影片
以上資料只供參考, 請與餐廳確認詳情
有關餐廳
優惠
88折
蘑界野生菌石鍋雞 - 野生菌品質肥牛套餐鍋A
$112
$128
88折
蘑界野生菌石鍋雞 - 野生菌品質和牛套餐鍋：B
$130
$148
88折
蘑界野生菌石鍋雞 - 野生菌品質海鮮套餐鍋：C
$174
$198
相關文章
餐廳主打菇菌+雞鍋，喺香港算幾特別。佢的野菌雞鍋較出名，而素食者就可以單點素鍋。餐廳平日有午市優惠，喺Openrice可以平少少買到3款套餐（肉/海鮮），而單點食物就有88折（唔適用於鍋底）。午市冇加一而且供應時間長（1230-1600），2小時用餐時間，冇客就可以繼續坐，計落午餐比晚餐抵食好多。同朋友即場買咗1張套餐券，再單點野生菌養生鍋、刺身金耳菌、芥辣紅乳菌同板藍根青菜。2個人有2個鍋，1大1細，加上可以到自助區拎醃菜同生果（各2款），好夠食。鹽醃海帶莖：自助前菜；似韓式醃菜，唔辣，味道略鹹，海帶莖滑身帶𡁻口，好食醃蘿蔔：自助前菜；蘿蔔爽脆，有辣勁，開胃刺身金耳菌：$68；幾乎個個寫評價的人都點，聽落好似幾特別；賣相先聲奪人，冰鎮，青檸片同金耳菌間隔排列，旁邊放切半的小青桔，應該係俾客人唧啲青桔汁配搭享用，亦有日式醬油同wasabi；主角係金耳菌，佢的質地同味道激似蒟蒻，雖然適合扮魚生，但本身冇味，唔點醬油同wasabi就味如嚼臘；試過以青桔汁拌食，味道好酸、好怪；建議大家唔好點呢個前菜芥辣紅乳菌：$58；呢個前菜/小食同樣係食質感，但佢特別啲；上檯時，第一個反應係：「做乜俾碟未熟的豬膶我？」無論颜色同質感，佢都好似生豬膶，瘀紅色又滑潺潺，朋友試咗少少經已投降，接受唔到呢個紅乳菌的口感，而我就覺得佢好特別，撈咗芥辣好惹味；值得一試野生菌養生鍋：湯料足，有大量雜菌同竹笙，仲有紅棗，感覺滋補；用一個非遺墨脫石鍋上檯，個鍋份量十足，但已撞崩少少，而且鍋唔深，湯底份量有限；侍應提議未落火鍋料前先飲湯，湯幾清甜；湯底有油，唔確定佢係咪真•素食，可能同野生菌土雞湯底一樣，只係冇連雞件上~野生菌品質和牛套餐鍋B：$130；火鍋料豐富，有白菜、粟米、薯仔（心內美）、黑豆腐、冬瓜、安格斯保樂、牛肉丸、蝦子滑、土雞片，前菜/小食係鮮椒溏心皮蛋，連1大杯手打檸檬茶、靈魂口味碟，鍋就係單人小鍋野生菌土雞湯底；呢個1人餐的配料多，份量唔多，基本上係2-4小件，鮮椒溏心皮蛋就係1隻開3件；套餐賣相精緻，全部細碟上，感覺有啲排場；試咗蔬菜，唔係太特別，黑豆腐略嫌粗嚡，鮮椒溏心皮蛋油膩但入味；手打檸檬茶夠2個人飲，微甜；葷食人士可試下呢個套餐，食材樣樣有啲，淺嚐即止板藍根青菜：$48；朋友話必點，因為香港食唔到，而且爽脆、鮮甜；佢似細棵的嫩芥蘭，連菜花食，唔苦，爽口；但始終只係葉菜類，取價都幾離地生果：自助區供應西瓜、柑；西瓜清甜，keep住refill 蘸料：放咗已調配好的靈魂蘸料，因為唔覺得特別啱口味，所以冇試；拎咗生蒜、芫茜、蔥、芹菜，再加少少醋都好好食；蘸醬唔係必須，就咁喺個鍋撈上嚟，食物已經有鮮味環境方面，餐廳佈置典雅，坐得幾舒服。負責我果邊用餐區的侍應都幾熱情、健談，但就漏單，單人餐的鍋底等極都未有（套餐的配料已送上），前後問咗2次，最後先由一位上菜員送上雞鍋連爐具。個爐似露營用果種，餐廳又有啲出風位，所以侍應要花時間調整爐的擺放位置，其後發現鍋底一直滾唔起，原來冇gas，於是又要換gas~食物同價錢方面，性價比一般，用餐後直至第2日，都覺得口乾同出現輕微身體不適反應（我對味精敏感），估計同啲鹹/辣前菜有關，食咗唔係太舒服整體嚟講，呢間餐廳值得一試，第1次嚟會覺得用餐體驗美好，但建議lunch嚟，消費較低。記憶點唔多，主要係食環境同體驗。佢啲菇係多，但餐牌只列出各種菌類而冇標價，加上全屬單點，冇拼盤，人少的話，就算佢菇多，都冇錢+胃納試多幾款。嚟多幾次可能就覺得不外如是~
繼續閱讀
抱住戰戰兢兢嘅心情嚟呢度食嘢，因為始終新開，見佢價錢又唔算特別平，原來質素超好果然係蘑菇煮打，而且服務態度非常之好 198嘅海鮮餐 好似好豐富，不過其實材料不多 而且唔會配飯或者唔會飽 鮑魚極新鮮好味其他嘅兩個海鮮都不好吃 板蘭根菜超正，皮蛋麻麻哋好食 蘑菇同埋薯仔都幾特別 雞係靚雞，不過細細隻唔會話好多肉個湯真係超正極濃郁嘅雜菇味原來仲有一啲前菜同埋兩款水果任食，今日係西瓜同埋金，個金超甜 問吓佢有冇糖水佢話冇好誇張🤣🤣鮑魚肉埋得好少咋另外$66嘅炒飯超抵！勁大兜，而且好香濃有少少火腿粒😍🥰呢個雲耳刺身有少少貴，不過食落去似係北寄貝刺身之類好有趣呢個飯太辣整體而言環境同服務超好 食物質素都出色，特別係菇 不過如果要再嗌就貴啲啦食完仲有得dand生果,圈中咗可以拎返屋企好過癮
繼續閱讀
蘑界開到嚟香港啦😯，唔使上去深圳都食到真係好方便☺️，所以特登喺九龍去沙田試下沙田嘅店舖、坐地鐵或者巴士都好方便，舖頭係正一田隔離所以都好容易搵到，而加開張又有活動玩小遊戲☺️！高原野生菌土雞湯另外一定要叫份文昌雞、用嘅山林土雞湯配文昌雞、用咗墨脱石鍋健康又衞生、同埋天然野生菌係雙重雞嘅鮮味、整款湯每一日現熬嘅湯底、所以雞湯比平時濃厚帶點生菌香味😚有營養又健康！刺身金耳菌呢個金耳菌真係好正，賣相金黄通透睇得吓😍、真係好似食緊日本刺身，都算係健康嘅刺身、顏色吸引食到入口口感都幾爽😙！四季雙拼菌有黃牛同美味牛肝菌兩款，同時間食到兩款牛肝菌，感覺都唔錯幾特別，配埋個雞湯入哂味仲香😚真的唔錯之選！麻醬甄選千層肚呢個係一款凍食嚟嘅，直接加個麻醬嚟食味道都幾香口、千層肚口感爽脆味道都唔錯😋！鮮切三花趾每一隻牛得好少呢一個部位🤔、所以叫嚟食都係一個唔錯嘅選擇、梳化自己質地比較煙韌有啲爽脆嘅質感、我覺得都唔錯值得試吓🤭！鮮滷牛腱肉鮮滷豬耳鮮椒溏心皮蛋呢幾款都係大小小辣嘅食物、味道都唔錯、夏天胃口唔係咁好、入口帶點微辣口感、所以叫呢啲小食都幾好又醒胃😚！火腿野生菌炒飯之前係深圳食過，覺得都唔錯所以今次再點嚟食。呢個份量都幾多所以可以同朋友去一齊食，鹹香味十足野生菌爽脆，炒飯質地油潤粒粒口感，所以都幾香口又好食😋！手打檸檬茶呢度嘅檸檬茶都幾大杯，望落去啲顏色都幾深色、飲落口茶味都幾濃厚又唔會覺得好澀口，感覺有種回甘味道、夏天飲番杯凍飲真係幾爽😚！七彩土豆板藍根香水油麥菜食火鍋點可以唔嗌菜呢，所以叫咗呢幾款、呢幾款係朋友推介我食落都覺得唔錯，板藍根唔係度度都有得食☺️，望見賣相有啲似菜心，但個質感比菜心仲爽脆！
繼續閱讀
成日返大陸嘅，一定有食過呢間，就算冇食過都一定見過佢排隊嘅盛況，估唔到香港都開咗啦，選址沙田新城市廣場，真係非常方便，大家唔使返去排隊啦😍😍😍佢係全國首家野生菌專門店，以「自然健康+沈浸式養生體驗」為核心，所以喺深圳人氣一直高企👍🏻佢以高原野生菌為主，用墨脫石鍋打造嘅火鍋。佢仲有款野生菌可以當刺身食，叫做金耳菌，口感真係好特別，一定要試嚇。呢個高原野生菌土雞湯底，真係非常鮮甜，我哋再加入四季菌雙拼同埋新一代見手青，冚蓋再煮幾分鐘，之後再加入土雞，再煮幾分鐘，就可以飲湯啦😍職員好好，會幫我哋校定鬧鐘，鬧鐘響咗佢哋又會過嚟幫手放食材落去，咁嘅服務真係以為自己返咗大陸☺️飲完湯之後就可以食雞同埋菇，隻雞真係好嫩滑，配上佢嘅靈魂醬汁，真係唔係講笑，呢個醬汁真係好好味，配任何食材都啱👍🏻唔同嘅菇又唔同嘅味道同口感，當然都離唔開一個鮮字☺️之後梗係要烚吓貴州鮮切吊龍啦，呢度嘅吊龍肉質特別嫩，而且唔肥，配合呢個湯同埋醬汁非常好味。呢度仲有喺香港好少見嘅高原七彩土豆同埋板蘭根，板蘭根係一種有啲似菜心嘅菜，值得一試。除咗火鍋，佢仲有好多小食，例如呢款鮮鹵牛腱肉同埋鮮鹵豬耳，鍾意食滷水嘅人一定鍾意食，少少辣好滋味。仲有麻醬千層肚、鮮椒糖心皮蛋，兩款都好特別。最後再嚟個火腿野生菌炒飯，真係大滿足。
繼續閱讀
作為全國首家野生菌專門店，以自然健康及沉浸式養生體驗為核心，深圳排隊王蘑界嘅大名好耐之前時已經知道，當時喺深圳中航廣場經過佢門口聞到好香好想入去，但可惜當時太多人排隊未有機會試。今次蘑界終於黎左香港沙田開首店啦，佢哋係主打雲南野生菌火鍋嘅專門店，成個餐廳充滿木系裝修與大自然混搭既風格🌿🏭，比到人一種好舒適嘅感覺。🌟靈魂所在！高原野生菌土鷄湯底 原價$129，半價後 $64.5💥：一坐低店長就擰左一個好大既石鍋過黎介紹，石鍋係從西藏墨脫專程運過黎，再加上七七四十九日開鍋先可以用，充滿左16種微量元素，真係未食已經充滿能量⚡️湯底未打開蓋已經聞到濃濃菌香＋鷄香🐓！店長話用咗好多種雲南野生菌🍄＋土鷄🐓熬足幾個鐘🕓，滾起後先飲碗湯，加上玫瑰鹽簡直鮮甜到無得輸🎯，飲完即刻暖笠笠，好暖胃好舒服，夠晒養生～ 記得先烚菌再打邊爐🔥，湯底越滾越濃郁，後面落埋鷄片同蔬菜，鮮味直接翻倍💯！菌類控天堂！必試季節限定同招牌貨✨四季菌雙拼（黃牛肝菌、美味牛肝菌）🍄雙拼 $106：一次過試兩種貴價野生菌💰，黃牛肝菌厚肉腍身，咬落去有陣木香味🌳；美味牛肝菌則更爽脆，兩款落湯滾幾滾就食得，鮮味爆棚💥！新一代當季見手青 $45：挑戰菌子界河豚，見手青係兼具美味與風險嘅野生菌⚠️，佢獨特嘅變色特性同極鮮美口感，令好多人卻步🚶需要餐廳從國內聘請師傅嚴格處理得乾淨🧼，即場切即刻煮！變色全熟先夠仙氣💨煮熟鮮到靈魂出竅，記得徹底煮熟先至好食🍲～刺身金耳菌 $68：第一次食生嘅金耳菌，口感似三文魚同海蜇混合體🐟🌊，配埋Wasabi鼓油，真係超一流，必試！鮮鹵牛腱肉🥩 $76 / 金錢肚🐄 $65 / 豬耳🐷 $56：鹵味好惹味，食落好過癮，少少辣🌶️，勝在用料夠靚！山林土鷄片🍗 $98：文昌雞去骨，鷄片切得薄身🔪，烚10秒就熟⏳，鷄味濃郁，配埋靈魂蘸料✨ ($18/2 位，包水果🍍同高山滇紅茶🍵) 超級夾～鮮椒溏心皮蛋🌶️🥚 $38：係川菜嘅代表作，皮蛋晶瑩剔透又有口感🥚，蛋黃溏心😍，加埋辣、鮮、咸嘅調味，呢個真係無得輸🏆！蔬菜籃子🥬 $58：呢個真係必點🔥，每款菜都同湯都超夾💥！高原七彩土豆🥔 $26：好特別嘅薯仔🌈，白嘅肉身中間有一圈紫色，煮完粉粉地，帶少少甜味😋高山豌豆尖🌱 $39 / 皇帝菜👑 $26：蔬菜新鮮嫩綠無渣💚，烚兩烚就食得～火腿野生菌炒飯🍚🍖$66：石鍋炒飯粒粒分明✨，誠意之作！手打檸檬茶🍋🥤$28/杯：好抵飲💰！大大杯檸茶，清新唔甜🍹，平衡度恰到好處⚖️，唔輸出面檸茶專賣店🏪～總結：菌類愛好者必去！🎉成餐飯人均大約 $500左右💸，價位中等，食材新鮮度同湯底質素絕對值回票價💯！建議 book 位時可以講要坐窗邊位🌆，落地玻璃面向帝都酒店超有feel🏨～ 無論朋友聚會定情侶約會💑都適合，記得預留肚飲多幾碗湯啊🥣！評分：最高為5分治癒度：👩⚕️👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺🩺蘑界野生菌石鍋雞沙田正街2-8號新城市廣場三期1樓A123號舖📍港鐵沙田站 A3 出口7分鐘路程#healingbobo #foodie #hkfoodie #foodiehk #香港 #美食 #香港美食 #沙田美食 #雲南野生菌火鍋 #菌類控天堂 #火鍋推介 #朋友聚會好去處 #情侶約會餐廳 #野生菌火鍋 #野生菌專門店#吃貨日記 #打卡美食 #湯控必試 #香港美食地圖 #菌菇盛宴 #菌控天堂 #舌尖探險 #雲南風味 #必試菌宴 #舌尖上的雲南 #沙田新熱點 #超值 #晚餐吃什麼 #晚餐 #墨脱石鍋 #高原野生菌 #養生火鍋 #蘑界野生菌石鍋雞 #MushroomFeast #蘑界
繼續閱讀