薯芝味 (已搬遷) 新店位置

聖誕節正日, 滿街都是人, 要去哪裡吃一點點東西充饑都要等位。在下是名不喜歡等位的死港女, 看到東廣場一角一家沒有見過的新店(對於我來說是新, 哈哈! 也太久沒到東廣場巡視), 而這家店剛好也只有一台客, 我和友人馬上衝進去。由於店裡比較冷清, 我們也是會怕中伏, 最後有點不好意思地只點了一個美國焗薯和一杯龍眼蜂蜜。一開始跟朋友聊聊, 也不覺得時間長, 到後來發現, 旁邊比我們晚來的一桌客人餐都到了, 我們的還沒有來。深怕漏單的我馬上跟店員詢問, 不久餐就到了。天冷能吃熱騰騰的東西特別幸福, 我先吃長通粉, 一吃──奇怪, 沒味道的? 原本以為是沒點到醬汁所以沒味, 可是後來沾了也是很淡, 我想是煮長通粉時沒有下點鹽, 而醬汁(好像是青醬)大概是煮好再下的, 因此味道掛不上長通粉。焗薯的情況也是差不多, 薯仔的軟硬度剛好, 可是沒什麼味道, 調味和食材的味道亦欠奉, 奇怪的是連芝士也是淡淡的......總括而言, 從食物質素來說, 這個價錢是有點貴。還沒有到難吃, 只是清淡得有點出乎意料, 喜歡吃淡淡的應該覺得還好。

東廣場有好多好野食中午食飯時間真係搵唔到位薯芝味聽左好耐 第一次試個樣好吸引 好多醬但味道普通特別係意粉 質素真係麻麻無咩味 午餐焗薯/法包+意粉+飲品 $55其實都幾貴 因為份量好細份

午飯時間又到東廣場覓食，作為芝士愛好者終於來試這一間。聽到店員的介紹，55元的餐有焗薯/法包，配意粉/沙律，再配有一杯餐飲，聽著就覺得夠飽。點餐時發現竟然有藍芝士醬！很少有的選擇當然要試一下。點了菠蘿辣肉腸碎焗薯藍芝士醬，配卡邦尼長通粉，及菊花茶。拿到餐的時候比想像中的少，心想會不會不夠飽。焗薯的醬十分足夠，起碼我不用慳著吃，不過藍芝士味道較淡，大概一般人都容易入口。長通粉軟硬適中，只是比起卡邦尼醬，應該說比較像白汁而已。下次希望試一下配法包。

轉左去觀塘返工，由同事帶路搵食去咗東廣場呢間專食焗薯同芝士嘅西餐廳。一人一個午市套餐，一次過試齊焗薯同法包招牌芝士汁味濃，切開焗薯會發現醬汁下面係自選配料。套餐可選兩款食材，如果想加配一款要另加＄5。焗薯口感同味道係標準質素，冇咩特別。因為醬汁味濃，到後續食長通粉嗰陣完全食唔到卡邦尼嘅芝士味玄米菊花茶幾香，成個餐最突出同事食藍芝士汁法包，冇招牌芝士汁咁濃郁，但酸酸地幾開胃。法包唔硬兼出奇地脆，食落香口。菠菜汁比卡邦尼汁做得出色，食落去菠菜味好出，但汁唔夠多同杰，唔夠配哂成兜長通粉⋯要留意店員通知取餐嘅聲量較細，要經堂望去櫃枱估下自己既餐ready未🙈

同朋友隨意坐底叫餐，點知得5個餐揀，飲品也無咩可以揀😵，仲要話今晚無小食買😭，因為太累便求其叫3個餐，沒想到會有驚喜，意粉出其地好味😋份量適合OL胃袋，男士可能要叫個餐否則唔夠喉，重點3個餐$242落樓，抵食👍🏻

東廣場真係愈開愈多食肆，幾年前黎都仲係好冷清，依家成層都開哂舖頭，仲好多人黎添。呢一間應該算係最新開既一兩間，係一個賣焗薯既專門店。之前試過食過一次午市，有自選焗薯選意粉既套餐。個焗薯都唔差，幾好食的。但個芝士汁意粉就好淡好乾...今次就晚市黎左，原來個menu會唔同無左正常既焗薯，但係就多左好多意粉同小食。問一問左店員仲有無焗薯食，佢就介紹左下面呢個五色小焗薯(唔記得個名)一個小食可以試哂午市焗薯既所有口味，有兩種芝士架！其他就自己去試下其他唔記得全部味道仲有個焗芝士火腿長通粉，好熱！真係岩岩焗好，啲芝士可以拉絲～～有點鹹不過岩我

在店前經過很多次，店面裝修，桌椅環境也算不錯，價格跟附近餐廳相比亦算相宜，但卻從未光顧，只因店內永遠空空的，我總認為一家店於飯市時間缺乏人流，必定有什麼不對徑平日想吃焗薯都是到附近超市熟食購買，今次就試試他，就給他一次機會，吃過後終於知道問題在那我們點了三種配搭的焗薯：“招牌芝士醬+煙肉+洋蔥”“招牌芝士醬+辣肉腸碎+牛油粟米”“蜜糖芥末醬+火腿絲+香草蘑菇”值得讚的是醬料分開放可惜“招牌芝士醬“淡而冇味，幸好“蜜糖芥末醬“酸甜開胃。焗薯來說也算大份，香草蘑菇味道不錯，牛油粟米就是平常味道，其他材料感覺都像是在滾水焯出來“沒味道”，洋蔥更是全生，直接放上，辣到不行焗薯跟配料無法配合，感覺就是各自存在……

經過時見這剛開新店，即管試試。ordered 燒雞糙米飯和磨菇芝士意粉，糙米飯很好特别，起初入口唔覺辣，但食落便來料，不過辣度可接受，意粉汁很濃，咸度亦適中，但個人較喜歡糙米飯的味和口感。下次會試焗薯，好想印証吓其他人的評語~好食定未熟。

朋有推薦東廣場又有新餐廳，而且Lunch 的價錢比 Dinner 抵好多，而且剛好有位，所以就決定試試啦!主菜美國係焗薯，五種醬汁中五選一，再係十三款配菜中自選三款。我選左肉醬意粉 +蜜糖芥末醬+辣肉腸碎+蘑菇+粟米；朋友選左菠菜汁長通粉 + 招牌芝士 +煙肉+蘑菇+洋蔥。意粉同長通粉都係不過不失，焗薯相當不錯，蜜糖芥末醬好香蜜糖味，甜甜的加上微辣好開胃。招牌芝士醬則係一般般，幸好有配菜搭救，味道不會太寡。配菜方面大家青菜蘿蔔各有所好，但個人認為焗薯+粟米真係絕配~!整體而言各樣表現都係一般，期待下次試其他味道可以有驚喜。

再一次到開源道購物，上次話必試多次新開的薯芝味，今次特別來試老闆推薦的冬蔭公糙米飯撞正大廚也在場內，非常好運 老闆與大廚也是八十後哦有共鳴燒雞冬蔭公糙米飯，大廚話為迎合香港人口味，一般冬蔭公味不會太重。雖然開業只有一個多月，他也表示翻兜既客人也會特別要求冬蔭公味再重一點，夠惹味小弟首次試當然先試正常濃度，大廚煮到冬蔭公味完全融入糙米，配以紫洋蔥和金不換，非常適合的搭配！食到我Lam Lam o利P.S. 今次見佢地既菜式又多了，似已經開始行晩市西餐路缐，下次再試👍🏼

依家既觀塘東廣場可以話係兵家必爭之地，各式小店既質素都有唔錯既表現，所以要爭取一班打工仔既支持都唔係咁容易！呢期就見到開左一間焗薯店，今日見個老闆同我地推薦佢既芝士醬，仲話佢個芝士係用5種cheese溝出黎，咁就引到我入去！我就叫左招牌芝士加辣肉腸+鴨胸，再配肉醬意粉！首先左邊個焗薯，根本係未焗透，汁亦只係就咁加上面，完全係無「焗」既感覺！而5種芝士溝出黎既汁亦不見得特別濃和有層次感，反而明顯有加酸忌廉的味道。意粉方面見議選用另外的牌子，呢隻太粗太乾身，口感不好，似隔夜的感覺，肉醬正常整體認為食物的處理未成熟，要在東廣場立足需要更多努力！希望下次有改善

本準備係開源道工廈買野，對東廣場近年才開始的民營食店食店早有耳聞，黎其中一間不論鋪面裝修定主題皆有些新意的小店試試。一間以焗薯為主題的新店，小弟對忌廉意大利粉有特別僻好，點都要試。黑松露忌廉磨菇意粉加個菠菜汁蝦仁意粉再配此店招牌菜，五重芝味焗薯。首先，黑松露配忌廉係小弟食意粉最喜歡的組合，此店大廚聽店員工說是前某大西餐廳學師多年，加上他們用料、配味等不手軟，味濃粉香，是小弟試過咁多間忌廉粉中頭三甲👍🏼讚！菠菜汁蝦仁意粉走清香路線，食開中庸味既小弟太太則較喜歡五重芝味焗薯其實就係一大囗薯配五種味，招牌芝士、香草蕃茄、蜜糖芥末、藍芝士、甜椒千𡷊，個人比較喜歡芥末味，內人則偏好香蕃。焗薯本身就冇乜味，要食落令人回味就只能靠醬汁調味料。算唔錯，值得再試👍🏼👍🏼

星期六返半日，收工後經過東廣場，發現多左好多野食，特別有一間裝修特別，而且有本人喜歡的焗薯，於是試一試。點了一個午市套餐，有焗薯（有五只醬可選），職員話第一次可試下招牌芝士，因為是他們用多款芝士調制的，所以我選左芝士醬。而配料就選左粟米同辣肉碎，之後仲有意粉通粉沙律選仲包埋杯飲品，$55價錢唔算貴（係呢區來講）.坐低等左5分鐘左右就有野食。食物賣相非常不錯，而且份量好足夠.第一焗薯個口感非常好，淋度岩岩好。第二個芝士醬味道都唔錯，食得出係有用心去做。第三我選左意式香草長通粉，味道都ok,唯一係醬少左d.總體來講都滿意，起碼見到係有用心去制作。最後個廚師仲出來問我意見，原來佢地只開左幾日。下次再來試下其他醬。

今日lunch試試新開焗薯，正常焗薯難食極有限，但估唔到都仲伏餐包括焗薯一個配兩款餸及意粉 ＄55難食一。。。焗薯： 我揀咗煙鴨胸及辣肉碎, 焗薯無焗過，煙鴨胸得兩片，仲要勁薄。辣肉碎只係D豬肉碎用黑胡椒撈埋就算，勁多肥油。食完想反胃難食二。。。意粉意粉好似擺咗好耐，又唔熱，又淋，仲要比D唔知咩汁***淨係得無味嘅汁***，食咗落口都唔知食緊D咩。查實買個鑵頭湯就咁撈意粉食都好食過佢lor成餐最正常，莫過於杯野飲，蜂蜜水，叫做有D味

焗薯不是最近這兩三年才橫空出世，不過焗薯出道至今多年仍能留住一大忠心粉絲，除了味道外，焗薯不經油炸的健康滋味才是一眾職場人士最愛的原因。以前焗薯給我最大印象的，是某間著名三文治連鎖專門店，除了焗薯口味配料可以選之外，連三文治的麵包款式和口味都可以選，不過專門售賣焗薯的專門店我倒是第一次見到。焗薯是美國菜最有代表性的菜式之一，所以我猜薯芝味店舖的擺設與檯櫈是刻意營造出美國風的風格，把廚房的牆設計成類似磚牆的外觀。檯櫈亦是木檯木櫈，近牆有圓檯圓櫈，還有兩張梳化，梳化感覺就好像在星X克喝咖啡會坐那種梳化，難道美國菜真的要營造家的感覺，放置梳化是必然的選擇？可能店舖開業不久，為了吸引旁邊工廠大廈寫字樓的上班族來光顧，刻意推加一些優惠，如焗薯配料加送一款，加$10可以換購意粉和沙律。可能我來的時候已經是下午兩點左右，所以看不到上班族光顧此店的狀況，顧客反應是否熱烈。再看另一些價錢牌，那些菜式價錢反而偏貴，燒雞冬蔭公糙米飯竟然要$63一客。假如我是有意光顧的上班族，看到一客燒雞冬蔭功糙米飯竟然要$63一客的話，我肯定會當場被嚇跑，以後只敢在遠處偷偷望這店一眼，想試食也不能食，價錢太貴了！其餘如香草