萬和茶餐廳 (已結業)

一心想食一餐好好味0既下午茶. 叫左個下午茶餐. 榨菜肉絲蛋米$20包熱飲. 但份量少到食完冇感覺, 又咸.跟住用$12加左一個蛋治烘底. 哇~ 個三文治仲薄過嘉頓面包, 入面0既蛋睇上去只有半只蛋咁少. 真係從來都未試過一間茶餐廳0既$12蛋治係咁奀0既.

朝早要去上環文娛中心開硏討會，事前和同事到附近的茶餐廳整番個早餐叉足電才上去。我要了早餐B，即漢堡扒火腿煎蛋；而同事就要火腿通粉的那款早餐。早餐B好細份，只有一小塊漢堡扒、一片火腿、煎蛋和多士，及一杯飲品，照例我選了熱檸茶。漢堡扒和火腿等行貨冇話好定唔好，煎蛋就幾唔掂，賣相和實際都冇分。這樣一份小小的早餐要收人$19，我認為唔值。

昨晚(1/9)一行八人又去這間餐廳，但係都覺得座位不太舒服，正正就是港式餐廳賣點。雖則話八人，但叫餐叫五份已經可以，食物如下：１．蕃茄燴紅衫魚餐２．翠玉瓜粉絲蝦米餐３．豆腐雞鍋餐４．泰醬豬扒餐５．炒時菜餐６．五碗白飯７．幾杯凍飲蕃茄紅衫魚不錯，雖則家常便飯貨色，但紅衫魚是不錯，煎得香口，伴以鮮蕃茄，入味。翠玉瓜爽脆，不會太腍口，有粉絲及蝦米出味。豆腐係炸豆腐，雞肉以粒上。泰醬豬扒都不錯，豬扒鬆軟，醬汁醒胃，而炒時菜都不錯。合計$210，扺食好味，上環區算是可以，可能日後要經常幫襯。後話：基於日後可能經常出入於此地，故此係時候諗下有無其他食店取代，我都想試下尚興或兩興。

同幾個同學來個賽後檢討, 原本想去生記, 但佢地個個都唔想行咁遠, 就行到呢度停腳入左佢, 我點食物前巳做定心理準備, 呢度d野都只係ok面, 諗來諗去就叫左個好簡單o既星洲炒米($30), 再加多杯紅豆冰($15)。 D米粉呀！辣味冇嘜, 話佢硬到食唔落又唔係, 食過咁多間都少有咁硬, 仲要加埋杯絕配韌皮紅豆冰, d冰未溶巳覺無俚味道, 唔掂！

昨天(18/8)幾個人落黎食野，充充電，然後準備做野。有人剩飲，有人叫碟頭飯加飲品，其餘的又唔係太肚餓，所以叫了兩個套餐加飲品（凍熱都加$2)，椒鹽鮮魷($40)及蘿白炆牛腩餐($40)，送上例湯及白飯，不知是故意還是俾錯，兩個餐三碗白飯，碗飯好鬼大碗，所以四個人都可以夠分。講講例湯，青紅蘿蔔豬骨，好大碗，好多料，飲落去好夠味，唔知有無大師傅出場呢？鮮魷都幾大碟，魷魚新鮮即炸，唔會似放好耐，點很多脆漿的那種，我最怕食落口太厚的脆漿。至於蘿白炆牛腩，蘿白不是大腍係預左，我相信好多出去食的地方唔會好似係屋企阿媽煮得咁腍，咁軟身。但求有些少咬口，些少腍就算啦。牛腩都算入味，但牛腩既質素仍有待改善，期望日後還會有進步。環境及服務態度就一如既往的茶餐廳，「手指夾茶」既絕技當然唔少得，「快手快腳」亦唔在講，但睇番之前食評的介紹，亦會多加一分體諒，人地都係打工，但求唔太過份都當見唔到啦。

經常路過這間茶餐廳,但未試過它的午餐。見有位,於是一試。午餐廿八元跟湯或茶,要了一個葡國雞飯,大路貨色,都OK;餐飲熱奶茶,有茶味,茶餐廳水準之上,除了座位不舒適及勁多人之外都唔錯。

奶茶西多下午茶, 五分鐘內黎齊所有野, 嘜都唔駛評, 因為巳經滿足到我趕時間要快快快o既要求。

兩個人揀左兩個小菜套餐.例湯好好飲不過唔知有冇放味精魚香茄子煲一開蓋好香好香, 茄子冇煮到淋哂又不會一啖油咬哂出黎. 仲有個涼瓜肉排, 朋友話涼瓜唔夠淋, 我就覺得差唔多, 而且不會話好甘, 岩其他唔太喜食涼瓜既人反而肉排我就只係食左一兩舊, 可能自己對肉麻麻地不過碗絲苗白飯我就覺得硬左少少.兩個送份量都幾多, 一男一女都食唔哂呀！

星期日要來上環返學, 一行七個女仔, 可以揀的地方唔多, 結果來左呢度.經過一輪七咀八舌之後, 叫左兩個午餐加三碟炒粉麵. 效率高, 食物質素幾好, 頭尾唔夠半個鐘就搞掂(反正我地亦趕時間), 平均個碟粉麵都係三四十蚊, 每人廿幾走得.題外話:今日睇報紙, 俾人偷麵包的就係呢間茶餐廳, 原來個老闆幾好人, 願意俾機會一些改過自生的人. 唔怪得我見他們的伙計都係後生仔多(有D染金毛添, 但我唔係岐視), 但都幾有禮貌.

夜晚要開夜趕工,未夠七點落去公司附近食d野再做過,雖然唔算夜,但呢個鐘數响上環想搵間未關門既茶餐廳都唔易,記得呢間好似無論幾時都有開,就同同事黎醫肚呢度有齊一般茶餐廰食物,連焗飯同鐵板都有,見佢茶餐至六點半,隨口問下仲可唔可以叫,侍應哥哥爽快回應"可以!我話得就得!" 於是叫左沙爹牛肉包,同事就要左雞脾沙律同豬扒火腿檬,位位$22包飲品我個包包熱辣辣,但沙爹牛肉味道麻麻,沙爹汁又係太甜(好邪~點解今日食既沙爹都係得個甜字?),不過份量都唔少. 同事話個沙律唔錯,另外碗檬粉睇落都ok仲好大碗.雖然食物都係普普通通,但對於响上環返工既人黎講,有時開工做到半夜仲有間茶記可以食下野已經好難得, 加上見佢貼住話星期日同公眾假期都照開,真正全年無休,都可說是造福附近居民同上班族!

我住在上環，是萬和的常客。這間食店的確不錯，中食品都好食。

午飯時間, 呢頭落單, 真係轉個頭就0黎飲料!! 快到你唔信! 仲有伙記好團結!! 效率一流!!

佢d小炒同午餐都好好食,又抵,下次行開上環,又唔想食m記,可以試下丫~佢d小菜都好夠鑊氣,而且又大碟~唔錯0既選擇呢!

呢度地方幾大，除左一般茶餐廳食物外，仲有炒粉麵同蒸飯套餐如蒸鯇魚、咸魚肉餅飯等供應。食物雖然無咩特色，但就好夜都有得食，有次十一點幾在附近搵食，四周都全收舖得呢度仲開緊，炒左碟星州米，味道還在其次，起碼仲有得食。

You can take both chinese and western crusine in this restaurant. The dish size is good enough and sold at reaonable price level.