街頭火鍋

營業中

休息中

今日朋友介紹到銅鑼灣一間街頭火鍋店， 店內裝修很特別～真係好似喺街頭食緊火鍋！ 店長態度值得一讚～因為他逐一介紹店舖新鮮食材給我們！一行八人一個大鴛鴦鍋！ 我哋揀咗個杏汁豬肺湯及花膠濃雞湯～ 首先飲咗個湯先！嘩～碗杏汁豬肺湯飲完再上添飲🥣🥣好香好潤！個豬肺仲洗得好乾淨～一啲臭味都冇！花膠濃雞湯～好甜！雞肉嫩滑！食得出係新鮮雞，而不是冰鮮雞！所以禁不住叫多份雞打邊爐！正呀！🐔🐔一邊打邊爐一邊飲湯都幾爽～ 花膠湯內有一塊一塊花膠！而杏汁豬肺湯內加有白果及馬蹄～整煲湯更香丶更甜丶更出色見到碟本地手切牛肩肉～唔使多講梗係好鮮味！碌咗十幾二十秒口感剛剛好！肉質好冧～ 仲有我未食過嘅蝴蝶腩～好食到再encore多一次店長推介水餃丶韮菜餃及鮮蝦雲吞餃！三種餃子都值得一試～皮薄餡靚丶啲餡仲好豐富好實在～平時丸類很少打邊爐落order, 今次嘅梅菜豬肉丸丶 蝦子丸及墨魚滑～樣樣都好彈牙！味道一流響鈴仲係新鮮炸出嚟！脆卜卜丶好香口丶一啲油益味都冇！絕對冇放湯浸三秒～Yummy最後每人送杯本地生產雪糕及一碟臭豆腐給大家品嚐！雖然這餐不是放題～每樣單點！但我覺得一啲都唔貴！每人加埋一都只係$300 食得出鮮味

夏天都係無阻同朋友打邊爐嘅慾望🔥今晚嚟到銅鑼灣新開嘅街頭火鍋要咗個雙拼湯底分別係花膠雞同沙嗲湯🤤🤤花膠雞真係可以當湯飲 女士養顏之選沙嗲配肥牛 你懂的😏試咗人氣手抓牛同手打蝦丸加墨魚膠最後加個一丁麵落沙嗲湯到😍

一行9人去打邊爐，今次真係天大發現！一開頭朋友未到齊，就食住魚蛋燒賣，估唔到仲有臭豆腐。我地9個人坐房，仲要一人一鍋，我自己叫左沙爹䈑荀湯底（沙爹香濃適中，正過某九龍城火鍋店），朋友叫杏汁豬肺（極級老火湯水準），另外朋友叫香濃雞湯，（一飲就feel到勁補身）我試勻晒幾個朋友啲湯底，每個都好出色！打邊爐最緊要係肥牛，叫左個本地肥牛，（聽聞攞貨每日有quota ） ，牛肉係蝴蝶形切法，廚師好有心，淥十秒就食，油脂香十足，配呢個沙爹鍋入晒味象拔蚌同生蠔非常新鮮，老闆話隻生蠔個個男人食完都讚不絕口。仲有鹹蛋黄肉丸（有新意！）、蝦丸，鵝腸全部好新鮮。加埋鬼馬老油條，今晚食飽飽，加啤酒雪糕，簡直大滿足。平時我唔寫食評，今次都忍唔住要寫，坐房唱K啲歌仲要勁新，有晒mirror曾彼特同MC，希望呢間舖爆紅。

之前睇過介紹即刻約朋友試吓呢間「街頭火鍋」地點方便，銅鑼灣地鐵站C出口行過去只需兩分鐘（容易搵）環境不錯，裝修以港式型格地道為主，每個角落都可以拍照扮網紅（首選卡位）服務態度好好，全部員工都好親切，我哋兩個人食，員工們好仔細介紹食物（份量也提供意見可選擇半份）湯底今次選擇了花膠雞湯，超級好味，本人極力推介（勁多花膠，女士超like)食物款式多，真材實料，推介：梅菜豬肉丸、牛筋丸（另有街頭小食必食：燒賣、魚蛋！秘製辣汁勁野味）另外，比我發現佢有獨立房間，仲可以唱k(嘩正呀喂）如果人數多可以book房邊打邊爐邊唱k（隔音仲要好好，我坐出面完全唔覺得嘈）評價：整體非常滿意！會希望再來試吓其他未試嘅食物！（第一次寫食評！🙇🏼‍♀️請多多包涵！）