蛇王倫 (已搬遷) 新店位置

本身係屯門試左兩間較為出名的蛇舖，其中一間係新墟搬到置樂，佢D蛇羹無乜蛇肉囉！所以要平日同囡周圍去食蛇羮，走到深水埗蛇王業，最低消費細蛇羹要43元碗，發現係元朗這間蛇王倫最經濟又足料，成碗都充滿蛇肉，最鐘意叫這裡套餐，好濃藥材味的龜湯，多臘腸的糯味飯，花生多又香脆。

天氣凍 既方便又快捷又餵飽個肚仔!!一定係食蛇!除非唔係!😤基本上每區都最少有間蛇舖叫蛇王乜嫁喇😂好似無其他名咁😛 今次就同大家去食元朗區無人不知既#蛇王倫 食佢個#蛇湯套餐 糯米飯加大(另加$11)話說我都好多年無食過蛇喇😑佢個蛇湯 有d藥材味 飲得出無味精 好正 熱辣辣飲完 想唔興烚烚都唔得😎 再試埋個#蛇羮 細細個食一定會落勁多薄脆😂好好食囉唔該😤除左薄脆 仲有醋 胡椒粉 同檸檬碎 比你調下味 但其實我覺得都唔需要落已經好夠味 落少少胡椒粉就好食d 我覺得😊重點黎喇 #超級足料 每一啖都勁多蛇肉 食到碗底 都仲有😰真係好正!最後食埋個糯米飯 大大粒臘腸 糯米粒粒分明 唔會太稔 有咬口!連埋臘腸一齊食 甜甜地!好幸福❤一個人啪哂無難度✌埋單$83 2個人開心share 剛剛好🙌

上個禮拜見仲凍凍哋, 前一晚又見到肥媽教煮蛇羮, 就心思思想食蛇, 元朗大馬路嗰間執咗, 所以就嚟呢間試試.  兩個人點左一個蛇湯套餐($6x)一個龜湯套餐($7x), 每個餐有一碗湯, 一碗糯米飯&一碗細蛇羮蛇湯&龜湯都有濃濃的中藥味, 唔知有咩料, 不過熱炙炙的飲完實暖笠笠~糯米飯煮得夠林身而又有咬口, 煙煙靱靱的, 而且好足料, 平時細食的我都清晒蛇羮雖然係細碗, 不過蛇肉勁多, 而且又可以任落'脆脆'&檸檬葉絲, 呢個套餐實在超值呢度舖面較細, 座位較迫, 不過地方乾淨企理, 都有好多人買外賣, (凍凍地)值得推介 

春天好快就到…依家天氣仲係時冷時熱…趁呢幾日又凍返少少…就黎食多次蛇…唔係遲d暖左…感覺就無咁好食…係元朗開既蛇舖…應該一隻手掌數得哂…呢間都有好多年歷史…可以話陪我一齊成長…以前細細個就學人係門口圍觀…睇老闆表演劏蛇…有d人仲即時買蛇胆生吞…諗返起其實都幾觸目驚心…不過依家似乎無左呢枝歌仔唱哪…呢度門面十年如一日…黎呢到食蛇已經係指定動作…細個果陣仲好鍾意加好多既脆脆…其實即係新年食既旦散…後來先知呢d草都可以放落蛇度吊味…不過我就麻麻地…蛇例牌有蛇肉，冬菇，木耳等…都幾足料…但味道較淡…我反而鍾意食呢到既糯米飯多d...好多臘腸臘肉…有少少蝦米，花生，蔥…糯米唔會痴埋一舊…軟硬適中…好入味…但比較油…可惜糯米快飽肚…想食多d都唔得呢…

大寒已過.呢排成日都手腳冰凍.為左身體好d..一於聽媽媽講試下食蛇羮  蛇湯羮飯套餐=蛇羮+蛇湯或龜湯+糯米飯買左2個餐已經夠3、4個人食  糯米飯不過不失蛇羮好足料!!蛇肉又多又大條!鍾意食既話仲可以加錢加大碗蛇羮 

話就話E間野唔多出名, 但係對於我黎講, 佢係元朗既食蛇之選 一講蛇羮, 可能大家都怕, 其實本人初初都怕, 試過咁多間之後, E間係最多料最好味既一間!!! 龜湯都唔錯, 講真, 我之所以少暗瘡都係因為佢D龜湯, 真材實料, 咁大個囝都係第一次飲真係用龜煲出黎既湯 (全因我見到佢D湯真係有龜骨同龜肉)D糯米飯都好好食架, 難得有一間蛇舖D糯米飯有落花生, 又夠入味, 糯米飯口感相當十足, 唔會太硬又好食, 值得一試! 而且收費廉宜, 喺E個年代, 難得仲有收費平而又真材實料既鋪頭!!!喺暑假果時, 蛇王倫試過停業, 我一直揾都揾唔到比E間野平而又真材實料既蛇舖, 直至9月1日重開我先至有得再有得食過番尋味, 味道卻沒有變, 只係價錢變了而已... 但總算值得, 佢依然比其他蛇鋪廉宜同好食

我平日較少到元朗，但聽說該區有不少人氣食店。今天下午在元朗市中心四處逛逛，忽然在人頭湧湧的鬧市中，發現一間不起眼的小蛇店。驟眼看此蛇店應是一間至少有三四十歷史的老店，能夠屹立至今，想必有他的生存之道。今日只試了一碗細蛇羹，$30。蛇湯味道較淡，藥材味輕，但雲耳等配料十足，而蛇肉更有驚喜。一個細碗內竟盛了差不多二十條，大大小小的蛇肉，喜歡食蛇肉的朋友必定要試。

不知是否因為天氣冷的關係, 買蛇羹的人很多, 而路過的我也買一碗來試試如其他網友所言, 足料, 但蛇肉是「韌」的, 要使勁才咬得開, 而且不太杰身, 沒有太多羹的感覺 而且蛇羹好像不太香似的, 完全不覺得有酒味, 怕酒味的網友可以一試還是喜歡灣仔著名蛇店的味道

因為今晚家裡會煮「自家炒臘味糯米飯」，所以特地到「蛇王倫」買蛇羹和龜湯配搭，貪他們的蛇羹勁多蛇肉。去到他們舖面，嘩~!客人要在外面排對等位，過然食蛇羹是有「寒冷效應」的~!我叫了大蛇羹兩碗，每碗$39+$1外賣兜。加多碗龜湯，一碗$22+$1外賣兜。回到家做好了「自家炒臘味糯米飯」，便和媽咪一起開飯啦~個臘味飯今次先不說了。「蛇王倫」蛇羹出了名多蛇肉，不是雞肉、豬肉， 是蛇肉，因此才會引來那麼多嗜者聞風而至。果然，名不虛傳~!食進口的蛇羹，啖啖肉~!不過，那些蛇肉是「韌」了一點。可能之前聽了食客的意見，現在他們薑絲放少了，不會那麼掩蓋蛇肉的味道。龜湯鮮甜帶有藥材味道，喝後有甘香餘韻(不過之後都會口渴，應該是放了味精吧~!)。很滿足的一餐「龜蛇宴」，吃後全身「暖笠笠」~!

元朗之旅的其中一站是這裡，吃蛇王如多，這裡位置比較隱閉，也要找好些時間才摸到上來。入冬後蛇店人客不少，很多獨俠合吃完蛇羹再叫糯米飯當正餐，當然這個份量對偶而言，也真的吃兩餐也嫌多，只要了碗細蛇羹。蛇羹湯底味淡，帶薄薄藥材味，蛇肉粗粗的，很易吃飽，廿多塊的蛇羹，但求足料暖身，雖然離好還差很遠，但這裡也算是交了功課。

2010年12月3日，20:00通過港西北的花友，得知這店。下週冷風將至，肯定要補充補充，懶管他血壓高和低^m^街坊蛇店來說，有三圓檯，一長檯，地方已算大。要了蛇湯套餐-蛇羹、細蛇羹、臘味糯米飯。蛇羹：滿滿的一碗，藥材味不算濃烈，中度蛇肉、冬菇片、稍碎的雞絲，大路貨色，平實型。糯米飯：賣相欠佳，飯粒不分明、過油；口感不足，偏軟；配料臘肉、臘腸不夠香、幸好蝦皮夠惹味，花生鬆脆，加了分^m^蛇湯：入口微酸，藥材味不濃，但餘甘持久，半小時不散，讚^m^店的人流足，我進店至結賬，都保持九成滿。鄰桌先後來了兩對母女，巧合地囡囡都是人山，元朗盛產肥BB？^m^其間有一壯男，來喝蛇酒，滿滿一玻璃杯，最小四兩，勁啊！好羨慕啊！但最吸引我的，還是那瓶田鼠仔酒，過佰隻小鼠在其中。不管蛇羹、蛇羹、糯米飯、蛇酒，全是滿瀉的，檸檬葉和薄脆任食，蛇王好慷慨啊^m^

天寒地凍的日子，就會想做懶蛇... 同埋想... 食蛇。當市區各「蛇王X」的蛇羹（細）都賣超過三十元時，這裡還賣廿八元，算是便宜。蛇羹算足料，很熱很暖肚，蛇肉夠多...雖然粉獻也多，個人喜歡加足香草和脆脆，不過這裡好像不及refill，差點被我用罊了！次次食蛇都食到流晒鼻水標晒汗，足見體肉寒氣一下子就被驅散了!!

次次經過都會幫襯因為真係好香今次叫左個蛇羹餐轉大蛇羹都係加左＄１０ｄ料多都瀉晒出黎呀個糯米飯又係好大碗真係兩個人食都夠晒飽呀