西貢越南湯河 (已結業)

去開花墟,未食飯天氣又熱咁就是但入左呢間野食飯.一入去的感覺就係間野好舊有d烏糟.算啦諗住快快手食完走.叫左生牛肉河,雞絲粉絲,清香札肉同檸七.牛肉河一般,賣相非常差,d牛肉係痴埋一舊就咁放落個碗,而佢D湯又唔係熱,我要"碌"左好耐先敢食.粉絲非常硬,應該係未煮好.清香札肉,正,得六小片,係估下幾錢?係三十五蚊.我估佢呢度切出黎只值二蚊左右.杯檸七得一小份鹹檸檬,咁大個仔去餐廳係未見過比得咁細舊的.埋單要119蚊,貴得好離譜,個老細應該賺到笑,不過佢只係會賺到我一次錢.

蝦米蟹羔檬：好重蟹羔味，愛蟹之人必選生牛肉河：幾好味…雜錦拼盤：有幾款野，炸春卷，米粉卷………服務好！

最後想寫既一間係昨天下午時間食既一碗牛肉河!西貢,越南首都,用呢個名應該唔會太差!我要左一碗牛肉河食,味道算ok,湯比較甜,不過牛肉味就欠奉!可能個湯底唔係標榜牛味重既野啦!河粉幾滑,牛肉份量都唔少,對我嚟講,呢碗粉十分我會俾六分!

星期六下午,老闆話要食生熟牛河..最後我地就係太子西貢度食..我就自己叫左個無骨雞翼凍檬...牛河都唔錯個湯都幾清甜...至於我個雞翼好鬼大隻因為佢入面釀左d唔知咩菜同肉係入面再去炸..味道都ok啦.不過我都係比較喜歡食d有骨既多d.

超差~~之前尼過一次....果次好似食飯....果時都唔係咁差架但係今次真係好過分叫左一個牛肉撈面一個香茅豬扒飯一個牛油雞亦一碟通菜撈面d肉勁鞋香茅豬勁薄勁un通菜苦...只係得雞亦係不過不失.....d 味已經唔好....連份量都少最慘係連野飲都冇叫的情況下.....竟然收我地$140....一定冇下次

星期日中午，想吃湯河，隨意走進這間小店。各自點了一碗，一是蝦米蟹羔湯檬($38)，一是香茅豬肉湯米線($34)。蝦米蟹羔湯檬味道怪怪，完全沒有鮮味，好多洗得不乾淨的"葉葉草草"做配料，蕃茄湯多(不夠濃)，料少，粉又少。香茅豬肉湯米線，湯底味道一般，豬肉擦到不得了，好多洗得不乾淨的"葉葉草草"做配料，湯多，料少，粉又少。座位非常迫夾，感覺又不清潔，已經是mk，怎可能收三十多元一碗粉呀?有待應自動加茶。絕對沒有下次。

5月27日星期日同家人來食lunch, 由於是日主要會去吃一頓豐富的tea, 所以lunch 諗住係咁而食少少野, 三個人叫了兩碗生牛河同埋一碟虎蝦春卷.兩碗牛河先到, 差點洋蔥多過河粉, d 牛肉又少, 又細, 又鞋, 春卷更差, 熱到熨口的但竟然是"林" 的, 另外叫了一杯凍檸茶走甜, 來到是超甜.個洗手間, 又熱又焗, 地下又濕, 頭上又滴水.埋單都要成110 大元, 絕對無下次.

叫左個生牛肉湯河，二十九蚊,已經即食都鞋(老牛)...至於湯冇特別好,9龍城一街都係...小食拼盤A $50... 得2條春卷，1條蝦卷(分3小件) 同得1隻無骨雞翼(又分3小件)春卷..炸到黑晒加上超細件...

第一次同朋友黎呢間食店食，話好似幾出名，咁就試下，已經係2006年既事啦，個次只係食左一碗麵，唔算大碗，但都飽肚既30幾蚊，都算幾貴，又無野飲送，但又好似幾好食。不過，前排唸住6點前就試下食下午茶餐好似好低，($20)，點知入到去，因為唔夠時間食，就買外賣．．．嘩．我從未試過買咁貴既外賣．原來外賣加$1，重要加$1飯盒錢，如果湯同麵分開，重要加多$1．．．嘩．去搶咩不過趕時間就算啦．我就睇下佢個外賣點，出左黎．．．我見到都嚇一驚．．原來D麵係用個糖水盒裝住（小得極之可憐），重要我要既餸都小小小．離譜！可能呢ｄ就叫做下午茶餐，之前個次去食時，個ｄ湯底唔錯，但．今次D湯得５份一，重要無味，唔知係咪當買外賣個ｄ人係唔識野，未食過咁．．．唉．．．我食完之後，只係覺得淡而無味，份量小，我以後都唔會再去幫襯啦。最後想講既野．唔好係食堂到亂講野，ｄ服務人員會隨時留意你講既野，小心為妙！p.s.今時今日既服務態度．真係要檢討下，重有．而家呢個時代，買外賣都好正常，如果ｄ盒得個細細個既糖水盒，唔使有人黎幫襯啦。

今日，同友人行經花園街，看到時候緊迫要趕下場，所以去了這間湯河試試，見下午茶至6點，剛剛未過，就想買個下午茶外買，叫了兩個$20雞絲湯河包飲品。友人:唔該兩個雞絲湯河(同時比左$100)黑面阿姐: 外賣盒加一蚊!友人: 好的黑面阿姐: 湯要分開放嗎?友人: 分開放，兩個碗是要加兩蚊嗎?黑面阿姐: 是!友人: 咁唔洗了黑面阿姐: (停了一陣子) 我地外賣要加多一蚊!友人: 即係?!黑面阿姐: 外賣盒加一蚊，外賣要加多一蚊!即係兩蚊!友人: 咁外賣盒個一蚊同外賣個一蚊有乜分別?黑面阿姐: 我地係咁嫁! 好多舖頭都係咁嫁喇!友人: 不過你個菜牌應該要列明先啱黑面阿姐:我地好少人買外賣嫁!你可以自己帶個壺黎咪得law!最後兩碗粉合共44蚊，吃時打開，仲發覺係用甜品個種細細的透明碗裝，不過唔洗食已經成肚氣了!!!!!!!!!!!!!!

中午在太子, 原本要去隔壁的七喜, 見到呢間人流不錯, 又未試過, 就試下啦!!!食品名有幾樣野都幾特別, 我叫左蝦米蟹羔湯檬$38, 小蛇反而叫生牛湯河$29. 前者有少少少許蝦味, 羔就不要期望了, 但有大量的伴菜, 生牛河牛肉不多, 老實說有點像牛肉碎, 湯底仍還可.

生牛肉河$29: 牛肉很韌. 份量一般. 少牛肉油菜$13: so so.

7 September 2006 (Thur) - 晚飯同朋友行完街，成十點好肚餓，決定黎呢度食個河粉，好似好耐冇食過咁～～叫咗生熟牛肉河，朋友則咗鷄絲河，我哋再叫油菜同水晶卷（類似粉皮嗰種），呢度既河粉香草味好勁，而生熟牛肉則好靭下，有啲失望！油菜係通菜，但係腐乳好咸，令我好口渴；水晶卷同我之前食過既有所出入，呢個冇咁好食．．．但係都算係咁啦！最起碼呢度既服務態度係令人滿意架，佢哋都幾nice，又多笑容，不過座位就真係屈質咗啲～～

以前係夏威夷住時食越南粉差唔多係一個禮拜幾日既例行公事, 返到香港後最多都係去金寶食, 但唔鐘意個地點及服務態度....幾年前返港放暑假其實試過西貢, 但印象唔好, 所以一直無再去..前幾日, 我決定放下偏見跟個朋友再去嘗試西貢的越南粉, 那啖湯令我們回想起了我們以前一直食開的味道, 而它比金寶更好!! 服務方面d 阿姐服務週到,你想要多d 菜葉(basil) 醬油,佢地一定會俾你,相反金寶雖然都好食, 卻在牆上寫明提供的配料一定足夠,若果要多些就要加錢!!!! 食的時候我見到身邊的人都很抗拒那些香葉basil, 無錯, 我明白那味道不是人人都受到的, 包括我以前都係甘, 但要明白那些香葉的主要功能就是可以令到啖湯更惹味, 所以若然你一向都丟走那些香葉的話, 我都見意你把它留在湯來, 你可以不食它, 但要明白它在湯內的功效是用來吊味的

9/7(日) 5pm今日確是一個翳焗非常,奄悶十分的下午,做畢facial後會合身處旺角的男友,己有好一陣子無行人多車多的太子.逛了片刻已被酷熱的天氣及奄悶的人群打消了所有慾望,於是與男友入了此店避避暑!店子環境算整潔,小店格局,裝潢沒甚花巧;幸而此鐘時客人不多,只有2,3墊客.我倆點了蝦米蟹羔湯檬$38,青檸梳打$17.蝦米蟹羔湯檬---份量相當多,足夠2人食,先呷呷湯,屬清淡,很勉強地才飲到蝦的鮮味,反而蕃茄味濃郁!蟹羔亦不太有鮮味.芽菜薄荷葉作配料,檬粉口感一般而已!青檸梳打---份量不多,甜度適中,味道地道,不俗!服務平平.$55埋單,可以一試!