😌， 唔會覺得霉。加了四季豆同自家製的乍醬，乍醬有輕微的辣味，可以接受的程度，最啱我呢啲唔食得辣的人。配了杯白薄荷雙檸，青檸黃檸加薄荷的梳打水，味道清甜的，幫助我解下辣道😛。#譚仔三哥,#乍醬烤四季豆,#口水三素,#萄萄烏龍茶,#白薄荷雙檸梳打,#香港美食,#hkfoodie,#foodiehk

譚仔米線，相信對香港人來講係一啲都唔陌生㗎啦，而我最起碼一星期都食一次兩次，冇計啦，鬼叫佢又平，又快捷，又多分店咩！由細到大都好鍾意食麻辣10小辣，有一日突然想試吓新口味，就試吓三哥酸辣啦！嘩，真係一食難忘！自此我就以後都食三哥酸辣啦！不過個湯底都幾油，唔適合減肥人士

黎三哥點可以唔叫胡辣食呢，次次黎都會叫一個過橋米線再加埋土匪雞翼，簡直係絕配😋😋😋😋新出左蒜燒茄子同埋香烤芝脆豆腐餅，不過個人認為豆腐餅真係好普通。仲叫左香桃乳酸，呢個唔錯，可試吓！

外賣質素麻麻地💛譚仔三哥米線推介指數: 💛一直都係譚仔米線嘅fans，有時食lunch諗唔到食咩都會食譚仔！點知今日真係有少少失望💔可能因為外賣嘅關係，所以真係麻麻地💛雞肉炸醬牛丸五少辣整體來講呢度嘅米線外賣嘅關係所以整到非常乾身，就算浸埋落個湯度之後都係好似爛晒咁！而且嗌外賣嘅時候份量比堂食少好多！同埋啲堂都少咗好多，所以加埋米線落去嘅時候會唔係好足夠💔

今日就去咗旺角樓上間譚仔三哥食米線 間店好多人 收工食晚飯時間要排大約十幾分鐘 呢間分店好明顯唔夠服務員 落單叫完野食都要等好耐 二十分鐘 食物方面 就叫左一碗糊辣十小辣豬紅乍醬 十小辣上到嚟非常之辣 唔講以為叫左小辣 豬紅就正常 乍醬嘅味道比譚仔雲南米線更加濃 個人覺得呢個幾好味 個土匪雞翼味道唔錯 幾香口 總括來講 呢間分店服務真心麻麻 食物質素就不過不失 幾十蚊價錢來講可以接受 順便一提 佢三哥譚仔出品個土匪雞翼薯片 本人覺得非常難食 味頭極之咸

今日7點幾先走，又落雨，想快快食D野就返去抖下，晏就食得太飽就搵D濕濕地的麵食啦行左陣玩具鋪就去左潮特對面間三哥快食，好彩又係唔駛等位✌️見到menu 有個新餐牌，隔離女士又一坐低即叫呢碗野🧐諗都唔諗即一定食過encore啦，好！跟隊，女王食來食去都係清湯雞肉豆卜🤣咁去得三哥點都叫個土匪雞翼，細得喇今日（3隻）雞肉豆卜正常發揮，女士們健康之選，「炒肥基日」點解同平時唔同咁，煎多一陣熱多少少可好D，平時尖東個間好食D喎到我食的煳麻湯魚爽肚米線（配芥末魚籽雪魚滑豆卜）好長呀個味，我另加$12點左魚片去譚仔平時我食開10小麻辣，我個人喜歡麻多過酸如果食米線的話，煳麻都ok,佢有少少焦香味同少少麻辣感覺不過辣味會減左好多，魚爽肚類似魚標的東西不過呢碗的標係細細粒，但咬落去口感依然有點爽滑，一碗都有7-8粒，加上三粒魚滑豆卜，好特別地佢加左wasabi 帶D攻鼻，食米線有芥末來講又幾有衝擊的感覺，創新丫🤣 只從佢地出過酸菜魚米線我第一次食過佢地的魚片之後，我每次食三哥都會食魚片，好好食，無骨爽脆，正👍「忍」多左杯凍檸茶埋單$122，飽飽返屋企

好鐘意食3哥，見佢出左新既煳麻湯魚爽肚米線，就去左試👅▫️明明餐廳張宣傳照好靚仔好吸引，點解我呢碗變左死水咁😂😂😂😂😂 芥末魚籽鱈魚滑豆卜有wasabi既香味，吾錯😋 但魚爽肚少到可憐，只有4小塊😅 好彩加左雞肉，如果吾係邊夠餸食🤭

嚟得譚仔三哥我通常會點蕃茄小辣牛肉牛丸米線🤩唔知有冇人同我一樣呢？味道水準冇變，都係同一個味道，蕃茄湯底微酸小辣好開胃，配上牛肉牛丸，正！😍😍😍😍😍😍

譚仔三哥一向食物都幾正常，呢間嘅料俾得少，本身叫10小辣，嚟到辣到飛起，仲辣過小辣，職員態度又差，仲要比錯野唔肯認數，排隊又排得耐，從來未試過咁嬲，唔該呢間餐廳嘅經理好好檢討吓，教訓吓員工。