街坊茶記 (已結業)

朋友屋企樓下開咗間新食肆，朋友都未試過於是傾完計順便去試吓，實而不華、價錢貼地，小食、小菜、炒粉麵、套餐等樣樣齊，店員感覺都好親切。我哋叫咗一個乾炒牛河同埋椒鹽豬扒，干炒牛河超有鑊氣又好味，炒得乾身唔會油笠笠，牛肉一咬即開，只收$50相當抵食。另外碟椒鹽豬扒都十分香口惹味，肉汁仍保留到，輕輕的辣味更加好味，相信地道小館不多加味精，忍唔住又食多件，當然係襯白飯啦！見隔離枱點冰鎮奶茶，我又叫番一杯，茶味香質地滑，冰鎮夠凍又唔會溝淡奶茶，值得一試！店內劃出有小食counter區，有魚蛋、燒賣、碗仔翅、咖喱魷魚、腸粉等小食，連炸魚蛋、炸尖椒等特別啲嘅嘢都有得賣，朋友話下次有要再來試試先。

同小朋友去咗將軍澳嘅冒險樂園放一日電，諗住喺附近平平哋食個晚餐後先走，沿着河邊行行吓就去到雍明商場嘅呢間街坊茶記，見到晚市都有小菜，就一於呢度啦。如店名一樣，呢度裝修簡潔，位置不多，主要都係做街坊生意，晚市有炒粉麵和小菜可選，我哋叫咗「椒絲腐乳通菜炒牛肉」以及「櫻花蝦蒸水蛋」，即叫即炒好新鮮，通菜牛肉好有鑊氣，腐乳香噴噴，非常惹味，牛肉雖然唔係話好多，不過每片都幾大塊，而且都幾腍。至於櫻花蝦蒸水蛋，真係成個面都係櫻花蝦，鋪到密質質，多過我自己煮嗰啲添！😂櫻花蝦係好有益嘅食物，好多鈣質啱晒小朋友，佢個蒸水蛋都蒸得好滑，兩個唔同質感一齊食，送飯一流！小菜附送例湯白飯，碗飯大大碗。飲品要左一杯紅豆冰同埋熱阿華田，質以街坊價來講質素好好啦！

作為將軍澳街坊, 經過買小食試下佢的小食睇圖好吸引, 買左兩款黎食我係外賣返屋企食的1. $25 的沙嗲魷魚睇圖片好吸引但係份量少 (如圖)比起佢的餐牌的份量, 有圖片與事實不附的感覺不過佢有細細隻字寫住 6 件gei...沙嗲比較水, 只有辣味, 無沙嗲的香味, 覺得似辣油多過似沙嗲2. $18 生菜魚肉味道好好, 有麻油同pepper, 魚肉好味又彈呀, 生菜都新鮮. 可惜佢得6粒魚肉, 係, 只有6粒, 份量太少了下次未必會再買佢的小食. 但係可能會試下佢的lunch set 同冰鎮奶茶

今日就去左將軍澳南個邊行下donki順便食下野見個招牌咁得意咁吸精睇睇餐牌個價咁親民就試試依間"茶記" 比起一般茶餐廳乾淨企理，鋪內都有霓紅燈 有玩味又夠港 🇭🇰 味正呀鋪頭唔算大，只有十多張台不過麻將雖小，五臟俱全🙌🏻叫左我依個食肉獸最愛嘅椒鹽豬扒飯😍豬扒份量好多🥰🥰炸得好脆椒鹽味同肉味都幾出👍👍而且無乜骨啖啖肉hehe😋😋朋友就叫左通菜腐乳炒牛肉牛肉食得出 無乜落鬆肉粉唔似一般茶餐廳幾有質感同肉味腐乳味唔算好出通菜炒得幾爽口仲有例湯同野飲真係好抵呀野飲叫左冰震奶茶 🧋 茶味幾夠而且冰震最好就係可以坐低慢慢飲飲到尾都唔會變淡正

同屋企人係將軍澳海旁行街，原來有屋院貼住海旁既單車經，唔行都唔知，經過雍明苑商場隔離，行到攰攰地見到雍明苑商場有間餐廳，叫街坊茶記，個名咁貼地，就入去坐底睇下有咩街坊正野食，順便食個下午茶補充下能量喇。要數香港貼地下午茶緊係有香港人至愛西多士加港式冰鎮奶茶。而呢度既西多入邊係加左火腿同芝士，芝士火腿三文治就食得多，芝士火腿西多真係第一次食，食落去真係同芝腿治差唔多，但係就多左西多既香味同口感，加埋牛油同糖漿，好味。另外我地仲叫左份公司三文治，呢度既三文治入面係分別夾左芝士吞拿魚碎同埋生菜蛋沙律火腿蕃茄，方包烘到脆卜卜加埋查左厚牛油，呢個真係可以N Call 架，最後飲埋冰鎮港式奶茶，茶香奶滑，飲落去爽呀。

上幾個月黎咗將軍澳海旁發掘咗呢間街坊茶記，食物高質，價錢親民，CP值爆登，今日經過附近緊係要encore，食番個歡樂下午茶😚乾炒牛河 ($40)- 作為牛河嘅忠粉，上次食完呢個乾炒牛河就念念不忘，今次都水準嘅水準，炒得超有鑊氣，好惹味，牛肉大片，肉質軟嫩，一啲都唔會柴，河粉都炒得幾乾身，條條分明😍脆脆超級蛋牛治 ($40)- 蛋牛治都好有驚喜，蛋牛治好特別，麵包煎得脆脆地，配塔香軟鹹香嘅蛋牛內餡，口感層次超級豐富，一啖接一啖停唔到口😋冰震奶茶 (+$3*2)- 冰鎮奶茶係今次最驚艷，奶茶香濃細滑，甜度控制到啱啱好，茶味嘅香醇停留喺口腔入邊，兩個字—「一流」，簡直媲美到連鎖店嘅招牌奶茶，甚至仲更加好飲添❤️凍朱古力- 凍朱古力都唔錯，朱古力超級香濃，味道非常突出，好足料，啖啖都好甜蜜，夏日好想飲甜野叫番杯凍朱一流😜餐廳整體企理乾淨，特別欣賞老闆超級friendly同好客嘅態度，好味嘅食物同親切嘅員工，用餐體驗一流👍🏻

今日放半晝，去咗將軍澳海濱長廊行下，估唔到仲可以睇埋日落，海旁兩邊的景色非常優美。行到好攰，有人提議去食個 late tea。喺雍明商場地下搵到間新開嘅「街坊茶記」，睇咗門口餐牌，有街坊小食、全日炒粉麵飯餐、招牌套餐等供應，選擇都幾豐富，而且價錢十分親民， 啱晒我倆心水。點咗兩個「歡樂下午茶餐」，秘製豬軟骨湯米線 ($40) 同 超級西多士 ($32)。米線大大碗，分量十足，送上來時仍熱辣辣。豬軟骨炆到起晒膠，一夾起好似腸粉咁，軟腍又入味。米線嗦汁力好強，爽韌彈兼備，嚼感甚佳，而且吃起來亦有米香。另外呢客超級西多士，賣相亦非常吸引。好邪惡的外表，外皮炸至金黃香脆，入口軟綿綿，切開見到裡面竟然有四層，非常厚身，配上面頭大大塊牛油，再加點糖漿，既香口又不甜膩，簡單又美味。跟餐飲品點咗紅豆冰同冰鎮奶茶 (+$3)，紅豆冰分量夠多，有成半杯紅豆，足料到爆，入口豆味重之餘，亦不失奶香。冰鎮奶茶味道亦唔錯，將奶茶放入有滿滿冰粒的碗中，所以唔會因為冰溶化而令味道變淡，入口茶香悠長有層次。意猶未盡，決定再加多碗甜品：香芋紫米露 ($18)，睇下幾足料，除咗芋頭，仲有紫米同西米，入口濃稠適中，當中紫米又

這間餐廳位於將軍澳， 距離將軍澳地鐵站路程需要五分鐘左右， 地理上還算方便快捷， 餐廳就是一家港式茶餐廳 ，但絕對不是 傳統舊式的那一種， 單純從裝橫來說絕對是新派，內裏燈光充足 ，環境 不俗。 食物方面， 這天我點選了 豆豉排骨蒸豆卜更配搭是日例湯， 餐廳以小店形式經營，吃起來更有一種人情味。 味道方面，先由例湯開始，零味精無添加的感覺，就是不一樣， 最重要真材實料，份量十足， 至於我的主菜方面， 排骨挑選恰到好處，肥瘦適中， 配搭惹味的豆豉， 令豆卜 更份外美味。

附近無咩小食,, 就試左呢間平民小店買左個下午茶套餐$32,, (魚蛋燒賣加腸粉) +紅豆冰,,每樣都咁難食.....燒賣: 又硬又韌魚蛋: 好<鞋>,, 唔彈牙腸粉: 呢個唔知點形容.. 都係硬硬地-_-D醬... 更加不值一提紅豆冰: 無味總結: 雖然無食過其他野... 不過真係無下次,, 因為魚蛋燒賣呢d咁基本都可以整得出咁奇怪既口感,, 好少見........價錢偏貴,, 下次都係行遠少少食個Snack Express.

上次係度食過小食類，今晚想食下小炒類型，價錢又親民，晚餐仲包中湯、飯同餐飲，啱晒我呢啲懶煮飯嘅人☺️。等食期間點了椒鹽牛油🧈粟米，$10/4都抵食，雖然椒鹽但唔會好鹹，味道啱啱好。晚飯小菜套餐 ：#蜜椒薯仔牛柳粒一上菜便聞到好香，牛柳粒好淋易咬，薯仔輕炸過外小脆內軟，加埋黑椒，唔錯啊！#櫻花蝦蒸水蛋蒸蛋上，鋪上滿滿的櫻花蝦, 櫻花🌸蝦帶點咸咸的，配上滑滑的蛋，撈勻飯食零舍好味😋， 真係可以食晒成碗飯。餐飲點了紅豆冰同凍鴛鴦，紅豆冰的紅豆份量都有成3分1杯，入口香甜綿密，友人說凍鴛鴦茶底夠香濃。環境舒適對住海景，食完可係海旁散步消化下，真不錯啊🥳。晚上有時唔想食咁多野，呢間都幫到你，因為店內除左小炒外，仲有小食和全日餐，啱晒唔同需要嘅你。

將軍澳南最近新餐廳一間又一間，臨海餐廳更係一大賣點。雖然多咗餐廳，但係海邊行行下，想平平地想搵間茶記都唔易。作為澳南少有既茶記，門面既燈光招牌有特色，有咩食物都一目了然。餐廳坐位唔多，如果想買外賣去海邊食，仲有魚蛋燒賣碗仔翅任君選擇。焗咖喱牛肉意粉意粉即叫即焗，咖喱又有椰汁味香噴噴。鮮牛肉份量足，意粉一樣熱辣辣，又香又腍，完全唔似普通茶記出品。椒鹽豬扒飯椒鹽豬扒港式味道，豆瓣醬入味香濃，少少辣食得開胃，蔥花點綴又可以做平衡，豬扒肉質鬆軟又夠入味，配上白飯，飽肚之選。凍奶茶作為茶記的靈魂，呢度的奶茶著重甜道大於茶香，喜歡香甜的奶茶又不愛澀味應該會愛不釋手。熱好立克經典餐飲，奶香味突出。

屋企附近開了一間小店，在海旁邊，非常適合跑完步醫肚嘅地方小店內有小食，下午茶和全日餐，食物種類多完化沙嗲魚蛋，魷魚，牛柏葉 - 是風味小食，最驚喜是秘製的沙嗲醬，愛辣之人一定愛上！配上彈牙的魚蛋，有咬口的魷魚，爽口牛柏葉，絕對是吃不停口香煎豬扒麵 - 豬扒有手掌那麼大，麵底是出前一丁不用加錢豬扒肉厚鮮嫩，滿滿肉汁乾炒黑椒牛柳絲炒意粉 - 一上菜香氣四溢，份量很多牛柳絲肉質軟腍，乾炒意粉顯得十分有鑊氣餐飲點了茶記必點的凍檸茶和凍奶茶，小店貼心地用了鋼杯，令凍飲在夏日炎炎更透心涼這間街坊茶記雖然地方不大，但勝在性價比高，環境舒適有風味，吃得非常自在

下午茶餐當午餐😂葡汁牛肉意粉（$40）意粉普通，螢光汁冇咩味道，唯獨芝士焦焦地，幾吸引❤️牛肉都好淋好易咬。美中不足嘅地方係冇蔬菜。另外有秘製沙嗲魷魚（$25）魷魚淋，不錯卻不夠特別。店內仲有其他小食，令人期待

今晚好懶煮飯，試吓街坊茶記，舖頭位置唔太顯眼，原來佢小炒好正，好夠鑊氣，外賣番到屋企都一樣好味下次會再試其他款碗仔翅真材實料好多料超正咕嚕肉外脆內軟推介蜜椒薯仔牛柳粒推介

第一次食乾炒牛河 A公司三文治 A咖哩魚蛋 魷魚 B- (佢個汁係好食既 夠辣夠味 但用水魷只淥下就淋汁上面 唔係用炆煮既咖哩土魷 所以好普通魚蛋亦係普通貨 希望佢地改下食材唔好浪費左個汁）因為佢乾炒牛河好食第二次試星洲炒米 都係即炒既 夠鑊氣但可惜最重要既义燒竟然無同埋米粉比較幼身 扣分話哂新開希望再黎會改進仲有一點 就你伙計好有禮貌👍🏻👍🏻