譚仔三哥米線 (新都城中心二期)

營業中

休息中

有時下午茶時間，一個人食乜好呢⁉️ 又唔想食得太飽，見到譚仔三哥推出咗新下午茶餐，$19蚊就可以食到😍啱晒我食少少～又唔想食得太飽嘅人！咖喱魚蛋魚片頭餐🍢只需要$19蚊😳加多$3蚊飲凍檸茶🥤，咖喱味都幾濃下，落埋辣油更加香。飲返杯檸茶，瞬間涼晒。煎蛋烤胡椒酥餅配酸菜胡椒酥餅煎完，口感煙靭，夾住煎蛋，配埋酸菜，味道都幾特別呀。蜜糖燒雞翼 2隻🐔燒雞翼有邊個唔鍾意食❓加咗蜜糖燒到少少燶邊，好香脆。

以往叫過橋米線套餐D料都多，今次叫居然縮晒水，好少餸，好少餸，好少餸，竹笙得果一條又短又薄切切，從來未試過咁樣，以前都好大條好長架，一直都係三哥Fans，太令我失望了

譚仔麻辣湯底真係譚仔先有，係門口就聞到香味，配合米爽米線絕配。好可惜因為環保外賣轉左紙碗，無論味道同耐用度都一般，所以建議大家堂食。餐廳位置係商場，近地鐵站，同一個商場有兩間譚仔，另一間餐廳大細更大。

再比多3次機會佢，都一樣好難食！！！湯底好似滾水咁淡到冇味，米線又勁硬淥唔夠時間，雞肉勁 雪藏味！！！ 炸醬開稀曬好甜！！！ 平價食材唔多講，最緊要個湯底畀以前差咗好多好多，以後唔會再幫襯

今次經過譚仔門口，個姐姐走出黎話有下午茶套餐，最後揀左「迷你雙餸米線」，埋單$46嗌左個雙餸米線，揀左肺肉同雞肉，腩肉肥瘦適中，肉質鮮嫩，雞肉滑；再加埋麻辣湯底，唔知點解以前食開既辣度，依家好似辣過之前！米線煮得岩岩好。小食揀左湖南土雞翼，正常操作，肉質緊實，非常入味，必食！！第二款小食揀左蒜泥白肉味道幾好，但得四片，相對薄身，對比下雞翼會抵食啲！！最重要嘅係，譚仔竟然有服務🤣🤣🤣有位員工態度超好，驚我唔識落單，主動過黎教我落單。我表示驚訝！

今日用網上外賣平台叫野食雞肉清湯米線夠膽一碗野真係數得出得3件雞肉縮水餸都唔好咁肉酸啦做臭個牌頭呀？打電話去唔聽電話真係好燥個下…..麻煩店員睇到做返好個市呀！如果唔係打開個兜睇完真係X出嚟

譚仔同三哥開到周圍都係， 今日適逢8號風球，再加上Green Monday，咁就一於叫返碗酸菜米線，啲酸菜多到好似唔使錢咁，仲可以加$10要一個植物乍醬。唔夠嘅仲可以，叫一份蒜燒茄子，蒜油超惹味。Green Monday就係咁簡單。

經過譚仔三哥 見到佢poster出左新野 -三酸撈薯粉- 所以諗住外賣翻去試吓 😆淨麵底就係$33 咁我就加左兩個餸 墨魚丸($5)同豬肉($6) total $45 一打開份量唔多 薯粉都好煙韌有咬感 但個撈汁我略嫌太多油 感覺好肥膩 味道係正常既 酸酸辣辣 開胃的 不過俾我揀我都係鍾意麻辣湯底 因為咁食唔夠熱

最近譚仔三哥又賣廣告，見個封面廣告好似幾吸引就想試吓，新嘅湯底叫煳椒肉骨湯。整體味道偏清淡，冇真嘅肉骨湯嘅味道咁濃，試完覺得有啲少少伏。（煳椒肉骨茶豬膶米線配老油條👆🏻）

之前講咗好耐話想試吓譚仔三哥嘅「菜底」，一直未有機會，咁啱今日唔係好肚餓就試吓轉吓。（米線轉菜底要加$3）之後我揀咗京白菜底配番茄湯四小辣，一開始我以為會好多菜啦，點知一羹落去全部都係湯，基本上八成係湯半成係配料同肉，剩低嘅一成先係菜。老實講加咗$3，其實個人期待係真係想食多啲菜，唔食米線咁多澱粉質，點知最後係食咗一肚嘅寂寞。（👆🏻食晒所有嘢剩低啲湯）個人建議如果想減肥嘅話，寧願嗌碟菜同小食會開心啲同滿足啲，雖然唔知道係固定份量定係咁啱俾得份量少啦，不過我就唔會再嗌啦。其他嘢係冇問題嘅，因為我都幾鍾意食譚仔三哥，基本係上都係成日食，希望佢遲啲會改良下啦。

Lunch Time 同同事食三哥，見到譚仔三哥新推出砂砂湯肥牛鹿茸米線，就好想試～因為平時砂砂湯只有部分分店有得食，所以為咗止住想食嘅慾望，所以貴啲都照食！！落咗三小辣，辣度啱啱好，夠曬Jeng～

我諗好多人都有食過佢哋嘅米線啦，唔知道你哋食佢哋嘅米線會嗌啲咩湯底呢。😂我今日就食咗佢哋嘅酸辣湯底，順便要咗土匪雞翼！佢哋咁多款嘅雞翼我最鍾意嘅就係土匪雞翼啦！因為夠香又惹味！不過今次我就係嗌外賣嘅，所以等嘅時間都等得耐咗，拎到返屋企嘅時候溫度唔係好足夠，所以我另外將土匪雞翼放入焗爐度加熱左，好彩最後都算係好味，或者下次要堂食？😅酸辣嘅湯底酸酸辣辣好開胃，我平時都好鍾意食酸酸辣辣嘅湯底啊。😜

12月16日同朋友一起去食三哥晚餐，我哋三個都不約而同叫咗胡辣湯底叫咗一個大土匪雞翼一個細嘅蒜泥白肉，同埋一個尖椒皮蛋！一直都覺得三哥嘅胡辣湯底係做得十分之出色,米線分量有足夠,食完之後十分之滿足！

琴日去三哥食米線，叫咗番茄湯五少辣加炸醬，蕃茄湯加辣唔錯㗎，酸酸辣辣，米線口感適中，炸醬真係好食過譚仔好多，另外有叫麻辣涼拌汁皮蛋，下次應該會叫返尖椒，因為呢個好多辣又唔係好食到涼拌汁嘅味道。

仲記得細細個嗰時，每次行過「譚仔」，都會感覺到一陣莫名其妙嘅怪味😅 人大咗，性格會變… 估唔到就連口味都變埋😉 每個星期我都會比一日 #MeTime 自己，做吓Facial、整吓指甲、食啲平時好少食嘅嘢😉 呢日心癮又起，我又去咗幫襯「譚仔三哥」😆食佢哋嘅 #麻辣腩肉米線，咁當然 #土匪雞翼 一定唔少得啦🤤新都城店係新開嘅，咁啱我去到嘅時候又唔係飯市，好彩唔使排長龍✌🏻 平時落咗單之後，閑閑哋都要等15至20分鐘先至有嘢食，呢日出奇地快🥳 講真每間「譚仔」嘅食物味道都係差唔多，不過佢哋控制得湯底個熱度非常好，或者係我個人口味嘅關係，硬係要食到流晒汗先至夠滋味🤤 食埋幾隻雞翼落肚… 好滿足！