菲律賓會 - 無國界食點 (已結業)

個個都話呢度環境好,我唔會反對。野食唔好食,咪最多下次唔再藜, 食得幾多錢丫,唔再藜, 已經是他們極大損失啦。但講到服務態度,就另人要鬧足三日三夜。今時今日重可以生存簡直是奇蹟。個黑臉亞伯老板,淨係識同你計數如何收錢,想同他講多兩句都話要收錢呀。佢話時間寶貴,唔好講咁多,阻佢做生意。咁我家陣咪在呢度講囉!

之前聽到商台推介此餐廳,什麼市區中唯一的燒烤場,有草地、環境清優,便想去試。後來上網睇! 嘩! 好似唔係咁多好評,於是更加想去睇真D 。最後約了3個friend 一齊去。可能無期望,便無失望。HK$98.00的價錢,任飲任食,一切意料之中。但那份如置身成市綠洲的感覺,反成為整晚的bonus。晴空朗月底下,能與三數知己無拘無束,放懷高談闊論,這種地方不易找。

我覺得li間會所一d 都唔差.....環境好好,就算放左工幾辛苦...去到就會relex哂。食物既用料新鮮同埋多款式...例如牛排咁...燒完之後仲覺得有好多肉汁。坐位雖然有少少狹窄,但係就夠哂熱鬧。最重要一提既就係服務態度一流!!!!!!!收費方面$98.....簡直平~靚~正~就算妳自己係屋企妳都整唔到..仲任飲任食添...咁平妳仲想去邊度搵!!不過我次次去到都冇哂位...所以如果你地想去既話...我就叫妳地最好book定位喇!!!

今日公司0係度攪左個party~原來是0係佐敦有個bbq場,環境一流只係98蚊,任飲啤酒汽水紅x堂0茶等食物ok多..總知係大排檔價錢~~唔知點解有人會投訴^^"||||||

這個燒烤埸位於京士柏的菲律賓會裡, 環境尚算唔錯, 四周開陽.但其他方面就差了,地方: 狹窄, 同隔離台的人背貼背的食物: 少同埋冇味的, 數盡得雞, 牛, 豬, 腸仔, 魷魚頭, 多春魚, 秋刀魚, 粟米, 番薯, 麵包飲品: 少, 得啤酒, 汽水

好後悔冇O係去之前黎睇睇大家O既posts !!!話說睇到廣告, 諗住尋晚一大班朋友(成10個人)去o個度BBQ, 一個星期前已經book 左位, 菲律賓會o個邊亦都早一日double confirm. 點知去到時, 佢只係比左張只容納到5個人的細table, 個爐就正正o係隔離, o個度環境好好狹窄, 差唔多同後面o個table d 人背對背住, 10個人坐5個人table..附近又唔係有好多spare 位行下企下, 我地當然唔肯... 所以要求佢'拍'埋隔離張細table比我地..令到大d, o個度職員拒絕, 反而叫我地加多$10 坐o係另一度好d o既地方!!!!! 第一, 我地晨早book 左咁多位, 佢應該預張大table比我地, 唔夠位就唔應該接咁多booking/order !! 佢另一邊(貴d o個邊) 仲有好多位, 而家佢地做錯, 仲要我地每人加多$10...offer我地坐o個邊...我地當然唔肯, 已經一肚氣又要加$!!! 第二, 佢見我地不斷投訴, 怕我地影響到其他客, 就快快比番$ 我地趕我地走咁, 一點歉疚都沒有!!! 慘過我地係去乞食咁!!!其實途中也聽到

野食款式少,唔好食員工態度差,場地細,一個字講哂差! 未去過的朋友千萬不要去! 去過你一定會好飽!...成肚都係氣!...

我想回應有位客人係9月26日去過此處燒烤既朋友, 簡直開口說夢話, 有秋刀魚同羊仔脾? 本人都係呢日係此處, 但係就一d 都見唔到有, d 野食仲係得豬扒, 腸仔, 魚蛋, 牛扒同咖哩魷魚呢d, 仲唔係yip得唔好味, 我真係覺得以上個位小姐係果度派上黎寫既, 果d 侍應既態度只可以用劉德華果句黎形容佢地" 今時今日既服務態度, 你地真係好差" 果晚仲有客同佢地嘈, 果班客人係岩架, 真係唔明人地開左既野飲, 一夠鐘就收走人, 之後當然係比人嘈啦, 個老闆同d侍應真係令人嘆為觀止, 佢地話" 只能3個鐘, 夠鍾就要收走, 態度惡劣, sorry 一聲都費事" 咁既質數真係想要人再去都難!大家都係消費者, 咩事要比$98蚊你食d咁既野, 仲要受你地d 咁既服務...所以咪攪以後請都唔去!

係市區, 覺得$98 食bbq 都ok 啦, 前幾日便同朋友一同去, 發覺食物質素好差, 見唔到有秋刀魚或者青口, 唔通食呢d 要撞彩數!? o個個所謂沙律吧, 得一兜粟米薯仔沙律咁大把, 仲要遲遲先出來, d 薯仔切到好似粟米咁細粒, d 沙律醬好似水咁, 淡'某某',冇味! d 雞中翼好細隻, 係街市都未必買到咁細隻! d 扒整得好咸, d 腸仔又係好咸! d 食物數埋十樣左右已經包埋粟米同蕃薯. 成十個人都係得一個爐, 個爐又細, 同時只可以兩個人企o係前面燒, 有賓賓就帶埋去就最好, 如果唔係, 就兩個人燒比十個人食, 有牌都食唔飽. 好彩有d 面包燒, 頂肚, 唔係就有排等.就夠鐘就問你加唔加鐘,咁o既情形梗係唔加啦,另外出去食糖水好過.一話唔加鐘, 就黑晒口面, 就同d 伙記講,執執我o地張, 等我o地坐得舒服d, 然後就一浸風咁, 執走晒我o地d 用開o既碟同刀叉, 即係叫我o地唔好再食啦!! 比$98 食d 咁o既食物, 又要好似企咁燒, 又要受d 咁o既services ... 一定唔會有下次幫襯呀!!

由於地點方便，上星期同朋友一行八人於三號風球下到此BBQ，點知換來一肚氣。食物款式少，沙律bar選擇少得可憐，其中兩個朋友發現所供應魚蛋竟然酸架，變壞都供應，完全不知所謂。無論你有幾多人都只得一包細炭，唔夠炭竟然要額外收費，但從來無提及，even佢地個網址都無話過炭要收錢，完全取巧。$98得咁o既食物，仲有邊個會支付額外$20作每人每小時加時費用呀! 所以根本無人會加時，所有人夠三小時就鬆人。查詢時仲講到幾多人去，唉......根本當日都唔算好多人呀! 起碼已經無人等，仲只得三小時，時間太短。尙餘三十分鐘便查詢大家是否需要加時，當大家表明不加時，職員己即黑面。估唔到尙餘五分鐘夠鐘已經唔淮開飲品，仲要話開飲埋去，未開唔好開，又未夠鐘，我地又口渴，點解唔飲得，我地當然無理會佢地呢d無理要求。時間一到仲離譜，同一時間四、五個人一齊淸理面所有食物，話之你食完未，簡直嘆為觀止。就算你飲緊o既飲品，一放低即扔掉，根本大家未飽都唔准你食，燒好未食o既食物照掉，完全浪費食物及飲品。我去過香港咁多個燒烤場，呢度絶對係一大奇景。完全沒有投訴機會，沒有投訴電話，因為無人會理會你投訴。你有你鬧，佢地態度照舊，

前幾日同6,7個同事去呢度bbq,收工由中環去半個鐘都唔使,一去度先知原來0係會所入面,唔算好豪華但感覺唔會好似係d郊區bbq場咁塌塌~ !任飲任食3個鐘,啤酒汽水仲有0茶/0蜜..全部獨立包裝~唔係汽水機果d,d野食款數一般~平時燒野食食果d都有,另人意外既係有呢個豬仔脾(我出面未見過)秋刀魚同青口,而且有蒜蓉法包,唔係其他場只係用方包,燒出黎特別脆..98蚊原來冇加一又冇雜費..其實6,7個人食個零鐘乜都飽~期間仲同d侍應吹下水~話人多d可以預訂燒乳豬~好似幾得意,下次book果陣都想試下,d侍應全部都係後生仔女,服務中上~~其實98蚊都唔使要求d乜,反正都係自助既~順帶一提,個廁所好乾淨,紙巾都有,唔使專登拎住去,最後走果陣搭taxi出旺角仲唔使跳標添~~值得推介~!!

睇雜誌廣告見到呢度任飲任食ｂｂｑ$９８，又係佐敦，於是去試。點知去到見到ｄ燒烤料款式少到暈，夾埋得果１０款左右，連棉花糖都無。枝裝汽水就的確任飲。＄９８包燒３ｈｒ但燒到一半已經無咩好燒。