薩莉亞意式餐廳 (馬鞍山廣場)

營業中

休息中

我同朋友叫左兩碟意粉、芝士薯蓉、雞球、辣肉腸薄餅，三個人除返開都係$50，性價比幾高😆建議同三五知己一齊食，可以試到唔同菜式，埋單又唔太貴😙整體而言，衛生、服務都唔錯，㩒完鐘都好快過嚟幫手👍🏻上菜速度快！至於味道方面，極推介愛辣的朋友，叫蕃茄類的意粉加tabasco好惹味😍😍😍 芝士薯蓉都值得推薦，唔太咸芝士可拉絲～

原本對薩莉亞感覺還好，但係今晚同friend去咗馬鞍山嘅薩莉亞食飯，真係難食到生平第一次寫食評🥲希望大家唔好中伏⚠️首先，芝士薯蓉質地好乾，食落似咬緊香口膠，仲有陣臭芝士味🧀然後，明太子薄餅醬汁算正常，但係乾到成塊樹皮咁🪵最後，卡邦尼意粉賣相不錯，但係食落竟然有甜嘅蛋糕味，簡直震撼我嘅味蕾🍰係前所未有咁伏🥲而衛生方面大家都有目共睹🥲完全係浪費咗$110🙂希望薩莉亞能夠有所改善🙏🏻

起身諗緊食咩，諗諗下就嚟左薩利亞食平啲啲🤣————————————————————————熱辣辣，脆卜卜，完美既蒜蓉包🤤————————————————————————雞翼四隻。一樣熱辣辣，肉質嫩口又唔細隻，抵👍🏻————————————————————————蘑菇湯同埋周打海鮮湯❤️兩碗湯味道濃郁，海鮮湯入面都有唔錯份量既材料，蘑菇湯好香👍🏻👍🏻————————————————————————卡邦尼意粉👌🏻Creamy感爭少少，而且胡椒味太重，期待既忌廉味都爭少少。不過價錢平搭救啦😂————————————————————————青醬野菌雞肉意粉👍🏻👍🏻反而呢個有驚喜，食落好fresh，材料足！係有少少油膩，不過味道唔錯架😜————————————————————————薩利亞，平民西餐廳其實無人唔識架喇，又平又飽一定揀呢度🤣👍🏻

🍽🥗🍕🍝SAIZERIYA平價大眾價錢意式餐廳一家人去慶祝爸爸生日食到好飽飽😋叫左十幾道食物都係五百蚊有找🤤🤤但係可能由於人手不足，員工未能即是有人手嚟落單，同埋唔知係食唔好賣定廚師煮唔切，有啲食品已經售罄🥲

今日同左屋企人一齊去薩莉亞食lunch，呢度嘅食物全部都好平，所以可以好放肆咁樣叫咗好多嘢食！！😍其中一個最鍾意嘅係呢個蜜糖雞翼，因為呢個雞翼燒得啱啱好，而且甜甜地好吸引！！係會令人食上癮嘅味道😍😍

話說尋晚帶左屋企人去食，帶位個小姐姐態度好好，入座後就叫野食啦，叫左好耐先有人，好明顯員工不足，有兩兩個哥哥仔，木口木面，問野唔應人，但無黑面，至少問佢拎隻匙羹都會拎來，最多係你問佢拎佢唔比反應你。但有個中年操小量口音既姨姨就態度極差，佢拎野食來，但我桌上已無位可放，需要我拎起一隻食完既碟比佢先有得放新果碟，甘我就拎左佢碟新野先，再比隻空碟佢，而當下佢手上已無野，佢唔理我不特止，叫佢都唔應，到下一次又拎湯黎，問佢可否比隻匙羹，因為無匙羹，佢明明聽到又扮聽唔到，其實佢係真係失聰定咩？我明白人手不足心情會不好，但都唔應該甘樣對客人，我不是要上帝的服務，只係想正常食飯姐😂

馬鞍山素有「美食沙漠」之稱，近年愈黎愈多連鎖店進駐，今日我就去咗薩莉亞😜不出所料，晚市時間超多人等位，不過其實翻枱好高，拎完飛係附近行15-30分鐘，返黎就岩岩好了！餐湯+pizza+小食+意粉，加埋都係$115，勁抵啊😊蘑菇忌廉湯：飲落有淡淡的蘑菇味，再配上小小調味粉，成功將菇味引出，比好多餐廳嘅「白湯」更出色～黃金粟米薄餅：pizza 可以切開做4-6塊，份量充足，材料都無偷工減料，超多Juicy粟米🍕 香草牛油焗田螺：賣相麻麻地，勝在夠平，不過食落有小小沙同埋都細粒咗d，可以考慮叫其他食物代替🙊煙三文魚菠菜忌廉意大利粉：菠菜比煙三文魚多，食落比較乾身（因為面頭有大量芝士粉），值6/10 分到🤐呢間分店環境尚算乾淨，服務員也有禮貌👍👍

見假期就帶小朋友同家人一齊去馬鞍山行吓玩吓，首先都係搵間野坐低食下lunch 先。Lunch時間尼間實爆，小朋友又鐘意食尼到啲意粉同甜品。一行6人等大枱又耐，唯有要分開枱進餐。我地點左一個飯，兩個意粉，小食2-3個。再加飲品和甜品。我自己最鍾意食章魚飛魚子意粉好creamy，又好多飛魚子撈在一起，鮮鮮甜甜。又唔會太流。小朋友就鐘意食尼款意粉同飯，唔記得咩飯。而小食係一定叫雞翼，腸仔焗薯雞翼係最好味甜品方面，小朋友試過哂所有味，佢地覺得尼兩款係最好味。

薩莉亞簡直是天堂，又便宜又好吃。最喜歡吃他的肉醬多莉亞。滿滿一碟肉醬和飯混好一起吃，簡直是要升天的好吃😋一個人一碟剛剛好，還可以和朋友一起share小吃，簡直大滿足！

薩莉亞真心係窮人恩物真係唔明點解佢可以賣20幾30蚊一個pizza意粉出面要百幾二百 重點係薩莉亞既質素一d都唔差☺️😍疫情下成日留係屋企食中菜見少左確診就同媽咪黎食西餐😆因為有二人限聚令 每枱食客中間都會隔住一張枱座位闊落左 隔開d坐 食得都安心d2個人叫左4樣野 因為太耐無出街食啦黑松露意粉好香黑松露味☺️☺️☺️pizza勁多芝士🤤🤤🤤🧀份量好多 好好味又好抵食Total $100 埋單 超抵！真係好鍾意薩莉亞呀！！！

薩莉亞嘅嘢食絕對性價比高， 招牌叫佢嘅pizza都係三十幾蚊冇得輸嘅價錢大件夾抵食， 幾鍾意佢嘅墨魚汁意大利粉，夠曬味道， 不過之前佢嘅辣雞翼都幾出色可惜而家冇咗， 佢嘅餐前小食都非常抵食例如煙三文魚， 兩條友食都唔過100蚊就已經食到飽飽。

意大利菜比人感覺都係又貴又唔飽肚。但尼間野真係好瘋狂，價錢平到一個點，幾十蚊就有一個荼，仲要味道唔算太差，叫過得去，難怪全港分店都成日大排長龍。我叫左5樣野。粟米pizza，另加6蚊雙重芝士，一咬落去d芝士即刻拉絲，好鬼正，粟米加沙律醬都幾夾，係個餅底普通左少少。之後就野菌忌廉意粉，好普通，勝左足料夠多菇夠大份夠飽肚雞翼就幾好，大隻，不過皮唔夠脆，但味道都ok，今次食左原味，下次試辣味 洋蔥蒜蓉漢堡係今晚我最愛，洋蔥勁勁香，漢堡夠厚身，又juicy，我真心覺得抵食得黎好味，可以encore呵呵

在百物騰貴既香港，出街食最少都五十蚊，朋友介紹我入來馬鞍山食，原來這間餐廳新開不久，經常要大排長龍，近來不會太多人，決定試試。朋友告訴我，內地分店好便宜，但的見到價錢嚇一嚇，原來好平，價錢是普通餐廳的下午茶價錢。黃金粟米薄餅有厚厚沙津醬，夾著大量香甜粟米粒，濃香芝士，8寸厚只是$30蕃茄煙肉意大利粉蕃茄甜中帶酸，意粉熟度剛好，口感彈牙。 $29原味雞翼肉汁豐富。$17天使蛋糕口感像雪糕，夾著椰香和脆脆。 $18

本身諗住去飲茶，但係真係多人到好恐怖，所以驚咗去求其搵其他嘢食見到薩利啊今日唔係好多人父母又難得想試，咁就帶佢哋食一食～但係點知勁污糟，叼杯污糟到係會反胃，我係懷疑究竟有冇洗過囉！！！！我甚至問咗個侍應，問佢啲杯係咪乾淨，佢望一望，就話「係洗咗㗎」但佢都唔敢答係乾淨囉😂😂😂嘢食來講，真係好難得今次佢哋全部都話幾好味食得開心好緊要呀！但係全程諗住嗰啲杯真係有啲反胃，我洗左勁多次自己.........下次都唔知嚟唔嚟食好，啲嘢又好味又平但係又咁污糟......

本身對薩利亞都無太大期望同要求，始終都只係廿幾三十蚊份食品。但係今時今日，疫情嚴重嘅情況下係咪需要更注重衛生呢? 單單一個多小時嘅用餐時間，已經發現以下嘅問題...1. 地板有積水2. 餐具有污漬3. 枱面有上一枱客嘅食物碎屑4. 自助飲品bar 10隻杯有9隻都有漬，其中有2隻仲要有食物殘渣😨5. 自助飲品bar上有用過嘅濕紙巾但超過半個鐘都無人清理另外其實唔係好接受到疫情下開放自助飲品bar嘅汽水機，始終好多食客會用同一隻杯續杯，即係將自己飲過水嘅杯口放埋去個汽水機出水口，下一個食客又去斟汽水...😰😰😰雖然衛生情況真係咁差，但薩利亞的確有啲野性價比幾好，特別係焗意粉/ 飯類，多汁又熱辣辣，三十幾蚊一個又係對得住個價錢... 但佢嘅衛生情況咁，我應該都唔會再去住喇🤦🏻‍♀️