覓食家

營業中

休息中

經朋友介紹咁岩去開元朗，就過黎試下$44 雞髀（可以揀豉油雞髀或炸雞髀）+飯+蛋+野飲我地每樣髀各一個人覺得豉油髀正d, 個汁好香，雞又滑，加埋D汁撈飯一流🤙🏻炸髀店員話因為有一隻比較細，所以有兩隻👏🏻但其實一隻都好大😂😂係即炸既，熱辣辣，但炸得有小小過火，不過都好食👏🏻

下晝三點幾想食個tea,，一於嚟到元朗試食馳名炸雞髀🍗-餐牌方面全部唔過$50，一個字，抵。叫咗兩個A餐：一個出前一丁、一個飯。😻-A至識食雞髀煎蛋出前一丁（$44）（蒜蓉汁）出前一丁方面有得揀撈面（有得揀汁）或者湯麵（冇得揀汁），煎蛋方面有得揀太陽蛋或全熟。雞髀超級大又脆又夠味。雞髀真係四倍拳頭咁大🤜🏻-A 至識食雞髀煎蛋飯（$44）（豉油汁）飯嘅汁同意粉汁一樣有得自選，但啲飯略嫌少🥺同上一個雞髀比呢個比較細少少，估唔到會比多一舊雞髀。每隻炸雞髀水準一樣非常好食又脆又唔乾。總結大件夾抵食。🍗

星期日放假就入元朗行下，揾吓好野食！今日去左間好有名氣既小店！去到門口已經好多人，以為要等好耐，點知都係等外賣🤣🤣大大既雞髀飯就一定要叫啦！等左10分鐘到，雞髀黎啦！大到嚇親人😂😂😂😂 隻雞髀真係大過我個頭😂😂😂 味道都可以，不過食完都幾濟😂😂 隻雞髀呃like一流😂😂😂

一行五人入去食午市，因為星期日比較多人，佢比左張卡位比我地，話坐住先再安排比你，五個人坐都真係好迫，之後有大d 既位，佢地照入左其他人，咁我地就問一位男呀叔侍應：靚仔，可唔可以轉比我地，呀叔：冇台，邊有位呀，今日星期日呀，你睇下，邊有位呀？？？？仲要完全無視我地，一路行一路講，態度又囂張，唔講以為佢係老闆，勁趕客...... 明明d 野好好食老闆請到呢d 員工真係..........倒米最後谷氣轉左外賣...

朋友推介元朗有大大炸雞脾，聽聞炸雞脾大過我隻手掌，今日下班一於到覓食家試下。我們5位大概2:30到，等了10分鐘便有檯了。當然來到要試下至識食雞脾，可配飯，意粉，沙律拼薯條或出前一丁，最緊要配最前一丁都不用加錢。醬汁可選擇黑椒汁，咖哩汁或蒜蓉汁。所有餐都奉送熱飲，轉凍飲或汽水加$3，而我今次就選擇了凍檸樂加$5。雞脾來到我眼前，果然嚇我一跳，雞脾有半隻碟大。雞皮炸得可口，而且雞肉保持嫩滑。本身炸雞脾已經夠味道，但見到側邊有孜然粉，辣椒粉及淮鹽調味，都可一試。

至識食雞髀煎蛋飯💛 $42#tastytommy良心食店 (有網友遊行後老闆請食免費沙律 老闆只播rthk唔睇tvb💛)係好耐之前_假期介紹完之後去潮聖既🤠 雞髀超大隻 係焗完再炸的 雞皮非常脆卜卜 食落厚肉幾嫩滑幾juicy😍未算好有驚喜 但起碼正過萬芳冰室好多💀 其實我就中意隔離宏隆既炸髀多d既 感覺juicy d同香料味重d 價錢都抵d🤤香煎豬扒煎蛋飯 $42豬扒堅係厚身 邊邊位煎到脆脆地有d肥肉幾好食😈 不過中間比較扎實 肉汁唔算多(價錢係之前的 好似加左價)

住係元朗，特別多美食，雖然都係碟頭飯，但係呢度既雞脾真係好大塊。入去坐低就即刻叫左碟炸雞脾飯。店員同我講落order起計要等215分鐘左右先有得食，我呆左一呆，不過食好野無計啦。後尾再問返，因為呢度d雞脾要即叫即炸，唔會整定好擺係度，所以先要等甘耐。一上菜，食落去好熱辣辣，個皮炸得脆之餘，入面仲會有肉汁，做到真正外脆內軟，好好味! 一個女仔黎食，其實淨係食去9雞脾都飽飽地了，個飯最後食唔晒，推介比想食大雞脾又想坐得舒服既朋友!

雖然我住元朗，但距離呢邊步行需要近半個鐘，一直想試但冇意欲行咁遠過黎。其實如果你住呢邊又或者專登搭車入黎，對你地冇影響，佢舖位置有少許難搵，係條巷入面，有google map都要再兜兩兜先搵到！都幾多人慕名而來，等左好一陣，咁岩有人走我先有位，舖面唔大，我見到同我同期黎嘅都等左好耐先入到，除非好似我地咁一兩個人就快少少啦！入面坐位都幾迫，必須搭枱！坐得唔舒服，我唔高架，隻腳都屈住！講咁耐到食物啦，真係好大隻吖，一個女仔食唔晒架！薯餅就冇人贏得過麥當當架啦！配沙律，係茶餐廳嘅味道，我最鍾意呢，唔係亂丟罐頭雜果果隻！配飲品，都好大杯吖！雞脾好食！香脆肉嫩！不過平心而論，而家市面上好多餐廳都做到呢個質素嘅炸雞脾，而且太大隻，開頭食係好食，食極都仲係雞脾感覺有少少乾少少寡！係好食嘅，但專登走咁遠食，我又唔覺值喎！

Indeed the chicken leg is huge and good tasting! The marination is precise with a hint of sweet and cumin, and is complex and aromatic. The skin is very crispy, and I appreciate this type of deep fry without a very thick batter. The coloration may be a bit deep but the meat is not dry at all, very juicy. The curry sauce is, on the other hand, not particularly good, spicy enough but not really aromatic.

返咗成日工去打波後真係好肚餓呢間餐廳就好啱醫肚超平又大碟今日食咗咖哩雞扒意粉雞扒好鮮嫩 雞皮脆身 肉汁juicy配上咖哩汁更出色如果喜歡多汁嘅記得叫佢俾多啲咖哩汁係任添㗎!

呢到既雞脾真係好正🤤🤤🤤😋😋🤔成日都黎食雞脾 今次就配沙律同薯餅佢地既雞脾大大隻 一上枱就好有驚喜，首先佢地既脾炸得岩岩好 雞皮超級脆 一d都唔油 加上提供埋 孜然粉、辣椒粉、同埋淮鹽比你加 我就鐘意全部粉都加d 個人認為咁先係最好食 另外一切落隻脾到 係有肉汁流出黎 估唔到炸都可以咁juicy 😱😱😱而且淹得好入味 啖啖肉 食完超級飽呀另外佢地既沙律係新鮮生果 都幾足料 好fresh而薯餅都好出色 裡面係薯容 而唔係薯粒 好好食

第一次見識元朗大雞脾，真係好大隻，大過塊面。點了炸雞脾煎蛋配出前一丁，另一份都係炸雞脾，不過配沙律同薯餅。雞脾皮脆，肉質嫩滑，味道適中，老闆好有心思，有辣椒粉和、淮鹽和孜然粉任你自由加落去。大大份好抵食，3個人都食唔哂。

垃圾服務，明明open rice寫開門，打過去鬧客人未開門都唔知點解仲有人俾$去洗， 香港無嘢食？？？真不知所謂， 令他們覺得自已仲好巴閉，唔食罷就， 今時今日咩服務態度

老實講，作為一個元朗人成日被問元朗有咩好食我都諗到頭痛，嚟嚟去去都係話B仔，又新街D燒賣，實在係冇新意夜麻麻實在諗唔到有邊度可以買野食返屋企，碌碌下Openrice，碌咗幾頁先見到有間咁嘅野，而咁就俾我搵到元朗居然有Ｄ咁好食嘅雞髀飯？！？！！點解得咁少好評呢...真係好想日日食佢推佢上去呀！★★★★至識食雞髀煎蛋飯 $44一打開個飯盒第一句係嘩。。。係咪中咗幅射，隻雞髀係超！級！巨！大！！特登影張比較圖，大過我隻手呀...我諗仲大過塊面雖然行返嚟都一段時間，但仍然keep到非常香脆冇淋到淨係睇隻色都知非常高質，冇落任何filter就咁影，已經色澤勁靚一咬落去，又一聲嘩！我真係唔同你講笑出面Ｄ乜乜高質餐廳都未必做到呢種感覺表皮薄薄炸得好香脆完全唔會有好肥膩嘅感覺，雞肉更加係一食見實力，係完全唔覺得乾，雞肉非常嫩滑非常juicy，啖啖都係豐富嘅肉汁。我真係諗唔明好想問句，到底係點樣做到咁高技術？！煎蛋都一d唔馬虎，我就鍾意叫兩面煎，邊位煎得微脆又夠味，撈汁撈飯一齊食，正丫！店家仲驚你覺油膩擺咗２塊青瓜，但個人覺得油份已控制得非常好。另外仲食咗個孜然羊肉粒飯，同樣夠晒好味上癮，D羊肉似係燒烤

已經係第n次食覓食家，有時放左工打個電話黎叫外賣再慢慢行過去拎就岩岩好! 今日終於可以堂食，打翻篇食評先。最出名最多人叫既一定係巨型雞脾蛋飯，仲可以配意粉/沙律，配好多唔同既汁。我今日叫左雞脾蛋飯配咖哩汁，依度飯量係偏少既，但相信我! 絕對唔會唔飽因為雞脾真係好大隻，但萬一真係大胃王想加飯都係免費既 講翻碟飯，食左甘耐都依然大大隻無縮水，有時如果師父覺得隻脾唔夠大佢會比夠兩隻! 大家一定要落放係枱面既孜然粉同辣椒粉，惹味即刻加十分!一定會忍唔住咬埋皮 😂 皮都係炸到硊又唔太硬 ☺️ 超正。大家如果買左外賣都會跟翻啲粉，一樣好食。🤭 甘既價錢甘既質素真係超哂班勁高CP! 係我食完再食既選擇 !