薩莉亞意式餐廳 (Go Go Mall)

營業中

休息中

薩莉亞真心係窮人恩物，平價意粉，係中學既回憶，以前成日同同學去食， 成班人叫好多野食都好抵，d pizza 又超抵食，今次晚餐諗唔到食咩就買佢既外賣黎食。黎親我都會揀佢既黑松露野菌忌廉意粉，黑松露味超突出，混合埋忌廉汁，好 creamy 好開胃，食到停唔到口。今次因為晚餐想食豐富 d, 再加左個芝士煙肉薯角，冇令我失望既芝士好香濃，配埋煙肉同薯角食好正，超邪惡。雖然味道唔係超出眾，但咁既價錢要求唔會太高，不過不失，真係糧尾恩物啦

落單嘅時候佢地啲態度差到呢，唔知嘅以為差佢幾百萬冇還。我好地地去食嘢仲要比人喝，先唔好話客唔客人吖，一個人應有嘅禮貌都唔應該係咁吖？自問其實本人落單吖同佢地講嘢嘅時候都好禮貌吖？仲要唔係個別例子，係幾個人都係咁嘅態度。我食個嘢姐？無端白事要受你地氣。

第一次用openrice 外賣自取，apps話30分鐘後有得拎，我哋就20分鐘左右到左，已經整好左，拎完5分鐘番到屋企，點知接到餐廳電話話俾漏咗一份明太子意粉，呢份正正係我最鍾意食嗰份。。。本身係嗌外賣自取嘅，但係餐廳見到係佢哋人為疏忽而漏咗，佢哋都肯送到嚟我屋企俾我，好快，送到黎仲熱。整體黎講，服務態度好好，食物份量大，外賣自取溫度夠熱，拎到番屋企pizza 意粉都仲熱，而且味道 ok，值得再次幫襯的

疫情關係買外賣番屋企食，點知一打開個外賣盒，哇個雞肉飯燶到一個點！仲要d飯少得可憐，一個女仔食完成個飯都唔夠飽！d雞仲要又乾又「鞋」，雖然唔係堂食，個質素駛唔駛差到 咁？！真係好令人失望，唔會再幫襯！

平民日常餐廳芝士焗薯煙肉好邪惡我最愛就係佢 次次都要食雞翼又平價性價比幾高平時會成日食明太子意粉不過意大利飯就一般 份量越來越少另外蜆平但係像白烚不過平價時食是好啦

中午來到餐廳， 餐廳面積好大，都有幾十張枱，啱啱坐低嘅時候附近冇乜人，因為每份產品價格都幾平，每款都係30 蚊左右， 我哋四個人，除咗order 3個主食，薩莉亞雞飯，carbonara, 煙肉薄餅外， 仲order左大量小食， 有8 隻雞翼，焗白汁雞肉菠菜，煙三文魚， 焗蝸牛等等。其中焗白汁雞肉菠菜最有驚喜，我平時都唔係太鍾意食菠菜，但係佢焗好香，同埋啲菜好「淋」，好味😋雞翼都好有水準， 8 隻一人兩隻最perfect

因為想嘗試羊肉，於是在這家店第一次點了羊𩣑－－沒想到我失策了，羊𩣑不是全熟的🤣後來上網一搜，雖然得知羊肉半熟就可以吃，但是因為我個人不喜吃生，所以請服務員幫忙回鍋煎熟一點。煎熟後的羊𩣑也符合我個人預期👌🏻除此以外，香辣腸也一如既往地好吃💯最後就是懷念香辣雞翅環節，我個人真的不太喜歡原味雞翅……香辣雞翅快回歸吧！預計下次來試吃那個歐陸大香腸！

呢間嘢價錢大眾化，但有一排傳出好多醜聞，話食物唔乾淨有爬蟲類動物癡喺Pizza底部等等...聽落好可怕，所以都有一段好長嘅時間冇食！不過今日屋企無煮飯，屋企人又話咁耐無嚟食不如去食吓，所以就破戒再次重踏呢個飯堂🤣根據以往經驗，啲食物會上得好快，而呢度嘅冷氣又好凍，所以啲嘢食都會好快凍哂唔好食🤔所以今次好精明，分開咗兩轉嗌嘢食！食完三道菜先再叫三道菜👍🏻等啲嘢食可以keep番個溫度！全部嘢食都不過不失，咁大眾嘅價錢當然唔會話比到啲好高嘅質素！唯獨是個pizza熱辣辣食嘅時候的而且確係幾好味，性價比好高！雖然咁平嘅價錢，但亦都佈滿芝士🧀水準keep得到，應該都會有下次嘅～

夜晚八點多啲呢都唔使點等位餐廳算係接近坐滿可能係疫情關係之前通常都要排長龍，來到未食就已經估到大型連鎖餐廳基本上十年不變嘅味道， 成個餐中白汁蝦水管分 實在令人難忘老婆最愛，但係 另外 食咗個唔知乜嘢意粉， 廚師竟然唔記得落鹽， 食落去完全冇味好淡， 想問服務員攞鹽但係冇人招呼結果要自己去攞， 但係呢個價錢冇人招呼都冇乜投訴啦。 個漢堡扒性價比都好高但係唔算係好香， 反而佢啲粟米粒好食到變咗主菜咁樣。 兩個人要咗一個沙律一個水管粉一個pizza同埋一份漢堡飽 啱啱好飽肚落樓。

款式多，價錢平，環境舒服，勁鍾意佢個卡邦尼意粉，同埋雞翼，而家轉左雞翼唔係辣，小朋友都啱食，大愛，仲有佢個蒜蓉雞扒同埋蒜蓉漢堡扒都好正，每次嚟到一定要嗌漢堡扒🤩🤩🤩

想食意粉、pizza，又想平平地，緊係黎呢到，薩莉亞可算係意式餐廳嘅平價之選。位於雅都商場呢間薩莉亞，不論lunch定dinner，都有好多人排隊，weekend 起碼要等1個鐘左右先有位。多人食係係其中一個理由，其次係人手不足，見到一個侍應要跑半個場，落單執枱都係佢。真係辛苦晒了。講返食物先。意粉正正常常，都幾大份同夠味。雞翼就煮得有啲耐，乾乾地。蜆都ok，冇沙。雞肉多利亞，每次黎都必點。雖然份量唔多，但好夠芝士同cream味，成個食晒都會好飽。其實整體黎講都尚可，不過不失，所謂一分錢一分貨嘛。

同朋友去新墟睇完戲又唔算太夜,因為第二日要番工所以搵間餐廳坐低食下吹下水就回家.入到餐廳裝修只係普通勝在夠光猛,難得唔洗排隊一於試下你啦.要特別一提唔洗刻意舉手示意落單,桌上有個鐘仔只要按一按會響之餘有個大銀幕彈出枱號就會有待應埋來落單係幾有創意同方便既設計.首先叫左個頭盤,辣味雞翼食落唔算太辣味道適中有點像熱浪味唔知係咪本人愛吃辣接受到個味唔錯.然後再來一個周打海鮮湯,入口第一淡非常重忌廉味道又唔會遮掩左海鮮鮮甜的味道,建議大家可加番少少黑胡椒粒會更加美味唔錯.有湯又點少得個包叫左份芝士法包熱辣辣即焗架推介👍🏼主菜叫番個水牛芝士PIZZA,本人一向係芝士忠粉可以同大家講呢個必試啊,芝士份量夠多夠熱夾得來好夾食落脆卜卜好香口正啊👍🏼最後唔多夠飽加多個小食,蒸蓉焗田螺.味道一般只係夠多蒜蓉牛油幾香但本身田螺唔太鮮甜只係過得去有少少失望😨總括來講食餐意式菜$300有找過得去啦👍🏼

太耐無食過薩莉亞，次次都好多人排隊等位，今日經過見到無乜人就入去食晚餐。食物價錢黎講真係好平，叫左好多野食，埋單都係百零二百蚊左右。我地叫左7樣嘢食:1.海草沙律:沙律正正常常，冇乜特別2. 蒜蓉包:好鬆脆同好有蒜蓉味👍3. 周打海鮮湯:個人認為個湯有啲甜，一般般4. 辣味雞翼:味道唔錯，唔會太辣，雞翼係small size.5. 菠菜煙肉意大利粉:賣相其實一般，意粉裏面有2粒蒜蓉，食落去辣味蓋過菠菜同煙肉嘅味道6. 墨魚汁飯: 裏面有墨魚圈，飯身稀，濃濃既墨魚味，食完成口都變左黑色7.鐵板腸仔配薯格:味道正常既，不過不失總結，食左咁多野，2個人埋單都係178蚊，每人都係89蚊，係平嘅!

今日難得細妹唔搵朋友出街就同佢去附近行下街食下野行到咁上下肚餓 就決定食薩莉亞！呢間裝修新少少環境都唔錯 坐得幾舒服可能因為我地早 大概5點半就到所以可以即刻入座喇因為我全日未食過野 所以都幾肚餓就叫多少少野食水牛pizza係每次黎必食嘅好鍾意佢d水牛芝士 口感好正佢嘅雞翼都幾正 有機會都想試下屋企整個野菌意粉第一次食本身我唔鍾意食菇但細妹想食就試下係意想唔到嘅好食 呢個野菌意粉已成為我必食榜入面最後仲叫埋個多利亞焗飯有少少膩但真心好食！埋單都係二百幾蚊 CP值實在太高順帶一提我地走個陣接近7點已經勁多人係出面了

平日晚飯時段好多人拎飛排隊，好彩我地一行三人晚上九點幾先到，唔洗排隊，直接入去食野！黎到薩利亞，每次都會飲周打硯湯！係金寶罐頭湯嘅味道，好味！再黎當然有必食嘅cp辣味雞翼，味道十分好！不過焗嘅時間耐左，有啲老啦隻雞翼水牛芝士薄餅，新鮮滾熱辣時候食好味！芝士有拉絲，餅邊又夠脆身不過凍左就冇咁好食，芝士凝結成一塊，硬左就麻麻地lu我係薩利亞最新嘅新寵，明太子魷魚意粉以三十幾蚊嘅價錢黎講，非常好味，明太子亦都卜卜聲，好食！羊鞍就有啲失望啦騷味唔夠，三舊羊鞍嘅生熟程度都唔同，不過伴碟嘅粟米好食！魷魚相當有驚喜，$26嘅價錢，一啲都唔「鞋」，都係值得叫嘅小食。整體而言，三個人嘅晚餐200幾蚊有找，都不失為一個平價之選