薩莉亞意式餐廳 (TKO Spot）

營業中

休息中

昨日同老公兩個人拍拖食薩莉亞的選擇親民的pizza ，我地選擇了蒜汁燒魷魚火候 夠呀完全整得好好味，鮮嫩彈牙，濃郁蒜香與魷魚的鮮甜味配合得好好。墨魚汁意大利麵則 展示了地道風味，醬汁濃郁而好味，帶點海洋的鮮味。野菌雞肉薄餅則是餅皮薄脆，野菌與雞肉的 配合得很好， 我最鍾意食佢嘅脆餅好爽。肉醬意粉簡單但不失風味，意粉彈牙，整體而言是舒適又滿足的一餐， 價錢也不貴平民 ，特別適合一家大小輕鬆共享美食時光 不可以考慮 未到也不錯

悠閒的星期日，帶著活潑好動的小傢伙來到薩利亞，空氣中飄散著誘人的香氣。意大利餐廳明亮的採光，加上開放式廚房的熱鬧氛圍，一進門就讓人心情愉悅。必點的原味雞翼外皮金黃酥脆，一口咬下汁水四溢，孩子們搶著要拿第二隻，看來這道前菜選對了！海鮮薄餅餅底薄而有嚼勁，鮮美的海鮮配料更是大方，小朋友開心地把整片薄餅分成小塊，細細品嚐每一口。野菌雞肉多利亞的香濃芝士，與蘑菇的鮮美完美融合，焗烤的金黃外表令人食指大動。青醬鮮蝦意粉是另一亮點，清新的青醬香氣與彈牙的蝦仁相得益彰，西蘭花更為這道菜增添了健康色彩。最令人驚艷的是羊鞍焗爐燒，嫩滑多汁的羊肉，烤製恰到好處，連平日不愛吃羊肉的孩子都讚不絕口。佛卡夏麵包現烤出爐，外酥內軟，蘸著橄欖油，簡單卻格外美味。壓軸的香煎焗三文魚，外皮微酥，肉質鮮嫩，連挑食的小傢伙都吃得乾乾淨淨。難得的休閒午後，美食伴隨著歡聲笑語，看著孩子們開心的表情，這頓午餐絕對物超所值。薩利亞不僅是美味的選擇，更是親子用餐的溫馨好去處。期待下次再來，品嚐更多驚喜美味！

將軍澳薩莉亞又開咗新分店今次同樣是返我以前愛食嘅東西雞翼 煎得香脆可口，好似比其他分店更加好食芝士菠菜 芝士味濃郁融入喺菠菜入邊，依舊好食蕃茄闊條通粉，濃郁的蕃茄味，非常喜歡薯角脆皮腸，熱辣辣的脆皮腸脆皮又有口感😘新分店環境闊落，服務員亦都主動同快手，一定會再幫襯👍🏻

今日來到將軍澳逛一下, 揀左去吃薩莉亞, 叫左個小食拼盤, 清煮蘆筍, 明太子鮮蝦意大利粉加二件羊鞍, 依度味道也不錯, 每款都好新鮮, 最喜歡明太子鮮蝦意大利粉, 味道清淡不會太肥👍, 反而羊鞍油多左少少, 但都好食😅, 小食拼盤同蘆筍就不過不失😍

知名嘅薩莉亞🍴近年分店越開越多，佢哋主打平民🇮🇹意式美食，無論係🍽️主菜、小食、鐵板扒類🥩抑或係甜品🍮，每款都只係幾十蚊💰！雖然係咁平😆，但係質素絕對唔失禮😎，而且份量適中👌，絕對係個人心目中🇮🇹意式嘅comfort food 必然之選。今次我哋四個🤤大人食咗八道菜🍽️，再加三個湯🥣埋單都唔使$400，而且已經有晒🥣湯、前菜小食、🍝pasta、🍚risotto、🍕pizza、焗菜🥬同埋鐵板🐑羊架，性價比一流👍，超級豐富滿足！

生活咗喺香港噤多年，真係第一次去到有意粉食嘅餐廳問攞芝士粉要俾錢🤷🏻‍♀️以前幫襯開呢間嘢都係免費自己攞芝士粉…可能真係世界變了樣🥲加咗價嘅情況我都明..因為營運成本真係上升咗…但係想攞啲芝士粉都要加5蚊就有點兒那個囉…溫泉蛋都係加6蚊啫🙄連蒜蓉西蘭花份量都少過以前…唉😮‍💨香港嘅良心食店真係買少見少了…

呢日行完運動店，落黎樓下搵食。薩利亞係非常出名食平價意大利野😂所以有時不知不覺，就會食多左意粉夠cream波菜煙肉係絕配，基本上次次都會叫🤣Pizza 雖然款式都夠多，但我地好專一，老公一定係叫芝士架啦😛呢個係最近嘅至愛，因為有薯蓉又有芝士味仲要係可以拉到芝士架，所以呢個價錢食，真係好抵架最後有啲少少建議啦！唔知係咪冷氣開得太強，啲原本仲熱辣辣嘅食物，好快就凍晒。所以幾好味都好，最後都打晒折扣。而且客人都食得唔舒服。希望餐廳有留意到呢樣啦！

肉醬意粉沒有肉醬，難道是意粉太多？! 還是改了造法？ 還是我看不到？ 還是包錯了其他款的意粉？ 到底這是不是我叫的肉醬意粉呢？ 我估應該不會有人可以給我答案……咁樣既肉醬意粉不合我口味，不了。

講起薩莉亞餐廳你有啲乜嘢印象？早期開業比我嘅感覺係抵食又多元化但係近年經常聽到人提起佢好污糟: 環境污糟、餐具污糟。今日入到將軍澳行街事隔多年再去食下。呢間薩莉亞俾人嘅感覺好唔同。枱面、地下、餐具都好乾淨，冇油立立嘅感覺。飲品吧嘅杯係不鏽鋼杯，冇膠杯嗰種唔乾淨嘅感覺。食物方面依然係以前嘅抵食多元化。我又開始改觀啦。下次有機會去唔同區嘅薩莉亞再試下。

為了逛那間大型體育用品店而來到尚德廣場，這個商場內的餐廳，幾乎每一家都不用等位，人流多集中在附近高級一點的商場或海濱一帶吧？繞了一個圈後就選擇了一段時間沒光顧的薩莉亞。這家薩莉亞分店看上去較為光猛整潔，餐具放在分層的有蓋餐具盒內，餐具盒都幾乾淨！3個人晚飯，點了一款沙律﹑兩款小食及兩款主食，再加飲品吧，都夠飽肚了！平時多選甜蝦沙律或三文魚沙律，雞肉沙律都是第一次叫，雞肉份量多，肉質不粗糙，廿多元的價錢都算抵食～～～香草牛油焗田螺，必點小食之一，田螺上鋪滿洋蔥粒和蒜蓉粒，焗得香口又沒泥味，夠滋味！原味雞翼 (8隻)，雞翼熱焫焫出爐，外皮焗得香脆，帶甜味，內裡充滿肉汁，肉質又嫩滑，同樣是必點小食！！正！！墨魚汁意大利飯，意大利飯軟硬程度恰好，帶點鹹香味，因飯量多而令人覺得魷魚份量少。個人認為它的墨魚汁意粉比墨魚汁意大利飯好吃，吃意粉的感覺沒那麼膩～～～青醬蜆肉意粉，蜆的份量足夠，蜆肉size適中，無沙。青醬充滿蒜香及羅勒香，惹味，意粉爽滑～～這款意粉幾好食！薩莉亞一向是大眾化的平價西餐，夠抵食，多為人詬病的是衛生方面。今次這家分店的店面光猛又整潔，令人用餐都開心安心些！！

平時冇乜幾可嚟食，因為早上有嘢做，到達尚德商場，本來想搵其他嘢食，但係咁啱經過，個女又好想入去食， 咁就唯有攞飛啦， 點知佢個攞飛螢幕壞咗出唔到飛， 要等待侍應得閒先可以安排座位， 於是企喺門口等待， 同時有另一家庭剛到達亦知道情況，排在我後面等位， 點知突然間有一個女人衝咗入去同個侍應講話要坐低， 個侍應就即刻畀咗個位佢坐。 我和另一家庭不斷投訴， 但兩個侍應也只是當我們兩個家庭透明。不過我和另一家庭都明白， 一分錢就一分貨， 我哋互望之後都明白同人嗌交都冇用， 好彩當晚好快都安排返座位畀我哋呢兩個唔識嘅家庭。Anyway, 叫咗個蕃茄煙肉意大利粉，一個煙肉菠蘿批， 加埋大人水吧飲嘢嘅價錢，都唔使一百蚊落樓，食物質素還可以，本身對呢間嘢嘅服務同埋食物都冇乜期望，至在性價比高， 有時間或者如果個女想食嘅話都會再嚟食嘅。

好耐冇食，見新開就再黎試一試～叫左好多經典同常叫既野食，回味一下～黑椒蜆肉鐵板煮$19分量十足既蜆肉！$19既價錢，食到咁多既蜆肉，真係好抵！分量多到食極都好似仲有咁～🤣平時食蜆肉，最怕就係多沙值得一讚係冇食到任何沙同埋全部蜆都開哂口～熟哂😆👍🏻香草牛油焗口螺$29熱辣辣既口螺！牛油和香草好香～令到口螺味道更升華食到停唔到口😋😋原味雞翼$18/4隻黎薩利亞點少得雞翼雞翼味道依舊～不過不失😉香蒜辣汁野菌西蘭花$19樣子比較普通但蒜味和辣味令到平平無奇既雜菜變得特別🤣肉醬多利亞$27每次黎到都必叫的！好食到可以一個人食哂一碟都得🤣但記得 記得 要撈均勻先食用！要令每一口都食到芝士和肉醬～十級推介👍🏻👍🏻👍🏻🤩🤩墨魚汁意大利粉$32呢個真係又愛又恨呀因為會食到成個嘴黑孖孖但又好好食🤣而且好大碟食極都唔完咁🤣正👍🏻榛子脆餅冰雪蛋糕$13最後叫左個甜品食第一次食～樣子平平無奇但卻充滿驚喜！好似一個好大既金沙雪糕蛋糕咁最底係脆餅～中間會有一粒大果仁～入面係雪糕蛋糕😋好特別好好食～推薦👍🏻👍🏻

平時都係貪平先食，唔會理質素（因為價錢反映一切），但尚德呢間真係有驚喜！啲野食送到黎全部熱辣辣仲出煙嘅，其他將軍澳分店都係暖並不會出煙！而個雞翼真係超新鮮出爐，啲皮仲要脆卜卜勁正，入面又多汁，唔會乾爭爭，size都適中 ，唔細隻！所以尚德呢間真係去得過，好過去新都城果間所以呢間真心推介，同埋第一次食到咁正嘅水準！希望keep住咁好啦雖然行遠啲，唔近地鐵站，但可以去順便嘟$2八達通，食完又可以行吓滴卡龍，唔錯呀！

黑椒蜆肉鐵板煮有沙我可以理解，但蒜汁燒魷魚無俾蒜汁，意式菠菜伴煙肉又比平時少左1/3。外賣嘅意思就係客人唔喺度食，唔該唔好成日覺得人哋可以返轉頭攞，檢查清楚啦！

薩利亞一直都係平價取勝 可以係窮人因物以呢個價錢食物質素算係好好 比起好多茶餐廳好食好多最愛都係肉醬多利亞 好耐以前係有甜蝦多利亞 好可惜 而家冇咗呢一款 而家會食甜蝦長通粉當係多莉亞😂😂講真我喺其他餐廳真係冇食過多利亞一款菜式 可能係我孤陋寡聞蘑菇忌廉湯$12 香濃好味😋平過杯杯湯菠蘿煙肉Pizza $30咁大個真係平過出邊啲麵包鋪 雞翼$18有四隻就真係煎釀三寶都買唔到布甸$16 味度普通 不過仲平過超級市場買