蔥仔越南包

營業中

休息中

經過這幾個月 應該冇人會唔識依間食店蔥仔越南包係年青人或者支持香港喺大角咀必去嘅地方越南包裏面嘅配料十足以及多種不同味道的蔬菜與肉類和醬料 選用瑪莎嘅法式麵包 用焗爐烤至外脆內軟 老闆製作十分衛生會戴上手套時 只會掂食物 唔會掂其他嘢 所以俾錢嘅時候需要自行找續

見網上有介紹小店，特意來試試。餐廳地方細，員工得兩位，名副其實既小店~餐牌無乜選擇，能夠比食家選的就只有主菜大小及跟套餐與否(多個湯或/和兩份菜)。主菜，就只有一款: 越式法包三文治。但係。。。好好食！好好食！好好食！ (重要要講三次)好難形容有幾好食，就是如果買左半份，食完會後悔冇買到全份咁。質素好過金拱門啲咩安格斯包多多聲，但價錢都係差唔多，以後可以唔使食m記了~~唯一要投訴既係: 唔係好知道落order及埋單機制及流程。。。食完個包都唔係好知點解會有包食及出到餐廳門口。。。不過相信再食多幾次應該會熟習啲既~

香港食到之越南法包在大角咀，见網上介紹，便試試。晚上六至八点，充塞外賣及堂食，等要20分鐘起。。老闆及他媽媽超好人，法包即叫即焗即整，夠鬆脆，包內餡料有扎肉，烤肉，甘荀，自家 醃製酸蘿蔔夠美味，辣椒，芫荽等等。估唔到香港都可以吃到越南地道街頭小食，值得一讚。外賣打包半份回家吃，正。

一個漫長的星期一，因為放工後需要上堂，所以同事需要叫下午茶。公司在大角咀附近，我向同事們推薦「蔥仔越南包」，因為本身自己之前都在lunch試過，覺得非常好食😋，它的法包外脆內軟，仲記得第一次食的時候，因為食得太快，介損左個口😅，而裡面的酸瓜酸甜度適中，配合扎肉、肉鬆、生菜、元茜、紅椒，非常清新野味！😋👍🏻蔥仔都有套餐，9吋法包+沙律+南瓜湯只是$65，而且仲可以散叫咖啡☕️。等緊外賣時同老闆Jeff傾左兩句，佢賣完包就會關門，一日預60個法包左右，好彩我上星期五已經同老闆預訂13個包😆。最後同事的評語都是覺得非常好味，亦向我查詢蔥仔的地址，希望為良心小店帶來更多生意😆👍🏻。

健康又好味的法包，不過食店位置處於大角咀，不太容易找得到。基本上食店主打法包，可以選擇法包加是日靚湯或者兩份是日蔬菜。本來要了個法包加蔬菜，但老闆好好人，見午市已過，人少少，送了個蘑菇湯給我。啖啖蘑菇味又濃郁，感受到蘑菇的小顆粒，又creamy，絕對不是罐頭湯。店員問我法包想要脆定還是軟身，最好決定要了個香口脆身的。包入面食得出有扎肉，酸菜同紅蘿蔔，另有少少辣椒，令整個包有少少微辣，更加入味。其實落單前可以選擇走辣椒同芫茜，下單前切記跟店員講。這裡的法包食法配有醬，跟老闆聊天才知道，原來他的正職是健身教練。為了讓食客可以食得更健康，於是他堅持每天親手製作蛋黃醬，沒有反式脂肪，健康好多。 時蔬係涼拌形式，加了小小醬汁，十分清新可口。

呢間小店嘅越式法包好好食－ 十分足料，有豬肉，香葉，蘿蔔絲，pate ，mayo等，而且個包係熱同埋鬆脆軟熟，唔會咬崩牙。我點左一份9寸法包，跟餐有兩份健康蔬菜（四款㨂兩款）。 食物嘅用料新鮮。老闆同員工都好好人，所以一定會再去。

這天和他逛大角咀，地圖上尋覓美食。來到這店門口，被越南包和店外的招紙而吸引。很簡單的裝飾，一個小盆栽。走進來看到一個小帥哥（他在我身邊，不敢看太久），店內很簡單，一目了然，座位不算多，好乾淨。只有一種食物，我們點了一份原個，要了湯和蔬菜兩份，$65。南瓜湯夠清甜，好飲。蔬菜新鮮，有特別醬汁，不錯。主角來了，店主很好，幫我們分了兩份。還以爲小小份，餡料十足！即點即整，外脆內軟。有一層醬，再放扎肉、蘿蔔，多種享受，口感豐富。

店面好細 大約坐到10位左右 推介大家外賣食 全店賣的主打是越南包，並無第二樣可以選擇 包類有分硬包軟包 內裡食材統一無得選擇 星期六中午去到已要排隊 選了一硬一軟 加2份蔬菜/湯 約等了20分鐘 硬包有麵包口感 但較難張口食 軟包軟身 正常餡料豐富美味 微辣 香港小店愈來愈少 希望水準保持下去

大角咀街坊小店，用心經營，專注做好法包。個包外脆內軟，個餡真材實料好味道。（太好食掛住食嘅關係，唔記得影相😅）個餐仲會包啲健康小食，好似秋葵同粟米沙律咁。老闆好有心，而且係個帥哥！哈哈

之前上網見到人哋介紹哩間越南包🥖一路都好想試，所以今日就同老公去左試下，店舖好乾淨，細細間唔算多位，店主好細心會提供埋濕紙巾🧻。我哋叫左個法包餐，個餐包左個法包，前菜(佢有啲蔬菜可以揀)、有個蘑菇湯(好濃好多料下)， 個法包🥖好脆卜卜，裡面有啲肉、扎肉、蛋黃醬、洋蔥同葱等等，配搭出嚟個味道真係好正！好好食！似係越南出名食法包既店既質素誠意推介店主話賣哂就會早啲收工，想試下既朋友最好就記得早啲去喇！

睇完網上介紹大角咀美食，今日放工專程去試試這間小店。小店位於櫸樹街，不算旺區，但總算易找。店舖面積不大，可容納10人左右。（可以選擇外帶）全店只賣一樣食品 - 越南包，客人可以選擇半條或者全條（9 吋），餡料包括扎肉，燒腩肉，青瓜，豬肉鬆等等等等，店主說蛋黃醬是自家制的，沒有反式脂肪，令人食得很放心 味道方面，我很欣賞店主即叫即整的做法，雖然每個越南包由加熱到製作都要等5-8分鐘，但個人認為是值得等的。跟坊間不同的是，包面暖暖的，有點脆，不會太硬及冷，餡料新鮮，配合蔬菜及醬汁真的很好吃一個人吃全條又飽肚又健康，都只需$50 吧，個人認為性格比極高！溫馨提示： 星期六是休息的，想試食的朋友們記得平日或星期日去吧

朋友知道我係一個「麵包痴」！只要用包夾住嘅食品我都好鍾意😍朋友介紹我去試吓呢間新開越南法包！我自己都比較鍾意一些店舖只賣單一食品，因為通常都會比較用心製作! 呢度只係會賣越南包！環境簡單舒服，我就點左原個9吋經典越南包餐：包括蔬菜小碟同餐湯。湯可選擇蕃茄南瓜湯同埋蘑菇湯（可惜蘑菇湯一早已經售罄）番茄南瓜湯頭幾啖好香嘅蕃茄味再飲落有啲南瓜味慢慢心出嚟！（下次一定要試埋佢個蘑菇湯）蔬菜小碟有幾款不同嘅選擇，例如西蘭花、蘑菇、什菜等等....講返個主角越南法式包材料十足包括扎肉芫荽辣椒酸菜蛋黃醬等等...老闆非常細心！你可以同老闆要求你嘅特定口味。例如多蔥多芫荽多酸菜😂今次我第一次食所以試吓原味。麵包非常香脆咬落口感非常豐富味道有酸有甜有辣，係味蕾既最高嘅享受！大滿足！同老闆傾計佢話法包有兩款：軟同硬！今次硬身法包，因為我本身鍾意香脆食物下次再同朋友嚟試埋軟包！值得支持嘅特色小店一定會再嚟！

新開的小店，獨賣一款越南法包，另加餐湯及沙律。沙律是自選蔬菜，我試的菇條及翠肉瓜粒都只是輕微調味，口感清新健康。小小越南包卻十分足料，餐牌表示內含：扎肉、燒腩肉、青瓜、甘荀、蘿蔔、肝醬、蛋黃醬、青蔥、芫荽、豬肉鬆、辣椒。麵包是即叫即烘的，所以要等數分鐘，食落鬆脆又紮實，各種食材配合出來很有層次。豪爽地包進五片紮肉，不會咬到一口只有麵包沒有肉；燒腩軟嫩，加上微酸的醃蔬菜絲，感覺不肥膩；兩款醬料與蔥茜辣椒也增添了更豐富的味覺衝擊。飲品有青檸水或梳打，簡單地讓客人清爽一下味蕾。店內裝潢柔和，氣氛舒適，值得再幫襯！

收工之後咁岩路過大角咀 覺得肚餓 見到有間香港比較小見既越南包 比佢門口既招牌吸引住 抱住試新野既心態 膽粗粗衝左入去 點知發現意外驚喜 簡單而不平凡既裝潢 好聽又不過氣既音樂 即叫即做既越南包 熱辣辣既蘑菇湯 健康既餐前小食 配上一杯香而滑既椰香咖啡 令人有種完美配搭既感覺 而店員陽光既笑容令整個晚餐加上一點色彩 達到畫龍點睛既效果 呢間新開既餐廳 欠缺宣傳 唔係咁岩路過 就會錯失一個食好西既機會 而且店員服務態度一流 值得一試 10個like🤤🤤

第一次打食評, 因為好想講吓感受雖然呢間舖係新開張, 但係我已經係第三次幫襯第一次幫襯因為有朋友介紹, 舖面不大, 職員也只有一個, 但是試業其間, 服務也很快速, 舖頭只賣一款越南包, 面包可選4.5 或9 吋, 可選擇跟湯, 跟前菜, 或飲品....第一次去只選了前菜跟飲品第二次只選了前菜第三次前菜飲品同湯都加咗！第一次選了9吋包第二次覺得9吋太多選了4.5 吋, 但最後都加多一個4.5 吋第三次毫不猶豫咁嗌咗9吋! 因為實在係太太太好食喇! 一個女仔食咗個9吋包再加湯加前菜加嘢飲, 平時我一定食唔到, 但實在太太太好食所以完全食晒！個包好好好味前菜我三次去都唔同款, 每次都有驚喜, 我兩次都有叫抹茶鮮奶, 因為真係好好味湯今日第一次叫, 又係正到不得了真係好好食, 真心推介重有一個重點! 老闆是帥哥! 😂老闆很低調想大家只欣賞他的食物, 所以我也不多說, 大家自己去看看吧~ 真的真的很好吃喔!!