蟹仙海鮮蒸氣鍋 (已結業)

元朗-蟹仙：10款海鮮餐（$398/位），醬油費（$10/位）+10%（星期五/六/日/公眾假期及前夕+$28）今次食左個貴d既餐，同$298餐主要分別係多左隻野生瀨尿蝦皇但呢隻瀨尿蝦認真不得不得了，入口一刻忍唔住閉眼嘆了一句「好好味啊...」呢度店員會埋黎幫你蒸同剪埋隻蝦，幾好服務所以隻蝦放入口真係啖啖肉，非常鮮美。呢度淨叫呢隻野生瀨尿蝦都要$2xx 👀, 店員話出面海鮮檔要賣$3xx👀-呢度另一個賣點係頂角越南膏蟹，真係爆爆爆多膏，#蟹膏控 可以黎挑戰下！我覺得中間既膏半軟狀態下係最好食。-其他海鮮仲有澳洲青年龍蝦（都幾大隻！）、翡翠九孔鮑魚、泰國海蝦、越南貴妃蚌、日本大元貝、一片龍躉片、同埋店員推介既紐西蘭青口，又真係幾甜同唔鞋口，最後仲有一個蔬菜籃。而呢度既粥，係加左龍蝦湯、排骨、同紅蘿蔔落去滾，所以都幾甜！份量係一人兩小碗，岩岩好。-PS 呢度店員會幫手蒸同掀蓋👍🏻PS 最後仲送左個椰汁西米官燕😋

蟹仙，海鮮是飛機貨，全部也是老闆一手一腳挑選，聽老闆娘說：如果拆開不夠膏不靚的，不會給客人，這就是蟹仙的待客之道，所以今餐每道海鮮也令人驚豔。一個套餐包括幾種海鮮連同粥底及椰汁燉燕窩，越南頂角膏蟹、澳洲龍蝦、青口、貴妃蚌、深海龍躉片、鮑魚、海蝦......。首先吃了瀨尿蝦，形狀如手臂般大，是類似潮州凍蟹般食用，因為可以把鮮甜的汁液鎖緊在肉內，瀨尿蝦會由店員即埸拆肉，肉質彈牙，味道鮮甜。澳洲龍蝦，龍蝦膏滿溢，蒸過數分鐘，色澤鮮艷，肉質鮮嫩多汁，囗感彈牙，啖啖肉啖啖享受。貴妃蚌，入囗鮮甜，嫩囗彈牙，最重要是那湯汁也是清甜的。鮑魚，厚實彈牙，入囗略兼不夠味，不過蘸些豉油蒜蓉會更好。深海龍躉片，刀工鋒利，厚薄均一，入囗魚肉鮮嫩，骨刺也不多，入囗全是魚肉。海蝦彈牙鮮甜。椰汁燉燕窩椰汁加上西米及燕窩入囗滑溜，椰汁味重身，燕窩具美白養顏成份，吃多些也不怕。

上網見到198套餐諗住試下 一行4人去到同我講無左198，只有298餐Ok無所謂照試，點知份量少得人驚，店員仲同我講一定飽，4人埋單1400$ 好似無食過野咁海鮮質素就一般啦醬油仲要收10$位 同加一無下次！下圖已經係4人份量每人得半隻龍蝦仔 半隻蟹，2隻蝦仔，1塊透明晚魚片，一隻鮑魚仔，一隻元貝，一隻青口 4個人一份菜食哂都唔飽，係個粥就大大份頂肚，如果我要食粥就唔需要黎呢到啦，粥無鮮味 失望，同想像中出入好大一句講哂 中伏！

服務員介紹原來有個新餐，之前都食過幾次，作為一個蟹癡，見到$498餐有一人一隻蟹，當然要試試。😏😏罕有黃膏肉蟹非常大隻鮮甜，估唔到肉蟹都可以有咁多膏，食完隻蟹其實都已經開始有啲飽。然後仲有安格斯牛，醬爆瀨尿牛丸，墨汁墨魚丸等等，都幾特別。食晒啲肉之後食埋個菜。最後連個粥都幾乎食唔落，食完仲有燕窩甜品，一邊燕窩非常多。🤤🤤總結:服務員態度殷勤，會一路幫你蒸野食，味道一流，都幾抵食，有下次👍👍

同朋友想食蒸氣火鍋好耐，唔知邊間好，見呢間間係open rice 食評都唔錯，就黎食下，先睇到個餐牌，係蒸氣火鍋黎講價錢都算公道，都幾多款色，店員話因為老闆係供應商，所以拎到嘅都係靚料，本來諗住都係推銷先咁講，點知真係有驚喜，我地揀咗398嗰種首先食左個賴尿蝦先，隻蝦真係超大隻， 我食完個蝦已經想再黎多㳄， 又多蝦膏，同鮮味十足，呢個真係要介紹比大家，為咗比大家睇到有幾大，所以影埋我自己之後再黎食蟹同龍蝦，同樣都好好食，好大隻好多肉，不過我比較中意食賴尿蝦下多啲， 我同我朋友其實已經有d飽，可能女仔真係細食啲之後上埋其他，鮑魚，蝦 等等，其間店員都好細心幫我地睇時間同樂意幫助，因為我地食蟹個陣，用蟹鉗夾唔碎，店員都主動幫忙，感受到他們的熱情招呼呢個粥係精華，一定要食，不過我地已經起飽，食咗1-2碗就無食，是日超滿足呢！

之前係Facebook見到D廣告今日終於放假可以同男朋友黎一睹佢的真面目一到門口已經見到好大隻蟹🦀🦀🦀呢個時候緊係要影相打卡啦😂經過店員嘅推介最後選擇了$398餐入面本身都有10款嘢食一嚟就先食超級巨大嘅賴尿蝦王仲有專人幫你拆殼服務一流蒸出嚟嘅賴尿蝦非常鮮甜肉質彈牙超級好味然後再嚟罕有黃膏肉蟹啲膏爆曬出嚟肉仲非常鮮甜果然係蟹仙龍蝦大隻肉質彈牙貝殼類海鮮都好好味最後食完有機蔬菜籃後食個粥底個粥底本身已經有南瓜同埋咸骨加埋海鮮嘅鮮味真係好鮮甜最後仲有燕窩送真係好多燕窩啊同店員傾計先知呢間本身係海鮮批發商所以先做到咁新鮮食海鮮來講四百幾蚊真係唔算貴絕對有下次

呢排真係凍到起身都難，難得同朋友入黎元朗，緊係要佢帶我食好西啦 😚 佢帶左我黎呢間蒸氣海鮮到食，離遠就望到門口有好大隻蟹 🦀 我地2個人嗌左2個398餐，入面啲姨姨會幫我地蒸埋👍 一開波食蟹先，啲蟹好多膏 😍😍 好香 😍 個餐仲有龍蝦 ，我地加多228蚊轉左做龍蝦刺身 😎 佢有比左個豉油我地點刺身，唔點豉油食到個刺身好鮮甜omg 😱 個餐仲有元貝，蠔，貴妃蚌，鮑魚，虎蝦…果啲，個蒸爐下面仲有個粥底，海鮮啲汁滴曬落去，最後再食個粥，真係好甜好鮮 ☺☺ 最後事頭婆送左兩個燕窩比我地 😍 呢啲天氣食返個燕窩真係好滋潤 🤭

今日朋友生日，就諗住就佢一次，食下依期好hit 既蟹仙🦀，經理朋友介紹咗個隱藏雞煲比我依個唔食海鮮既，個雞煲係舖頭啱啱研究完既新菜式。一開始見到個四五碟菇，蓋着啱啱新鮮斬嘅雞，見店員冇加水就開始煲，心諗係咪玩我呀，點知原來係啲菇識得自己標番啲水出嚟，最後成個煲充滿菇同埋雞嘅精華，又先甜又好食真係食到舔舔脷😋😋😋😋聽講遲啲就會正式上市，到時大家就可以食到呢個無敵蒸雞煲👍🏻👍🏻👍🏻。

今日和朋友去試新地方，之前朋友吃過覺得好食，所以今天同朋友去吃生日飯。入去店員介紹試左398套餐，吃後感覺非常良好，所以寫下此食評。特大賴尿蝦，必試之選！鮮味十足，啖啖肉，吃了已覺得非常滿足。其他海鮮有龍蝦，虎蝦，蟹，帶子等，其實海鮮新鮮就是好吃，店員說他們原是自家海鮮檔，所以羅到的都是靚料，而且店員服務親切，態度熱情，最後還送我們燕窩糖水，非常滿足的一餐！埋單連加一是400多員一個人，食海鮮來說非常合理，性價比高，期待下一次！

搬入元朗前的必試蒸氣火鍋🍲，平日都係full booking既程度，主打新鮮海鮮。.🔺$298/$398 套餐老闆娘好好，比我一半一半咁叫🙈，所以上到黎咩都有啲。重點！佢地既蟹係重點！有分處女蟹，蟹肉比較滑；雌蟹，蟹膏爆多；公蟹，百裡挑一既超級靚蟹。以上都係老闆介紹內容，對於我呢啲無咩文化既人，只係知道佢地既蟹勁鮮勁多膏勁好味😭🦀.最後既粥底充滿海鮮精華，好滿足。全晚食完覺得好幸福，一定會再黎。

收工同成班同事食，都幾夜，成場得返我地10個人，老闆娘好好人，d海鮮好新鮮好大隻，出面食一定唔止呢個價，值得推薦瀨尿蝦同蟹，啖啖肉，瀨尿蝦蒸完，老闆娘仲會剪埋方便入口，唔識摵瀨尿蝦既朋友都唔怕無得食。一定會再同朋友同事去！

提早慶祝生日家人早前提過想想蒸海鮮就黎試一試門口寫著有$198/$298/$398 plan本身想叫198就算 因為仲有蛋糕但店員落力推薦$298好好多 就試一試一如地 蒸汽鍋都會由店員幫手落鍋同set時間不過當日雖然平日晚都係差一張枱就坐滿店員有點忙不過來幾次計時響了 都無人來幫忙第一樣係蒸蚌同魚兩樣都幾好味 幾鮮不過menu話頭腩...呢個魚比我想像中薄...之後到龍蝦 呢個都好鮮不過兩隻嘅size相差都幾遠（另一個店員都以為叫左唔同餐)但係係好食既蟹我地揀左膏蟹不愧叫蟹仙蟹係最好食嘅 真係好多膏但因為太多膏既關係我唔記得影相已經拎咗嚟食😂😂😂蠔到蒸時 都未溶哂雪 分唔開...雖然好味 但扣分了... 元貝不錯但因為個人好好好中意食蝦...呢幾隻有少少失望最後梗係食埋吸哂精華既粥底每人都有兩碗多D四個人食 仲有送甜品不過好飽 食左兩啖就無食了總括計 呢餐OK既但未到會想再encore~

叫咗兩個$298海鮮套餐，兩個正常食量嘅女仔食，但份量唔多夠，再叫多個安格斯牛肉同蟲草雞。。 佢哋落單同蒸嘢嘅員工係分開嘅。。啲嘢蒸得唔夠煮，落單亦好慢。。。 最嬲係去到最後個粥底係完全水同飯嚟，超級多水，個員工幫我哋隔咗大部份水同再加啲冷飯去滾多唔知有冇5分鐘就話得， 真係完全振受唔到，一啲味都冇。。 佢仲話個爐本身有啲問題同個負責蒸嘢嘅員工按錯掣，所以煲嘢搞到咁。。我同佢理論點解明知個爐有問題，仲安排我哋坐依個位，當時我哋7點幾食飯，都仲有其他位置，聽完依句嘢真係嬲，最後送個燕窩椰汁西米露比我哋，又係好難食。。 埋單兩個人$891,真係一啲都唔值！

訂7：30, 到左話好快有位,等一陣, 過多15分鐘再問, 又話埋緊單, 過多30分鐘, 話送象拔蚌刺身, 等極都無位, 最終等左成個鐘後, 仲話等多2分鐘, 都未有位, 十分唔老實, 無食走人

好少再有如此新鮮、有心🧡嘅店！無論九龍店或元朗店都一樣新鮮！今時今日做海鮮食店真不容易，但這店堅持入最靚嘅黄膏肉蟹👍🏻👍🏻識貨之人一睇就知係咩一回事！再加上服務一流，店內無白蘿蔔，店主為咗滿足我哋想食白蘿蔔立刻出去買，仲有邊一度可以做到這樣的服務？蒸煱必選！試食價最好試$398一定不會失望其中仲有個粥底，足料到爆！喊排骨整得個味剛剛好，都係加$28只限星期六、日還有專人拆賴尿蝦服務！正正正！