影片
呢間餐廳有30多年歷史，最受歡迎當然係「金牌燒雞」👑價錢親民且份量十足，被街坊專稱「地表最強」，更創下日賣過千份紀錄🐓💗金牌脆皮燒雞($78)採用3斤重三黃雞，加上20多種配料調味醃製，再經過上皮、吊乾等工序，最後先脆炸，半隻燒雞「大過手掌」，超誇張‼️手撕嘅時候仲會熱辣辣噴哂煙，雞皮好似炸子雞咁脆，雞肉嫩滑爆汁，仲可以蘸埋淮鹽同泰式甜辣醬提升層次🍗💗酥炸脆皮牛腩意粉配咖喱汁($68)選用瘦中帶少肥嘅牛腩，長時間炆煮後再酥炸，炸皮的確薄身酥脆，但牛腩肉質唔夠鬆軟，有d韌同黐牙🐮不過跟配嘅特製咖喱汁就夠哂香濃惹味🥘跟餐仲有個茄汁意粉，夠哂飽肚，不過略嫌意粉煮得過腍🍝💗一口西多士($38)西多士炸得外表金黃，內裡鬆軟，中間夾層花生醬🥜上面灑上糖粉同牛油，好邪惡不過有d甜膩🍞💗麥精紅豆冰(+$14)紅豆蓉有接近半杯咁多，綿密香甜，加埋麥精味道係出奇地夾，而且唔會太甜🫘💗凍爆打檸檬茶(+$14)手打檸檬茶既有紅茶嘅茶香同香水檸檬嘅清新，味道酸甜清爽，解膩一流🍋🟩
繼續閱讀
呢間位於逸東酒店嘅food court，位置闊落，坐得好舒服，適合同朋友慢慢邊食野邊傾偈😚✨酥炸脆皮牛腩配飯 $68推薦度：9.1/10炸牛腩超級酥脆，份量好多，配上咖喱汁一齊食好夾，咖喱汁味道香濃，送飯一流❗️😍✨金牌脆皮燒雞配薯條 $78推薦度：9/10燒雞份量超大，大過我手掌🤣！燒雞皮脆卜卜，雞肉好嫩滑好juicy，配上泰式辣醬及鹽，薯條好爽脆，隔左一陣食都仲係脆🥹✨一口西多士 $38推薦度：9.2/10 西多士配上花生醬好夾，上面灑上糖粉及牛油，好邪惡又好正，有沙律可以解膩✨
繼續閱讀
薔紅嘅燒雞最近好似被推到出晒名喺佐敦逸東酒店早前見佢圍左板今日再過去終於開啦大部份人都係食佢嘅金牌脆皮燒雞呢度嘅主菜全部都係單點飲品另加錢 本身想叫慢煮雞胸沙律但已經售罄我就叫咗銷魂炒蛋叉燒飯用左日本蛋 係幾香 如果可以做滑蛋應該更加正叉燒係半肥瘦 肉質多汁 唔會乾伴碟仲有啲涼拌青瓜 榨菜等朋友叫左炸雞俾咗啲我食 啱啱炸起係唔錯 熱辣辣 雞皮都做到脆口食落雞肉都幾嫩 留意番要主食嘅話另外加錢下次下午茶黎食埋佢嘅西多士先
繼續閱讀
佢有幾間分店，今日喺佐敦逸東酒店嘅food hall 開鋪。今日經過，相請不如偶遇，屋企人話好食，即刻入去外賣攞走。店員招呼很好，友善得嚟又介紹得好。介紹咗幾款必食推介，咁咪試吓囉！番到屋企仲好熱，打開蓋啲香味已經標晒出嚟。燒雞肉嫩汁，難得個皮仲好脆。酥炸牛腩外面脆卜卜，裏面肉質鮮嫩夠林又有牛味。個黯然銷魂飯🤣主角半肥瘦义燒同配菜真係各有千秋。配合得天依無蓬。好好味，推介大家去試吓。現場食一定會再好食啲！下次我都要試吓現場享受。 ✌🏻
繼續閱讀