薩莉亞意式餐廳 (長發廣場)

營業中

休息中

這間新開的薩莉亞門面不錯。可惜與該集團其他分店相比，面積明顯偏細，座位有限，致令繁忙時間經常要輪候，尤其是夜晚。該集團統一的餐牌，有齊其所有出品。至於是否達到其他分店的平均水平，則有待一試。這款邦哥尼意粉，賣相不俗，茄味濃，調味亦佳，意粉的乾濕度亦適中，可惜少部份蜆肉有微量幼沙。另一款意粉製作亦算認真，食材舖砌有序，碟亦覺雅緻，外觀及味道合乎市面其他餐廳水平，野菌爽脆清新，黑松露亦配搭得宜。中華海草酸甜冷凍，配以微量切細辣椒，倍覺開胃，且甚有嚼頭，清爽彈牙。蒜蓉法包新鮮温熱，配以適度蒜蓉，味道醇厚可口，是飯和意粉的絕佳替代品。這薄餅熱度充足，韌度與爽脆度恰到好處，芝士味濃，薄餅迷不會失望。綜觀是次品嘗的出品，該店水平與市面中上級餐廳的平均水平不遑多讓，但價錢卻平宜得多，用好食抵食四個字來形容絕對合適。

平民美食最近係青衣開左，梗係黎捧場喇，我之前食幾次都冇叫過多利亞，叫過之後就愛上左佢，叫左一個肉醬一個雞肉，我食肉醬已經覺得驚為天人喇，點知雞肉仲好食丫😋仲要廿幾蚊一個，正 之後就叫個芝士pizza喇，呢個pizza有d放淋左，所以雖然係薄批但都唔係好脆，扣分，不過咁平我唔怪佢，最後仲叫左個墨魚汁意粉，雖然食到個咀墨魚咀咁黑，但又係又平又好食，所以都係要叫黎食😋 

開咗有耐，次次來親都要排隊先有得吃，但又唔鍾意排吖。所以今日早少少來，終於有得吃叫咗六樣嘢，先至142蚊，抵到爛，出菜又快，都唔知點樣做到?雞翼17蚊四隻，香噴噴，D肉好滑。pizza亦都有拉絲效果，趁熱吃亦唔差。

得知長發將會開薩莉亞個陣，自己一直都非常期待，中學補完習成日都會去薩莉亞食飯。鍾意薩莉亞唔單止係童年回憶，仲因為佢經濟實惠，性價比高。由於係夜晚9點幾到餐廳，已經過咗晚餐高峰時段，所以唔使等位就可以即時入座。呢間座位都算闊落，一直都覺得薩莉亞啲位幾好，唔會好逼。今次一共叫咗五碟餸，食完兩個人都好飽肚好滿足～煙肉菠蘿薄餅$29薄餅已經約略界開做四塊，厚度適中，有微微芝士拉絲效果，薄餅熱辣辣夠香軟。菠蘿酸酸甜甜，可解一解膩。批邊唔算烤得太燶，香脆略硬。芝士焗薯角$17薩莉亞必點之選，呢款已經食過好多次。同以往味道差不多，芝士依然好香濃，亦有拉絲效果。薯角如果可以更香脆會更加分，最鍾意將薯角加上煙肉同好多好多芝士一齊食。辣味雞翼(4隻)$17雞翼好香口惹味，辣度剛剛好，令人過癮之餘又未至於辣到噴火。趁熱食風味更佳。歐陸風烤焗香腸(2條)$19第一次嘗試呢款，一碟有香腸同薯角。香腸都幾長下，大概有一隻手掌長。由於佢係鐵板，食個陣記住要吹涼啲，香腸嘅熱油好易淥親嘴。香腸幾香脆，口感扎實，但有點太油。菠菜配煙三文魚忌廉意大利粉$32因為搵唔返以前最愛嘅青醬煙肉意粉，唯有食呢款將就下。菠菜煮得太稔，

長發居然開左間薩莉亞呀,今日媽咪懶唔想煮飯就決定去幫襯下,等位比我想像中快,我18:30拎飛,19:00就入到去啦,入到去發現原來都幾大間,幾多位,所以位與位之間都唔會迫,坐得好舒服,由於薩莉亞出名平,所以都叫左好多野食,有辣味雞翼4隻,普普通通既雞翼,但比我以前食既辣,怕辣要考慮下啦;意式菠菜伴煙肉,菠菜食落好碎,但都有菠菜味既;黑椒蜆肉鐵板煮,蜆肉都算多,不過有少少咸;挪威煙三文魚,一碟有4大片,好足料呀,所以之後又叫多左一碟,因為實在太超值;肉醬多莉亞,我最鍾意既菜式,好大堆肉醬,令人大滿足呀! 白汁芝士焗魚扒,係鯖魚,估唔到白汁芝士同鯖魚係咁夾架,推薦! 香蒜辣汁野菌西蘭花,不過不失,普通啦!總括黎講都好食,一定會再黎食架

這間薩利亞剛剛開了一個月還有很多人排隊，今日早少少去到見不用排隊就入了去吃午餐。首先，自助bar內的水杯10隻有9隻都有污跡，熱朱古力跡布滿杯內，拿上手還有癡立立還未清潔好的感覺，很不容易才揾到2隻乾淨的杯。之後用餐的碟和餐具完全沒有洗一樣，一樣有上一手食淨的食物，拿上手還有油跡，真係貼錢買難受。極不推薦任何人到這間餐廳用餐。至於食物質素和其他店一樣，沒有特別。店內所有員工都很忙，服務質素麻麻，員工臉上沒有笑容和任何表情，證明店內員工不足和薪酬未能反映他們的工作量。