蟠龍粉麵茶餐廳

營業中

休息中

今日落雨濕濕唔想出去食飯，同事就提出外賣自取，近來有好多優惠，加上有最好嘅同事幫我們囉外賣，最後揀選左去蟠龍粉麵茶餐廳外賣自取，因為食店有好多不同食物嘅選擇，我叫左雲吞麵($25)配熱檸水，最驚喜係熱飲同涷飲都是免費，好扺食呀﹗雲吞有四粒，食落口有好多蝦，蝦好爽口，麵底爽身又彈牙，湯底味道都不錯，配上免費嘅熱檸水，好少上環可以做到咁好扺食﹗好扺食﹗

位於上環皇后大道中萬利商業中心地下，有間叫 蟠龍粉麵茶餐廳 ，午餐經過往往都有人在排隊，沒有什麼裝潢就是一間普普通通有點殘舊的茶餐廳，座位滿多比較逼夾坐得不算太舒服。但味道還是不錯的，價錢又適中，因此好多上班族幫襯。餐牌食物種類繁多有傳統的港式風味、西多士、魚丸、豬腸粉，燒味、雲吞面、豬扒飯等等。我今次食水餃豬手河外賣，湯夠鮮但有一點點咸，水餃薄皮內餡有蝦、豬肉、黑木耳、包得胖乎乎的，晶瑩剔透，每一粒都有兩粒雪藏蝦好爽脆，豬手呈紅色入口膠膠的，炆得好腍好入味，豬手有豐富的膠原蛋白，不過係高脂，高膽固醇，今人又愛又恨。

上環有好多辦公室寫字樓，一到lunch時間所有嘅餐聽都特別多人排隊，我多數會選擇買外賣，蟠龍我已多次幫襯，主要原因是外賣不多人而且價錢又平，一碗鳳城水餃河加菜都係$32成交。水餃薄皮(有加鹼水蛋) 內餡有蝦、豬肉、木耳、菜 水餃包得胖乎乎的，晶瑩剔透，看着都讓我嘴饞忍不住咬了一口，那味道顿時在嘴里化開來美味爽口級了。豬肉剁成非常非常非常非常非常非常細小，每一粒都有兩粒雪藏蝦好爽脆，我最喜歡的是放了好多好多黑木耳。唯一的弊處就係湯底太咸太重味精。

約了在附近工作的舊同事吃午膳，她為人隨和，主要是久不久聚聚，吃甚麼也不拘，我建議去這間「蟠龍」。我想來的原因，主要是每天的午市快餐有咖喱牛腩飯，很想一試。未夠一時已來到，可避開人群，然而，餐廳已坐滿一大半，服務員忙於安排單身客入座一些「搭檯」，以騰出較多吉檯給人數較多的客人。午市快餐有三款，咖喱牛腩飯，豬扒煎蛋飯和鮮茄魚柳飯，連咖啡或茶。舊同事原來也喜歡吃咖喱牛腩飯，遂點了兩份，兩杯熱飲。我的熱奶茶，奶和茶的比例恰當，不放糖也可。咖喱牛腩飯份量足，有牛腩和薯仔，咖喱汁也足夠，牛腩是帶些肥的，也有些少筋位，軟腍中帶嚼勁，非常入味，肉又香，咖喱稍辣(其實不算辣，只是比起附近店的咖喱汁稍辣而)，我用汁伴飯吃，相當好味。我是怪人，這種咖喱牛腩飯天天吃我也不會厭，何況$36連飲品，真不賴！

超過一年無嚟,對上一次係來食粥.見可以即刻入座所以再次幫襯.叫咗個豬扒煎蛋飯跟熱檸茶.待應忙好癲,想搵人攞杯水都無.依度單人客多,出餐極快,真係一轉個頭,飯已經放係面前.檸茶好快就到,不得不讚既係檸檬味非常重,原本我少少鼻塞,離遠聞到已經通返少少.靠近聞當然完全通晒啦.碟飯果隻蛋既黃係全熟,好彩未係完全硬掘掘,明明見到對面客人既蛋好靚架.豉油汁好少,調較得偏甜,不過唔算過火.有幾片軟冧冧既椰菜隔著係飯同扒中間,味道竟然唔錯.飯有少少黐埋一舊舊,因為軟綿綿,都唔算難入口.豬扒係薄切既,可能係過氣豬扒,煎咗一排到有人叫時再興返熱佢.雖然唔油膩,但肉質乾乾地,唔好指望有肉汁.明明入來果陣仲係好天既,食完飯就落大雨,仲要無帶傘.

今日下午我們去完上環濟公廟還神後，覺得有啲肚餓，所以我們就去咗「蟠龍粉麵茶餐廳」食下午茶！我們叫咗雲吞麵嘅麵質都幾爽口彈牙，而且都幾幼身，雲吞皮好嫩滑薄身，蝦肉好爽甜彈牙！豬手米粉嘅豬手燜得唔係好腍，質感比較韌，味道亦唔係好入味，同埋祇係得兩「嚿」，份量真係比較少！火腿叉燒通粉拼煎雙蛋麵包嘅通粉比較腍身，唔係好彈牙，叉燒嘅味道亦唔係好蜜汁！燒賣拼腸粉嘅腸粉好軟滑彈牙，燒賣蒸得都幾軟熟，唔會蒸到乾硬晒！西多士嘅表面炸得都幾金黃，食落質感好鬆軟，加埋香甜嘅煉奶，真係幾好味！

其實時不時有幫襯呢家茶餐廳。琴日真係好激氣。我order完唔覺意將佢地餐牌放係檯面，食完之後居然俾個伙計質問我點解整濕佢個餐牌（餐牌有過膠），又話「唔係俾你墊嘢」，我已經同佢講我只係唔記得放翻好你個餐牌。伙計態度極度惡劣！平時食開D雲吞又好鹹！以後應該唔會再去！好差！今時今日咁嘅服務態度咯？其實做街坊生意，都係有D人情味好，唔知係咪唔憂做，裝修完加完夾仲衰過之前！真係好失望！Blacklist！！！

今日lunch同朋友食，好在朋友都係附近返工，因為我好小同同事食同朋友食乜都開心啦食左個豬腸河粉，豬大腸都幾肥幾粗，幾好味，我好鍾意豬大腸嫁河粉都幾好食，因為個湯無乜味精，清清地幾好味埋單３６蚊，貴左小小但都係抵食

同事說這間面檔價錢便宜想去試試，所以今日下午的午飯就在這裡解決。入到去大部分已經坐滿食客，枱與枱之間非常擠逼，出入都很困難。真是粥粉麵飯樣樣齊全，其實午餐加飲品都差不多$40，不算太便宜，和其他茶餐廳差不多。咖喱牛腩飯 - $34出餐時間神速，基本上落單後2分鐘內所有食物都會到齊，因為一早已經煮好，所以大多數都是微熱。這是有史以來最淡的咖喱，淡如水。薯仔顯然煮好後保溫太久，已經開始要散的感覺，入口已融，牛腩沒有牛味，這個飯非常難吃，同事吃兩三口已經投降了。豬扒煎蛋飯 - $32煎蛋還可以，沒有意見。豬扒很乾，很硬，很【鞋】，吃多了應該會消化不良，可憐的同事唯有豉油撈飯。燒味飯 - $34我點的燒味雙拼飯應該是最正常的一個，不算好吃，但最起碼不會太難吃，切雞還不錯，叉燒就很瘦很硬。餐飲凍奶茶 +$5沒有茶味，沒有奶味，只有糖水味，甜！很甜！超級甜！最後因為我們都只吃了少許，唯有返公司吃杯麵..唉！中伏。沒有下次了..

店名：蟠龍粉麵茶餐廳地址：上環皇后大道中367-375號地下2-3號舖好味指數：8／10價錢：$21牛筋河牛筋軟滑入味，湯底做得非常好，清甜美味。河粉更是晶瑩剔透，入口嫩滑。這裡用的蔥更配上韭黃，岩曬鐘意食蔥的我。店名：蟠龍粉麵茶餐廳地址：上環皇后大道中367-375號地下2-3號舖2好味指數：7.8／10價錢：$18水餃河水餃有3隻，粒粒豐富多料，皮夠薄，蝦肉爽口彈牙。湯底做得非常好，清甜美味。河粉更是晶瑩剔透，入口嫩滑。這裡用的蔥更配上韭黃，岩曬鐘意食蔥的我。

The food here is cheap and there is a lot of variety.The noodles are reasonable and for that price I don't expect anything but at least it is clean.The fish shaomai were my favourite because the wonton skin is not too thick and you could taste the fish as well as the flour.The chili sauce makes it taste better but it can be quite spicy if you put too much.

真係大鄉里出城，原來星期日上環咁多餐廳都唔開，尋尋覓覓最後決定左係蟠龍落腳可能因為冇咩其他選擇的原因，我對呢間茶餐廳都冇抱有D咩期望，一入去只係覺得好多人然後又冇人理自己咁，雖然話就唔係D咩高級餐廳，但感覺上D人的態度都唔係咁友善本身想試下佢的蒸飯，但好可惜原來星期日係唔賣架！ 最後就屈服左係常餐手上常餐B係沙爹牛肉公仔面，煎雙蛋，牛油面包，仲有熱飲沙爹牛肉公仔面都尚算唔錯啦，好彩公仔面唔會太"林"，牛肉亦比我想像中多，口感都好好呀，雖然湯底唔係太特別，只係普通的味精湯，但係好幾條菜令我感覺良好哈哈而煎雙蛋我就轉左做炒蛋，不過佢就比左炒老蛋比我囉 牛油面包都唔好食，乾曾曾的方包加好大pat牛油，佢分明就係HEA我啦T＿T！！！！熱飲要左茶走，呼，都算唔錯啦，唔會太甜，不過茶味唔算太重，可以接受。除左常餐之外，仲叫左腸粉同埋魚肉燒賣。erm 腸粉呢 真係冇咩可以comment不過燒賣真係唔錯呀，＄8 但我唔記得左有幾多粒，蒸得透哂心，唔會有D乾左咁樣，雖然唔知佢係唔係真係用魚肉黎整，不過我竟然食得出有魚骨呀！

Went past and saw this menu. It made me look twice because the prices were so cheap! There were noodles for $25 or $23 depending on what you choose.Went in and sat down.The other items on the menu were also cheap too!They had Wonton style noodles starting from $16 and the most expensive item was $35.In the end I got some junk food for $25.★☆★☆★☆★☆★☆★☆★☆★☆★☆★noodles with chicken wings:I classify this as junk food the same way Chinese people classify chips and fried chicken as junk food.The strand

中國最大發明係 粥粉麵飯， 在間餐廳可以食齊。 雖然唔係咩人間美味，但勝在款式多， 咩都有。如果食粥，我比較喜愛「羅富記」既生滾粥，夠足料同好味！ 但無羅富記太早未開，所以來到這間蟠龍食粥。叫了個魚片艇仔粥配腸粉【魚片艇仔粥】其實都幾淡口，魚片，豬皮都無咩味。碎牛已經熟了再放入粥內，而個碎片好似好唔新鮮既一舊舊。【腸粉】比起之前提過既GREEN BUBBLE既腸粉好食很多！！！ 新鮮D同D醬都好好味。讚！【午餐肉雞翼出前一丁】出前一丁麵煮得軟硬剛剛好！ 加上湯汁也不會過濃過淡。可以說是我近期食過煮得比較有水準既其中之一。 雞翼夠味。如果午餐肉可以再厚小小就PERFECT啦。因為本人超愛午餐肉。【奶茶】不過不失啦！ 都算合格既！【辣椒油】不可不提既係佢地既自製辣椒油， 非常可口，夠辣椒香天然既香味！ 可以買回家慢慢食。其實好似佢地既醬料做得主菜出色咯

蟠龍的前身是同舖位的麵食店，大慨年多前裝修過後便改名為蟠龍粉麵茶餐廳，環境改善了再加上通脹，價錢也較麵食店時期加了兩成了，有粥粉麵飯及普通茶餐廳食物供應，都算幾多元化。 粉麵比加了價的十蚊店較高質素，而且提供廿款較多的選擇，雙拼加六蚊，冷熱飲品再加七蚊。鴛鴦雲吞麵 ($15)一碗雲吞麵有鮮蝦及菜肉雲吞，都是當單拼算價，它們跟水餃都是店中的招牌貨，食味不算很好，但比稍平價位升價十蚊店好多了，同時可選擇飲杯咖啡奶茶，比平價粉麵店多些飲品選擇。