薩莉亞意式餐廳 (交通廣場) (已結業)

一個人食晒又唔想食麥記甘“禿”，就揀左呢度。感覺每一時段黎呢度都好多人，不過今次好快，可能一個人掛。。。農舍比薩餅邊較硬，中間同底都ok，夠軟。芝士夠多，不過餡分佈得唔夠平均。味道較淡，整體上好食既。菠菜三文魚意粉三文魚少左啲，得四塊小到，醬汁唔係好夠，份量較少。意粉較硬。如果食送能多啲更好！埋單62，免加一。

其實我覺得薩莉亞做得幾成功， 雖然味道和質素平平，但勝在 款式多，平靚正 夠曬平民化煙肉菠蘿pizza 批底夠薄脆 ，菠蘿和芝士量 也算多 ，食落香口惹味水牛芝士pizza 大量水牛芝士和番茄醬， 看似 簡單的一個pizza， 其實味道非常不錯 ，濃香順滑，滿滋味的辣味雞翼 ，帶點輕微小辣 ，味道頗為入味黑椒蜆肉鐵板煮， 蜆肉 體積不小，很肥美 ，濃香嘅黑椒 和牛油 味 在空氣中飄散著 ，看見也流口水喔

薩莉亞特别根據地中海飲食的特色，將橄欖油設計入食材內，能降低血液中膽固醇，減少低密度脂蛋白及細胞氧化的危險！值得一讚！舖內都算清潔和坐得舒適！今次叫了其中的前菜辣腸薯角鉄板，腸夠脆，不算辣，小孩都能入口，不錯！薯角就較乾，加點醬汁會更佳！無限自助饮品，有汽水、熱朱古力、latte、朱古力咖啡、美綠……，如要轉冷飲，可以自己加冰塊！成人都是另加十二元，小孩八元，值得推介！

之前响其他地區食過幾次薩莉亞, 覺得以佢價位黎講非常OK, 黎到元朗四圍騰又肚餓, 就衝左入去, 後悔莫及 一入去見到座位濶落都唔錯, 見到不少餐桌夠位擺BB車, 方便一家大細. 點左個蝦沙律, 青醬煙肉意粉, 墨汁意粉同辣味雞翼. 真係惡夢... 沙律醬好稀, 撈埋啲沙律食好怪, 差少少就係水咁樣 , 蝦質地又怪怪地, 就黎梅咁樣; 青醬煙肉意粉, 小弟每次到薩莉亞必點, 食落去居然咸到頂唔順, 食左無半碟就投降 ; 友人碟墨汁意粉都一樣, 得色素, 無味, 而且意粉質地怪怪的, 淋左啲, 我地都食到無一半就放棄左. 成餐基本上都辣味雞翼係KEEP到STANDARD. 食物質素真係低於其他分店好多, 唯有以裝修(濶落)同服務搭夠. 坐係好坐, 但小弟真係唔敢再試下次

放工返到元朗後，兩條友諗左一大輪後，我的他決定去交通廣場食返呢間，今次係第２次食焗田螺：上次同今次都一樣，熱辣辣咁上枱，好香，味道唔太咸牛扒：我的他叫左牛扒，所以我唔知味道如何，因為我唔食牛的蜆：還可以啦，最少Ｄ蜆肉都肥厚的，唔太咸（我自己個主菜，由於太肚餓，我唔記得影相）點少得甜品呢

小弟系中學時段已經經常食薩利亞，因為佢價錢平之餘，又坐得幾舒服。只可惜一直只有屯門同天水圍分店，宜家元朗終於都有啦，可以多個選擇了。辣汁菠菜意粉:係小弟一定要叫嘅item，辣辣地幾開胃，而且有啲菜睇落較健康。白汁縻姑云吞:有很多菌類，很足料。菠羅烟肉pizza:即叫即焗，若芝士多點會更好。雞肉多莉亞:以前覺得幾好食，但係宜家就覺得濃左少少，白汁少啲會更好。白湯:唔夠熱另外只要加$12就可以享用drink bar，任飲咖啡汽水，幾抵。整體而言: 7/10 價格與質素成正比

屋企附近新開了間薩莉亞，之前食過其他分店，知道價錢非常親民，味道亦不錯，於是星期六lunch 去食一趟。2點半席上仍然多食客。店內裝潢簡單以黃色為主，座椅捫布的碎花圖案，說實話是很老土，好8,90年代快餐的style.唯獨牆上的掛飾稍稍挽回一點意大利風情。Menu 內有很多選擇。沙律亦有5款。多款小食，最貴是雞翼，但只不過是$32,好抵！反而甜品吸引度不是太高！設有自助飲品bar, $12一位，汽水，咖啡和朱古力全部無限添飲！周打海鮮湯：$10 湯料有蜆肉，雞肉，薯仔和洋蔥。份量很多，用料很足，而且很creamy,稠身得來頗為滑，$10真是抵！ 意大利菜湯 $10 很多蔬菜配料，味道濃郁，還有蕃茄酸味，頗為開胃，不過略為鹹了一點 芝士蒜蓉包 $12 熱騰騰香噴噴，麵包很鬆軟，size都很大件，面頭鋪滿蒜蓉和芝士，很香口。單獨吃已經很好味，伴上海鮮湯更滋味。推介！ 黑椒雞肉pizza $34芝士加茄汁的醬料，加上黑椒雞肉，不過雞肉有點雪藏味，餅底有點厚身，但不至厚批的厚度，有點韌，整體普通。 野菌忌廉意大利飯$29 菇和飯的份量頗為多，亦很creamy,醬汁也控制到不會太稀亦不會太乾，只

呢間薄餅店,可能係咁平的薄餅店,點了好多碟都唔過200,加12元還可任飲各飲料,先來個海鮮薄餅加芝士,好香又夠口感再來牛扒,味精多但不過不失野菌忌廉意粉,好夠味,唔錯螺肉,去左殼,啖啖肉,正甜品以布丁為主,比較甜,應該係現成貨總結平,好平,有服務

呢間pizza原本係馬田果邊有一間…因為位置太偏…所以都未幫襯過…今次係市中心呢邊開分店…先有機會一嚐滋味…雖然呢度牌頭係寫意大利餐廳…好似好貴價咁…原來好平民化…有侍應帶位…按鐘呼叫service...自助出櫃位埋單…初時以為只得pizza食...原來都有好多款式小食…pizza當然要試…8吋批…海鮮有好多三文魚…其次有蝦同魷魚…加埋雙倍份量既cheese...pizza變得好厚肉…唔似食餅乾…味道比較偏淡…反而顯得無咁滯…田螺似法式香草田螺feel...但menu話係蒜蓉…但唔覺有蒜味…比較油…田螺都比較細粒…勝在無殼…唔駛挑黎食咁麻煩…牛扒得一塊…少少肥膏少少根…質感尚可…洋蔥碎勁多…唔覺有蒜味…pasta雖然比較齋…但好好味…忌廉味好重…pasta軟硬適中…甜品無咩花巧…4款中選左2款…2款質感都比較軟身同偏甜…食完都好口渴…解決口渴話咁易…比12蚊就可以無限自助任飲…唔只限於汽水…連熱飲都有…果茶係普通紅茶味…果香只限於嗅覺感覺得到…我比較欣賞部熱飲機…有好多味道…black coffee, monka, latte, chocolate, miko...nestle出品保證

中秋節翌日起床已三時，為避開假日那高檔次大商場的人群，和老公選了這間由2008起由日本引進香港的意大利連鎖餐廳。我們到達時大約七成客滿，雖然餐廳價位經濟，可卻不像一般連鎖快餐店的空間般密麻麻，它裝潢簡單舒適，餐具精緻漂亮，給人一種歐洲小家庭的感覺，每張枱上面，都設有有一個按鈴用來呼叫服務員。先來水牛芝士伴蕃茄和甜蝦沙律作為頭盤，一向很喜歡水牛芝士，記得在歐洲旅行時吃的新鮮水牛芝士蕃茄沙律，芝士口感軟滑充滿彈性，味道清淡而帶著濃濃牛奶香，配上黑醋、㰖油和羅勒沙律汁奶香更為突出，水牛芝士在歐洲價位並不高，但進口來港在超市售價動㭯都要數十元才得一小塊，這裡不用廿元便可吃到意大利進口的水牛芝士四顆，同樣彈牙軟滑，雖奶香稍清淡，但此價位真叫人無話可說。別小看那甜蝦沙律的小蝦（Northern shrimp)，它肉嫩鮮甜，配上微酸的沙律醬清新開胃，難怪是長期人氣No.1沙律。之前試過意大利菜湯我覺得味道較淡，有點失望，今次點了粟米忌廉湯卻有驚喜，濃稠的湯內滿是已打得細碎的香甜粟米，啖啖有口感，奶香十足，可惜是份量較少，只有五、六湯匙，很吊癮。黑椒蜆肉鐵板煮調味不多，可見它的美味就是來自蜆的本身和火

薩莉亞以前喺大陸食過幾次, 喺香港都係第一次食, 6點幾去到唔使等即刻有位, 見到樣樣都唔貴, 於是叫多幾款試吓, 佢哋加$12可以喺自助吧無限添飲, 因為唔想飲甜嘢所以淨係飲清水。首先黎咗個蕃茄辣青口湯, 賣相唔錯, 青口雖然細隻但好多, 不過味道太咸之後到黑椒蜆肉鐵板煮, 雖然只係$17, 但係都有成差不多二十隻蜆, 而且每個蜆殼都有肉, 唔會甩皮甩骨, 有殼無肉, 食落啲蜆好新鮮, 蒜蓉味好香, 讚蒜蓉焗田螺一啲蒜蓉味都無, 螺肉本身係無味,淨係浸住喺的油度, 乜味都無, 失敗主菜方便我老公叫咗黑椒汁漢堡扒,上面有隻煎到好乾好硬既蛋, 個漢堡扒既肉質唔錯,亦好厚,其實個扒既肉幾好味, 只係個醬汁太咸, 嘥晒! 薯條浸晒油唔好食, 粟米亦有啲燶。我叫咗個肉眼牛扒, 件扒好薄所以有少少乾,本來都唔太差, 不過又係同一個醬汁太咸累事, 以為最貴既會好食啲, 點知好失望 。 薯條好油無食, 不過我啲粟米無燶,好香牛油味, 幾好食。食完晒我老公仲想試吓個蒜汁燒魷魚, 於是又叫黎食, 果然無令我哋失望, 好香好惹味, 隻魷魚都幾大隻, 肉質幾厚,個汁好濃, 雖然都幾咸, 不過可以接受。  實