薰甘同味 (已結業)

大家唔好誤會，其實店內冇貓，只係放工搵嘢食，同男朋友行行下街見到佢，於是就決定去食。小店響一個唔係幾起眼嘅位置，隻貓擔當咗重要嘅角色。入到去，老闆娘連忙殷勤地講解如何下單揀麵及推薦招牌菜，於是我叫咗豬軟骨白咖哩拉麵，男朋友要咗牛腩喇沙拉麵，再加多一個小菜同酒醉雞翼。麵好快就到，識食一定試湯底先。白咖哩：好白咖哩，但略兼有啲粉，唔知煮唔溶定點，但味道Ok。喇沙：超濃蝦味，好惹味，大愛，係咁搶住黎飲。所以對比我鐘意依個湯底多啲。拉麵：依度嘅麵係自製無添加，唔可以當係以我認知嘅日式拉麵咁睇，但我覺得口感幾好，幾好食。豬軟骨：果然係招牌，即係入口即溶，好好食，相當入味。牛腩：好淋同入味，但我會鐘意食豬軟骨多啲。唔洗點咬。酒醉雞翼：杞子好入味，雞翼唔夠入味。一直都好支持小店，因為往往都好有驚喜，而且價錢相宜。依度的確唔容易被人發現，但相信口卑可以令更加多人欣賞同嘗試。加油！下次再黎試其他嘢。

一直都覺得香港需要支持小店，其實有很多小店都很用心去製作食物，只是沒有什麼人知道而已。這間小店又是另一個例子，他的位置是比較隱蔽的，需要經過一個小小的花槽才可以進入餐廳。當天我大約12點去到餐廳，一坐下先望望個午餐餐牌。小店的午餐套餐十分優惠，一碗麵都只不過是$38 ，還有柚子茶喝添！見這裏的招牌是秘製豬軟骨，還有比較特別的白咖喱湯底，餐牌右上角又有寫住自家製拉麵，所以我就選了這三項組合而成的面。小店的製作確是很用心，這碗麵有非常之多的配料，除了豬軟骨還有芽菜、豆卜、和兩塊大的白蘿蔔，豆卜吸了湯汁非常好食，蘿蔔又清甜冇渣，芽菜的份量也很多，而豬軟骨確是對得起他招牌的名稱，一放入口的而且確是即溶，是我會想再返兜的，真的很好食相比之下，我就覺得湯底的白咖喱味道可以在濃烈一點，而面方面，拉麵的確沒有鹼水味，但也不算很特別，我覺得如果配以米粉應該會更加好食。值得一提的是，這裏的面份量非常多，如果女士比較細食的話就可以先同老闆娘提出少面啊我媽則點了同樣的豬軟骨蛋配以馬來喇沙湯麵，即是有油面和米粉。這個湯底我就覺得非常出色了，喇沙的味道很足，帶一點辣，如果再多一點椰味就好了。同時之間，面的配搭很好

入到去應該係老闆娘好親切咁樣去招呼我哋,跟住呢就叫我地坐低先之後，然後就問我地你哋有冇食過架,咁我哋話冇食過啦佢就好好有耐心咁樣呢逐個逐個item去介紹俾我哋啦，介紹俾我哋嘅邊一個啱我哋食多啲架啦,咁跟住之後呢我哋就好快咁樣落晒單，咁我哋都留意到呢原來老闆娘呢係每一台客都會咁樣去用心去問佢哋嘅，咁之後呢我就同我嘅朋友叫咗兩個麵啦跟住加左個小食再加多咗個a冷盤嘅小食拼盤啦,碗面真係好香不過呢就有少少鹹鮮味亦都唔太夠不過佢入面個白蘿蔔真係好好味整體來講都OK嘅，但係呢我就叫咗吉列豬扒啦，但吉列豬扒呢就太過𣺉，跟住之後呢我亦都有叫到一個忌廉蟹肉餅，但係呢就發現忌廉系有好多係入邊但係蟹肉呢就幾乎搵唔到啦，亦都冇蟹肉嘅味係入面，咁之後嗰個小食拼盤味道偏怪左少少小小，之後青瓜係𣺉啤啤嘅啦,同埋唔知係咪因為佢哋鋪頭一個新嚟嘅員工，咁嗰個員工呢佢態度就唔係差嘅不過呢就將隔離枱唔辣嘅小食呢就同我嗰邊辣嘅掉轉左但係我亦都見到人哋食緊，我有已經食咗一啖先知，咁我亦都冇出聲去兌換，佢上菜嘅時候呢佢又求其就咁擺咗喺度就算啦，咁呢一個係有少少失望，希望佢努力去改善下啦,但系總括而言呢一間咁細嘅鋪頭老闆娘同埋員工呢

知道li間野開左排，都無去試過，難得一日食自已就去入到去好細間，但乾淨舒服，送既款式選擇唔多，湯底就多選擇了，好似有6款（唔係好記得清楚）揀一個湯，再揀麵，之後揀送（7款左右，吉豬呀雞扒個d）爆緊瘡唔想食太辣， 喇沙—-下次再回你，今次揀沙嗲湯底跟烏冬，送就試招牌豬軟骨，湯底唔錯喎，豬軟骨夠淋，我就覺得花焦八角咪太勁，可以淡返小小就更正，烏冬應該係冰烏冬，彈彈$38 跟一杯涼茶/袖子茶，入量唔太大，不過麵抵食

近排見到呢度開咗新餐廳，價錢又唔貴，就去試下先！豬軟骨九洲拉麵: 豬軟骨好腍，亦好入味，好食。至於碗麵份量十足，一定唔怕唔夠飽。吉列豬扒+蟹子芝士撈麵:吉列豬扒炸得夠脆，可惜唔夠厚，不過以咁嘅價錢，都冇得要求咁多😂芝士撈麵就係一般貨色，冇驚喜。蟹肉忌廉薯餅: : 一咬落去入面既忌廉蟹肉就流出嚟，好味！(食嗰陣要小心，因為新鮮熱辣)花茶: 店員好細心咁提我要焗一陣花茶先飲，加埋蜜糖，幾好飲。

餐廳位置有 d 隱蔽，喺恆生銀行隔離嘅凹位。唔細心留意好易會miss左。今日試左白咖喱炸豬扒拉麵，湯底唔可以同沙嗲王嘅白咖喱比較，呢間係清淡少少，感覺無咁油膩。豬扒炸得剛好，味道都 ok 唔會太重手。拉麵食得出幾新鮮。試埋冷盤小食，揀左芥辣四季豆，麻辣雲耳同埋麻醬菇菇，其中個人覺得芥辣四季豆最好味。 雖然份量唔係好多(合理份量啦)，但$10有三款都幾開心。涼茶係夏枯草，喺咁熱嘅天氣飲真係好正。感覺係有心機嘅小店。會返轉頭試下其他湯底

叫咗豬軟骨沙嗲湯底米線，豬骨湯米線豬軟骨好淋但係佢隻味似係食緊鹹肉糭嗰啲肉嘅味道我覺得麻麻地佢有啲配料蘿蔔係幾好食沙嗲湯底唔算好味我覺得鹹咗少少！炸饅頭就細細粒，炸到好香口，配埋煉奶，正菜浦辣辣地好正呀佢嘅菜浦真係好好味嘢飲就揀咗夏枯草同埋柚子茶。夏枯草唔太甜，唔錯

話說早前不斷走訪長沙灣, 就在元州街恒生的凹位發現這間並不起眼的小店, 心血來潮我們又走入去吃午餐. 本來只有阿太揀了 豬扒白咖哩烏冬 $38 , 我也想跟SY一樣點選九洲豬骨湯烏冬, 但女店員說:「我們的白咖哩真係唔錯架...」, 一聽到這樣說, 我也沒有理由再吃大大路的豬骨湯吧! 這裡的麵餐非常抵, 因為全部附送冷或熱的柚子蜜, 我問:「晚餐價錢是不是不同呢?」, 店員說:「唔會...一樣, 我哋新開張呀! 而且你都見我哋個位有D被遮住咗, 所以做平D先, 希望吸引多D客先啦」 白咖哩好好食, 清甜中有少少薄荷, 洋蔥及薑的味道, 辣又不算辣, 再神來之筆... 一定是那腍到不得了的白蘿蔔, 還有吸了無限精華的豆腐卜是也. SY:「個豬扒好好食呀!」, 炸得非常香, 非常脆, 最重要還保留了肉汁, 非常好食的豬扒~正!! 店員推介要吃菜脯, 最愛辣的阿太當然不會放過機會, 結果...阿太:「真係超正呀! 夠辣, 惹味, 好醒神呀!」 這裡的小食也是又便宜又低, 絲網海鮮春卷 $20/3條, 還有我的最愛甜品, 黃金炸曼頭 $15/4個... 八卦的我後來發現, 原來小店是由甘先生

白咖哩豬軟骨拉麵，魚餠，菜心 $61：豬軟骨入味又淋，拉麵冇鹼水味, 好食！包一杯細柚子茶 $38。叫多個魚餅只係加 $15。菜心加 $8。價錢合理，食物份量足。見到其他食客叫咗雞扒，豬扒，炸得好靚。聽到啲人都食得滿意。唯一意見係白咖哩稍為淡咗少少。可能我喜歡食得濃味啲。服務方面，都唔錯，細心，上菜速度又快。見到其他枱都冇落錯單，又冇漏單，讚！今晚 6pm 就黎，好彩唔駛排隊。但係食完之後就見到條人龍。如果唔想排隊，就要早啲黎！

試新餐廳，一店齊哂各國美味湯麵，韓式芝士麵，日式豬骨湯麵，馬拉叻沙湯，馬拉白咖哩湯，新加坡沙嗲湯，雖然地名同湯唔知係唔係咁配，但係喜歡湯麵的，總有一款啱口味，每款湯都想試下口味，但口得兩個，我想試白咖哩湯，因為沙嗲皇的白咖哩實在太正，試下會否差不多，而且都想食烏冬。另一個是自家制拉麵，配日式湯當然最夾。湯底已經5種，搭配的5種料也好像好正! 香茅雞扒估唔到都幾大塊，另上的，抵食又炸得脆口有肉汁，覺得選得很好。另一祕製豬軟骨，得兩舊(大舊的)，比較上來好像輸蝕了,試了一小塊，驚喜，入口即溶，點解豬軟骨會入口即溶？真係要問下店主，但睇番餐牌，覺得真係冇呃你食，真係入口即溶!拉麵就真係無鹼水味，有點爽滑，係好食的。白咖啡烏冬有咖哩味，但冇沙嗲皇咁重味，但都係好味的，諗諗下家庭式作業，應該採用健康方針，少鹽但好味。$38送飲品已經很便宜，但送的飲品小小杯，有涼茶選(健康模式開動),加了錢要什果爆珠，好飲，最近都飲少了台式奶茶，奶精不健康，但爆珠有得咬滿足口感，都不是很多店有爆珠飲品，又靚又好飲。此店另一特色是很多加錢選配，但價錢都是合理的，菜$8，合理份量，點了印度薄餅加沙嗲(相片小女影的)，

昨晚和家人出去食晚飯，路經見到貓貓黑板寫既餐牌，便停下來看看有咩食，見到都幾吸引同埋價錢唔貴，便行入去試下；如果不是幢個貓貓黑板餐牌係路口，這店根本不起眼。店舖細細，只有廿幾個位，但都坐得很舒服，沒有擠迫既感覺；服務員態度友善和好有禮貌；食物方面雖然選揀不多，但價錢唔貴。 特式湯麵套餐$38, A-E (選一款) 配 1-6 (選一款), 送冷/熱柚子茶或涼茶一杯，加$5可轉各式飲品，加$10可轉各式特飲；加$8可配油菜；套餐加$15可配熱既小食，加$10可配冷既小食 (任選三款); 還有每日精選小食。馬拉白咖喱湯烏冬配秘製豬軟骨 - 本人點了這碗，湯底很淡，無乜咖喱味，豬軟骨好林好入味，就未至於入口即溶，烏冬夠彈牙，仲有豆腐卜同白蘿蔔做配菜，整體都幾好味。九州豬骨湯拉麵配沙嗲肥牛 - 這碗是外母點的，我唔好意思夾佢d餸黎試，所以唔知味道如何，但聽佢講d肥牛都ok, 豬骨湯底好濃。九州豬骨湯拉麵配酥炸豬扒 - 這碗是小姪女點的，豬扒炸到好乾身，但又不油膩好林。韓式芝士撈麵配雜丸(墨魚丸，貢丸，魚片) - 這碗是老婆點的，成大塊芝士比你自己撈，好邪惡呀！ 麵係拉麵來的，好彈牙好有咬感，

呢間鋪係好隱閉，恒生銀行隔離...我記得之前係開甜品，但個位太入...無咩人會行入去！但今日經過，又咁岩下午茶時間，見到門口個貓貓牌就睇下有咩食la~入到去有獨立廁所,環境唔差，只係無咩人會發現呢個位...可惜啊！餐牌都幾吸引,仲要下午茶時間減＄3！抵啊餐牌都有地圖教你下～個豬軟骨真係入口即溶，好味！而小食加＄10就有三樣！我揀咗咖喱湯烏冬轉自製拉麵,但係湯底好淡唔入味，個雞扒外脆內熱 兩碗面個湯底都係淡，而小食方面就好好食！價錢又抵....

住在附近，和老公去試下新開麵舖叫左豬骨湯底的豬軟骨烏東和喇沙豬扒湯麵，一人一個，加多碟菜。豬骨湯好味，豬軟骨雖未入口即溶，但都好淋，幾好味喇沙湯唔辣，偏咸，豬扒普普通通，都ok。飲品方面，叫左柚子茶，細細杯，但幾好味。整體感覺不錯，雖然2碗麵份量不多，但以這便宜價錢，是可以接受，下次會再去，試其他小食。唔記得影埋豬扒，豬扒有有塊，切開大約4-5件。

位於長沙灣一棟住宅地下，凹左入去所以唔太起眼，原來只係開張無幾耐，店員話主要sell特色湯底，上openrice search下又幾好評，仲有最愛嘅喇沙，一於試下！特式湯麵（$38）可揀馬拉白咖哩湯烏冬、馬拉喇沙湯麵（油麵+米粉）、九州豬骨湯拉麵、韓式芝士撈麵同星加坡沙嗲湯米線共五款，麵款可自由配搭，佢地推介拉麵係每日新鮮自家製，不含鹼水同防腐劑！另外再揀一款餸，包括：秘製豬軟骨、香茅雞扒、酥炸豬扒、沙嗲肥牛同雜丸（墨魚丸、魚片、貢丸）最愛喇沙，所以要一試！份量較少，湯亦較少，但味道濃郁，油麵+米粉一齊食幾得意，豬軟骨真係入口即溶！好淋好入味！店員話食滿$40有得減$5，叫我加個菜（$8），減完即係$3有碟菜好抵食咁話～送嘅涼拌小食係雲耳，我揀左飲熱柚子蜜，仲有涼茶揀，店員話係雞骨草嚟。大合照，好豐富！宜家新張期間仲有特別優惠：午市消費滿$40減$5，晚市消費滿$50減$5。全日惠顧套餐送涼拌小食。全日免加一。真係幾抵食又好味，店員又好有禮貌，好nice，下次會試下其他！

從來無諗過以38元竟然可以食到咁好味既豬軟骨湯麵。講真係出面一般食肆，豬軟骨一d都唔軟，甚至有d係骨，咬唔到。但係呢間既豬軟骨，真係不同凡響😋😋😋😋，入口即溶，食到軟骨部份，你會感覺到個口充滿骨膠原，個人都靚左😊😊。配菜都好好味👍🏻👍🏻👍🏻，蘿蔔厚切，好嫩，好新鮮，咬落去好多汁。睇到呢間舖既細心😊，連配菜都做得好有水準👏🏻👏🏻👏🏻。一句講晒，豬軟骨麵性價比高，絕對可以食多幾次😋😋😋😋😋。