蜜瓜爺爺 (已結業)

太子與深水步交界有非常多小店,今天總算見識到,因為從來沒有認真探索過太子這個區域,對於香港人來說,太子就只是一個有待平反的傷痛歷史吧。蜜瓜爺爺是一間比較新的飲品黃店,在開飯啦的食評不多,所以可以參考的意見較少。這是一間鮮榨的果汁店,提供四種水果:蜜瓜草莓藍莓牛油果,並再細分為果汁、果汁奶、果汁椰奶三種。今次試了兩種:蜜瓜奶及蜜瓜椰奶,都是33元。蜜瓜奶 5/5分 - 非常有衝擊力的飲品,啖啖都是鮮甜的蜜瓜,非常高質素的水果奶,一定給滿分！蜜瓜椰奶 3/5分 - 椰奶蓋過本身主打的蜜瓜味,稍為可惜建議大家先試蜜瓜奶，因為味道太驚天動地泣鬼神了!超級力推的水準之作!黃店必撐!下次再來!加油!

原來蜜瓜配上椰奶可以好夾，真估唔到😂，完全沒有違和感，不會互相搶味。喜歡飲椰汁嘅可以試下。混和打汁後已沒有冰了，打汁入杯後再加冰會更好更凍。店面還有黃店小卡可自取。

由於想飲d 健康飲品，就去左公司附近買左杯蜜瓜奶飲。店舖設計係開放式廚房，客人可以睇到店主點幫你整杯蜜瓜奶，制作過程透明度好高。蜜瓜奶無落糖，但唔會好淡，而且因為都放左好多蜜瓜去榨汁，所以都好重蜜瓜味。如果咁岩經過太子都可以去幫襯支持下呢間高質小店～～

位於繁囂大街旁邊一個較為寧靜既角落，飲品即叫即整，點左杯蜜瓜奶就見到店員直接放蜜瓜+奶再加少許冰再攪拌便完成，純度極高，好有🍈蜜瓜味，十分好飲。店內仲有煮薑汁，薑味飄逸令人越聞越肚餓。

行過太子發現小鋪一間賣果汁，主打密瓜奶同密瓜汁，我個人麻麻地飲奶，就order左新鮮杯密瓜汁，有幾個坐可以坐，我就坐低飲，等左幾分鐘左右唔會太耐，密瓜味好出好濃唔似有加糖水，係健康，呢D小店值得推薦比朋友，$33唔太貴唔太平，同出邊買一杯奶蓋差唔多價錢，但人地成杯用新鮮密瓜就一定高分過奶蓋，成本都貴D，如果唔係買走唯一係環境近路邊，不過成杯野有蓋有盛都唔會驚唔乾淨，間野仲有其他生果飲品，藍莓、士多啤梨、下次試埋牛油果🥑

其實我都係喺某社交平台見到某個page介紹呢間野先特登行過嚟，同埋咁岩今日經過呢頭附近，當我睇緊有咩飲嘅時候，職員哥哥仔就介紹我飲佢哋嘅招牌密瓜奶。。。咁我就唔再選擇揀佢介紹既密瓜奶，等左差唔多五分鐘左右就有得飲。。。期間仲同職員哥哥仔傾左一陣計，聽佢講佢都係岩岩轉行同朋友開呢間鋪，原來係老闆仔。。。。。。密瓜奶一飲就知係新鮮密瓜，唔似出邊左溝右溝果D ，係好飲既，下次可以再行過黎飲過。。。。

今日經過太子之前見呢個鋪位賣糖水小食幫親過一次，但今日經過已經轉左手變左賣果汁，見佢個名蜜瓜爺爺幾得意咁就行過去睇下有咩好野，可能佢岩岩開無幾耐款式唔係話太多，見佢寫住有慢磨蜜瓜汁、新鮮蜜瓜奶，仲有藍莓奶、香蕉奶等等，因應返佢間鋪個名我就買左杯新鮮蜜瓜奶黎試下佢，等左幾分鐘左右，飲得出真係用新鮮生果整出黎唔係果D用加工生果味汁溝出黎，唔會話好甜，鍾意健康新鮮生果，得閒可以幫親下呢間小店，值得推介！

店內有幾款特別生果奶，個人推介招牌蜜瓜奶👍👍同店主傾落下知道原來係新開，除左有蜜瓜，仲有藍莓，士多啤梨，比較特別係牛油果奶，口感好滑，用即日新鮮生果而製，所以生果會因時令製造，可以去前跟店內查詢，值得支持