蠔站 (荃新天地)

營業中

休息中

之前都有係青衣分店食過今次就黎荃灣食$10蠔本來對呢d咁平嘅蠔無期望,但試過一次之後,都係為左個蠔再黎食呢間野佢訂位有折,但要正價餐牌食夠$500,所以我上次兩個人食係用唔著,今次4個人都好d佢正價餐牌其實價錢偏貴,都係食佢特價野先抵食,而且淨係食蠔已經足夠填飽半個胃好新鮮,海水味重,抵過自己買番屋企開一入坐佢就會問我地要幾多隻蠔,之黎再encore多一轉,佢會等你食夠蠔先再上其他主菜,我覺得服務態度係抵讚我地4個人最黎食左60隻$10蠔,勁抵生啤, 無咩邊隻好飲,選擇又少雖然個牛油果沙律成$98得好細份,但真係幾好食西冷牛扒普通貨色,唔值$298, 伴菜好食過塊扒德國豬手$268有d貴, 如果訂位有折都可以試下

因為早食飯,1730去到無咩人,地方算乾淨,侍應姐姐有禮貌,幫手寫份問卷調查仲送一杯飲品,食物方面$10一隻蠔,雖然細少少,但味道唔錯,羊架,意大利飯合格.加上用openrice訂枱,主菜單有7折,亦都抵食.

住荃灣嘅同事推介！當然，重點係$10隻嘅生蠔！週末同男朋友約咗另一pair去睇戲，男朋友又話想食西餐，就去咗呢間位於荃新天地嘅餐廳。諗住食完野可以行下街，再去睇戲，好方便！餐廳位於嘅位置顯眼易搵，裏面環境氣氛都唔錯！適合情侶晚餐，之後再去睇戲本身以為$10蠔優惠要平日先有，book位時特登問吓，原來週末同假期都有做！當晚好似係唔知幾週年，做緊75折優惠！本身都幾鍾意食蠔，但諗住$10隻所以冇太大期望！但出乎意料之外好食同平時一田/ Citysuper買$20-30果d差唔多質素，幾新鮮！好食過buffet 果d多多聲！仲唔一定次次都係同一款！真係物超所值！當然要求高啲嘅朋友仔，可以另外叫指定款嘅生蠔試下！當晚我哋4個人食咗5打，一打都係$120咋！當然，我哋都有另外叫嘢食... 叫左Pizza，意粉，沙津同其他小食，都唔錯嫁！其中個黑松露意飯好好食！當晚真係食到好飽好飽！人平$400左右啦！同普通食西餐價錢差唔多，仲有生蠔食添喎！會再Encore

星期六約媽咪同埋仔仔一齊食晏12點開門午餐由70~120蚊左右叫左兩個set lunch同一個兒童餐有湯有茶仲有自助沙律吧沙律吧有基本沙律菜，仲有醃左既紅菜頭沙律，椰菜花沙律，薯仔沙律，白蘿蔔沙律，印度米沙律另外仲有生果，林明頓蛋糕另外我都叫左半打10蚊蠔 pizza好味兒童餐68蚊咁多野食生果，林明頓蛋糕

食左先講！荃灣野食多不勝數，米線，泰國野，小炒等等，可以話要乜有乜，要揀間好食嘅都吾易稼！ 行到荃新天地1期肚仔有點餓，朋友話想食西餐廳，於是就試左呢間主打推介$10隻蠔嘅 OS plus喇！ $10隻都吾知行不行，於是就叫左半打試下去先喇即叫即開，大約10分鐘到就有得食喇，吾係話好大隻，但係又真係幾新鮮，有海水味，幾鮮甜咼衰鬼雖然有啲就細左啲，但鮮味搶分👍🏻再加多半打！1比0😆👏之後就點左呢個豬手，事關朋友中意食豬手。賣相吾錯，豬手皮好脆，肉質嫩，吾算炸得太過分，配埋個蜜糖芥茉醬之後就到呢個豬肋骨就賣相吾錯，但略嫌燒得過左少少火，肉質較乾同埋吾夠juicy 餐廳環境闊落，坐得都幾舒服，吾會太凍又吾會太熱服務員態度亦ok，適當時候幫忙加水

睇完戲九點幾, 有啲肚餓, 又唔想咁夜食到咁飽🤔決定去「蠔站」食生蠔🤓-✌🏻個人總共叫左一打生蠔🙆🏻‍♀️新鮮, 細細隻得黎幾creamy~~💲🔟一隻真係性價比超高-淨係食冷盤唔夠, 總感覺要食返啲暖野落肚😌💁🏻‍♀️黑松露野菌意大利飯賣相唔吸引👀份量正常, 2個人share 岩岩好👌🏻味道又唔錯喎 (感覺上黑松露又好難會整得唔好食😆)唔會太乾或者太濕👍🏻-整體黎講, 環境唔錯, 想摸住酒杯底食住生蠔傾計, 依度係唔錯嘅選擇🙌🏻-

同朋友都好鐘意食蠔見到呢間餐廳10蚊一隻咁所就黎試試佢首次我地嗌咗一打生蠔唔係太肥美 但可以接受另外再嗌咗2人餐有沙律海鮮拼盤 炸雞翼 pizza同牛 整體都唔錯 而且食得好飽

.ㅤㅤㅤㅤㅤㅤㅤㅤㅤ香港篇🇭🇰ㅤㅤㅤㅤㅤㅤㅤㅤㅤ🍴: Oyster Station ㅤㅤㅤㅤㅤㅤㅤㅤㅤ📍: 荃灣楊屋道1號荃新天地UG41 ㅤㅤㅤㅤㅤㅤㅤㅤㅤ✨十蚊生蠔(8.5/10) hkd10/隻10蚊一隻蠔係無上限任食 唔會限你叫幾多隻但款式係由餐廳決定的生蠔雖然唔算大隻但海水味重 creamy得黎幾新鮮10蚊既價錢黎講好抵食 👍🏻ㅤㅤㅤㅤㅤㅤㅤㅤㅤ✨脆炸德國咸豬手(9/10) hkd268呢個必食🤤外層炸得香脆 肉質嫩滑 配埋佢個蜜糖芥末醬簡直停唔到口！ㅤㅤㅤㅤㅤㅤㅤㅤ✨卡邦尼扁意粉(7/10) hkd108幾creamy唔會太乾但我地食完生蠔同豬手已經飽飽地建議食完蠔先嗌😂ㅤㅤㅤㅤㅤㅤㅤㅤㅤㅤㅤㅤㅤㅤ呢個西餐性價比高 經常又有promotion例如單點餐牌有正價7折👍🏻ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ佢仲有其他分店架👇🏻大角咀詩歌舞街83號亮賢居地下一號舖尖沙嘴諾士佛台1號7樓全層青衣青衣城 2 第 2 層222號舖樂富聯合道198號樂富廣場街市地下401-402號舖將軍澳唐德街9號將軍澳中心1樓163B舖土瓜灣宋皇臺道38號傲雲峰地舖中環蘭桂坊15-16號協興大廈6樓#

兩個人去食咗一set$199有八隻來自不同國家嘅生蠔仲有白酒一杯送嘅，生蠔新鮮但係比較瘦啲，海鮮味濃，可以一試。另外再加左$10隻嘅特價愛爾蘭生蠔，其實都OK不錯。仲有嗌咗一個軟殼蟹意粉，但真係麻麻哋，下次會再去食吓啲生蠔熟食nono la

這店一值以$10一隻蠔出名抵食，而且不限食量，只要你食得落，叫3、4打也可以。店員為我們安排好坐位後（説明用餐一小時三十分鐘），當然必定先order了兩打$10蠔當冷盤試試味，接著點了西班牙火腿，火腿片鹹淡適中，配著哈密瓜吃自然是最佳搭擋；再來一份新鮮海膽及泰式蝦刺身，味道非常鮮甜。一輪開胃菜後，我選擇了德國鹹豬手做主菜，可惜豬皮部份做得較差，完全不脆口而且很難咬開，而拌食的沙律菜醋汁亦太少了。整體服務滿意，上菜速度亦快。

母親節果日晚上去，叫左個母親節限定黃金牛排，d所謂"黃金"係蒜片，炒得唔好完全唔香，最大問題係牛排上佈滿粗盬，咸到極。向職員反映，佢地竟然話個菜式本身係咁，只係幫我地撥走d蒜片同盬。我地繼續食依然好咸，d盬粒咬落去索索聲，份牛排$388真係食到一吐氣。想叫杯凍檸茶佢地又竟然話冇。基本上除左$10一隻生蠔外，其他菜式都係又貴又難食，職員的服務態度亦不佳，到埋單時我地再向職員反映牛排咸嘅問題，佢地才承認"重手左"，感覺似係認為我地只係想揾著數，比一堆食滿正價$500可當$100使用嘅優惠卷我地，但試問咁嘅質素又點會有下次呢。

早排係荃新天地比我發掘到一間唔錯嘅西餐廳，見佢生蠔做緊推廣，十蚊一隻，我哋先叫咗半打晴晴口腔， 就算新鮮！之後order 了二個 main courses, ， 大蝦真係燒得很乾身，肉身夠爽口十分入味， 米形粉細細粒，有點像珍珠米，入口煙韌， 有咬口！炭燒西班牙黑毛豬配青蘋果醬，肉味很香濃， 一啲都唔嚡身，肉汁豐富！之後仲 叫了幾款小食，香辣炸雞翼很入味。蒜蓉包就比較略嫌不夠爽脆！黑椒蒜片牛柳粒肉質一般，普普通通。啤酒炸薯條反而有驚喜夠爽口！

今晚同屋企人黎到呢間西餐廳慶祝母親節，呢度氣氛幾好，播住英文歌，燈光柔和，環境不錯。我們先叫了兩盤生蠔作冷盤，店員都好詳細介紹番每款生蠔嘅品種。生蠔都算新鮮。我最喜愛就係呢個秋葵，點埋wasabi 食，健康可口。生蝦刺身都算新鮮，蝦肉有咬口，不是一咬就散。海膽偏橙色，無腥味，合格！另外鵝肝我無食，但賣相不錯👍🏻薄餅即叫即整，薄餅底的，餡料都算豐富，熱辣辣上，都幾好食～今晚略為失色的牛，煎得較熟，但同店員溝通完，佢地態度都好好，肯即刻換番另一碟，之後果碟5成熟，口感好好多了。總體而言，價錢偏貴，食物質素一般。open rice book 枱單點有85折。

是日提早慶祝母親節，就用openrice喺蠔站訂位，正價單點食品有85折。餐廳位於荃新天地一期UG層嘅角落頭位，唔算難搵。間餐廳叫得做oyster bar，我相信佢都係主打食蠔，不過由於本人唔食生蠔，所以對味道方面就分享唔到。嗌咗兩個$199 oyster set，一份有8隻生蠔，每隻都唔同產地，店員亦會每隻介紹，望落算係肥美，屋企人食落亦都冇乜大異樣，我諗應該正常質素，始終$199，期望都唔會太高。之後嗌咗個二人餐，因為用匯豐信用卡有優惠，餐湯可以講話係垃圾，好似食緊BB仔食嘅糊仔咁。前菜有個海鮮拼盤，入面有兩隻生蠔，兩隻螺，兩隻甜蝦同四件三文魚，魚生質素不俗，好過生海鮮。沙律方面都係生菜青瓜咁樣，冇乜特別。小食叫咗份炸啤酒味薯仔，坦白講我真係食唔出有啤酒味，寧願佢做個普通炸粗薯條好過。辣肉腸pizza，咁啱好有6件，我地一人一件，芝士夠多，pizza底亦都啱口味。主菜就真係好失色，叫咗份扒5成熟，但係切開好熟又韌，根本唔食得，好彩經理都肯換過第二塊扒俾我地。另外再叫咗日本海膽刺身同生蝦刺身，都新鮮好味。仲有另一份牛柳，食落好一般，估計係解凍時間唔夠耐，然後搞到個中心位好生，邊位就好

朋友聚會，想搵一個可以坐得耐又有好嘢食嘅地方，咁岩喺荃灣，見幾近就嚟咗呢間餐廳食晚飯。Book咗19:15，去到即刻入座，餐廳唔算多人，環境寬敞，四人枱夠大，枱同枱中間有足夠嘅空位，幾好坐。我哋三個人叫咗一個匯豐信用卡嘅優惠套餐，有南瓜湯，蟹肉青瓜沙律，炸魷魚，刺身拼盤（三文魚，生蝦，螺，生蠔兩隻）意大利飯，肉眼扒。另外再叫咗一打生蠔。食物賣相唔錯，分量足夠，三個人share都覺得飽。味道方面大部份都中上，特別鍾意意大利飯，飯質地岩岩好，好有菇味。刺身方面，樣樣都新鮮，三文魚同生蝦味道鮮甜。生蠔就比較細隻，好重海水味，都好新鮮。但係肉眼扒叫咗五成熟，唔太稔，又有渣，麻麻地，反而配菜幾好食，薯蓉好creamy幾香。價錢方面，$678埋單，每人二百幾蚊，可以食到生蠔，刺身，意大利飯，牛扒，算幾抵。生蠔一打$120，性價比頗高。