薩莉亞意式餐廳 (現崇山商場) (已結業)

以前都成日食薩莉亞, 但有一排好耐冇食,, 有一次見返舊朋友所以就去嗰度食平平哋, 今次食番發現其實又唔係心目中咁好食, 我嗌咗個 芝士長通粉薩莉亞, 感覺有啲太肥膩, 雖然的確芝士係好多, 但個味道都偏向單一。 不過我覺得個 烤羊鞍 係值得一讚， 首先會唔會烤得過熟， 而且脂肪嘅分佈都好好， 咬落去嗰 嗰陣羊肉特有嘅騷味， 同埋啲油味 融為一體。 另外有少少失望嘅係個雞翼， 好難想像啲雞翼入面啲骨嘅肉可以咁老。 通常雞翼啲肉好嫩滑， 但我食嗰陣時覺得入面有啲鞋口。So generally speaking, above average. But not extremely imressive.

窮L恩物, 中產自助餐 質素中等, 但係碟碟都係$30-$40有找 今時今日嘅香港都算係咁啦 小編推介嘅係墨魚汁意粉(同款意大利飯就不了, 伏的), 雞翼, 白汁雞大管粉 同卡邦尼意粉. 同行友人一共4個人6 個小食, 6個意粉 同bottomless 汽水食到飽哂埋單都係$337 - 抵食! 食物: 6/10 服務: 6/10 環境/衞生: 7/10 CP: 7/10

依家意式餐廳真係有好多分店，想幾時食都可以喺附近搵到有一間，我今次就食咗佢個粟米薄餅，上面嗰層係沙律醬，佢嘅每一款薄餅我都食過晒，水牛芝士薄餅同埋辣肉腸薄餅都係我嘅最愛，不過今次因為朋友鍾意食粟米薄餅，所以就決定咗要粟米薄餅啊，我覺得依個粟米薄餅真係唔錯，沙律醬同埋粟米嘅配搭原來係咁好味，宜家家唯一缺點就係上菜時間慢，我朋友話依度嘅沙律醬會比得多啲，咁我都睇得出嘅，呢度嘅沙律醬真係密密麻麻，鍾意食沙律醬嘅人真係唔可以錯過，真係唔錯！

星期日又買外賣上家人屋企吃午餐，從小到大我叫薩利亞意式餐廳做意大利餐廳，是平價省錢抵食西餐的代名詞。雖然外賣菜單的食物款式比堂食的少，但起碼有意大利粉、飯、薄餅、小食等選擇。點單後在商場逛逛，不用20分鐘就可以取得外賣了。每人不用$40就可以吃得飽，認真推介！蒜香法包$10- 麵包熱烘烘出爐，質感鬆軟，塗上香草牛油蒜蓉醬，味道香濃，$10有兩塊麵包，十分抵食，推介！辣味雞翼八隻$32- 雞翼細細隻，小小辣味，挺惹味，當作小食吃幾好。雞肉野菌雙享薄餅$34- 薄餅應該是新鮮焗起的，不過外賣就攤涼了，所以芝士變硬。薄餅上的用料毫不吝嗇，滿滿的蕃茄醬和厚厚的芝士，已經令薄餅的味道相當濃郁，還有很多雞肉和野菌粒令它更加出色，餅底厚薄適中，不太油膩，很好。墨魚汁意大利飯$29- 墨魚汁顏色真的非常黑，賣相不太吸引。意大利飯的味道偏鹹，口感偏軟和濕，魷魚圈也只得鹹味，吃完一定要抹乾淨嘴巴和檢查牙齒有沒有染到黑色。番茄海鮮意大利粉$32- 推介這個意大利粉！醬汁用新鮮蕃茄蓉，好鮮甜。用上不少海鮮，跟醬汁很配搭。我想這個意粉是最後煮好就立即出外賣，我們在家打開外賣盒時意粉還是熱騰騰的有煙出！

好耐冇食個薩利亞，因為好多分店成日都要排長龍，可能因為佢價錢平，所以好受年輕人歡迎。不過喺現送生商場入邊嘅呢間，就次次都唔使等位，可能位置比較隱蔽，也相對地少人嚟食。今次嚟到發現佢個餐牌好似唔同咗，無論係個設計、食物選擇、以及價錢都同以前唔同，平時你我通常都係食pizza，所以今次發現佢有雙拼口味嘅Pizza，就一定要試吓啦。呢個Pizza係一般雞肉，另一半係蘑菇，芝士嘅份量都算多，餅底就同以前一樣算係中等厚度，整體嘅味道都算唔錯，不過雞肉一啲味都冇，只靠芝士同茄汁令到成個Pizza有未而已。

每逄到糧尾，又要局住出街食飯既時間，除左第一時間諗起譚仔之外就係佢薩莉亞喇。呢間出左名平價西餐，又唔收加一服務費，最緊要仲係食得飽!小食方面，心水推介一定要食個蒜蓉焗田螺，夠熱之餘，蒜粒又夠多，次次都會食到一粒蒜粒都無為止。焗飯方面，推介肉醬多莉亞，說穿了其實就是肉醬加芝士飯，不過佢焗出黎個味又幾balance，唔會話太多芝士或者太多肉醬，每次幫襯都必點。環境方面，呢間薩莉亞都算大，輪候座位都唔會等太耐，大推!

同朋友聚會，通常都揀薩莉亞，因為平靚正！以呢個價錢黎講，呢個食物的質素算唔係錯！芝士長通粉的芝士有少少鹹，不過芝士味濃郁。雞翼，水牛芝士薄餅，同肉醬多莉亞都keep到水準!抵食!下次會再去

這兒的沙律是必吃之選。新鮮、清新、可喜、爽脆、便宜、大大碟，煞是無敵。【菠蘿沙律】$19，菠蘿不像是來自罐頭，酸酸咪咪，很醒胃，跟正菜蠻夾的。沙律控：唔該起雙飛 吖！唔怕貨比貨 唷！eg. 膠級餐廳的凱撒沙律，又少又高貴(價格)。又eg. 茶記的下午茶沙律，雪到成餅嘢咁，並且給浸泡着糊糊的沙律醬汁，兼菜葉無塊 ...... 唉！在在都無法跟「殺你呀」相提並論。素人最愛的配搭；【蒜香法包】$10，外脆內軟，一咬，熱辣辣的溢出蒜香，一流。完成這個自選素食餐後，身心靈俱感舒暢 欵！值得一提，這兒的服務也有水準，服務生們動作勤快，讚！(不是做妹)

放假唔想出街 两個人就出就近嘅商場食平嘢好平又好味嘅意大利餐非薩莉亞莫熟蒜香法包 ($10)每次嚟到薩莉亞餐廳 必食嘅就係蒜蓉包因為佢嘅蒜蓉爆香蒜味好重十分之香有夠熱辣辣 所以每次嚟都是必點的墨魚汁意大利粉 ($32)除此之外必叫嘅就係墨魚汁意粉平得來又夠好味 雖然會食到個嘴黑蚊蚊 但好味道 每次嚟呢間餐廳我都會叫菠菜配煙三文魚忌廉意大利粉 ($32)好多料 好飽肚蒜蓉焗田螺 ($28)好多蒜蓉 賣相好好蒜汁燒魷魚 ($28)好平 好大條鮮魚 好香好juicy两個人$130埋單 但食到咁多嘢 真係物超所值肚仔滿足之餘 銀包都好滿足

近排發現好多地方都開咗薩莉亞，見就成日見到，但就從未去過食，今晚同老公兩個決定去會一會薩莉亞💪🏻大約夜晚7:00去到，等咗大約半小時才有位，打開餐牌一睇，食物款式都算多而且價錢唔貴👍🏻我哋不加思索咁叫個一個意大利菜湯，甜蝦沙津，黑椒蜆肉鐵板煮，雞亦，水牛芝士薄餅，明太子魷魚意粉，蒜蓉包。上菜速度好快，眨下眼成枱都係食物😅估唔到價錢平但味道又唔錯喎😍每樣都熱辣辣，足分量！不過略嫌餐廳環境不夠乾淨，地下較痴笠笠。

水牛芝士PIZZA$29，午餐加$13就有任飲及一個沙律，的確是好平而且區內絕無僅有。食物賣相都幾好，味道也可以。這個就貴一D，要$30，一個人食係一定夠的，而且都比想像中多好多料，來呢到我一般都只會食PIZZA，因為似乎有D保証。呢間通常都有位，而且店舖都好大，可以坐好多人，次次來到都唔夠一半滿。加$13就有沙律一個，份量好少, 不過質素都比想像中好。可能我本身就冇咩期望，都只是朋友想食我就同佢來，茄仔都好大粒同多汁，都是超出期望的。不過今次見到有小強，都明白食肆都難免既.......

星期日落機3點幾唔知食咩好，所以就走左去食薩莉亞，因為3點幾都有D晏，所以冇咩人，入到去任坐。同屋企人一人叫左一樣野食之後share，仲叫左蒜蓉包。野菌忌廉意大利粉，大碟，多汁，夠味；不過記住要撈勻尼食，唔知點解D cream未撈勻，撈勻之後就好creamy!!!!!另外仲叫左菠菜配煙三文魚忌廉意大利粉，E個係我一直都好鍾意食嫁!!!整碟份量都好多，三文魚又多，好鬼正，又juicy，加埋芝士份仲香

食物質素 8/10個個都話麥當勞係窮人恩物，而我就話薩莉亞先係！大部份食物都廿零蚊，仲要質素唔差，食西式野，去邊到搵呀甜蝦粗管麵由於我一個人食，所以剩係叫左個甜蝦粗管麵。平時如果同朋友一齊，麵會叫好多小食一齊開心share。由於所有食物都係即整即焗，所以都要等一陣。一上到枱，望落以為份量好少，但其實食落完全唔會唔夠飽。尼度比既奶油醬都比較多，同埋粗管麵一齊食完全唔會覺得乾，好juicy好好味！甜蝦雖然細隻，但唔會梅，算係正正常常啦！環境衛生 8/10環境大，坐得舒適，適合同朋友聚舊吹水。服務質素 8/10員工多，所以一禁鐘都即刻會有人走黎serve

今日去廁所排緊隊,有位姑娘同佢朋友講,你吃魚嗎?朋友話食,佢就話那我帶你去食薩利亞,我聽到也决定去那邊吃晚餐,我就那麼愉快的在廁所决定我的晚餐😂我就立刻找朋友去吃,去到那邊,星期六日人ㄧ定多,但等ㄧ回就能入坐,而姑娘都説魚了,我當然叫了鯖魚,但來到把檸檬都擠了,都難蓋腥味,再來叫了蕃茄意大利麵,就像罐頭蕃茄醬加熱😑其他食物好似墨魚,白汁野菌意大利粉,包同披薩就正常發揮,但整體上都比上次泥食差,勝在唔貴,7個人600蚊有找🙈

開心要食，唔開心都要食。呢間由日本過江黎香港既意大利餐廳，薩利亞，實力真係超水準，開左咁多間分店，但都保持到要貫即食物水準，唔係咁容易，特別係每一個員工都係獨立既人，要控制到佢地可以準備咁烹調出一貫水準既食物，唔容易啊！今日我呢，就比較肚餓，咁就叫個飯啦，飽到d啊嘛，呢度最出名既飯，應該就非肉醬多利亞蘋屬，軟淋淋既飯，加上大量既肉醬，仲有面頭既芝士，再自己加d芝士粉，一匙更將以上幾樣一齊放入口，好好味啊！