西樹泡芙 (朗豪坊)

營業中

休息中

Monster三眼開心果泡芙 ($34)✅怪獸造型打卡一流📸✅開心果忌廉細滑，食得到開心果味🫒✅除咗耳仔係Oreo，開心果醬裏面都有Oreo碎，增加咗層次🍪✅泡芙底以為冇料，原來係吉士泡芙，抵食💕❌眼睛同平時一樣唔好食嗰啲朱古力👀📝 8/10~⭐️總括而言…西樹泡芙本身出品穩定🙌🏻，開心果味係今年萬聖節新出品🎃，好少見，而且一個泡芙有兩個味幾抵食，配合萬聖節造型怪獸👾，打卡又好食😋。另外萬聖節系列仲有單眼仔紫薯泡芙👁️🍠，會想試埋🤤

放學成日經過MK分店嘅Puff店，聞落好香好香，忍唔住買左個吉士口味黎食下🤔😋Umm…覺得唔香，而且食落真係太碎 越食越狼狽🥲而吉士醬ok la～唔算好甜嘅。

放工餓餓地見到野食真係抵受唔住。。啲puff一個個企係到好吸引😭價錢稍貴左小小，好彩之前係HKTVmall 買左三張coupon around 75折就買到一個puff 🙊🙊🍓士多啤梨乳酪$29一直都好中意食佢地乳酪系列，好濃既乳酪味酸酸甜甜，不過可能人大左今次食覺得好似甜左啲，同咪好似縮左水咁，連士多啤梨都好細粒🥺🧀榛子意大利芝士$27無盡榛子定芝士味道唔係好出，但就係三個入面最靚既一個，同樣係朱古力皮，個cream好企身，但下次應該會試其他🍫濃朱古力曲奇$21外面有啲好濃帶點苦朱古力脆脆，入面係吉士，好滑好Rich，朱古力皮既微苦中和左吉士既甜，每啖都爆醬❤️❤️

成日都見到呢類puff店，內裡的忌廉又怕太甜太膩～食左呢個朱古力曲奇，oreo 餅面。唔會好甜，凍凍地，creamy 可接受。不過價錢咁食有d 奢華🤨🤨但一般市場價格🙆🏻‍♀️🙆🏻‍♀️整體感覺：餅面脆脆地，有少少苦澀感。內裡cream 好rich，所以會食到有d 輪準。一口下午茶都可以～

好耐冇食西樹泡芙，回家途中經過，就買幾件試回味下。除咗最經典嘅吉士味，打算試一試其他比較新出嘅味道，於是仲另外買咗白桃，荔枝，同埋綠茶紅豆味。吉士味保持到一貫口感，綿綿嘅吉士醬，令人非常滿足，但係其餘三隻味都令人失望了。首先白桃味十分假，完全食唔出有白桃味道，荔枝味也一樣，就連泡芙上的荔枝果肉，也只有輕微的荔枝香，兩者口感上都是酸酸的，沒有太大分別。而綠茶紅豆則味道偏甜，還可接受。下一次還是堅持食原味吉士味吧！😆

果日去咗朗豪坊行街，突然聞到一陣陣好香嘅味道，原來係間泡芙店，當我一望過去就比一堆雪人造型嘅泡芙吸引咗，買咗返屋企打開盒望住啲小雪人☃️真係好唔捨得食落口，小雪人☃️上下兩層用咗脆朱古力，中間材料包括有士多啤梨🍓，藍莓🫐、原味忌廉、朱古力忌廉和星星糖🌟🍬，當一食入口，感覺少少冰涼，又軟綿綿，又帶有香脆，仲有啲鮮甜嘅士多啤梨和藍莓水果味道，配搭上嚟拎人感到甜絲絲，食完一口忍唔住要食下一口，同屋企人每人一個，我哋食完之後都唔夠喉，仲想再食多個，下次再出去一定要再買多一次其他口味嚟試下🤩😋😋

自從食左一次，我女就愛上啦！一見到花碌碌泡芙就會叫我買，食得兩次去到附近就叫我去買啦！士多啤梨乳酪泡芙脹卜卜泡芙充滿乳酪忌廉外層酥脆充滿住牛油香乳酪忌廉好香好幼滑配上酸酸甜甜的士多啤梨味道好夾，食出甜甜滋味

$27 恐龍脆脆和朋友晚飯後經過地鐵站，走在路上突然聞到陣陣香味，原來是旁邊有西樹泡芙店，雖然已經很飽了，但是對女生來說，吃甜品是第二個胃的享受，又有視覺及嗅覺的暴擊，使我控制不住自己的大腦及身體，立刻買了個泡芙做飯後甜品🤤🤤🤤🤤🤤恐龍脆脆”結構”上下層脆朱古力泡芙中間夾心有朱古力忌廉原味忌廉朱古力粒粒因為在街上不能除口罩吃東西，所以我只好忍着一直到家才吃，買完立刻吃口感應該會更好！每個月2號仲有優惠啊，我下個月一定要再黎買！(≧ω≦)

食完午餐，突然好想食甜品，路過呢間店，見到泡芙上的cream及生果，好靚好😋。胃食貓忍唔住要試吓。 叫左芒果🥭乳酪泡芙$25，凍凍地係夏天食好好。 芒果🥭好甜，泡芙咬落都仲好鬆脆。

近排返工實在太辛苦太大壓力 成日都要加班 決定要放工買個甜品獎勵吓自己 ✌️之前一直識開三重朱古力味 或者北海道牛乳布甸味 今日見到平時比較少見嘅蘋果金寶味 👀睇個combination好似幾特別 就決定試吓佢🍎🍎🍎🍎蘋果粒加上蘋果醬 有少少酸mei mei 金寶餅碎鬆化 真係好似平時喺ikea食開嗰款咁裏面係吉士醬 一如既往好creamy 甜味中和返蘋果嘅酸味 令到成件事好夾不過個puff感覺唔夠鬆軟 麵粉感覺太厚 扣左分😢

奶奶買左6個。我地食左依3個。入面的吉士醬都算滿，約8成。我認為朱古力味最好味。朱古力面的這個泡芙某一面不夠朱古力，好似崩了一忽。如果平均D 就好。想提一提，手挽部分貼左膠紙，更安心拎返屋企。

因為最近好多敏感話題，結婚真係唔知派咩餅俾人食，派美X、東X堂又怕得罪人，派聖X娜又怕朋友嫌cheap，真係令好多準新娘好頭痕！今日我公司有同事結婚派餅，就做咗一個好好嘅示範！各位準新娘、轉工嘅朋友，派餅真係有好多選擇。今次我同事揀咗哩間，西樹泡芙。有好多口味，我就揀咗藍莓，最初以為就係藍莓同忌廉，點知一入口乳酪嘅味道立即攻撼咗我味蕾，估唔到可以咁好食！之後我上網偷偷睇吓個價錢，又唔貴喎，雖然我屋企附近冇分店，但我肯定之後都會突登去幫襯！P.S除咗有泡芙仲有窩夫選擇，更方便入盒。

有一日行開朗豪坊商場，本來打算去Market Place By Jasons度買嘢，結果就見到呢一間專賣泡芙嘅店舖啦，其實佢哋除咗泡芙之外，仲有一啲甜品嘅三文治，當日買咗六舊原味泡芙，俾咗錢之後，即場食咗一舊，個皮好脆呀，甜度又適中，剩低果D屋企人都話好味

每次吃完午餐晚餐，飯後甜品是我和朋友最不能抵抗的一個活動！每次經過旺角地鐵站，都難免被西樹泡芙陣陣的香甜氣味吸引過去。眼見這次的現貨很多，味道齊全，就挑了兩個看起來很豐富濃厚的味道！抹茶一直是我的大愛，泡芙外皮口感鬆脆，抹茶CREAM非常濃郁香滑，吃完咀巴也帶有淡淡的抹茶甘味，推介推介！而另外一款是點了意大利TIRAMISU芝士蛋糕味道。泡芙外皮是濃濃的咖啡朱古力色，一樣是香脆，而入面的芝士CREAM也帶有非常濃郁的咖啡味道，也是沒點錯的口味。西樹總是沒有令我失望的泡芙店！！！

近期大家心情都好煩躁，是熱？定是火？低氣壓的感覺每日都圍著我。今日行過西樹泡芙，腳步停下來，突然想食d甜點等自己開心點。所以便買了幾件回家跟家人一起甜一甜😊我很喜歡這裡的心太軟，回家放入焗爐熱上十分鐘左右，外脆內軟，刀子一下，內裡的流心朱古力已慢慢流出來，好正。雖然不是特濃朱古力，但絕對不會過甜。芒果泡芙同樣外脆，可能即日買即食，沒有林左。芒果同樣新鮮，但有點酸。內裡太多奶油吉士了，我比較不喜歡。特濃朱古力泡芙就不同了，內裡的吉士都是朱古力味的，感覺無咁漏。