影片
港鐵佐敦站 C2 出口, 步行約4分鐘
繼續閱讀
開飯介紹
於元朗及佐敦有兩間分店，名人食家如蔡瀾、鄧達智等都曾推介，開業超過20年，由尼泊爾夫婦經營。菜式都是自家配方，用當地運來的香料製作多款特色咖喱，香料味道濃郁。
繼續閱讀
營業時間
星期一至日
11:00 - 15:00
18:00 - 23:00
以上資料只供參考, 請與餐廳確認詳情
朋友聚會選在佐敦，其中一人提議到此餐廳，因之前光顧過，覺得咖哩做得好，而且可以選擇不同程度的辣，甚至走辣，而且價錢合理，又唔多人，可以坐耐D。Book 了枱，7:30pm 到達只見3枱客人，有些朋友先到，未齊人前，侍應生先每人送上餐湯及印度脆餅。餐湯是雜菌湯，有少許黑胡椒味道，西印混合的湯，幾特別。一邊等人，一邊睇 menu, 發現有意粉和 pizza, 真是間西印混合餐廳。既然朋友推介這裏的咖哩，當然要點咖哩的菜式。佢有一個set menu， 包括餐湯和一個咖哩主菜，任食印度烤餅和一杯普通的飲品如檸茶檸水。 主菜的選擇也有很多， 有咖哩雞、咖哩雜菜、咖哩牛尾、咖哩魚、咖哩蝦 ..., 可以選擇少辣和走辣。 大部分朋友包括我都唔食得辣，所以叫了小辣，而咖哩魚就走辣。 印度烤餅就點了原味和牛油的。當咖哩菜式和印度烤餅上桌時，大家也趁熱食。牛油印度烤餅有很香的牛油味，質感鬆軟, 大大塊的，再點埋D咖哩汁，真是越食越開胃。雖然D咖哩是少辣和走辣，但仍然充滿咖哩的香味，而且咖哩汁的稀稠適中，朋友即刻點了個白飯來掃埋D咖哩汁，真是好味到一D都唔想浪費。其後點了一個印度烤雞，但我已經飽了，無福消受。我們共點了五個餐，連埋印度烤雞，散叫的白飯，三個椰青(朋友話超正)，兩杯青檸梳打, 埋單$770 有找,7個人，每人都是花費百多元，確實是抵食又好味。
繼續閱讀
呢間尼泊爾餐廳都係我n call 再n call既一間飯堂。 首先講下momo,其實momo好似中國既餃子咁，但我覺得佢地比較著重香料同醬汁既配搭。呢間momo係自己包，果晚仲要係即叫即包即整，好好味。再到佢地個咖哩我地唔太食得辣，所以叫咗佢超級少少辣，一食d辣味又真係少咗啲但係都好好味所以我哋另外叫多兩個薄餅一個芝士味一個蒜蓉味，個薄餅都係即叫即烤所以出嚟又係新鮮熱辣辣。一點嗰啲咖喱汁真係野味又可口。本身仲想叫多個飯但真係太飽喇😂
繼續閱讀
星期日中午本想去同街的西餐，點知多人到爆，於是四圍睇睇有咩好食。此區都多咖哩食，呢間裝修平實唔覺有印度feel,唔留意都易skip左。侍應哥哥識廣東話英文，唔識英文都唔驚 -佢介紹午餐$69任食沙律、西湯、tandoori.雞、咖哩（三款）、炒飯、naan(必食！）、生果…都好豐富！咖哩味道唔會點差，咁平既自助餐就無豬牛羊，只有咖哩雜菜、魚同雞，都算係咁。無限量naan加咖哩食，唔過一百蚊都係抵！每檯上一支蒸餾水，係一支，飲唔哂可以攞走，非常方便。講真佐敦競爭激烈，價錢又抵又岩食認真唔簡單，原來佢地總店在元朗勁出名！遲d 多人識有咩影響就唔知喇！
繼續閱讀
本人同女朋友行完街唔知名食咩好， 行左去佐敦搵野食， 行行下搵到呢間印度野，睇左餐牌幾好價錢又抵就入左去試, 佢個set包左餐湯，印度薄脆，主菜 同埋杯野飲，凍飲唔駛加錢，個餐無加一。平得黎原來係好味架。個咖喱唔差，可以揀辣度，個薄餅好好味，底脆鬆軟，最意想不到係叫左個西式心pizza, 真係超好食，好多芝士，仲可以拉絲，我地兩個食完之後會再encore, 佢d服務態度好好，雖然侍應唔太識中文，但佢個menu有曬中文，溝通無問題，真心講，如果佢個位置係人流多既位一定唔係呢個價，因為d野食真係唔錯，大家不妨一試。
繼續閱讀
無驚無險又到 happy Friday. 一早返到公司早餐都末落格，就有同事約食午飯。事源上星期有另一同事食過個自助午餐覺得底食就促成是次返兜午餐 Go go go。一行四人，行到門口大大個牌寫住$69 自助午餐。開頭重以為係湯、沙律、麵包、甜點就任食，主菜就一碟嗰隻。同事在公司討論嗰時都話今時今日茶記食個晏都要$4x，$70有找會有真任食？一入到餐廳眼見有湯、沙律、西瓜、菠蘿印式燒雞、春卷咖哩雜菜咖哩雞、白飯印式薄餅咖哩魚、炒飯係無咗出面寫嘅羊、牛。正式坐低見到支樽裝水送， 唔錯好過要飲水龍頭水。 先飲個湯一入口已經覺好過好多茶餐廳嘅白湯。沙律菜上算新鮮，不過無沙律汁提供。 三個咖哩餸菜都唔錯， 咖哩雜菜唔會一pat pat， 咖哩雞唔多骨， 咖哩魚係魚柳。 咖哩全部屬小辣，其實係咖哩香料為主。有食開咖哩嘅同事就話完全唔辣。印式薄餅送咖哩一流，炒飯、白飯一般無特別驚喜， 燒雞味道亦都冇特別，不過有三個醬汁提供。春捲就預咗放到林曬同預計一樣。任食食到飽每人$70蚊唔使加一都算抵，餓底來食的話真係有賺。
繼續閱讀