蘭芳園

營業中

休息中

俗語講的好咯，食得鹹魚抵得渴，今鋪真系我自己搵嚟嘅，所以都系自己嚟負起責任喇，從今日開始就要生生性性做人喇，希望老豆老母可以開心啲，放心啲。記憶之中好多嘢都變咗味，唯有蘭芳園嘅奶茶系一直都保持住咁樣嘅味道，滑滑啲，sweet sweet咁，細細個就好鐘意飲，價錢又無貴，好平下。金牌豬扒包我就覺得其實系有變化嘅，不過都系一中可喜嘅表現，因為我覺得越來越好食咯，豬扒包好大一隻，最精華嘅豬扒就更加之中重分量喇，好大塊嘅豬扒，每一啖落去都系必定有豬扒嘅，咁平簡直系好抵喇，而且豬扒好脆，入口仲有些小嘅芝麻香味，十分之吸引我！

有名氣後水準似乎差了...蘭芳園是香港有名的茶餐廳，而他們的港式鴛鴦家喻戶曉，可惜每況愈下...蔥油雞扒撈丁雞的皮烤得脆，肉質也算嫩滑，不過撈丁的麵條入口很硬實，蔥油亦不太夠。整個麵吃起來感覺很乾，也沒有人家說的那麼好吃呢....實在少點點失望~~~奶油多相反，這個值得一贊的，就是麵包烘得香脆，奶油略嫌不夠多，但吃下去外脆內軟，味道比撈丁還要好。

第一下見到用膠碗裝住，賣相有點失望！番茄湯鮮紅色，味道都算係濃郁，吾會好稀，食落比較鮮甜🤗薯仔好夠'淋'所以都幾好味😛不過豬扒來講就有點兒乾身，口感都有啲硬～雞蛋簿簿一塊，煎得啱啱好，配上蕃茄湯嚟食，味道出奇地夾😊

週末最喜歡去茶記／冰室食野， 蘭芳園雖然已經開咗幾間分店，但我覺得都係去返總店好啲，不過就預咗呢啲名店會遊客多，同埋店員好有性格。傳統咖央西多士 ($24) 熱辣辣上枱，中間放咗牛油，上枱後可隨個人喜好加入適量嘅糖漿， 西多入口鬆軟，但有點油膩。西多中間加咗咖央，但我覺得味道比較似奶皇，食唔到椰香。呢度嘅 金牌豬扒包($24) 雖然都出名，但味道一般。包外面烤得微微香脆，豬扒唔算厚，而且有啲乾，好彩有番茄同沙律醬令個包濕潤啲。飲品方面，覺得啡走 ($18) 比較好飲，即係走奶落煉奶，感覺入口滑啲不過都會甜啲。絲襪奶茶 ($18)就不過不失吧。

成日買菜煮飯都會經過呢間好出名，兼成日好長人龍既茶餐廳。連平日極少寫食評既我都忍不住要寫下野。同大家分享下。環境： 比普通茶餐廳多圓檯，位窄。裝飾好舊。食物：早上10點幾，食早餐。出前一丁面。面未熟晒，仲有少少生。哇？湯呢？嚇親我，湯面湯面，比左個唔湯唔撈既面黎。雞扒煎得又乾又硬。上傳呢張相係我「食完」既相。食左幾啖真係食唔落。茶記$38早餐唔應該係d咁既垃圾囉！仲咁多旅客黎食，影衰晒香港。人地華星冰室一樣價錢。好食十倍！服務：惡！搭檯既男人先到先落單，同我3唔識7。張檯有起碼2-3張餐牌由我拎。但侍應哥哥竟然鬧搭檯既男人叫完野唔比餐牌我。（汗）地方窄，侍應哥哥無位行，鬧我既包包放得太出，會kick親佢。但佢地就無諗過我係客，你地行黎行去夠成日撞親我。如果大家係想比錢買難食，呢間一定唔會令你失望！

是日想吃蘭芳園, 中午十二時多來到, 時間尚早不用等候便可入座. 中環總店地方非常狹窄, 吃得不太自在. 點選了龍蝦汁蟹籽雞扒撈丁+熱奶茶(HK$51).不消一會侍應送上食物. 嚇了一跳, 為什麼用上紙碟? 很難夾起撈丁呢!試一口, 白汁和丁有一貫的水準, 丁沒有煮得過淋, 剛剛好. 白汁也沒有過稀. 雞扒則較尖沙咀分店的差了, 雞扒放涼了的, 不夠新鮮, 雞皮沒有煎得香脆, 筆者就是喜歡它的煎香味啊, 有點失望.幸好奶茶不錯, 夠香滑!吃飽飽又要回去搏殺.

因為有好多人都讚好，所以今日中午我們去中環工作完之後就特意嚟咗「蘭芳園」食午飯！點知一坐低就開始畀店員鬧，當時我們三個人被迫安排同兩個陌生人一齊坐張四人檯，當時已經覺得好擠逼，同隔離檯又背頂背，兼且畀大聲呼喝叫我們再坐埋啲，再多兩個人落嚟！嗰刻我們五個強烈反對，點可以再加多兩個人落嚟，店員完全無理會我們嘅反對，堅決加插兩個人落嚟！嗰刻真係好想走，但無奈已經點菜！我們仲要忍受店員高舉熱湯同凍飲，不斷喺你身後撞嚟撞去，真係驚險萬分！七個人逼埋喺一張四人檯，逼到無辦法彎身食，要拎起嚟食先可以食到！喺呢個時刻真係食龍肉都無味！我們叫咗鮮茄薯仔湯底豬扒蛋通粉嘅湯底味道唔係好濃郁，通粉亦唔係好彈牙！沙嗲牛肉出前一丁嘅味道比較鹹，牛肉亦唔係好嫩滑！芝麻牛肉汁牛冧肉撈丁嘅牛冧肉嘅肉質比較韌，個醬汁本來係芝麻牛肉汁，但出到嚟竟然變咗黑椒汁！真係令人極之失望嘅一餐！

同老公去中環行街順便去試下哩間歷史悠久既茶記，卻比我一次史上最差既經歷，首先我地系下午茶時間想叫個下午茶餐，個夥計就系咁話我地，“今日星期幾吖？有無睇清楚個牌吖，禮拜無下午茶餐吖，一陣邊個邊個聽到又要鬧你地喇“ 我老公話第一次黎點知姐，佢又話“咁黎多d牙嘛，balabala....“之後我地散叫佐d野食，後面有個哥仔催單，佢地個夥計竟然又大聲又惡鬧返個客“催咩吖，埋黎緊lo，催催催，咁趕無食喇“ 我O曬咀，就算你系一間出名小小既餐廳，都唔系巴閉到要咁樣對d客，一陣食物到佐。首先講奶茶，其實真系好普通，唔知出名系邊，我個人認為奶茶大家樂好飲一百倍；跟住叫佐個雞排蒜蓉撈公仔面，見個個都叫哩個，就系將蔥容撈落d公仔面度，再加塊雞排，味道唔難幻想到；另外仲叫佐個雞扒通番茄湯底，哩個算系不過不失.總闊野食級數十分之普通，唔值得我特登黎試，加上哩d服務，我希望我哩一生都無再踏足哩間野，不知所謂

中環蘭芳園絕對係其中一間能夠代表香港文化既茶記, 難得週末黎嘆下蘭芳園點評: 食物: 今日試了首創出位撈丁系列之豬泵兜撈丁配叉燒汁+鴛鴦酒, 撈到特別之處係放係旁邊既薑蔥, 撈埋係麵裏頭加上叉燒汁別有一番風味, 豬泵兜即係豬頸肉, 切得厚薄適中, 爽口而不膩, 但味道略嫌過重, 肉奄過本身有味, 加埋叉燒汁too much, 鴛鴦酒100分, 咖啡同奶茶撞埋恰到好處, 絕對係香港茶餐廳獨門秘方, 加上煉奶一流環境: 舒適當然唔講得, 茶餐廳大排檔feel, 坐係呢度食野係求一種感受, 唔會要求太多服務: 由安排入座>食物下單>上菜速度都極有效率, 抵讚抵食: 埋單52蚊係中環食野有咁既質素一定係性價比高之選

今日中午阿媽話佢系中蘭芳園附近買野，叫我有時間就過去同佢食午飯，媽咪叫到，邊敢唔聽啊，所以都系趕過去同佢食飯，食完順便可以系呢邊辦事，蘭芳園老店系好有歷史嘅一間店，所以環境一般，都系比較懷舊，但老字號通常都會有幾個出品可以嘅菜色。奶油豬仔包，兩邊都煎得有D硬，好脆，涂上煉奶，煉奶嘅香味再加脆脆嘅口感，唔錯。菠蘿包，酥皮做得好好食，大塊大塊咁的，食果時唔會掉得周團都系，包身做得好軟，又香又軟綿綿，都幾好食。以前系呢度食嘅豬扒包都好好食，但今次賣相就已經失色喇，味道感覺比以前嘅要差左，唔知系咪個師傅今日心情唔好，整到個豬扒咁樣。奶茶就一定要試下喇，我最中意呢度嘅奶茶，口感好香滑，茶味又濃，適度適中，連蔡瀾都贊呢度嘅奶茶好，所以過嚟嘅朋友仔一定要試呢個。

好唔容易過到嚟中環蘭芳園茶餐廳附近，肯定要兜過嚟食返嗰lunch先喇；兩條友就點咗咁多嘢食，食完返去又要跑幾圈操場了；西多士配凍絲襪奶茶係最佳組合，兩樣都非常正宗，次次嚟到都必點，西多士夠香脆，奶茶入口絲絲順滑，飲唔厭；蔥油雞撈丁水準穩定，雞肉仲係咁香嫩蘇軟；豬扒包就強差人意咗d啦，烤嘅豬扒肉有d干硬，食落無咁好口感啰，不過份量都好足嘅；

人哋話要中環呢間蘭芳園要好食過其他分店。anyway話系蔡瀾推薦。OK就去試試啦。早餐系比較多人噶，N多遊客慕名而來。中環個自動扶梯搭一陣就見到，好容易見到咯。今日來到都系搭臺，對面都系一人系度食緊豬扒包，but賣相唔系好得，我無點。So, 我都系點咗個絲襪奶茶，絲襪奶茶滑就幾滑了，冰嘅好飲過熱嘅，熱噶有D苦咯。不過都唔系講得甘好味姐。西多士炸鍋，更加香，好鬆軟，口感好，我自己覺得唔會好膩。I like it.啦啦啦，Last我都系點咗個招牌雞扒撈丁。So, 就系出前一丁加雞扒，今日噶雞扒有D煎有D隆咯，而D面都有D霖了。不過分量都好夠噶。我一個人系可以食曬我點噶，好犀利~~都系會有下次再來噶。

早前從頭頂嘅扶手梯經過望落去，見兩個西裝友踎喺全世界限定三張嘅檔前櫈仔嘆奶茶，真係一道非常獨特嘅香港風景，賞心悅目。以為自己一世都唔會霸到嗰個好位，點知今日同馬來西亞朋友經過雖然內場爆多遊客，但嗰三張櫈仔竟然無人踎，真係唔多相信自己眼睛，心情極度興奮。朋友想入鋪坐，我堅持要踎街邊，否則同你上星期去尖咀店一樣。佢開始極錯愕，又有啲懢尬，但都俾我威迫咗。我定踎定後，慢慢融入店中成為其他觀光客嘅風景一部份。坐喺鬧市中，旁邊有車經過，在weekday人人在工作的日子悠閒地享受一杯奶茶，這就是生活!!!熱奶茶朋友就這裡比尖沙咀店好，茶味無咁澀，但我自己就有相反睇法，我自己偏好上次尖咀店那杯，可能上次無落糖，茶香奶香比較突出，兩者同樣香滑。凍奶茶同樣非常討好，香濃細滑，愛不釋手。姐姐好好禮貌，賓至如歸。

中環貴為香港心臟地帶以及金融市場中心，不少主要商業活動均在此地段進行，小妹已私有化的親愛便在中環出生。今次小妹於收市時段抵達中環結志街的 蘭芳園 (中環) ，據可靠消息指該店的奶茶長期超買，高出預期水平，於是來了一杯鼎鼎大名的凍奶茶，茶味香濃並不太甜，奶味適中，名不虛傳。另外目測著名咖央西多並維持十張枱平均線水平，並持續有大媽追捧，小妹當然跟隨大戶小注投資了一客，並於高位獲利，主要吸引之處是那香滑甜甜椰香味的咖央餡料，罪過了。大市繼續有香蔥雞扒撈丁追捧，可惜該燒味mix即食麵的配合對小妹來說，只是市場上利好消息未能消化的泡沫，哈哈！

今日個朋友從廣州過嚟，既然從咁遠過嚟，就要帶佢試下香港特色美食啦，我問佢想食咩，佢話想試下出名嘅絲襪奶茶，講到奶茶梗系要去蘭芳園啦。當然先點杯奶茶先啦，呢間店有六十年歷史，以奶茶出名，一上茶就聞到陣陣茶香，試一啖果然好滑，茶味好重，飲落順滑濃郁，基本個個嚟到都會點。朋友點左豬扒包，豬扒煎得有D過火了，我之前試過覺得味道一般，分量都唔大。我點左雞扒撈丁，呢個味道還可以，面吸收左雞油嘅香味，雞扒又煎剛剛好，搭配埋一齊，再加埋其他青菜配菜，食落香口又唔油膩，過嚟嘅朋友仔可以試下呢個。