許祥順食店

營業中

休息中

好多年無返嚟元朗食嘢，今日嚟咗食車仔麵，呢間車仔麵元朗人大都知道，元朗人一段認為係元朗劣食之一，我個人要求唔算高，今日專登去食，佢最出名係抵食，你可以叫大中細碗，以我今日為例叫咗大碗，係有11樣餸，亦可以選擇要少幾樣餸，啱晒我乜都想食嘅人。大碗油麵，油麵麵質正常，湯底好濃有啲咸，但係唔知咩味，唔算難食，似係好多種調味料溝埋一齊咁，配料方面雲吞係菜肉雲吞自家製味道唔錯，其他配料就中規中矩，唔可以話難食，但就一定唔係好食。一點要留意，大大碗麵有11樣餸只係$35-蚊，我覺得性價比超級高，要食好好食嘅車仔麵，呢間唔啱你，要平平地過吓車仔麵癮，絕對醫飽肚。

食評 ✨許祥順食店✨今日自己去元朗食下午茶，點咗許祥順食店出名嘅大碗什錦河粉配熱奶茶，價錢抵到笑，味道仲超級滿意！大碗什錦河粉 ($32) ⭐⭐⭐⭐⭐河粉滑溜但唔會散，吸晒湯底嘅香濃味道，真係正！重點係入面嘅配料：豬紅嫩滑，冇一絲腥味，豬皮又腍又入味，充滿膠原蛋白嘅幸福感。仲有豬大腸，處理得乾淨，食落爽口彈牙，超加分！蘿蔔吸晒湯底精華，綿中帶甜，搭配湯底濃香而不膩，味道恰到好處，飲幾啖湯都好舒服。呢碗河粉真係物超所值。熱奶茶（下午茶送）⭐⭐⭐⭐奶茶係地道港式水準，茶味香濃，奶滑得嚟夠熱，飲落去暖笠笠。濃度啱啱好，解膩又舒心，送嘅飲品能保持住咁高水準，絕對係加分位。總結：呢碗什錦河粉真係超高性價比！$32 可以食到咁豐富嘅配料同滑溜嘅河粉，仲有附送嘅奶茶，絕對滿足晒味蕾同肚子。豬紅、豬皮同豬大腸嘅處理都好有水準，湯底香濃得嚟味道平衡，真心推介俾鐘意地道港式茶餐嘅朋友！食品評分：⭐⭐⭐⭐⭐（5/5）總體評分：⭐⭐⭐⭐⭐（5/5）元朗下午茶必試，豬紅、豬皮、豬大腸愛好者必來一試！

車仔麵愛好者，應該都會聽講呢間舖頭！最近在「香港車仔麵關注組」討論度好高😅今日經過元朗，順便去食車仔麵！見到網上咁多人討論，我都係第一次試😀睇完餐牌，發現價錢好抵食😍😍可以自選一至五個餸，而且可以揀全餐！即係一碗已經包含晒所有配餸👍🏻可以自選辣度，湯底正常，沒有覺得很驚艷😀我最後揀選$32大碗，另加四個餸！我選的四個餸是豬腸，豬紅，蘿蔔，紅腸😌🔹豬腸入味，容易咬開，份量都OK，沒有因為價錢平，就隨便比兩三件😅應該有六至八件！🔹豬紅亦都很入味，份量合理！🔹蘿蔔比較硬！個人喜歡食比較淋🔹紅腸比較差，可能煮得太耐的關係，肉質一放入口散晒🥲總結：價錢真心沒有投訴，但味道沒有很驚艷，不是難吃但也不算很好吃！🆗

中學時代食到而家返工，都好鍾意呢間車仔麵。佢嘅車仔麵有好多餸菜嘅選擇，唔想食麵亦都可以改成菜底，而佢嘅辣亦都好好味。最重要嘅係佢真係好抵食，特別係而家呢個年代，普普通通一個餐都$60/$70，而佢嘅小碗可以揀一至五樣餸，都只係$30，想食份量多啲，可以揀大碗$32，加大碗$34，甚至係全餐$40，也可以揀多啲款嘅餸菜。我自己通常小碗都已經夠食，因為要留肚飲嘢：佢嘅跟餐架凍飲超抵，$15可以飲到紅豆冰、涼粉冰等，仲可以任拼。所以每次來，都一碗油面加一杯涼粉/紅豆冰😊

這間車仔麵已經很久没吃了。連餐廳名字都改了，以前叫許祥昌，現在叫許祥順，但是整體都没有大改變。今天點了細碗油麵，5餸選了: 豬紅，豬腸，魚肉，冬菇，腸仔。其實他們的餸没有什麽特别出色的，都是正常味道。但魚肉跟以往比較，有腥味，不彈牙，不好吃。而冬菇用料，一如以往是用巨形菇，好吃。腸仔可能是浸煮太久了，没什麽味道。油麵的麵質不好，没有一丁點彈，不好吃。他們統一用的都是咖喱汁湯底，偏咸，没有以前那麽好吃了。

📍許祥順食店今次同大家分享呢間係元朗出曬名食平民車仔麵既餐廳‼️賣點係多餸‼️抵食‼️😋加大碗，雜錦 （$34）如果你乜餸都想試下就嗌想要既份量再加個雜字例如「加大雜」✅咁呀姐就會自動幫你每個餸都執一件佢仲有個全餐$40有埋支竹、魚肉、香腸我今次就無嗌全餐因為嗌加大雜都好夠😋呢碗雜錦麵嗌左油麵底餸有豬腸、豬紅、蘿蔔、魚蛋、雲吞、冬菇、鳳爪、豬皮、豆卜、翼尖、紅腸每樣一舊成碗麵都已經好豐富🤣最好食係豬腸‼️係車仔麵名物✅冬菇係驚喜之作厚身入味既蠔油冬菇👍🏻鳳爪就係新奇但又幾夾既餸😆最重要係加咖哩汁‼️呢到食車仔麵係一定要加咖哩汁先代表有食過😆如果重口味人士姐姐仲會問你加唔加甜醬😎咁多餸先賣$34‼️真係無得輸🤣許祥順係元朗平民餐廳之一味道唔講得上好好食但一定係好抵食‼️

1/1新年第一日，食完榮冰室行下行下，朋友話要再食一餐慶祝，所以就搵一間抵食又飽肚的。老友話哩間開左好多年又抵食，最重要吾好介意環境。去到一眼睇曬，環境擠逼，黑麻麻，好在睇落臺面地下都乾淨。好處除左自己叫餸，又可以有一碗8,10,11餸的選擇，咁一次過可以食多幾款。麵底有6種 ，可惜無蕃薯麵。湯底可以選擇辣吾辣。好快就有，筷子好似系系大陸果種消毒箱攞，幾衛生。- 湯底要吾辣但都覺得有小小。- 豬皮，豬紅，豬腸 ，魚蛋，蘿蔔都OK- 雞翼尖太淋- 豆腐卜就比較難食。- 餃子都睇到有細蝦，但整體非常淋，吾好食。

呢間老字號都係我哋住元朗區嘅回憶豬紅依然保持嫩滑，不過啲豬紅味淡咗少少，紅豆涼粉奶茶，好好飲，茶味有少少清淡雜錦非常豐富，可以自己選擇湯底，有滷水汁，有咖喱汁，仲可以自己揀餸自由選擇幾好

📍 許祥順食店🧭元朗擊壤路17號順發大廈地下B號舖人均消費: HKD39之前見到 #許祥順食店 個咖哩汁車仔麵真係好似好得，又去開元朗點都要試吓跟地址係揾唔到間舖，原來係過幾個舖位😅⭐️全餐 $40當我貪心想試多啲就揀咗個全餐$40，阿姨問要唔要大碗，我心諗$40有幾大碗吖，咁就大鑊了，因為真係好L大碗😂😂😂😂😂😂佢一共有14款餸，有豬腸、魚蛋，豬皮、腸仔，枝竹、魚肉、餃子、蘿蔔、豬紅，雞翼尖，豆卜等等！ 坦白講，啲餸真係麻麻哋😂 但個咖哩汁係唔錯，同油麵好夾🆗小碗$30魚蛋腸油麵細碗都$30，你話個全餐係咪好抵😂唔係話推介，但無錢時食佢起碼會飽肚先😂#MFJ元朗 #MFJ港式#mfoodjournal #foodie #hkfoodie #foodblog #hkfoodblog #hkfood #hkcuisine #yuenlong #cartnoodle #相機食先 #元朗美食 #港式 #車仔麵

#許祥順食店今日有機會去元朗做野，一個以前經常去既地方，數吓都有差不多兩年冇去。聞說之前有網友介紹係元朗西巴士站附近有間食 #車仔麵 ，名唔記得，兜咗一轉應該係依度。見佢寫住細碗大碗加大碗好多餸，都係$30起，就決定入去試吓。叫咗大碗油麵咖喱汁，$32。餸真係都幾多，咖喱汁都夠辣，甚至食唔出原本湯既味道。十一樣餸就唔逐樣數啦，個人比較喜歡 #豬腸 同 #蘿蔔 ，味道唔錯，其他就比較一般。油麵都夠多，但唔係我鐘意食果種，個人口味。$32食到碗咁足料既麵係幾抵。阿姐落單時又係順理成章問飲乜，因為真口渴所以叫咗杯凍檸茶，原來要$15😌 抵唔抵就見仁見智。其實呢個多餸政策都幾聰明，一啲好賣一啲唔好賣擺埋一齊，用一個優惠價錢促銷🤪許祥順食店元朗擊壤路17號順發大廈地下B號舖@foodiehck2022 #港飲港食平靚正 #元朗 #午餐

周星馳的食神以試食莫文蔚的嗱喳麵開始，該段對白不但滑稽好笑，仲令我了解到1996年(拍攝年份），一碗廟街嗱喳麵6個送，已經要23蚊。如果轉眼黎到2023年的今日，一個車仔麵8個送，只係30蚊，大家會唔會覺得有時光倒流的感覺？講的就係元朗好出名的車仔麵店［許祥順］。呢間車仔麵店座落響元朗廣場對出的巴士站，店面沒有華麗的裝飾，卻有絡繹不絕的食客。門口係一塊醒目嘅黃色餐牌，寫住該店嘅車仔麵價錢。30蚊8個送32蚊10個送34蚊11個送入到入面，沒有修飾得美輪美奐的餐牌，沒有琳琅滿目的選擇，只有一塊簡單的餐牌貼在牆上的每個角落。我本來係衝住34蚊大大碗黎，怎料入到去仲有個40蚊的全餐，我沒有考慮太多，直接點左個全餐黎試下，加一杯紅豆冰。等緊麵的時候，我好奇地四處張望一下店內，店面唔算大，目測只有30個座位左右，已經有四個店員穿插食客落單同傳菜。由食客同店員的討論的話題：「今日d 豆苗點賣」大概可以估計到好多食客都係熟客。檯面上的醬料都好齊全，有醋，垃圾油，茄汁，甜醬，應有盡有，適合各個人的口味。轉下眼個面就到，見到有啲驚訝，個碗面真係有八吋咁大，好似食譚仔過橋咁。個麵加左d咖喱汁，有少少辣，d

得閒都會諗起想食既車仔麵又讀書開始食到返工 價錢雖然一直加但絕對都仲係平 靚 正👍🏿叫左一個細雜米$28，一個大雜麵$30就算細碗都好多 食咁多次都係叫雜米好方便我呢啲唔想諗又樣樣都想食既人一碗入面有豆卜，豬紅，豬腸，雲吞，魚蛋，蘿蔔，豬皮，魷魚，雞翼尖每樣2-3件 全部都好入味 特別係蘿蔔 又林又甜👍🏿豬腸又乾淨，雞翼尖好林好入味 基本上唔洗用牙咬都食到👍🏿湯低味道濃郁 而且食完一定唔會口乾餐廳既飲品都好有特色 以前經常飲紅豆涼粉冰🤤2個人食都係$58 絕對抵食

改左名？本身叫許祥昌架！.小號車仔麵+凍檸茶（$43）😋是元朗區必食車仔麵店三甲之一。8個餸，唔加飲品其實只係$28。好抵呀！.雜錦包括：魚蛋、豬紅、豬皮、魚腐、蘿蔔、雲吞、豬大腸、雞翼尖。絕對係選擇困難症的救星。配菜好入味，豬皮爽，豬紅質感佳。雞翼尖入口即化，豬大腸好乾淨。.湯底咖喱味濃郁，我都好耐冇試過食麵不加辣油。.飲品其實有其他有趣之選，檸檬茶普通。