裕泰牛什越南河

營業中

休息中

太子大埔道裕泰牛什，之前其實已經試過几次，今日經過，當然唔會錯過⋯$30牛什米粉連飲品，呢個價錢，應該冇第二間可以做到！不過今日啖湯好似淡左，不過好在一樣都係唔口渴⋯傳聞佢哋用嘅係新鮮牛什，係唔係我唔敢講，牛肚會有草肚同金錢肚，好淋唔好唔好咬唔到！但佢個牛膀，真係同出面好唔同，爽脆2個字！而個邪惡大脹更加不得了，一口咬落D油脂即時充滿口腔，真係3高致命物！而且每次行過門口，已經有大陣牛什香味，真係好難唔入去⋯

網上牛肉牛腩群組多人推介，趁經過入去試。時間下午四時，只有幾枱客，唔使排隊等候。舖面不大，係一般粉麵鋪裝修 ，環境尚算清潔。呢間據說以鮮牛什著名，但小弟更愛吃牛腩，尤其是砂腩，牛什要待下次試了。小弟叫了一碗砂腩河全走，好快就有得食，河粉外表對眼，食落牛腩嫩滑，惜牛味不濃，個人覺得大埔群記同埋天后華姐更合胃口。湯稍偏淡及多肥油浮面，河粉薄滑好吃。結論係值得再去，勝在九龍人方便去。價錢$40包飲品，凍飲不加錢，以吃砂腩來說係超值，性價比頗高。

早排在嵩記食過二次牛雜，味道唔錯可以連湯都飲埋，正所謂抵食又好味雖然境環麻麻地，今次就試下同在大埔道太子/深水埗段的裕泰。今日12時点半來到，見到没有太多食客，坐底就叫崩沙米粉，女伙計有禮貌話一早俾人買晒，失望之餘她推介牛三寶，就試下啦 , 仲加多碟芥蘭。牛三寶米來到都算大碗，牛根有4、5件但是偏淋顯然是炆了很久，毫無咬口，牛肚有4件，都是偏淋吃不出是新鮮牛雜貨色，失望對一間牛雜店而言，最後試埋牛腩，吃咗4舊都有渣，同枱對面阿伯更加吐到滿碟牛腩渣，可能無牙啦😥。唯一可取的是放在枱頭的辣椒油，味香辣得黎有味道。食肆環境整潔的，伙計招呼ok的，但大埔道還有其他兩間牛雜店，有得揀我就唔會再去裕興了，加上價錢貴過人！評分方面，環境、服務、衞生是三星，顯示乎合要求，扺食二星低於水平是因給嵩記和明興比下去但還是抵過其他區的，因喜歡吃牛腩和雜的人最注重食物質數和好吃程度多過其他因素，裕泰只能得劣評了。

曾經係網上話係深水埗一條街有三間食 #牛雜河 既小店，兩間老字號一間新開（都係其中一間老字號拆出來），之前試咗其中一間，味道較淡，今日就有機會去試裕泰。去到剛好有位，發現都有幾多野食，連越式都有，當然我梗係叫牛雜河啦。落單時阿姐問我飲乜，我見餐牌食飲品➕$8，就話唔洗住。$30一來到，睇色就知湯唔會淡，料都多，依個價錢算大碗，都幾抵食。味道相當唔錯，見佢質素幾好就叫埋杯凍檸茶當比佢做多幾蚊生意。杯茶都幾好，茶味都夠唔會淡，比某D 茶記仲要好，喜出望外👍好滿意，見阿姐一直冇加單，埋單時同佢講我加咗杯野飲，點知佢話係包埋既🤤 我真心驚訝，即時爆咗句「乜咁好既」，阿姐話一開張已經係架啦😍我今次係第一次來，我相信一定有下次👍

其實呢間野開張都係一個月唔夠我去時連openrice都search唔到但居然已經比米紙搵執雜佬去埋做訪問比拼當中好多人話唔識 係正常嘅但佢人氣急升係因為牛什粉麵關注組紅到洗哂版我先知道原來呢間個老闆之前係有口福度做過唔怪之得有越式湯有啲人話佢唔正宗 點解叫越式湯 當然啦 其實佢真係唔正宗 不過有別於一般粉麵店嘅湯 因為係牛骨湯再加洋蔥🧅同埋會加片檸檬🍋比你，所以佢係比較有越南風味。而佢主打係話用新鮮牛什靚料價錢抵咁話！我以前係石籬返過工時，有試過越式生牛肉河係好好食嘅！呢間$40 牛雜粉 我只要牛膀同牛肚 跟越式湯 新開張送野飲 聽聞水吧唔掂 所以我要汽水算啦越南湯並沒有 「有口福」食過嘅香濃，檸檬片亦比較薄，做唔到兩枝筷子唧檸檬汁嘅效果牛肚有一半係金錢肚一半係草肚，呢個係幾開心嘅，因為每樣都有啲，睇吓你自己鍾意食乜啦。牛膀就有啲奇怪，因為好似一啲係新鮮一啲係急凍咁😅食開牛膀就知道咩係靚牛膀，新鮮先有果種軟糯一粒粒粉嘅口感，所以一上枱時覺得有啲奇怪🤔目測得一塊似新鮮不過呢間開到5am 真係好癲最後我想講 佢冇閂門嘅關係我見到個廚房佬食住煙唔帶口罩煮湯🤦🏻‍♀️下次想食 大角咀好似都有 有

一間喺關注組成日出現嘅牛什鋪以新鮮牛什出名嘅「裕泰」牛什麵 賣相不錯一膀兩肺三腸三肚好味 食得出新鮮係唔同啲份量亦都足夠坑腩米符合價錢嘅質素 合理嘅但下次都係食返牛雜麵好啲其實間鋪仲有越式麵但好似完全唔夾無乜信心 就唔特別試啦同條街三間牛什粉麵鋪頭比較以依間裕泰最貴 一般粉麵三十 食特別位如坑腩就四十鋪頭係新開嘅較企理光猛就一定味道都係以佢最好宜家新開張期間仲送埋飲品不過我前後嚟咗兩次兩次都係會落錯杯飲品俾我..

偶然間係youtube睇到「米紙」嘅介紹，比拼吓深水埗依條短短嘅街入面嘅3間牛雜舖，佢仲特登請咗個唔係食家，但每日都望住牛雜做嘢嘅「執雜佬」黎做試味。陰功😂，日日做嘢都望住啲牛雜，俾著我見到啲牛雜都唔開胃。佢介紹嘅3間牛雜，只有依間係用新鮮牛雜，所以我就試左依間先，買左一兜淨牛雜，一兜淨牛腩外賣返屋企做餸。牛雜🤤新鮮同冰鮮，味道點都有分別，差別只係你自己條🐽脷感唔感受到。啲牛膀牛肺牛肚都好入味，啲湯都偏鹹，最正係佢舊大腸，見到啲肥膏好似有啲恐怖，但講真呀，邊鬼個叫你食晒入面啲肥膏丫，食少少啦，個種牛嘅油味好鬼正牛腩😐原本想叫崩沙腩，但可惜賣晒。牛腩都入味，但可惜切得太碎太細粒，加上啲腩偏肥，肥膏都佔好大部份，ummmm，普通料啦。當然，現場食嘅點都好食過外賣，如果依間粉麵係我屋企附近，我諗我都會間唔中幫襯下啲牛雜。Mcmug綜合評分：6/10🙂牛雜唔錯，得閒試埋另外嗰兩間先。Mcmug綜合評分：7/10🙂鍾意個牛腩。「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 v