許願樹美食 (已搬遷) 新店位置

許願樹原來巳在長沙灣八年了，幫襯已久，真心好食！原來已經有3間分店，長沙灣係原祖鋪。特別好味係海鮮，好新鮮！真心推介: 海鮮類，魚類，花之丸，牛舌，蒜蓉豆腐等。其實原來秘密係，好味嘅食物，都已經貼上牆。反而有驚喜係任食party. 不過我都係喜歡單點。食完好滿足。環境: 室內: 光線充足，坐得舒服。可選擇坐外或内。外面雖然係街邊，但好處係可吸煙，同朋友吹吹水，好有feel. 係放工聚腳同朋友relex嘅好地方。

中午飯時間行過好香, 好多學生食. 但店舖好細小.試過一次, 燒雞扒飯, 雞扒好大塊, 好香, 好有BBQ感覺, 但係電爐燒烤。飯係盅頭蒸飯, 拌上已煮既薯仔絲,加埋枱上既甜豉油, 盅頭飯就變得好好味.個人覺得坐小食店, 35蚊中午一個飯無野飲, 唔算係平.... 囉~有機會想食BBQ既午飯時, 可以再幫襯既！

最近搬到附近，路過燒烤味是很香的，終於有晚深夜肚餓，落樓試下!價錢，老實說，絕對唔係平，一個人閒閒地要食飽分分鐘要起碼300元! 計酒水!環境，真係坐街邊，老鼠曱甴就分分鐘在路邊走過! 今次仲親眼見一隻小老鼠入了客人坐的鋪面，被一隻貓捉住!講番d燒烤，路過臭到同親身去食，真是天與地! 路過很香，但當您真係點左燒烤，燒好在你面前，肉質真係好差! 完全失去燒烤味!失敗!總之，試一次，包你無回頭! 因為當你賣單時，你會覺得好唔抵又難食!

放媽媽牙痕痕想食香口野， 落街食呢間串燒店就最好不過。 開到凌晨，幾時想食都得！ 咁夜食真係好邪惡，勁肥呀～不過就真係幾好食❤️ 特別個冬菇好juicy，真係估唔到! 第一次食燒冬菇原來咁好食～～雞腎同雞軟骨都好有咬口，但墊底既韮菜就油左啲喇～雞全翼 $15雞軟骨 $12雞腎 $12燒冬菇 $12韮菜 $12想食D飯落肚，就叫左個鳳爪排骨飯($25) 味道正正常常，冇咩特別，都係中意食串燒多D 餐牌

朋友冇介紹錯，食物平靚正！餐店係走平民化，簡單、細、無咩靚裝修。不過總算是叫做乾企理，連我有啲啲潔癖嘅 都接受到。朋友第一次帶我去食依間，我哋10pm 開始食，keep住有人嚟有人走，就算我哋食到11:30pm走嗰陣， 仍然有新食客一行6人入去坐低食，keep住有8成半人食緊嘢。唔係Starbucks ,老麥 嗰隻淨坐齋吹，而係 堅 食 緊 嘢。所以 可想而知，正常食飯時間一定係爆棚的。我諗多人去食（多過4人），最好還是先打去訂位置。目測大部份都係2-4人枱，得一張比較大啲。不過，佢哋啲枱櫈 全部都可以調動的。所以 安排好啲 應該再多啲人都無問題。講返食物推介，一定要食嘅有太多。重點推介（如圖）一定會推薦俾朋友，一定會再同朋友去食過！

海鲜新鲜，肉串也烤的火候很巧妙！还会再来！一起来的朋友们也吃的很开心，点了元贝，带子，圣子，烤生蚝，还有牛肉粒的烤串，茄子，烧豆腐，金针菇肥牛，样样都好吃，连饮料都变得格外好喝！

同朋友出黎宵夜都係食串燒多，而長沙灣較就腳，而且都比較多串燒店揀，其中許願樹非常好!睇到佢menu已經覺得神奇，普通既茄子，司華力腸個啲唔講，又有蝦又有魚又有海鮮，而且有埋炒麵，盅頭飯同燒賣點心!!真係仲勁過出奇蛋，可以滿足你好多既願望，邊個夠你多元化??店員只有3-4個，但呢度非常忙，又堂食又外賣，成日都做唔切不過佢地出菜都算好快，5-10分鐘一燒好就上，所以食物都仲係新鮮熱辣，唔會有放耐左，或者hea燒燒得唔夠熱既情況。我最常食茄子，鴨胸，司華力腸，牛肉，牛舌，春蛋燒賣，鳳爪排骨飯!!呢度既茄子較大條，而蒜蓉醬較得好味，香濃蒜味之館咸度適中，配茄子一流。而食燒茄子我唔怕污糟鍾意食埋皮!呢到唔到燒都皮都又乾又燶，但入邊既茄肉都熟哂!熟食類: 鴨胸脂肪較薄唔太肥。司華力腸一定係碎上唔會淨係幾下方便佢地自己燒熟而肉類醃得好，味道剛好唔會太淡:牛肉有咬口重牛味牛舌夠爽點心飯類較有驚喜，呢度既然仲有鵪春蛋燒賣個鵪春可能已經無靚貨源，食落蛋香唔夠，但燒賣皮好靚，蒸出黎唔會溶溶爛爛夠煙韌。而個飯算唔錯，足材飯靚，可惜既係多油，食落較油膩。美中不足真係地方細，堂食多人既話真係比較逼，雖然會開埋街

搬家後都很少到這邊晚餐了，這晚早放工，於是便跟寶寶走來熟悉的街道到，到許願樹食久違了的串燒。一如以往，我點了雞扒飯，而寶寶則點了章魚肉餅飯。雞扒依然燒得出色，香脆的雞皮下是柔軟的雞肉，加點辣粉，雞肉燒入味而且Juicy。飯粒依然是我偏好的那一種，乾身且偏硬，很有咬口。章魚肉餅飯中肉餅份量不少，彈牙的肉餅加上爽口的章魚粒，食落有層次感。由於不算十分肚餓，於是只點了娃娃菜及茄子串燒。茄子很大一條，上面舖滿了稍辣的肉醬，茄子肉燒得很軟，忍不住一口接一口的把它吃清光。娃娃菜加上一點辣粉，特別惹味。許願樹的串燒其實水準都不錯，不過串燒都得實在太油膩了，久不久食一次都覺得滿足。

非常近我公司的一間串燒店，亦幫襯了幾次，本身都係朋友牛丸玲介紹我食的，仲要朋友一講起，第二pair人立刻和議話食物質素好，就一大班人走了去食消夜，今晚又來了，覺得食物都保持到水準，所以介紹給大家。來到呢度，燒茄子一定不能錯過，燒到茄肉軟淋淋而且超級多蒜蓉鋪面，食到辣的可以加小小辣，又香又軟又滑！好味到我同男友都人要食一條！不過相信食完超級增塝，因為肯定要加好多油先做到呢個效果！男友鍾意食呢度嘅雞扒飯，因為覺得雞扒夠嫩，而且飯夠香，價錢又公道，大大塊嫩雞扒才28蚊，不過份量略小，單點恐怕不夠、夾住串燒食會啱啱好。至於我的最愛就是煎釀三寶了！有茄子，有尖椒，有豆腐。款式跟平常見到的分別不太，可是樣子大不同，製作較精緻之餘，味道亦較鮮，因為是即叫即炸，唔會炸完翻炸咁油溢味，而且有些醬汁，食落juicy啲！金菇牛肉卷都是不錯之選，金菇夠淋，牛肉燒到啱啱好，熟而不老，加了小小七味麻辣粉，好嘢味！翠玉瓜都是我串燒熱選，燒到保持到肉汁是最好不過！這裡都真不錯，夠味夠汁夠脆~牛舌有小小羶，不過算有咬口，加上幾香口，都可以一試。這裡的燒羊架處理得幾好，可選擇原隻或碎上，通常我鍾意碎上因為肉會燒得較熟，但

因為食物味道好，價錢不算貴，許願樹差不多變成我和寶寶的飯堂，幾乎每個星期也光顧1,2次。可惜在我打算寫食評的這一次，我竟然中了伏。寶寶一如平日點了章魚肉餅飯($22)，份量不少，很抵食的一個蒸飯。我很喜歡這裡的飯，因為它的米飯都煮得很硬，很乎合我的個人口味。肉餅的味道很好，材料也很足，不過就是做得不夠彈牙，讓這裡扣了一點分。平時一般我會點雞扒飯，但這次突然心血來潮，想試一下咖喱豬扒飯($28)，誰不知就出事了。單看顏色已經覺得咖喱很淡很稀，試一口才發現原來整個咖喱是完全沒有味道的，只有奇怪的甜味。而且豬扒很韌很鞋，整個飯我才沒有食幾多口我就放棄了。本身我對食是完全不挑剔的，但這個咖喱飯是真的要用難食來形容，如果這一餐我只點這個咖喱豬扒飯，那麼哭臉是走不了的。其實2個飯的份量都夠飽，不過我和寶寶都總是忍不住再多點幾串串燒的。必點的是這個茄子($20)，很大的一條茄子，上面舖滿很多蒜蓉和肉醬，很JUICY的。然後這個煙肉燒蠔也是貪新鮮試的($28)。很一般，$28才有小小的2隻，而且沒有什麼味道，也燒得有點老，所以不會再有下次。台灣黑椒腸($10)和雞中翼(2隻/$10)。這2款串燒都是平

其實都已經食左好耐，但今日先第一次寫食評，呢間舖外賣麻麻地，不過比起唔少高級串燒舖頭仲好食。講環境叫乾淨，都唔算太迫。不過最多只適合 4 人左右，太多人就會好迫喇。串燒種類都唔少，最特別係好多野都同出面比既唔同。好似牛有安格斯牛扒，第一次睇價錢覺得貴，但原來黎到都幾大份，四個人分剛剛好，肉汁都留返係入面，咬開好香好好食。之前黎過幾次都無叫過燒燒賣，因為 19 蚊好似唔多抵，但上次無聊叫左串，原來唔係一般常見既魚肉燒賣，而係酒樓個種自製燒賣，蒸好再燒出黎，超正超好食！另外秋刀魚都唔錯，開邊燒上黎，香口可以連骨食，整體黎講值得一試再試。

Probably the best local skewer specialist in town, it’s amazing how diversified a cooked food stall like this one can get. The setup might not be much, to be honest, it made me wonder if their skewers are any good, but it turned out that the food was worth every penny. Angus Beef, chicken, lamb, Squid, foie gras (on toast)……you name it. They even got fresh hokkigai, scallop, king prawn, geoduck and all sorts of seafood, at reasonable price no less!One of my fave is their Shumai skewer, my friend

竹戰完有少少斬獲, 宵夜醫肚先! 同其中一隻"腳"去到許願樹, 去過就會知道這裡燒串燒的系統很完善, 超讚! 其實都有一段時間無黎喇, 原來響另一邊多左堂食的位! 當然是沒有什麼裝潢, 不過好味的話集中火力在食物就可以! 檯面有落單紙, 寫下數量及辣度再遞出去就可以, 除了串燒, 還有點心選擇! 我最鍾意就是這茄子, 超推介! SHARE 已經滿足不到, 要一人一條才夠霸氣! 燒茄子 HK$18 -- 秘製的蒜蓉肉醬絕對是許願樹的王牌, 而且絕不手軟, 次次都是滿佈茄子面的, 燒完仍然很JUICY, 好惹味!牛油金菇 HK$10 -- 牛油味好香, 加上味粉辣粉一齊燒, 而且不會燒到很乾~正! 炭燒雞扒 HK$18 -- 好大件的雞扒, 雖然有少少燶, 但食落仍然啖啖肉, 雞肉仍然很嫩!雞腎 HK$10 -- 同樣是加味粉辣粉一齊燒, 外面燒到少少脆, 好爽口, 不會韌! 真的很有技巧~麻辣燒雞皮 -- 第一次挑戰, 都幾辣, 雞皮燒到完全無肥膏, 好脆口! 食完都不算很罪疚 (笑)蒜蓉燒豆腐 HK$16 -- 我記得以前好似沒有豆腐的, 當然亦是因為蒜蓉肉醬而試試, 豆腐燒得外脆內軟

在香港，串燒可以很極端，由十元八塊的街頭小吃到動輒數百元一位的日式串燒皆有。當然，兩者用料、質素、火喉各方面均不可同日而語，唯一共通點是串燒的獨特風味。近日發現長沙灣開設了一家新店，店面裝潢並不起眼，初時還以為只是賣煎釀三寶式小食，細閱餐單後才發現原來別有洞天 (Θ０Θ)當然一般雞、羊、牛、丸、腎等串燒齊備，就連金菇肥牛卷、煙肉鴨胸、羊架、臘腸(！！！)、鵝肝、元貝、象拔蚌等海鮮亦不缺；最神奇的是連安格斯牛扒也有提供，開玩笑問老闆是否正貨，老闆拍心口保證。不過第一次光顧，還是先點些普通的淺嚐，試過有一定水準再決定下次要不要來一客安格斯吧！畢竟安格斯牛扒是餐牌上最貴一項（盛惠＄９８／１０安士），萬一師傅手勢欠佳豈非浪費？老闆很有善，也沒有硬銷高檔的安格斯和海鮮，反而極力推介自家製的燒賣。見老闆盛意拳拳便點了一客，果然不得了！有別一般小食店採用魚蓉燒賣，店家自製的香菇豬肉燒賣更像平常在酒樓吃到的，不過少了肥膏多點豬肉，更富質感有咬口，且皮燒得極香脆可口，但吃不得辣的朋友就要緊記"走辣"，不然那些辣粉也有夠嗆鼻的。燒粟米頗香甜，師傅很有心，我和朋友開玩笑說可否要一條燒焦、一條普通的他也真的照

好久沒回到長沙灣，上星期係長沙灣室內運動場打完波，係 Openrice 見到長沙灣有間叫許願樹專食串沖燒，個價又唔貴決定一試。去到睇門面真係好係好細，仲好似成間舖都係用黎做廚房，仲以為要係門口企係度食，燒緊野食個哥仔指指旁邊原來有間舖專比人坐，入到去全部方台，坐得都叫舒服啦。大部分串燒個價都係 10 -18 左右，所以一行 6 人都叫左好多野食。其中包括茄子、炭燒雞扒、栗米、秋刀魚、安格斯牛扒、燒燒賣，最後加左個落單個陣個姐姐介紹既燒北寄貝，其他好標準既菜色我就唔寫啦，但絕大部分都已經比我地叫左，而且全部都唔錯，燒得好夠火侯。講返幾樣心水選擇：安格斯牛扒：最初覺得好貴！98 蚊食串燒，但行入去個陣見到佢解凍緊個塊扒決定一下，睇相就知超好食，由於同行有人怕生，所以叫左 5 成熟，但都好好食。完全唔覺得有比野拿過，雖然貴但可說是物超所值。秋刀魚：怕骨都唔怕食之選，中間切開再起骨燒，唔單止易食，而且仲燒得好好味，因為平燒夠均勻，唔似成條燒中間有時會有燒得唔夠乾身個種感覺，我怕骨多平時唔食秋刀魚，但黎呢度就唔怕，我地即時叫多條，因為比我食左半條，哈哈～炭燒雞扒：雞皮燒得好脆，少少辣，雞肉無雪味