影片
薩莉亞性價比真係唔錯！周打海鮮湯，$14 蚊，個湯味好濃郁口感醇厚，好開胃👍雞肉焗肉醬意粉，$35 蚊。意粉煮得啱啱好，唔軟唔硬，肉醬酸甜同肉香夾得好正，雞肉又嫩，正！洋蔥蒜蓉漢堡配雞翼歐陸腸，$60 蚊。洋蔥蒜蓉香氣融入漢堡，層次豐富。雞翼烤到金黃，皮脆肉嫩，歐陸腸咸香，配白飯一流。佛卡夏 (原味意式麵包)，$10 蚊，外皮有啲脆，入面軟熟有韌性，麥香好正。莎樂美腸薄餅加雙重芝士（加$6 蚊），餅底脆卜卜，莎樂美腸同芝士香氣融合，芝士控必愛。意大利布甸，$15 蚊。布甸口感滑捋捋，奶香味濃，甜度啱啱好，食完飯食個甜品，正。套餐 B 嘅田園沙律配日式胡麻沙律醬，蔬菜新鮮，胡麻醬香濃。飲品吧可以任飲，都幾正。總嘅嚟講，薩莉亞呢餐味道唔錯，價錢親民，環境同服務都中規中矩，日常食飯係個好選擇，下次仲想試下其他嘢！
繼續閱讀
嗰日要去學校做啲嘢，放lunch嘅時候附近冇嘢好食，入咗良景邨商場見到有薩莉亞，我諗我有五年冇食過，又唔使等位嘅情況下我揀咗入去食首先都係QR code落單，開心嘅係佢有一本實體餐牌，對我嚟講有實體餐牌好大意義，同滿足感，有時我要揭餐牌我先知自己食咩，就咁睇電話我未必諗得到……揀咗最簡單嘅溫泉蛋卡邦尼意粉麻麻哋，因為太多汁，意粉好少，煙肉好鹹，成口汁，食得好唔舒服飲品我都冇叫，淨係飲水因為太口渴，我諗我都短期內唔會再食
繼續閱讀