誠聚坊

成班人打完波附近搵嘢食去到二陂坊附近見到有一間個招牌幻彩詠香江咁，新開嘅店入邊個收銀又幾靚女（目測00後🫢）咁就入去試一試！叫咗個薑蔥雞煲，真係值得一試！仲有個肉碎蒸水蛋送飯一流！仲有仲有個魚香茄子煲真係又係好出色！仲有個聖子同蜆都係新鮮嘅冇腥味同雪藏味！蝦加米粉底嗰個就正常發揮啦！人均先百零蚊食10幾個菜，真係抵到喊！大家見冇咩做經開嘅可以一試真心推介！成班人打完波附近搵嘢食去到二陂坊附近見到有一間個招牌幻彩詠香江咁，入邊個收銀又幾靚女咁就入去試一試！…查看更多

新開張大排檔，冇花巧裝修，但食物質素搭夠！全部即叫即炒，鑊氣十足，價錢親民。雖然忙到騰騰轉，但笑容好好👍鮑魚好新鮮，雖然豉油就偏淡，但果皮都帶出鮑魚鮮味。蒜香雞翼炸到卜卜脆好味。薑蔥蠔煲大大粒超鮮味。…查看更多

新開張，樓下係卡位，樓上又有圍枱，餸菜款式都算夠多啦，食咗幾樣，樣樣都夠鑊氣，又夠大份；整咗幾支啤酒，食得好開心。因為有細路哥，廚師特登煮得清清地又夠鮮味。其他嗰啲酸嘅夠酸，辣嘅夠辣，今次幫襯完之後會再去。第一味蒸咗條石斑，夠晒新鮮，豉油另上，啱細路哥。第二味係牛柳粒，青椒夠新鮮，牛柳粒份量夠晒多，炒起上嚟好開胃。第三味魚香茄子，茄子好新鮮，一啲都冇腍晒；魚香就鹹淡適中，送飯一流。仲整咗隻乳鴿，不過冇影相，因為太好食，食晒先記起。最後口痕，整多碟蟶子，啲聖子肥到抽筋，非常新鮮，冇得彈。望到隔籬枱整咗隻鵝，好鬼大碟，半份夠五六個人食，冇得頂，下次要試吓。…查看更多

經過見到新開一間茶餐廳大排檔，問咗老細咩係招牌菜佢極力推薦客家碌鵝，嗌咗嚟試，幾入味！其他小炒野食夠味，有鑊氣！😋不過冇水吧，得汽水囉暫時🤨始終係新開嘅，暫時環境衛生乾淨！👍🏻👍🏻👍🏻…查看更多