萬發海鮮菜館

營業中

休息中

是晚約左個好耐無見既朋友肯定今晚吹水吹唔停而大家又係不拘小節既"兄弟"😂於是乎就揾間大排擋式既菜館聚下所以就黎左萬發啦雖然係平日但都要等位可見人氣之旺首先黎個薑葱魚皮個人覺得唔夠爽脆𡁻到牙較攰🙈下次可以唔洗叫登登登登鎮店之寶黎啦唔知邊個成日都話一間舖有樣好食既野就可以留住客人個心呢碟薯仔牛柳粒真係好好味薯仔炸到脆身加埋揼本蜜糖誠意製作拿呢碟餸既主角絶對係薯仔雖然牛柳都不錯但薯仔絶對係超水準之作我下次一定黎Encore最後碟腐乳通菜正常有鑊氣總括黎講我係會因為碟薯仔牛柳粒再黎既等我

 一大班人gathering一定好嘈啦！去萬發就一定唔驚嘈親隔離台，成個環境都係大家傾計既聲音，唔洗就住講野黑椒薯仔牛柳粒係每台必叫薯仔表面有層蜜糖、甜甜地，個皮仲好脆，好好食！而牛柳粒有啲鞋、有啲就好嫩，但都唔錯既！果然係必叫菜式栗子雞煲其實係想食栗子先嗌既，但係栗子整得唔夠軟同粉，失望反而雞都算滑同多肉。海味什菜粉絲煲份量好足，有好多蝦米同鮮𨠄，但係就比較鹹、重口味左。魚皮好食！爽脆酥炸白飯魚就普通，我本身對炸野麻麻生炒骨幾好食，朋友形容就有鑊氣蠔餅都不過不失，唔會勁油既回鍋肉不嬲都係配菜先係重點，但太油啦！一行十個人，有早到有遲到，我地食住等，野食唔止相入面咁少，仲有啲後加既冇影到。總體黎講，野食份量算大，但係佢味道偏濃，有啲鹹同部份野食會多油，下次落單一定要記得叫冇咁鹹食大排檔一定要人多先正，可以一次試唔同既菜式、滿足唔同願望我地有叫好多個白飯、啤酒同汽水，最後埋單先$1300，抵到爆！

黎食呢間野之前，睇左d食評，已經知道黑椒薯仔牛柳粒係必試，所以一坐低就叫左呢個餸，我地一行四人，再叫左個椒鹽九肚魚， 金銀蛋莧菜同埋蠔餅,食呢d小菜，冇啤酒又點得，我地再加左枝啤酒薯仔牛柳粒好快就到左，我見差唔多每張枱都有叫，果然真係好好味，薯仔先係成碟餸既精髓，表皮脆卜卜，入面係軟身d，仲有蜜糖包圍住成舊薯仔，真係好好味 （利申：本人平時除左薯條，其他咩薯蓉薯仔都麻麻地，呢個堅推介！）而牛柳粒就冇咩特別，但都幾多架，大大粒金銀蛋莧菜，都好大碟同夠熱，唔算太咸。蠔餅，呢個我就覺得比較遜色左d，唔係唔夠脆既，係嫌冇咩蠔，粉比較多。椒鹽九肚魚呢個都中規中矩，不過有個員工叔叔就叫我地下次可以唔好叫椒鹽，叫黃金九肚魚食下，都好出名喎等下次又再試下叫其他餸食下先。

要去依區做野，做到咁上下望一望原來已經咁夜，同事提議去萬發食大排擋。我第一次黎，一坐低大家都話要叫薯仔牛柳粒，心想有咩咁特別。。。到食物上桌時，牛仔粒真係超香。。。試一試個薯仔，好有驚喜！炸脆左好好食！入面又軟又熱辣辣！仲有個牛都正，好入味！仲叫左好多餸。。。不過怕阻住同事開餐所以只係影左我認為最好食果幾樣班塊西蘭花，足料大大件魚塊！炒得香！仲有蠔餅！係熱氣啲但真係忍不住係咁食！總括來説依度啲野樣樣都有水準夠鑊氣！牛仔粒果碟零舍出色，其他地方食唔到

自從上次朋友帶我黎試完個黑椒牛柳粒之後，就念念不忘😂自己有試過番屋企整過，但始於都唔岩味...😥為左一解相思之苦，今日決定再黎食過=]由於今次得兩個人，只可以叫兩個餸。牛柳粒係必點，另外就叫左個小炒王，因為中意佢乜都有D，岩哂眼闊肚窄既朋友XD😀早到既關係，所以唔駛等好耐就上左菜黑椒薯仔牛柳粒 ($98)薯仔個心仲係非常滾口，我仲急急腳夾左舊放入口...就咁辣到🤣下次都係比手機食多一陣先但明顯今次比上次遜色，首先薯仔雖然好熱，但我估應該係瀝油既時間唔夠就回鑊炒，結果今次D薯仔唔係外脆內軟；加上未炒到乾身就上碟，結果碟餸好濕同埋少左焦香味；失望...☹️牛柳粒仍然軟淋淋，只係炒到岩岩好無血水滲出，所以嫩口同Juicy😋萬發小炒王 ($98)雖然呢度D餸唔算平，但其實睇埋佢個Size就會覺得合理一個價錢可以食到韮菜、腰果、菜脯粒、炸過既墨魚仔、蝦乾、青燈籠椒，六款料，係我心目中已經好滿足🤗呢碟野好夠鹹香同好有鑊氣!! 送酒真係一流!!😍 可惜人太少 所以無飲，只係送飯另外叫左兩個白飯($12)，呢度小菜就整得唔錯，但飯就麻麻，濕左D

今次朋友帶路，因為我話想食大排檔。叫左幾樣野最好食就係薯仔牛柳粒了，啲薯仔炸得乾身外層有蜜糖，加埋啲牛柳既味，係我好喜歡既咸甜口感！牛柳粒好軟，juicy,食果時已經決定下次去一定要再叫！至於其他野就一般的好食啦，最失望係九肚魚，我覺得佢應該再炸耐啲，個面一啲都吾脆呢。 薑蔥蠔吾夠濃味，蒸鱔既汁都係。反而佢個避風塘炒蝦就炒到蝦皮脆卜卜！叫左7樣野，差吾多食哂，粟米魚肚湯太多了，如果4個人食都係吾好叫，叫多個小菜仲好

假日一大班朋友食飯，叫幾個小菜喝喝啤酒就好。萬發生意太好，招呼預了一般，通常是叫好多次才有人，或者等很久就過來落單。但都只是他們太忙，不禮貌對待倒是沒有。價錢忘了，但整餐飯都不貴。滷水份量多得驚人，滷得入味不鹹，味道很好。我們加了伊麵底，每條麵都沾滿芝士，吃得很過癮！如果不配蝦，亦可以配其他海鮮。酥炸魷魚炸得剛好，魷魚非常新鮮，水準不錯。 這裏的名物黑椒薯仔牛柳粒反而失了水準，薯仔切得賣相不討好，亦無平時那麼脆口。菜炒得不錯。

shun shui po Friends called dinner party man fat is a good dinner restaurant Although in the daytime This is only a tea restaurant Simply cheap and full of SSP neighbors Men actually the best dish of the night Bitter melon and fresh garoupa pieces So sweet and delicious 😋 The best way to cook this fish I have eaten almost all the plate of fresh fish 🐟 2nd is the salty baked chicken Big and yum But compared with the fish 440$The chicken 400$Isn't worthy enough fried soybean 'pei per' is👍🌽💪success

今天晚上與一班吃貨朋友聚餐大家雖然都係女仔 但講到食大牌檔又吾會覺得麻甩 反而勁興奮！因為我地一大班人 可以點超多野食 還有我和無敵黑洞在 食吾曬應該有啲難道鹵水拼盤 $128依個好大盤呀 每樣少少 乜都有得食下面係用鹵水豆腐鋪底 食左一舊 覺得幾滑 吾錯 牛𦟌反而較普通 有啲過咸橙色既墨魚好食喎 爽口彈牙 有鮮味！鼓汁蒸鱔嘩 我既最愛 全晚最滿意係佢！白鱔肉夠新鮮 啖啖肉 口感爽脆 調味岩岩好 完全吾會食到腥味 蘭花炒斑球 $148龍躉塊份量少 切太薄 無左咬落多肉汁既感覺 雖然食落都有鮮味 但吾值咁貴黑椒薯仔牛柳粒 $88叫左兩碟薯仔炸到極脆 咬落入面卻軟糯似薯蓉 口感極佳 再加上薯仔外面有蜜糖和黑椒 香氣撲鼻！牛柳粒反而較遜色 牛肉鬆化但欠缺牛肉香 果然薯仔才是主角!生炒骨 $78酸甜開胃既咕嚕肉 雖然未去到啖啖肉 有啲入面有骨 但食得出肉質新鮮 同埋夠香脆 正！同叫左個炒豆苗 $88調味適中吾會過咸 豆苗應該吾係當做 冬季會幼嫩啲 但味道吾錯 食落亦無油淋淋既感覺魚香茄子煲 $68椒鹽九肚魚 $88蠔餅  超大份！我淨係講左我食左既味道同感覺有啲無食到同價錢就吾太肯定就無打出黎

上星期约了班朋友到萬發海鮮菜館食宵夜，點了幾碟小菜送啤酒，這裏的碟頭挺大碟，價錢又算合理，平均80-100一碟，味道稍稍太重味精。值得推介是椒鹽鮮鱿和脆薯一口牛，而炸大腸很普通，完全沒有脆口感覺。環境太迫，不適合幾個知己坐低暢談。若大家注重食物質數，可以不試。

海鮮飯店緊係食海鮮!錯!全部人都錯哂!最好食既竟然係黑椒薯仔牛柳粒白飯魚，魷魚鬚，可以話同普通炸物無太大分別，唔係特別新鮮彈牙，又唔係特別好味。。。。。魚雲煲仲係有點腥，而且味道好淡。。。。海鮮飯店既主角黑椒薯仔牛柳粒出場啦!薯仔經過走油，外脆內軟，仲有少少蜜糖甜味。牛柳度度都係用散肉粉，但呢度肉質嫩得黎又唔削，仲好香牛肉味，配上香濃既黑椒汁簡直一絕海鮮唔多得既海鮮飯店，靠一碟黑椒薯仔牛柳粒去拎我加返少少分俾佢

黑椒薯仔牛柳粒 $98 @ 萬發海鮮飯店 之前一直都有聽到，去萬發一定要點呢一味餸🤗，而且主角絕對係薯仔粒！薯仔粒外皮炸到微脆又有點煙韌，亮點係蜜糖外皮🍯，蜜糖甜味同醬油香交織幾惹味，裏面既薯肉又能保持軟滑😊。牛柳粒都頗有牛味，但略嫌單吃的話會有點咸，用作拌飯就岩岩好了。 

薯仔控必到大排檔 -黑椒薯仔牛柳粒 ($98)招牌菜之一既黑椒薯仔牛柳粒，賣相已經叫人流晒口水！完全係色、香、味俱全😍。今次薯仔就做左主角，薯粒炸過夠晒香脆，除左食到黑椒味之外仲有極濃既蜜糖味🍯，超級似M記既蜜糖BBQ味Shake Shake粉😹，襯埋薯粒食真係一絕！牛柳粒份量都係超多，肉質頗嫩，呢個真係誠意之作👍🏻，難怪每枱都必點啦！-乳香浸通菜 ($78)上枱見到個色好深，以為會極重口味🤔，但入口只有淡淡既腐乳香同少許辣椒味🌶，頗為清淡喎，清新健康之選。-西檸雞 ($88)西檸雞司令都十分推薦😍，雞塊炸得香脆，淋上香檸汁🍋，加多幾片菠蘿🍍，成個感覺好清新。每舊雞塊都好香口，送飯一流！-金牌風沙雞 ($120/半隻)風沙雞個外皮燒到十分香脆，同樣係不得了！雞肉嫩滑，點少少五香淮鹽，食到停唔到口👅

講到萬發，呢度最出名既莫過於薯仔牛柳粒！今次電腦壞左黎開深水埗，就決定自己一個黎試試佢！我無叫到啲乜，剩係叫左個薯仔牛，可樂同白飯。首先要講既係個份量真係超多！睇相未必睇得出，但佢每粒都好巨！其實牛柳就無乜特別，個薯先係主角。外皮好脆，食落口亦都好香。結果我食晒啲薯剩番一大堆牛...因為無咁好食同埋真係好大份！我諗大食既人食就非常抵食，但我就可惜左啲食物喇 唔知佢咁大碟，諗住叫一個餸，點知就食剩晒lu!

每年都會和一班中學同學去到一位十分之敬重嘅老師家中拜年，然後柴娃娃去食個晚飯。近呢一兩年首選都係萬發，今年老師好高興咁同我地講唔使行咁遠啦。喺隔離咋，原來萬發呢過年搬咗去新鋪。環境好咗，座位舒適左，感覺乾淨左，整體高級左，唯獨是食物不變，依然咁好！我搶着要食薑蔥魚皮，朋友們非常震驚，我見到佢哋震驚嘅眼神令我都好震驚。怎麼啦！莫非你哋做咗20幾年人未食過？原來佢哋好多都未食過薑蔥魚皮。。。呀！這些老香港的美食，我哋又點可以錯過？近年食過比較好食嘅薑蔥魚皮係澳門，魚皮爽，薑蔥味配搭得宜，唯獨份量比較少，價格比較貴！不過對上一次去澳門嘅時候已經發現嗰間鋪頭執咗啦！有點可惜。薑蔥魚皮最常見嘅呢就係響粥店出現，但係功夫多又麻煩，賣唔起錢越來越少見。萬法嘅薑蔥魚皮好大碟，魚皮都十分之大片，薑蔥份量又夠多，魚皮爽脆，絕無腥味，配上薑蔥同豉油，係健康又美味嘅前菜。幾位同學試過都10分驚喜。一口接一口快速清碟。唯獨是現在睇返啲相覺得有啲密集恐懼症。。招牌名菜石鍋雪菜芥蘭同樣精彩，鑊氣十足芥蘭新鮮爽脆，味道比較濃，比起石鍋生菜更加有口感。清清淡淡地點咗個豆苗，清淡嘅菜式萬發都可以做得好好，蔡炒得綠油油，油