譚仔三哥米線 (金禧花園)

營業中

休息中

因為之前有一排食譚仔好鹹，我已經好耐冇食，但今次見佢出咗新野鴨血豆卜米線 因為本人非常鍾意食鴨血，所以今次試吓！佢仲有水煮湯底俾你揀，今次試吓小辣先面頭係有浸油，不過唔係好厚可接受！個水煮湯底都幾香，略咸，不過今次食完冇麻辣湯底咁口渴！而鴨血都嫩滑彈牙，唔會一夾就散，都幾好有驚喜豆卜索晒啲汁，好正個湯底配料有芹菜，如果唔鍾意嘅記得要走咗去口水三素 係朋友介紹話幾好食個汁香香辣辣，材料有豆卜，冬菇，雲耳三款都似好索味既材料，有淋又有爽口口感豐富

經歷提早下班，晚上外賣的日子，不知還有多少天。今晚的主角選了譚仔三哥，想來點酸辣口味。有不少小食半價，個見是行貨，就免了。推出一段日子，但心繫酸辣粉，留給下一次。連鎖店所做的防疫工作。老實說員工有沒有跟足是未必，但食客至少能放心一點。選了過橋，酸辣米綫。湯分上，外賣盒設計得好。當然羊毛出自羊身上，設計費都反映到價格上。肉醬酸菜分上。肉醬普普通通，大路味道，肉有點鞋，酸菜也是。其他餸就一兜過。牛肉，雞肉，豬肉都是水煮淡味，豬膶是鞋又薄。豆卜，魚蛋，腐皮，墨丸火腿等都是交貨，佐料還有芽菜，雪菜，唯一亮點還是湯頭，酸辣口味，湯底有下料煲過，量多，煮多個麵都夠。又加了細土匪。質素下降，燒唔香，更似預先燒好，微波爐翻熱。整體而言，同樣情況我也光顧過新翠邨譚仔，後者質素更好。除了坐得舒服，還是更應支持小店。

一路都有幫趁開三哥，第一次係成個晚餐都覺得好差，好失望新出疑似嗽沙湯米線，由於喺香港中過太多伏既關係，對佢冇期望，留待有緣再試$52傳說中既花膠雞米線見到個樣...心感不妙...老老實實，個湯底真心咸，雖然唔知係咪當晚師傅重手咗，雞肉似係蒸熟再擺入去，係滑雞，有一舊肉中間仲有少少粉紅色...花膠睇落係黃咗啲，樣都似既，不過食落係水魷質地仲有腥味$23鹽香小豬件3件豬扒仔，有一舊係骨，普通煎豬扒加黑芝蔴，味道一般，唔值得一試唔平既價錢，完全冇諗過試2樣新嘢都係伏既下次都係食番普通嘢

同鄰桌完全沒有相隔1.5米，完全起不了隔離之果效。本來抱著期望來支持三哥，點知服務態度震驚十三億萬人口。餐牌可說是一目了然。老實講句本來對譚仔三哥啲口音唔正既阿姐一直都無期望，點知今次幫襯直頭大失所望！係，碗米線係好食，咁多年嚟都keep到水準，係令人滿意嘅！無論係清湯定各方面的辣都整得相當出色！野食唔多介紹，因為基本上所有都好食😋只係服務態度差到離譜，令人反胃！今次啲阿姨係出面作威作福咁款，睇見就扯火！

星期日既晚上，想食辣野，就黎左譚仔三哥。今日真係好多人，等位，等落單，等野食，都比平時等得耐，好彩今日唔趕時間。我地叫左雞肉魚腐糊辣湯底，好似未食過呢個湯底，湯底幾香濃，有啲黑芝麻味既感覺，雞肉同魚腐就一如以往好好味，如果大家諗唔到食咩餸既話，雞肉係必食！我就食番平時食開既雞肉竹笙十小辣米線，辣度剛剛好。因為之前試過米線唔夠淋，所以我通常都會叫米淋啲，但就要預左等多幾分鐘。尖椒皮蛋係我地其中一樣鐘意既小食，好香微微辣岩岩好，必食！飲品見到有新野就試下啦～葡萄烏龍茶，酸酸甜甜都幾好飲。

等左幾個月大圍譚仔三哥米線🍜終於開返啦啦，我作為一個忠實粉絲架要去朝聖下啦，新舖在以前大家樂位於，感覺比前舖好似大DD,好開心🥳又見返d熟悉面孔，咁都有d新面孔，我今日就叫左墨丸豬肉酸辣米線🍜，而麥生架叫佢最愛腩肉雞肉麻辣米線🍜，我地再叫左果大蒜泥白肉墨丸都係咁爽同好味，湯🥣底都keep 到以前的水準，佢最正的係將蒜泥撈埋D米線🍜一併食真係正到爆，略嫌白肉切得太薄，如果厚返少少就更加very good😋😋

早一排，三哥又新嘢，一於試吓點先。⁣⁣😗⁣⁣煳辣豬肚米線配雞肉（$39）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個湯底除咗要跟一個配料之外，本身就會default跟埋豬肚。💁🏻‍♂ 呢個煳辣同平時嘅麻辣都好大分別。😆 一嚟到已經聞到一陣焦香嘅味道，因為煳嘅意思正正就係焦燶。🔥 （其實並唔關胡椒事😂） 其實係將接近炒焦嘅香料立即放入湯煮滾去分解出焦香嘅味道。😛 呢個idea更加係源自煲仔飯嘅飯焦添。🧐 配上爽滑嘅豬肚真係好夾。👍🏻 如果食厭咗麻辣，真係推薦試下呢個咁獨特嘅新湯底。⁣⁣🙌🏻⁣⁣荔枝特飲（+$10）［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣除咗新湯底之外，更有兩款新特飲。🍹 荔枝特飲甜甜地咁樣，好解辣。🥵 而且仲有原粒荔枝，可以食埋佢。⁣😋⁣