蠔灘 (已結業)

12月26日已訂2人枱於2015，由於早到對資料後就在門口等待，期間已訂同一時間後到客人都已安排入座，有見及此本人再次查詢才安排到入座。 入座5分鐘左右隨即叫2打10蚊生蠔（有活動進行中：要一打送一只大生蠔），並要求給水。直至到2050左右，有門口接待人員上前關心是否有叫野食及幫忙追單，一等再等，生蠔在2110才上枱，待應放下沒有介紹沒有解釋就走了，發現沒有大蠔就叫住待應，當時就推說電腦顯示沒有就沒有，當日已經送完，及後不斷問是誰替我們下單。此時另一員工過來溝通，重覆前員工說話及表示唔好意思，試問我們下單時員工不說不提客人怎樣知道？電腦顯示客人如何得知？已經下單快45鐘才上枱，而且這期間已經有足夠時間比你同知客人了吧！是不愉快的聖誕餐！新餐廳有不足之處是可以體諒但不是這樣待客！希望餐廳睇到能認真用心改善，不然廣告再多kol介紹，亦不會有回頭客。

伏就唔多唔少有少少。酒牌未有，但眼看有人飲酒。好多自己友飲酒！客人無得飲。雞翼唔好叫。超難食又凍，都唔好意士投訴，牛同咁多位意見一樣唔足10oz,感覺有點小同無味，蠔就算中規中矩叫左10雞一打！2個人食左5xx.......又係比網上廣告吹捧以來的😂😂😂😂。staff 又成日送錯野！

前幾日喺u magazine介紹$10蚊生蠔，就諗有冇咁抵，會唔會中伏，但同朋友三個人決定去試一試，一開始就order一打生蠔，免費升級一隻大既生蠔（都係$10隻），喜出望外地有水準，再order risotto和Caesar salas,味道不錯，之後忍唔住再叫多一打生蠔，德國咸豬手皮脆肉厚（u magazine形容得好好），最後法式焦糖燉蛋雪糕都幾好味，總括嚟講值得一試，尤其服務非常之好，幾忙幾多人都好服務員既態度真係要比個like佢地。

因為新開 ，樓下派傳單有七折 ，加上超光招牌和電子螢幕餐牌吸引，於是首次幫襯，環境裝修ok ，可惜坐下已經聼到周圍枱說不滿，但以為是新開餐廳常發生，但結果最後本人也和周圍人一樣 只此一次 不會重來原因有以下本人點了一份牛柳鵝肝說是8 安士，但來了之後 牛柳非常小，視覺只有5-6 安士，問問周邊其他枱人都說不可能8 安士，但那麽貴牛柳表面煎到炭黑和有炭味，如此小份還要切開炭表面定價過貴 如此水準怎可能收人328（單㸃）還有點了一份意份結果漏單，因心中太激氣 結果取消，服務水平不好，尤其收銀那位哥哥，給他七折coupon ，面露不悅Music 太大聲繼龍門冰室後 ，另一間black list 在香港仔食店

常常會突然想食生蠔，但住南區真係好少有生蠔店，想吃就一定要出銅鑼灣或旺角等地方，但又唔平，所以唯有忍下把口la！估唔到，而家係香港仔開了一間，而且只是$10/隻，品質又唔差的生蠔店，真心覺得好正👍！今日係平日，但已經超多人，雖然人手不足，但服務就真的好好🤗！環境就唔差，但座位較迫，員工送食物會比較麻煩🤔之前係fb放假去邊，拎到優惠，送了多隻生蠔，真好❤！不知是否新開，未能吃到焗蠔，有機會一定會再去多次！

本身滿懷期待去食聖誕大餐點知去完就中大伏趕住開業乜都無 bbq既無焗蠔無酒又無全場6個待應得1個可以落單等到天荒地老先落到order啲待應態度又唔多好不知所謂食物整體合格生蠔新鮮

見佢新開張尋日食左一次~ 今日再同我爸媽食一次尋日D 態度已經唔係好好, 個疑似MANAGER 既物體我地叫佢寫野飲, 佢話: 我收埋D 碟先OK? (態度MAMA)我問個WAITRESS 有冇TABASCO , 佢問我: 咩黎GA? (帶鄉音既女人)今日見返果個WAITRESS, 話4位, 佢扮睇我唔到~長期行黎行去好似發緊夢咁舉手叫佢明明佢望住我都扮睇唔到我問另一個人有冇BB 凳, 佢答我D 凳未返~問佢有冇10$ 蠔, 又答我未返~ 不過呢個態度好我就原諒佢之後叫野食...叫3個餐黎兩個, 等左半個鐘都未黎到個意粉,催左4次都未黎, 最後黎到已經1:45~ 到底佢地明唔明好多人食完係要返工?之後叫佢上埋甜品...又要等...叫佢埋單...又冇人理~ 但已經收左我張買一送一COUPON~我行到出去話冇人幫我埋單, 之後先話幫我跟, 但個肥仔經理就黑晒面要我跟佢出去COUNTER 埋~出到去, 佢又原來冇計到我買一送一~又要再入多次機~最後終於比到錢~ 找錢果下個肥仔勁大力放係台面~好似發我脾氣咁仲有尋日我地叫LUNCH SET 冇比湯我地~ 但隔離台又有~佢地遲過我地黎都有野食,

香港仔少有食蠔地方，見新開張，同老公膽粗粗一試，行過門面冷淸，本來有D猶豫，不過入到裏面幾熱鬧，服務人員服務態度一般，行到入去冇侍應見到我地，明明有吉枱可立即安排，又要我地坐坐等待，到我地行到去想坐底等，又叫返我地返轉頭話有枱🙄但可能因為人手不足吧！佢哋只得三四個侍應，都忙於傳菜落單！食物水準不過不失，分量偏少. 重點試蠔，有六款，其中有有倆款要加$升級，生蠔新鮮，即叫即開，見水吧嘅人忙到不可開交😅環境舒適闊廣. 我地除了蠔仲叫了沙律丶風乾火腿丶西班牙極黑豬同甜品，去相啦！

之前見有coupon午餐買一送一，因此到來一試。今日叫了一打生蠔，其中一隻升級，$120另叫了一個牛扒午餐，買一送一即兩份午扒。有湯，餐包（香草包），主菜，甜品及飲品。生蠔夠新鮮，已剝殼起肉，一吸就食到，唯其中一兩隻有蠔殼。餐湯為忌廉粟米，味道尚可，反而餐包幾好味，夠特別。主菜牛扒較普通，不過不失，但薯蓉好味。甜品是一件卷蛋糕，無咩驚喜，希望提供多啲種類選擇。環境坐得都舒服，服務幾好。唯獨欠缺BB櫈，如果有Bb櫈及餐具提供更好。新開張值得一試。