西貢海灣會燒烤大王

Beach BBQ King
57
11
20
電話號碼
27920683
開飯介紹
佔地約2.5萬呎,坐擁無敵海景,感覺愜意。除任食基本燒烤食物外,亦有額外附費的生猛海鮮和即燒乳豬, 詳情可參看網頁。 繼續閱讀
營業時間
今日營業
13:00 - 22:00
星期一至日
13:00 - 22:00
付款方式
現金
座位數目
1000
其他資料
酒精飲品
自帶酒水
切餅費
泊車 詳細介紹
外賣服務
加一服務費
室外座位
前往餐廳網站
http://www.skbeach.com.hk/skbbq.html
以上資料只供參考, 請與餐廳確認詳情
有關餐廳
世界級超級無敵大海景有上蓋BBQ場
http://www.skbeach.com.hk/skbbq.html
位於西貢市中心沿海岸旁邊的海灣燒烤大王, 佔地約2.5萬呎,坐擁無敵海景,場地座擁超過千個座位, 包括露天海景及上蓋海景區, 不受天氣影響,可一家大細及老幼或團體共享燒烤樂趣! 客人可無限時, 無限量, 任飲任食自助燒烤.
本店食物得到客人多番讚賞. 是最吸引客人光顧原因之一.

除任食基本燒烤食物外,
亦有額外附費的生猛海鮮和即燒乳豬, 詳情可參看網頁。

秘製乳豬燒烤及生猛海鮮精選預訂
來到西貢區有名的海灣燒烤大王, 除了要品嚐美味的燒烤食物, 店舖亦另設有預訂海鮮餐及乳豬, 海鮮由西貢著名供應商每日新鮮運到. 另廚師選用了稚幼乳豬, 用秘製醬料醃製供客人爐燒, 上碟後乳豬外皮香脆, 內裡肉嫩多汁, 是每位食客必然之選. 如客人喜歡海鮮及乳豬燒烤. 必須預早3個工作天前入數預訂(有關價錢及詳情可參看本公司網站).
http://www.skbeach.com.hk/skbbq.html
餐廳告示
佛誕價目
2024-04-05
佛誕幾日假期去邊? 緊係齊嘩嘩入嚟西貢海灣會燒烤大王啦 ! 我地無限時任飲任食架. 快D打電話Book枱啦 ! 電話 : 2792 0683 (12/4開始接受預訂) 詳情
食評 (128)
等級4 2023-11-13
6401 瀏覽
係泰道首次嘗到無打針被拒於門外唔比食飯,算鬼數行過隔離食燒烤!何解比以前乾淨整齊多倍呢?原來被海灣會佔據了!翻新靚靚,食物環境服務均滿意。靠邊望海遠離人群附加費 $200 大元,就試您一試。享受 Fine dining 時刻,當然要有刀叉碟及枱布先夠情調。場內提供的食物乜都咸,除了魷魚翼、雞中翼、雞扒、腸仔、丸類、魚類、蔬菜類。起爐非常兇狠,就算燒乳豬中豬都綽綽有餘。十級火用作燒原味扒還可以,無糖無醬油不易燒焦。雜丸、蔬菜及加工食品都會轉眼變成焦碳。火勢過份猛烈,第一灶全部都燶掉。蔥花蒜蓉醬油燒原條茄子,耐心燒到整條變軟,壓扁後中間劏開加上料味料。茄子肉綿綿一梳梳吸盡醬料,味道極佳。燒尖椒,熟透的尖椒爽甜非常,間中食到辛辣種籽更過癮。紐西蘭頂級羊架,原味不用任何調味,鹽都不需要,純天然羊肉甜,肥美彈牙爆汁,微弱羶香不過份。美國頂級牛西冷,鬆軟有嚼勁,牛味天然甜美,不需要助料,焦香可口。咖哩雞中翼、香茅雞全翼,兩者勻醃味濃烈可以接受,雞翼大大隻有肉食,只是味道略有點濁,而且沒怎樣的雞甜味。黑椒有骨豬扒,味道少少咸都有微弱豬甜,嚥嚥韌韌有咬口的質地,損埋骨都不錯。多春魚,細細條瘦猛猛仲雪到部份甩皮甩骨,嘗試用技術搭救吧﹗耐心地燒得兩邊金黃焦脆,乾身堅廷整條連頭帶尾塞入嘴仔。春子索索聲甘香無窮,魚肉散發微弱腥味,幸好還可接受,食落別有一番風味。爽脆雞腎,食開新鮮雞腎的我當然滿足不到,火雞腎厚切大大片,爽勁十足但沒有鮮味,過過口癮不過不失。青椒,已放到有點乾有點巢皮,切到一片片要燒到水潤爽甜實在有難度呢﹗要整隻燒方能保存水晶及鮮甜味道。腸仔,比起假廚師腸好味道,不太咸不太硬,有一丁點真廚師腸的影子。最喜歡慢烤,烤到四面焦香膨脹在爆破邊緣就最美味﹗蜜糖腸,微微脆皮包著嫩肉,還有陣陣蜜糖甜味,食得過癮。紅腸,腸肉滑彈,腸皮嚥韌,略咸有點咸。墨魚丸,呎碼都剛好一口一粒,不過似食緊麵粉。漢堡扒,意料之外食得到肉香肉甜,不咸可口。秋刀魚,幼幼的不是粗粗大秋刀,未見肥美油潤,燒出黎魚油不足,味道不夠甘香不夠嫩滑。蒜香雞中翼,雖然不是什麼靚雞翼,好彩醃味合格而蒜香出眾,肉質偏腍。香茅豬頸肉,肥美爽脆油滴滴,慢慢燒直到迫走豬油,外層變得焦脆就係最好味既時候。燒汁豬柳,鬆軟腍腍綿綿,醃味陰沉帶濁。芝士腸、蒜蓉牛油法包,平平無奇沒什麼特別。牛油蜜糖粟米,超甜粟大大粒,爆汁爽爽混著咸香牛油跟甜蜜蜜,味道撞得有趣美妙。蒜蓉青椒,加入蒜蓉再烤簡直係神來之筆﹗有點乾的青椒吸收蒜蓉及蒜油的辛甜清香,給她們一點的滋潤,入口半爽半甜有菜汁,提鮮提味。沙嗲魷魚翼,打醒十二分精神不要燒乾,要剛剛熟又不能太生,沙嗲味極濃,彈彈的魷魚可口。燒汁雞全翼,落味非常普通,無驚喜悶悶的。黑椒牛扒,燒得生又怕肚痛,燒得熟又硬又韌。黑椒雞扒,嬌嫩的白肉,油潤彈滑的雞皮,每吋肌膚都滲著鳳脂,還有微辣帶甜的黑椒助攻。豬仔骨,難得有款食物好味道﹗醃得香甜,肉質爽彈充滿汁液,肋膜索索聲非常有嚼勁﹗牛丸,普通火鍋質素,嚥嚥韌韌不爽不彈,試一次便夠。車厘茄,燒後水份蒸發,茄甜味更濃縮。個個食飽飽,曲終人散。 繼續閱讀
(以上食評乃用戶個人意見 , 並不代表OpenRice之觀點。)
等級3 2024-04-08
0 瀏覽
復活節假期第一日入咗嚟西貢燒烤,我哋大約一點半嚟到 ,成個場應該坐到幾百人,入座率得二成,都好冷清下,不怪得新聞話啲人北上消費,本港食肆冷清。入到去坐低, 開咗個燒烤爐之後,就自己攞嘢食 ,餐廳嘅食物正常味道,最好味應該係個豬頸肉😋。😌值得寫呢篇食評嘅係因為啲服務員,佢哋真係一絕😒,企喺門口嘅阿姐服務員串咀到爆,用"指揮嘅態度"去叫顧客買咗票先,完全冇服務質素可言😡。跟住坐喺燒烤場內有一個服務員,類似係負責包好啲炭,同埋執好啲枱+ 負責起好個bbq爐 ,佢見我哋個bbq爐燒嘢食嗰陣比較大煙就過嚟望,用極不友善 ,接近係指責你嘅態度😤,喺度話我哋做乜燒嘢食咁大煙, 大大聲咁 exactly 講 :「咁大煙點樣燒嘢食?!🤬」 跟住指指點點咗一輪之後 ,就走開咗 ,態度真係奇差,令人O曬嘴😨。不久我聽到隔離枱啲嬸嬸坐低咗冇耐,就好勞氣話出面服務員,又係話其差態度, 直情想鬧佢咁濟 😟。呢間嘢其實食物係冇問題,配套亦ok,位置都ok,唯一差嘅就係服務員, 畀人人印象非常之差,佢哋真係有好大嘅進步空間囉😂, 真係唔知係唔係老細有默認咗佢哋要咁樣服務 🤭🤐。 其實bbq場都 接近 無服務可言,通常所有嘢由拎食物開始已經係自助,真係唔明點解會俾人咁嘅印象🤨。三個人(兩大一細),九百蚊埋單,都唔係好低消費啫, 要咁樣受氣唔多值囉。 繼續閱讀
(以上食評乃用戶個人意見 , 並不代表OpenRice之觀點。)
等級1 2024-03-29
161 瀏覽
4個人諗住開開心心BBQ ,一個遲啲到,企門口嘅西面女職員話要比哂錢先准入,海景區又話要加$200,又唔比入去睇環境(入面只得一枱客),諗吓商量都唔得,仲要好大聲講"咁你要唔要吖,我哋full booking 架",火都嚟🤬,做乜要比錢受氣,即走,(我唔信佢真係full ),咁嘅服務態度🤬,一次都唔會益佢,影佢相仲要遮面。呢啲服務態度擺明趕客,所以咁多人北上消費。我哋將啲錢去隔離食泰國菜,又好食服務態度又好,仲有海景枱坐(唔使加錢)🤭,食完望返BBQ 得5枱客(冇人坐海景區)😂,咁就係full booking 😂 繼續閱讀
(以上食評乃用戶個人意見 , 並不代表OpenRice之觀點。)
等級3 2024-03-16
424 瀏覽
襯冬天未完同朋友仔去西貢bbq🤓星期日bbq價錢,每位$277,只收現金。我哋一點幾到bbq場,唔係好多人🤓再晏啲就越嚟越多人。入場時會提供每人一份燒烤叉、紙碟、發泡膠碟、飲品杯、同埋每枱一個蜜糖膠兜+掃,可以去食物區拎蜜糖。我哋自己帶咗啲金菇蒜蓉牛油去燒🤓去到發現原來呢度有牛油提供,不過應該係人造牛油,一大桶嗰啲。我哋仲自己帶咗燒烤網,綿花糖,因為場地冇提供。覺得幾好食嘅食材有:咖喱魷魚、豬頸肉、紅腸、漢堡扒、牛油粟米🤓推薦帶個錫紙兜過嚟,將啲粟米切粒粒,然後燒熟佢。飲品機嘅水唔係幾好飲,蘋果汁好甜😬呢度嘅麵包係厚方包同埋法包,個人比較鍾意燒生命麵包多啲🥹厚方包有啲難燒呢度啲野食一定唔係靚食材,勝在有得任飲任食,又有得同朋友吹下水,都幾開心🤓#沒有接受用餐款待 繼續閱讀
(以上食評乃用戶個人意見 , 並不代表OpenRice之觀點。)
等級1 2024-02-22
637 瀏覽
非常差的服務態度,我們20幾個人前行,有10個到咗都唔俾入,要我們買晒咁多人嘅票先至可以入,但係現場只有現金唔可以比Credit卡,要理論一個小時後才可以放行10多人入去,簡直是不知所謂,咁樣做生意,唔會再有人去幫襯!食物質素差,個杯咁細,成日要行來行去refill, 一定冇下次!食嘢食到一肚火都算係第一次啦! 繼續閱讀
(以上食評乃用戶個人意見 , 並不代表OpenRice之觀點。)