華輝小食 (已搬遷) 新店位置

服務態度極差，我只係多口問多句，就大大聲串番我，好似欠左佢咁！咩態度？如果唔想做就關門大吉啦，對個個客都黑口黑面咁！呢2年d服務質素越嚟越差！食物方面: 黐飯係凍既又細份，兩啖就食完，重要無咩餡。。。可能放左全日個芯有dd酸味。手撕雞一個字形容: 咸！ ！ ！ d腸粉又唔係新鮮，一舊舊痴埋哂，好似放左幾日咁。環境方面: 唔太衛生，收完錢就掂d食物比客。望住個呀姐掂完個口罩直接掂落d雞到😨😰呢下真係以後都唔洗幫襯。。。

搬店前幫襯過一兩次咁岩經過大圍 來回味一下 價錢都不算通脹太多 雞肉份量明顯減少了 以前記得一打開係裝滿滿的狀態 雞絲一早備好冷藏 雞味自然不太有 叫麻中辣 辣度相地低一級 麻完全唔覺有好食真係靠麻醬既花生味 最大問題出在 睇個場有d似家庭生意 樓面阿嬋 可能係老板娘? 親戚?不斷機械式重複要量體溫 做安心出行已經量左掃左 又問多次 煩度十足外來飲品或食物要自己清走 可以理解 但佢地店鋪既 發泡膠盒 食完都自己清? 使唔使咁慳人手 乾脆寫所有東西都自己清好了 何需分外來定店內 總結 來食一次半次還好 味道未至於值得受佢地氣自己買支李x記麻醬 肯重手落多d 效果一樣

腸粉係滑嘅，不過啲雞鞋到扑街你話好好食咩，我又唔覺，真心普通住咗大圍咁多年都無聽過呢間嘢最近睇youtube見人介紹講到好食到乜咁唸住試下，點知中伏🤦🏻‍♀️手撕雞腸粉$35堅唔抵食我情願俾多幾蚊過隔離街食碗車仔麵都無咁嬲同埋態度勁差我行入去話外賣，阿姐問我食乜，我講咗腸粉跟住同我講“油水溫”，我話下？佢又答多我一次油水溫我話聽唔明你講乜，隔離阿叔出聲“佢叫你量體溫呀”我恍然大悟行去量體溫點知阿姐話“咁都聽唔明真係唔識點同你講”我就同佢講“你啲話咁難聽我真係聽唔明囉”收咗佢皮

今日同朋友經過大圍，見肚餓就搵d野食啦。由於就到晚飯時間，就諗住食d小食填下肚。路經華輝小食，就決定買個手撕雞腸粉試下。個女收銀員點餐時勁侮氣，唔單知我，我等餐期間發現佢對後面排隊買野既食客都態度好差。其實過門都係客，洗唔洗咁既待客之道丫！？由於間舖好細，得幾張枱又冇空位，我只好選擇外賣。試完個手撕雞腸粉之後，發現不外如是。。。手撕雞唔係嫩滑之餘仲冇雞味，d腸粉又唔滑又唔彈牙。總結：咁差既食物質素同服務態度，真係唔會再去!

話說我係網上見到有網友介紹呢間「華輝小食」，所以諗住去試一試，睇下係唔係真係咁好食，點知係大伏！先講佢既食物質素 ：手撕雞腸粉係佢的名物，但其實手撕雞腸粉味道十分差，手撕雞很鞋口，唔滑，仲要冇雞味。d醬汁又稀到好似水咁，腸粉亦都唔滑，仲唔太新鮮，有一陣陣酸宿味。而且店舖的服務態度十分差劣，收銀個女員工十分冇禮貌，黑口黑面。餐廳的面積亦很小，只有幾張細枱。咁差既餐廳真係第一次見，完全係名不符實，絕對冇下次！

聽人講咗好耐嘅名物，咁啱經過決定去試下，門口menu有啲混亂，左黐右黐咁，有啲內容係重複咗，唔係街坊食開嘅要花啲時間睇，12點幾唔洗排隊，但阿姐落單嘅時候都好似好唔耐煩咁。嗌咗雞絲腸粉(小辣)同粢飯，小辣比我想像中辣，幾香口，雞絲同腸粉都係正常發揮冇乜特別，賣35蚊覺得有啲偏貴。見到粢飯都話係特別推介，15蚊又唔係好貴就買嚟試下，原來size偏細，咬咗兩啖都未食到有餡，再大啖咬終於食到，榨菜肉鬆冇乜味量都係極少，油炸鬼完全唔脆，原本唔想嘥嘢，但真係放唔入口最後冇食晒就放棄咗。

原本以為是「大圍名物」，豈知卻是一場笑話。看過網絡很多推大圍華輝小食的介紹，慕名而來，金色圓珠片招牌，以為去了砵蘭街夜店，還要是80年代feel，搭配紅地磗根本是格格不入，裝修簡單看出是慳錢之作。店家嚴格而言不是餐廳，只是街邊檔口放在地舖，裝修不倫不類是次要，回歸食物才是最重要。招牌手撕鷄經常被吹到天上有地下無，眾所周知，香港鷄隻絕大部分係大6鷄，中央屠宰後雪一輸到店舖入貨，都不知是幾多干天後，唔新鮮嘅鷄最好煮熟用濃烈醬汁遮蓋雪味，成本高嘅用晒鷄脾肉，鷄胸肉做炸鷄塊，這間店並非真正茶餐餐，只是小食格局，鷄肉有軟有硬，明顯是鷄胸混搭鷄肉，所以一口食落是軟腍，接著又來一口硬樹枝，感覺好奇心怪。店家自稱秘製醬汁，但食落有強油益怪味，化學油影子太濃烈，如果店家純粹用超市品牌醬油，可能效果會好過自己做，話晒大廠出品醬油叫有聲譽。結論係所謂「大圍名物」原來只是一場笑話，唔通任何店舖都可以自稱「名物」，還是名物呢個辭已經變質，不再打動人心。一百個失望而回。

黎大圍必食的小店，今天冇叫手撕雞腸粉轉左叫營多撈麵加底，呢度的辣度除咗本身indome的醬外仲加左自家辣醬，由BB辣到地獄級都有，叫中辣對我黎講已經好辣🤣🤣🤣 一份只係$45，雞肉既份量對我來講都ok😎雞肉夠嫩滑，雞皮薄得黎晶凝通透好似食緊水晶粉一樣，加埋芝麻香味十足，下次一定要試埋個手撕雞芝麻醬腸粉😋

本身以為無堂食，所以就選擇外賣叫左個芫茜手撕雞飯，芫茜份量又真係幾多，但就好重麻油味叫左少辣，所以辣都算正常小辣仲要送罐裝飲品。整體來講普普通通，有必於平時食嘅手撕雞味道。

本來位於「大圍」「積福街」跟「積壽里」的港式食店「華輝小食」，「華輝小食」製造出來的食品跟飲品實際售價價錢便宜，足夠讓我享用到一餐價位極之實惠，性價比頗高的晚餐。可惜「華輝小食」沒有跟隨大部分食店的選擇，在下午六點鐘之後繼續設置「晚餐時間」，反而堅持一到下午六點，就立刻停止為食客提供堂食。其實「華輝小食」本來可以像其他食店一樣，在店門入口設置資料收集箱和手寫表格，讓食客自行填寫個人資料登記，就可以在晚上享用堂食。「華輝小食」最後卻偏偏選擇了一種，我個人認為比較固執的做法，堅持拒絕在下午六點鐘之後提供晚市堂食，令我無法在晚餐時間，享用到「華輝小食」製造的「牛腩飯」、「炸雞扒」跟「滷水雞髀」食品。而且我在「華輝小食」裡面，即使購買外賣自取晚餐食品，坐港鐵跟小巴攜帶食品返回「西貢」，食品實際溫度也只會因為時間而冷卻，無法食到「華輝小食」的新鮮滾熱辣的「牛腩飯」食品。其實「華輝小食」食店裡面除了沒有電視機之外，食店樓面的座位檯櫈實際數目也不算少，廚房實際上的準備和製作食品所需要的時間不算很長。如果我可以在六點後，享用「華輝小食」晚餐堂食，包括「牛腩飯」、「手撕雞」和「水蜜桃紅茶」飲品的話，「華

食肆最講求質素，創意次之。多點運用腦筋思考新菜式，發揮創意，與別不同，往往能有意外驚喜，制作出一份又一份的地區名菜。例如長洲小店巧妙地將糯米糰包裹厚切芒果肉，使兩種普通材料順然地揉合，成就現時馳名全港的長洲香芒特大糯米糍。這兒大圍「華輝小食」，店家同樣相同方法。以A+B，兩種截然不同食材「腸粉」及「手撕雞」創意合拼，成功制作了一份地區代表小吃。聞說大圍宵夜小食檔特多，周末晚上十時驅車前來。車泊在食街，下車繞了幾圈，發現被騙了。只有粥店火鍋店糖水店夜欄店，小食店才三四間，更都是龍津之流。賣的小吃也甚為普通，魚旦燒賣腸粉煎釀四寶等等。我敢說任何一區的走鬼小販檔食物類別更多元化，大圍不值為宵夜來一躺。正當嘆息離開之際，發現隱蔽的「華輝小食」門外人流聚集，等待外賣。它位處一隅，遠離中心旺段，甚難發現。門外招紙手撕雞腸粉廣告設計十分醒目。雖非專業大公司手筆，圖片亦四四方方突兀插入，但內容總算清晰容易理解。介紹自己所賣是大圍獨有小吃，確實無誤。坊間的腸粉檔都是簡單小店，陳設粗疏，電熱蒸爐再加外購的腸粉燒賣粉菓，配上李錦記甜麻醬料即能開檔。它們地方淺窄，不像「華輝小食」般千來多呎地方用來煮雞醃雞拆肉

去開大圍踩單車，經過見到有出名嘅手撕雞腸粉，梗係要試吓啦！雞絲分量唔算多，腸粉都算熱，啲醬加埋就冇想像中咁好食，不過不失！下次未必會試😬😬因為價錢都唔算平！

🐔手撕雞腸粉 $35講咗好耐終於去食嘅手撕雞！繼林園之後又係一間對係大圍讀中學嘅我哋嚟講嘅回憶呀😭！諗起以前Study leave冇lunch食同學仔就買咗盒俾我嘅往事🥰😂而家再食感覺好似比以前仲大份足料咗，食完一份真係好飽🤰🏻腸粉同雞肉口感都滑，兩者分開食未到話好特別但加埋醬成件事就好惹味😋但溫馨提示！啲醬都真係好多同幾濃味吓、唔係重口味嘅建議可以嗌少醬？同埋我叫小辣已經鹹到腎虧咁😂（bb辣就冇事～）

太耐無響Openrice 留言，乜依家要寫夠200字先可以比喊喊，但為左唔好有人再中伏，我決定寫夠200字，哈哈哈哈。路過見有餈飯賣，寫到限量發售，以為好正，$15個餈飯，點知一望到真身就知出事。餈飯凍都算，餈飯變左一團粉，一餅野，難食，永不再幫襯。得肉鬆同炸菜最正常，油炸鬼都係淋嘅。新正頭，收銀果位呀姐無乜禮貌，唔係要你笑面迎人，但都唔好好似機械人第一句：「要乜？」然後買完野嘅過程就再無第二句了。

大圍。一路都係一個好隔涉嘅地方。你唔會無啦啦走入去大圍度行街。即使係你都會走過去隔離沙田行新城市廣場。而唔選擇大圍呢度。對我來講。入得大圍有兩個目的。第一就係住喺大圍嘅人。第二就係入嚟踩單車嘅人。咁我當然係後者啦。幾年前係佢未搬之前食過呢度嘅手撕雞腸粉。當時覺得好好食。所以既然今日難得再入嚟咁就再照試多次啦。雖然佢搬咗舖頭但係亦都唔算難搵。即刻叫返個手撕雞腸粉先。未到同我幾年前食嘅一樣。雞絲好滑。醬汁亦都好有味道。如果大家咁啱入嚟大圍嘅話。記得過嚟試吓啦。