見見面 (已結業)

因為住在這家店的附近又鐘意食川菜，所以來過這間店很多次。菜的味道是不錯的，但是服務真是讓人忍無可忍……很多次去服務員都忘記給菜單，點菜的時候不管講普通話還是廣東話服務員好像都聽不懂，上菜真的是非常慢，有時候也不記得倒茶水，漏上菜的經歷也有過……甚至有一次吃著飯，服務員把我的桌上的紙巾收去其他的空桌……完全不能理解這種行為的含義。味道確實還okay，希望老闆加強管理，提升一下服務質素，現在的服務真的差過行業正常標準。

一人食的話不推廌，一個人lunch 的選擇較小。午市套餐不太吸引。我點了一個紅燒牛肉飯，味道一般。牛肉腍，但沒有川菜的重口味和豐富香料，就如一碟普通的茶餐廳中菜。

今晚即興想試，打去問下有冇枱，點知有，所以一行8人去試試，叫咗好多嘢食，有d都冇影相。食咗涼拌青瓜，木耳，口水雞，酸菜魚，辣子雞，青椒魚，涼瓜炒蛋，毛血旺，泡椒肥腸等等。。。。。個人覺得最好食係辣子雞同青椒魚，辣子雞好香口好好味，青椒魚夠辣，今次叫中辣，下次可以挑戰大辣。仲有老闆娘推介嘅麻婆豆腐都好好味。唔辣的話涼瓜炒蛋都唔錯，食咗好多嘢同飲咗好多啤酒都係千五蚊左右埋單。好抵食！每樣餸嘅份量都好多。下次想試下中午既麵食🍜🌶🌶🌶🌶唯一就係店內比較細，但環境乾淨同服務好好，老闆娘好細心介紹。

最鐘意食辣，見到有新店開，即刻試試。上星期下午食過一碗麵，個麵好好味，麵質好好。今晚同朋友們食小菜酸菜魚個湯好甜，魚係用沙巴躉，肉質都唔錯。虎皮尖椒食左一半先記得影推介，超入味，係我暫時試過最好食的虎皮尖椒口水雞，麻麻地，冇乜味，唔洗試。手撕包菜好野味，食得出好夠鑊氣，而家嘅小店，鑊氣真係好難求，呢個菜好好味青椒皮蛋，可惜我掛住食，冇認真影個皮蛋，皮蛋好靚，隻隻晶瑩通透，加上個麻辣醬汁好香，送啤酒一流老闆和老闆娘嘅服務好好，卡位就迫左些小，坐中間舒服d。食物質素唔錯，值得推介，下次再去試雞煲

路過呢頭見到間舖新開叫見見面，開頭以為食米線，原來下午先食麵，夜晚食我至愛嘅水煮魚！仲有雞煲添，今次叫咗青椒魚超滑，媽媽唔食辣就點咗奇味雞煲，加個烏冬一流呀！