蟹增盞食蟹專門店 (已結業)

Honey見到雜誌見到呢間既食評都ok，又知道我鐘意食蟹就帶我黎試下la! 黎到都9點，人唔算多，一坐低老闆推薦2人餐\，話蟹同埋小菜都可以轉我地鐘意既好味，咁都幾好喎~~之後我地就叫左呢個set轉做胡椒蟹同油泡田雞! 4個餸加埋有飯/汽水..真係非常夠食...先講個蟹啦，都好大隻同埋係靚肉蟹(有膏tim ga!!!)，胡椒味都幾香，不過我一開始問老闆辣唔辣(因我食唔到辣)，佢\話完全唔辣，但其實對於我黎講都係有少少辣...BUT勉強接受到啦!都算幾好味~~~~~如果去第2度食呢隻蟹我諗都起碼2百幾3百蚊!田雞佢\寫住係加州田雞... 唔知係咪真係加州黎架呢?! 都惹味，同埋食極都食唔完咁~~但係我嫌有少少唔夠熱辣辣!! 至於椒鹽豆腐就好香口又滑，蒜蓉豆苗亦炒得幾好!加分項目有飯前小食既腰果!!(使唔使錢就唔知!) 都好香口好好味!!!同埋冇加一呀~~ 抵!!! 味道價錢服務都可取，下次都再會黎食!!!

早兩日經過謝斐道，見到一間新開既蟹店，於是與三位同事相約一試。本來一心想試下避風塘炒蟹，但阿老細竟然行埋黎同我地講，話一定要試下個胡椒蟹，因為只係佢地獨家，咁咪試下lor!!!終於我地四個人，食左:1.)胡椒蟹: 未放落桌上面，已經聞到胡椒香，食落真係好好味，最得意原來佢真係用一串串既生胡椒煮架，唔怪得知咁「野」味。2.)椒鹽瀨尿蝦: 辣度適中，好鮮甜又多肉。3.)雙拼: 有炸豆腐同一個炸蝦丸，個豆腐勁滑，再加上d蒜蓉，超正，而個蝦丸入面有芝士漏出黎，口感唔錯，都正。4.)焗田雞:個田雞用芝士焗，很香芝士味，鐘意食芝士既一定鐘意。5.)雞: 雞夠多肉，d肉又滑。之後再加一個炒菜，每人加支汽水，食左咁多樣，同d f同事都覺得好好味，因為d野夠新鮮，又抵食。(最緊要係地方夠乾淨)