萬家燒餅皇 (已結業)

好耐冇寫過評,上個月前去過,一向對街邊野程有獨鐘,見到有間野買燒餅,就買左兩件試試,其中兩件都岩岩出爐,個店員用個紙袋包住件餅比我,我接手之後心知不妙發覺個袋以經好多油,但買左就算呀如好食咪得,咁就急不給代就張一件放入口到,可能太熱關係,食吾清味道,但個餅買相幾給引,d肉吾太少.跟住第二個就過左十分鐘左右先食希望可以食到佢個味道,講真味道真係一般,油太多,包硬,但十蚊一個算叫平

記得應該係上個月同朋友行過見到好多人買~心想一定係好好味的,,,買左一個來試~食落的味道有D蘇蘇地~但又唔似羊肉,但又唔似豬肉~都唔知係咩肉~ E個燒餅D料好散~好易跌落最底~我覺得味道一般~試一次已經好足夠了！

當初開鋪冇幾耐, 佢地成日新鮮出爐, 每次買都是熱辣辣的, 入口好香, 個餅底都磋得好好. 每次經過都忍唔住買. 但而家, 望入去d師父全部變哂人, 得收銀個阿姐冇變=_= 幾次買d燒餅都係和暖, 一定擺左o係度等人賣一段時間. 餅皮口感同以前的好味差天共地......!! 令樣真係好遺憾. 唔知係咪咁, 所以我見越黎越少人幫襯nu.

土家燒餅- 招牌菜十蚊個...size 都ok大...但食落又唔算膩, 都飽飽地ga話係豬肉...食落又無咩豬肉味...有比較重香料味唔知係咩香料呀...但幾惹味wo略厭多少少油lor

終於嚟到最後一站la..呢次轉到旺角..試吓心儀已久嘅燒餅一拿上手，感覺係好油，事實上未摸落去都知(因裝住佢嘅袋都滿是油)，一嗅下去，有非常濃烈嘅孜然味道，女友吃不慣，只咬一口就放棄了。我則覺得還可以。餅底頗薄，上面嘅豬肉餡味道亦錯，不過我覺得葱可以再加多些..可惜價錢略貴，要$10一個，我想不會再有下次....

這店剛開業時，看到雜誌介紹，已經很想試試看，但一直找不著。直至早前亂逛，看到很多人拿著燒餅王的紙袋，便知道就在附近了！記得雜誌介紹此店只獨孤一味，賣豬肉燒餅，但當晚所見，卻有三款餅。不過依我看三款餅的餡料都一樣，大概只是做法和口感有別而已。其他像意大利薄餅一樣麵包作底餡料舖面的兩款剛好賣完，所以便買了一個我們常吃到餡餅模樣的淑女餅──大概是因為這款餅的餡料通通收在麵包裡而得名吧！這餅厚約兩吋，以豬肉和菜甫為主的餡料卻佔了吋半，材料十足。餅很香，但湊近鼻子時，傳來的卻是豬肉的原始臊味──在香港土生土長，差點忘了豬肉也是帶臊的。個人並不喜歡肉的臊味，但這餅的味道卻又不難接受，那口味，十足是國內北方街頭小吃的味道。配合那雖然薄但卻鬆軟的包，和著包微甜的味道，確實好吃！雖然有點油膩（滿是肉，也難免），不過已盤算甚麼時候再試試其餘兩款了！

在附近有event,老闆叫人買了這裏的燒餅慰勞大家. 吃時還熱辣辣,應該是豬肉餡,加上蔥花芝麻和少少香料辣辣地,都幾惹味,唔係太肚餓都輕易搞掂. 不過都幾油膩. 可以一試~

買了一個土家燒餅$10,因為之前食左LUNCH仲好飽,只好回家才吃啦.雖然已經凍了,不過估不到竟然仲好好味,土家燒餅好像一個中式MINI PIZZA,中間部份好似豬肉餅(面頭有D蔥花),都幾搞笑,食落口的感覺好鬆軟,好香,我就很喜歡中間D肉嘅味道,我一直以為是羊肉,好D"SO SO地",仲有D調味料都好特別,但我唔肯定是不是"迴香"的味道,味道似向深圳食嗰D羊肉串.本來我想買淑女燒飯和牙擦鬚餅,不過賣野個亞姐話第一次試...食土家燒餅啦,二話不說就入了一個土家燒餅落袋,不過她的確係好介紹,如再路經,一定會再買黎食.很抱歉,凈係影了個紙袋,忘了影低個燒餅個樣....

響隔離掃緊八爪魚丸之際，一群人堆在土家燒餅皇門口，八卦食睇睇，原來出左新野.. 唔怪之得啦。之前食既係土家燒餅($10-)，有d 似pizza 既批底，但就比pizza 乾身，鬆軟。上面放左豬肉碎、蔥、白芝麻，d 芝麻好香口。不過問題係比較油。而今日見到出左兩款新野- 淑女燒飯($5-) 同牙擦鬚餅($5-)，呢兩款應該係甜的，但我只係試左牙擦鬚餅。係有d 酥餅包住紅豆餡，唔油，不過甜左少少，但都幾好味。

在中國其實已很流行，在香港見的是第一間，當然要試試，食物很多時都講：「色、香、味俱全」就是好食物，這店子土家燒餅王果然名不虛傳，賣相不錯的中式Pizza，香味更撲鼻，豬肉、香蔥、芝麻再加少少辣，配合得很好，值得推介。

個燒餅太油膩啦，d料淨係得豬肉同少訐蔥，唔夠西式pizza多元化!

經過見到舖頭名想起openrice有介紹過, 所以忍唔住買件回家食. 回家個燒餅已經凍左, 不過都唔差. 個餅本身有少少辣味.不過d肉料幾多汁咁, 可能佢地用料都新鮮有關啦. 我估即時食仲好味. 個餅係用烤所以唔會有油膩感...唔錯.值得一試.

土家燒餅既製作工序以至味道，都好P Hut feel。首先係個樣：除o左餡料唔同之外，大致係P Hut 迷你批既無邊迷你版。跟住係個餅底：由於個餅o岩o岩「出世」，所以似P Hut 普通批底。餡呢，係豬肉餅、香蔥同芝麻。有乜特別？o係塊肉餅度：新鮮出爐當然熱辣辣，但佢仲有七味粉o個隻「熱辣辣」，同埋香蔥花中間係夾雜o左大蒜絲既。肉質新鮮、熱香餅底、味道幾獨家，可以一試。不過，我諗我下次都係試佢個有四層豆沙既牙擦蘇批。

尋晚搵嘢食其間, 經過呢間舖, 醒起有網友話呢間d燒餅好食, 即刻買番件, 阿姐好好人, 佢話呢盤凍咗, 等多一陣啦另一盤就快出爐. (咦, 咁呢盤點算....)果然好快就有, 阿姐見到我地兩個人又會問你駛唔駛一開二, 不過奇怪, 點解完全聞唔到有香味? 不過當裝咗落個袋, 然後再聞, 嘩!, 好香呀, 一咬, 正! 雖然材料唔係好豐富, 但個餅就有少少辣, 好惹味, 邊位雖然冇餡, 但就食到好香嘅芝麻味只係$10已經可以令到你好開心, 好過食成百幾蚊又唔好食嘅上海嘢, 唯一唔好嘅係只有一種味道行開旺角嘅不妨試吓啦

3月6日21:00喝完肉骨茶，吃過熱狗，滿足地離開了旺角熟食中心。雖然已飽飽，仍忍不住要到登打士街"聞一聞"臭豆腐，看一看喀什米爾高人造薄餅，才願回家。最後被這店飄來的烤餅香味吸引了，肚飽不能再容納整塊餅，幸好有試食，選了最少的一角。飽：色金黃、香、鬆、軟，餅底不會像Pizza般脆或硬。餡料：咖哩牛肉，香濃，餡料是Pizza 一樣，放在餅面。有機會一定會正式賣一件(HK$10.-)來吃。題外話：不知是好奇心重，還是自己實在太八卦。忍不住在search engine 打入"土家燒餅"嘩！在國內原來已響噹噹，令很多人發財了。唉！港燦始終是港燦^m^http://news.sina.com.hk/cgi-bin/news/show_news.cgi?date=2006-01-21&type=china&id=1700695&ct=china