角落 (已結業)

是日經過旺角 看見這間開業不久的台灣菜 吃了一個角落牛肉麵 和一個鹽酥雞肉燥飯 加一杯飲品 承惠$144 價錢不是問題 但這個質素真的令人不只失望還有憤怒首先牛肉麵 湯完全無味 牛展略硬並淡而無味 唯一可取就是放了幾顆辣椒 不至於清淡如水肉燥飯更是過份 肉燥過甜 毫無冬菇香味 鹽酥雞預先炸好 上菜時已油光泛濫 然後想喝一杯暖水 拿來的杯滿佈污垢 求其有一個限度 掛台灣之名賣四不像的菜 這個價錢實是不能接受 真的良久沒有吃一頓讓人那麼心心不忿的飯 浪費胃納

名叫角落既餐廳，真係位於角落既位置。細細一間幾有台灣cafe既感覺。叫左一碗台灣牛肉麵及一個滷水拼飯。台灣牛肉麵賣相不錯，但多左條港式菜心破壞哂台灣味，牛肉煮得又軟又淋又夠味，湯底加左辣椒又幾好味，唔會話太辣，麵質軟硬適中，吸收湯既精華。另一個滷水拼飯就認真麻麻，可能本身都幾鐘意食台灣既滷水，期望預大失望越大，一黎到已經覺得成碗飯乾爭爭，滷豆腐雞翼都唔夠入味，應該煮得唔夠耐，可能夜晚先黎食會好D。

係旺角行街行到攰, 就揀依間朗豪坊附近台式餐廳試食. 餐廳裝飾走簡約路線, 店鋪面積不大但客人坐位空間充足. 點餐後出餐速度算快, 服務質素尚可.台式香腸肉燥飯, 香腸味道很正宗, 會令人想起去台灣晚市掃街的回憶. 肉燥飯味道太咸, 比不上台灣的味道.角落豬排飯 配洋蔥汁既然掛上餐廳名字, 想必是信心之作, 可惜跟華安相反, 整個飯的水準只及尋常茶記, 雖不算難食但絕不談上好食, 真心失望滷水拼盤放滿滿一碟, 牛肉片味道濃而煙韌, 是最好味 同是唯一好味的食物, 其實雞翼豆腐只是一般般. 一試無妨.

剛剛在旺角等交完文件 ，就想在附近找個餐廳🍴吃中午飯。行行下，就發現這這間餐廳裝飾特別吸引我 於是 就決定在角落餐廳吃飯。肉操飯賣相吸引，不過味道偏濃味 另外分量適中😘。我最欣賞是珍珠奶茶，珍珠非常彈牙而且甜度適中。總結，本人認為食物可以接受可惜價格偏貴。

走到附近，見裝修相對特別，又有八成人入座，便試試。主打台灣麵＋比高包。我們就點了台灣牛肉麵及一份火腿芝士比高包。比高包是可以選味道的。有原味，提子，洋蔥等，一睇就知係從超市入貨的比高包。等了一陣，麵先來，份量是預期的，買相都可以。試了一口，湯底濃濃的台式味，麵就過稔，牛肉好味，份量都比預期多。售價$60。性價比正常。比高包-失望，純粹街外的比高包＋街外火腿＋街外芝士，唯一加工是烘烤了。此比高包成為$49。完全不值！太冇誠意了！

平時行開都冇留意呢度有間台灣餐廳，近近地就試下啦。環境唔錯，以白色裝飾為主，幾舒服揀咗角落牛肉麵同埋宜蘭蔥肉餡餅飲品方面因為覺得貴，同埋想飲一芳就冇叫到另有晚餐特別推介宜蘭蔥肉餡餅好快就送到以為大大件原來好細件兩啖食得晒太心急一啖咬落去，俾爆出黎嘅肉汁辣親好多汁，食嘅時候小心啲外面脆卜卜，入面鬆軟，沾少少醋食，唔錯跟住牛肉麵都送到。牛肉夠腍入味，湯底夠濃，有少少辣味，食完一啖會再想食多啖雖然唔夠台灣正宗地道，但都唔差。店內四周都發現唔少小字條，好親切

係附近拎完野，醒起睇過飲食介紹朗豪坊附近有間台灣野，於是就去試下。記得飲食介紹講過佢有個滷肉bagel，幾特別，隊長當然唔執輸要試下，老公就食番個正常既牛柳粒肉燥飯，至於飲品佢都幾多選擇..........咦! 竟然有我最愛既咖啡+珍珠 - 珍珠Latte，二話不說就放棄個珍珠奶茶啦! 先黎杯珍珠Latte............um，無乜咖啡味，早知飲珍奶啦~ 到我最想食既bagel上檯，都幾大份，有幾舊薯格伴碟...........不過打開個包睇下，得2舊滷肉，同埋有點乾，食落同望係一樣，個包裡裡外外都好乾，我好辛苦先咬到一啖，我估個bagel可能放得太耐，舊肉又唔係滷得甘差既，不過都係乾，同埋大舊得滯，又要顧住咬個乾包，又要咬埋呢舊乾肉，我最終都係分開肉同包甘食，食完個口都幾攰，如果比番多D滷汁，或者轉肉燥可能會好D。早知食老公個肉燥飯，個肉燥都滷得幾香，唔會過咸或者太甜.............同埋唔會食到牙骹都軟埋。

呢日黎到旺角, 上過一轉朗豪坊唔個食咩好, 轉個頭落番黎, 見到間台灣野, 咁就不再選了。兩日各自叫午餐, 女朋友選了個牛肉麵。賣相滿有台灣味道, 香香既牛肉湯, 半肥瘦牛, 不過加左一條港式菜心, 多左。雖然我同女朋友都中意食菜心。牛咬落夠冧, 唔算爽口。ok.麵底不錯軟硬適中, 係湯底有d唔夠熱辣辣。而我叫左個滷水拼飯, 滷水蛋非常好食, 滷汁味道豐富而不過份, 不錯。小食方面係台灣腸, 失策, 呢隻腸一向唔岩口味, 仲要賣36蚊。不太抵食, 味道唔太鹹, 雖然ok , 但真的唔岩口味。珍珠奶茶就不錯。甜度岩岩好

要跟店員說聲不好意思：Bagel 可以搭配不同配料，我堅持單點；外脆內軟才好吃，我又要「小小熱」。其實我去趕車，才如此麻麻煩煩。但，這件芝士Bagel 除外脆內軟，芝士味亦濃，很好吃啊！謝謝你們的用心。

台灣香腸肉燥飯（$52)又一間新開既台灣食店座落喺旺角，#角落 係一間台式cafe ，除左有肉燥飯、牛肉麵等咸食外，仲有甜品食。因為位置偏離旺角心臟地帶，喺上海街至亞皆老街交界既角落中，店名「角落」應該就係咁黎。Lunch time 叫左香腸肉燥飯，肉燥似肉醬多啲，味道唔夠仲食到少少酒味，所以我對個肉燥係一般般。不過台灣香腸就幾好食，炸過既香腸微脆又香口，唔錯，整體不過不失。🍜 招牌牛肉麵 ($52)另外叫左呢個牛肉麵反而另人眼前一亮！😍牛肉麵湯底有獨特香味，濃濃的好好飲，仲有少少微辣黎調味，淨係個湯底已經好岩我胃口！牛肉好腍肥瘦度剛好，唔會太肥膩，整體性價比高，會再返黎食！

喺朗豪坊隔離嘅地鋪小店，位於十字落口的角落，白色的小店散發柔和的燈光好清新嘅餐廳，入到去有種避開旺角塵世煩亂嘅感覺一個人食晚餐套餐，叫左個1號招牌牛肉麵(正常辣有辣椒同芫荽)，跟餐配珍珠奶茶湯底飲到好出嘅八角味，比較甜，加辣會更好食，不建議走辣走芫荽。如果湯味再濃香點會更好食，藥材味/牛肉味可以更重。(重口味)牛肉俾得好大方，好多舊，厚切牛咁樣牛肉都好林，有筋有肉麵條都幾有彈性，好吸到湯味珍珠奶茶都唔錯鋪頭搬著相同年代嘅歌曲，靜靜地吃著很舒服落雨天，食完忘記左拎翻把遮，店員好好咁幫我，等我之後翻來拎翻

I was craving for Taiwanese food and saw this restaurant right next to the bus stop so I went in to try it out. The staff was friendly and helpful. The minced pork with popcorn chicken was alright. The presentation wasn’t the best but tasted alright. The popcorn chicken were over cook and quite hard to chew. The minced pork tasted quite good after mixing with the plain rice. The beef noodles was yummy. The beef were soft and easy to chew. The noodles were stretchy. It was spicy but yummy. The Ta

呢間台式餐廳開係馬路前既角位。好有意思禁叫做（角落）。可惜。佢既食物同飲品都麻麻地。試佐第一次應該唔會再黎。如果想食會走遠少少去鐵牛加上佢地既座位好逼。坐得好唔舒服。如果係台灣應該唔會禁。不過香港土地問題。不得不這樣做我都好醒選擇佐下午茶時間黎。但都已經好多人下。如果係旺角既咖啡廳黎講。我諗大家都會選擇樓上既。加上附近又開左新既茶餐廳。旺角太多選擇了。我地食佐一個牛肉麵餐。不過不失。我選擇佐沙律加薯條。仲差過茶餐廳既沒有下次了

前幾日帶小B去旺角上堂見到呢間台式小店，於是就帶埋小B落堂後去食個tea。我地1大1小叫嘅野食唔多，只係叫左一份多士一杯台式野飲。抹香奶綠:份量只得約三份二左右味道偏淡奶油厚多士多士邊尚算脆口厚多士餡料okay, 但略為偏甜，心中雖然軟，但因為醬料太多變得太淋環境尚算安靜，人流不算多，廁所亦算潔淨服務人員應對有點慢。

小店打正旗號做台式料理，對於台灣控的我，當然要一試。店鋪細細，但卻擺放著可以坐上超過25人的檯椅，說真句，頗為擠迫。但要抵抗現時的昂貴租金，也理解的😅台灣牛肉麵好像是每試新店都必試的，但這裡的質素卻著實普通，完全沒有台灣牛肉麵應有的那份濃郁牛香湯底，而麵像是公仔麵般，沒有口感，沒有特色。牛肉全是用上雪藏牛𦟌，雖然算林，但有些筋位是完全硬到咬不下的，牛肉味也欠奉。一見到宜蘭蔥肉餡餅的相片已忍不住叫一客試，肉餅有三件，但頗細件，大概4cm x 4cm左右。肉餅煎得算是香，但相信餅內用上的並非宜蘭三星蔥，而且完全沒有肉碎。不過味道尚可的。兩樣食物合共$88，算是ok吧！