蠔站 (荃新天地)

營業中

休息中

友人生日飯局 新張期正價食物6折 再加生蠔10蚊隻真係引來不少客人 打左好多次電話先BOOK到枱朋友們都比較喜歡食生蠔 即開生蠔前前後後我們點左十打..5個人每人食2打生蠔SIZE不算大 但尚算新鮮 除了生蠔 我們還點了其他熟食~但由於其實其他食物賣相及份量不吸引所以沒有拍照的動力-炸魷魚圈 份量少 炸起不脆口-卡邦尼意粉 白汁味道太淡 而且份量少-肉眼扒五成熟 來到只有3成 而且只有手掌心般大 切開每人只有一口-野菌意大粉飯 跟意粉一樣 味道太淡如果好吃再點無妨 但食完了熟食已沒衝動再點其他...完全沒有一點飽意... 十打蠔加以上食物 6折後埋單$19XX最後再去了食其他餐廳...

一聽到話荃灣有＄10.1隻生蠔梗係要去朝聖啦前後去咗兩次，中午同晚上都去咗一次午餐優惠買一送一肉眼扒，份量好細絕對唔會飽，肉質冇乜味，所叫嘅三成熟變咗七成熟，不過係買一送一嘅話就都仲接受，假如係正價就真係貴＄10.1隻嘅生蠔每人叫咗一打，OK好爽，小小海水味，但係味道好淡，呢個價錢算係唔錯，冇咩好挑剔炸啤酒薯條同普通薯條冇乜分別係面頭有啲一點點脆卜卜，攞嚟送啤酒一流炸豬手 都幾大份，260幾蚊依家仲有六折，兩個人食唔晒都幾好，好脆～鮮檸檬梳打冇乜特別正正常常做緊六折好抵飲環境幾好不過依家新開張好多變咗做比較嘈，中午都唔使點樣排隊兩三個字就入得，如果夜晚同成班朋友來食嘢吹水係幾好嘅選擇

難得星期五男友準時收工，可以周圍揾好嘢食!佢醒起Oyster Station喺荃灣開咗分店，突然想食10蚊隻生蠔，即時打電話去問有冇位，餐廳話仲有少量walk in 位，但唔保証我哋去到仲有冇，我哋即刻9秒9行過去!去到見到門口已經有幾pair 人係度望望吓，好彩都仲有位，侍應安排我地坐喺對住吧枱嘅高腳枱，張枱確係有d細。個人認為大角咀服務比呢度好，又可能呢度新開比較忙掛，Anyway 態度都唔係差嘅，只係冇大角咀咁好姐！其實呢度個menu 我上網都睇過，大致上係同諾士佛臺分店一樣，但就同大角咀分店唔同。牛扒有唔同級數唔同位置小食有d唔同，冇咗蟹餅，冇得食!湯只有是日餐湯，椰菜花忌廉湯~~所以我冇叫到!法國生蠔今日特價10蚊蠔係法國蠔。只聽到侍應話係法國蠔，海水味重。仲要我哋問先講，上次大角咀分店侍應係好主動介紹㗎!由於我哋係蠔怪，所以一嚟就一打先，基本上都冇打算叫其他蠔。好快就再叫多一打，今晚total 兩打落肚!今次蠔身冇上次南非蠔咁厚，海水味重d，食落爽口甘甜!美國USDA頂級西冷扒我唔食牛唔比意見，呢個係男友點嘅，佢只係話ok 冇特別講d乜。我就負責食咗則邊d椒呀菇呀瓜呀秋葵，

新張期內，午餐買一送一，已經好吸引！仲要有張 coupon 每人送三隻蠔，第一張相是送的！完全唔 hea!! 是日係愛爾蘭蠔 👍🏻👍🏻👍🏻 由於亞媽好滿意，之後再追加多 10 隻，都係 $10 隻主菜唔想食太多，揀左個魚柳，配雜菜，味道 ok, 但不是有驚喜那種。亞媽揀左芝士雜菌扁意粉，佢就好滿意餐湯好特別！係紫薯湯 👍🏻👍🏻 蒜蓉多士好脆好香 午餐包餐飲並以迷你雪糕泡芙作結！大滿足！午餐免收加一。其他食品就要加一。雖然都預左呢餐會好抵食，但見到單後仍然十分興奮，二人只係要 $198 ，total 16 隻好正嘅生蠔唔知之後午市仲有無 $10 蠔呢！？

新開左間西餐廳，知道做緊買一送一同埋一個餐送3隻生蠔優惠就比佢吸引左，所以lunch 同d 同事去左試食。好多人都應該同我地一樣，因為優惠去左食，好彩我地提早左去拎位，因為食緊時見到好多人係出面排隊。但同樣地因為多人，但服務生人數唔夠，所以成日想叫人都無人理。食物既味道都唔錯，但份量好細，食完都唔係好飽🙁🙁🙁而生蠔唔算太新鮮，無咩甜味。如果無買一送一既優惠去食，d 餐大約要$6x~1xx，lunch 來講就真係太貴啦。豬肋骨配薯角，豬肋骨好味道，d 肉唔會痴骨，一切就可以將肉切出來，容易食到，薯角夠哂脆，仲有少少沙律菜清一清。😍👍🏻👍🏻牛扒配薯蓉，點餐時無得選擇牛扒既熟度，上菜時，大約係7~8成熟，好韌，要咬好耐先吞到😑😑😑個薯蓉就幾好味。如果無記錯，應該係三文魚薄餅，餅底係薄既，好脆，味道都幾好，但得果兩片仔，食完真係唔多飽。

喺其他網站見到lunch有買一送一優惠因而前去一試究竟，結果還是中了伏。11點幾就到，所以冇乜客，環境及服務都好ok，有啲位仲可以望到荃新天地嘅綠化帶。但食物就很是一般。我及友人叫了燒春雞炸蝦set($118)及牛扒set($118)，餐湯是南瓜湯(配一塊很乾的蒜蓉包)。主食份量略嫌太細份，少量沙律配上薯蓉作伴碟。燒春雞十分乾身，肉質沒有水份而且好“鞋”，外皮太硬。 兩隻炸蝦天婦羅也是很普通像大型超市內可買回家自己炸的那種。牛扒煮得太過火，又老又韌餐飲點了檸茶，不過不失。另外甜品就是迷你泡芙，也是大型超市的貨色。總括而言食物質素有待提升。

午餐買一送一首先上嘅係紫薯忌廉湯 食唔到紫薯味 但個湯尚算熱蒜蓉包 其中一面塗咗蒜蓉 烘得好脆好香友人嗌咗蒜片扁意粉($68) 味道都ok嘅 但份量唔夠飽真心•脆皮鹹豬手($88)好膠質😌 同樣好大嚿骨 薯蓉太少 完全唔飽肚甜品係 一口泡芙 另外仲有餐飲新開張嚟講 上菜上得幾快同唔亂環境同服務態度都唔錯仲有10蚊1隻蠔優惠?!—————————————————送最平嗰個 仲免加一 $44/人蠔站荃灣荃新天地一期上層地下UG41號舖

荃灣一向都多美食，行行下見到呢間新開既西餐廳，有下午茶MENU ，當然要試下啦!裝修行型格路線，有二人枱係落地玻璃一旁，拍拖傾下計就岩晒啦！而下午茶MENU亦相當驚喜，價錢經濟實惠，$40-70都有。我地兩個對香口炸野完全無抵抗能力，兩個餐都無視脂肪威脅!香脆炸蝦配薯條拼特製蛋黃醬; 雞上腿配水果沙律雖然叫左好多炸野，但chef整得幾好，唔算油膩。個炸蝦粉漿唔會太厚，香脆彈牙~雞上腿上配有香草，感覺清新~最令人驚喜既係竟然連下午茶時段都有$10生蠔優惠小試牛刀既我地只叫左兩隻法國生蠔味道鮮甜，下次會再叫多d

見新張6折，蠔$10/隻，去試下，等位唔算耐，環境都ok，蠔ok，爽口有海水味，$348肉眼扒ok但唔值咁貴，其他唔掂，$88黑松露炒菌凍既，巨峰㧧打甜到不行了$268海膽刺身底果d梅梅地地，$98/一隻牡丹蝦剌身ok但一定唔值呢個價，粉類無試，唔知得唔得結論係6折都覺得唔值，無6折更加唔會再去，btw$10/生蠔真心唔，其他真係唔太掂錯。。。。。。。。。。。。。。。。。。。。。。，。。。。。。。

蠔站O S Plus🇭🇰🐚愛爾蘭Harty Oysters生蠔真係一樣好難抵抗嘅美食，但要喺香港食到平靚正嘅生蠔就唔係一件易事～ 聽朋友介紹荃灣有一間新開嘅餐廳做緊$10隻指定品種生蠔嘅推廣，當然就梗係唔執輸入嚟荃灣試下佢！生蠔嘅size都算唔錯，有成半個手掌咁大，睇落亦都十分新鮮～食落非常爽甜，海水味偏重但完全冇影響生蠔嘅味道，而且因為好新鮮，即使唔落任何醬料亦唔會有任何腥味。🇭🇰🐚咖哩雞配白飯 & 醬燒金沙骨配薯角Set Lunch配蒜蓉包、餐湯、小甜點同埋餐飲，先講蒜蓉包，味道其實唔錯，但似乎因為唔係即焗即上，擺到涼左所以冇咗香脆嘅口感；今次嘅餐湯係西蘭花青豆忌廉湯，味道幾特別，不過麻麻青豆嘅朋友就應該未必會鍾意；主食先講咖哩雞飯，咖哩水準一般，建議可以加返多少香料同減少油量，同埋一定要加薯仔加薯仔加薯仔（好重要所以要講3次！），不過值得一讚嘅係啲雞幾滑，唔會食到「痴牙」；另外一個主食係醬燒金沙骨配薯角，整體味道合格，但係個醬就唔係好夠味，肉質有點偏韌，另外沙律配菜切得有點太碎，醬汁亦非常有「創意」用咗日式芝麻醬，配搭有點奇怪，不過薯角就炸得唔錯；小甜點係雪糕泡芙，應該都只係入貨

首先要讚嘅係環境同味道都唔錯，豬手值得推薦，$10生蠔相對翻價錢同size，口感都ok，嘢食完全冇問題👏🏿👏🏿但服務態度真係唔得，一開始打去就話冇得訂枱，咁唯有去拎飛，去到安排位嗰位小姐俾咗張飛我哋係101，話下一張係35，咁諗住有嗰多個等緊就去行下先，中途都有打去問叫到幾號，但打咗2-3次都冇人聽，咁唯有翻去問下，點知佢就話啱啱叫咗，下一張103，要重新排過😓😓咁前後半個鐘叫做唔緊要，咁其實係未可以有位即即刻安排翻呢？仲要係過左1個啫。唯有企定定等啦，點知仲嬲，電話響，佢望住都唔聽，見有人行嚟問嘢或者攞飛就聽電話，最過份嘅係佢接訂枱，說好的冇得訂枱呢？正常餐廳2人枱就安排2人坐，不停問人3人坐唔坐2人枱有咩意思呢？其餘嗰啲幾個都唔熟枱號，嘢食又去錯枱，埋單又去錯嘢食係唔錯，但服務態度同質素真係要改善下

「「「「QT為你試伏唔伏報告」」」」生蠔依家野呢真係好引死人嘅，好多時都比較貴而且仲最怕遇到唔夠新鮮食到賴晒屎甘就唔好啦！生蠔嘅價格好多時睇時令、品種、大細而定！正所謂平有平食！貴有貴食！如果可以平而食到質素唔差就當然最開心😊 坊間好多時都會有餐廳或酒店做超值享用生號優惠嘅！就好似尋日甘又有飲食平台報導一間新開餐廳推出$10 隻指定品種生蠔優惠！又報導到好新鮮好正甘～ 所以QT決定今日就即去試試睇睇平台或餐廳誠唔誠實，有冇水讀者顧客喇😏QT去之前做過資料搜集，依間餐廳其實係之前都好出名食$10生蠔「Oysters Station 」嘅分公司（子母關係甘啦），好多地方都冇分店同樣一直有進行依個優惠，不過以「OS plus 」名就只有兩分店，一間於將軍澳，而荃灣依間就近日新開嘅，所以除左$10生蠔 ，仲有新開張優惠「全日menu 上嘅食物6折」，雖然問過店員個優惠點用，佢大概就話野食6折，但當QT問甘係米全單6折，店員又話唔係講只係大部分食物，生蠔唔包括～～～ 之後全店都見好忙我都廢事阻住佢地工作唔更問太多😂 因爲我一心只為試個生蠔而來！QT係5:45pm到walk in,需拎號碼等位，不

走到感到酷熱非常時，見到呢間野，仲要係食蠔，即刻9沖入去食。入到去見到餐廳裝潢，本打算要好貴，點知都係每人用左100左右，仲要咁岩見到有$10生蠔！！即刻同女友叫左一打試下. 生蠔唔算肥美，但勝在夠甜同海水味，$10黎講非常值得！

有日經過見到，門口好多人，先發現OliveCafe執咗，轉咗做呢間。見到有6折，覺得好似幾抵就膽粗粗試下。入到去，reception姐姐帶咗我地坐咗係張好逼既檯，夾咗係兩檯中間。不過冇訂位係咁架啦，唔洗等位已經好好，我見門口都幾多人等緊。食親西餐我都會即刻點凱撒沙律，因為中意啲脆煙肉。呢度既凱撒沙律仲有銀魚柳，好有鹹香味呀。而且啲菜都好爽脆。然後我地見啲咁平，先10蚊隻，就叫咗8隻。估唔到又幾好食，好有海水味，但唔記得影相。然後因爲朋友係肉眼扒迷，我地就試咗個肉眼。點知好失望，因為冇牛味，同埋肉既口感似豬肉我食咗兩舊就冇食，朋友都話唔值呢個價(如果冇6折)我就揀咗呢個意粉，個味好淡，冇乜辣味。啲蜆就一般，應該唔係新鮮野。Overall，覺得啲蠔同小食都ok，但啲main就差咗小小。但為咗個沙律，會想再黎。

上次食咗晚餐覺得ok好食，佢送咗張coupon lunch set 買一送一。見到好似好抵咁，就即刻試咗蘑菇湯超多蘑菇粒，味道都啱啱好。餐包就一般，因為我唔係幾中意食又脆又硬既包。然後仲有coupon，每人送3隻蠔超正，因為質素一啲都唔似送。朋友就食呢個lunch set G 羊西冷伴吉列大蝦，叫咗5成熟，味道都ok。我就食炭燒美國西冷牛扒，都係5成熟。呢個牛有驚喜地好味，牛扒本身係偏薄既。因為早前試過佢地晚上個肉眼扒，覺得冇乜牛味，肉質又似豬肉，所以食lunch呢個反而覺得好食。餐飲叫咗凍奶茶，好夠奶味最後仲有個泡芙一人一粒，我冇食到比咗朋友食，佢就話一般，因為係淋既。Overall,我會趁佢優惠未完食多幾次，好似8月尾先完，買一送一真係好抵。最後，埋單兩個人118蚊