影片
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
冇咩想食，於是求其入咗一間還有座位的餐廳（譚仔三哥），如果有譚仔app可使用QR code，否則就需要人手落單！睇咗一輪，我就叫咗一份下午茶香蒜汁雙拼撈油麵再加一份小食煎蛋胡椒酥餅我就選擇咗白肉拼蜜糖雞翼，雞翼有兩隻都大隻、食落去甜甜地、有啲肉汁係幾好食白肉就比較一般切得太薄，冇咩口感！不過連埋本身D香蒜汁一齊食都惹味！煎蛋胡椒酥餅表皮煙靭帶有少少酥皮食落鹹香連埋酸菜一齊食酸中帶鹹別一番味道有時下午茶想簡單食個下午茶，譚仔可以成為其中一種選擇
繼續閱讀
朋友住呢頭附近，平時同佢去開佢屋企嘅時候都會喺附近食譚仔，而今次就係下午茶嘅時段，所以呢係非常之開心，因為我係非常之鍾意去食佢嗰個下午茶嘅餐嘅。而呢佢最近下午茶嘅餐呢都加咗土匪雞翼，所以呢係更加多選擇嘅。下午茶餐我會食兩餸米線，佢一定要指定嘅餸，而我自己就冇乜特別喜好，所以我係會叫兩份雞肉嘅，另外辣到呢我自己就食開10小辣。佢每一間分店其實嘅辣度都有少少唔同，而呢一間辣度就唔會話太過辣，但係個麻嘅感覺都幾重，我自己都好鍾意。
繼續閱讀
三哥x TysonYoshi 還我鴨血😂水煮湯鴨血番黎喇 之前食完一試難忘強烈建議加落長期menu🥹三哥水煮湯老油條鴨血米線今次配埋油炸鬼既新食法 有種食響鈴既感覺蒜香雞翼尖 / 蒜辣雞翼尖係蒜泥白肉既汁😚超級多蒜鴛鴦哈蜜瓜爆珠梳打哈密瓜味好重 唔似飲藥水咁 三哥啲特飲呢期都好出色香醋芝士鮮原茄呢個配搭好有驚喜😍原來蕃茄點醋係咁好食仲有新推出既三款米線配料油揚、京白菜、鵪鶉蛋 大家又有多啲配料嘅選擇喇 呢三款配水煮湯都好夾
繼續閱讀
有時都係貪方便就會食譚仔，話晒一落街就買到。我食嚟食去其實都係嗰幾個餸，湯底通常都係揀清湯，因為腸胃不好。不過我發現愈食愈覺得重味精，我已經冇特登飲個湯底，但食完成碗米線好鬼口乾，一杯嘢飲真係唔夠，仲要飲好多水先好返啲。
繼續閱讀
話說我係打電話落去叫外賣自取的，講得非常清楚，兩碗米線都係兩個餸兩個都係辣湯底再加一個小食，佢叫我十分鐘就拎得。十分鐘後落到去再等左差不多二十分鐘，拎外賣既時候發覺少左個小食，好彩小食好快搞掂⋯⋯反到屋企打開外賣啲野錯晒，明明兩碗都係辣，而家就一碗辣一碗唔辣，明明兩碗都係兩個餸，但有一碗得一個餸，但張單係寫兩個餸😑😑錢就比左，但就唔齊野，我都費時再落去換啦😑😑但我五會再幫襯囉👎👎👎👎
繼續閱讀