華豐海鮮菜館

營業中

休息中

肚餓諗住入去食吓嘢，首先啤酒唔夠凍！我哋三個人就叫咗一碟炸大腸（裏面有雞軟骨同埋幾舊椒鹽鮮魷）一食咗嚿豬大腸，好大陣「尿餲味」😵‍💫我哋再叫咗碟黑椒薯仔牛柳粒！呢碟嘢只係形容為維持生命！另外一碟係酸梅一字骨，好似烚完啲骨淋啲汁上去！最離譜係裏面嘅客人喺度食煙店員好像容許佢地可以食煙服務態度：1分食物質素：俾唔到分！衛生環境：1分總結：貼錢買難受！

今晚喺華豐食宵夜，一坐低老闆拎壼熱茶俾我，我就洗一下餐具，之後點菜，叫啤酒，完全冇飲過d茶。食飽埋單，點知同記錄卡不符，原來壼茶要收錢。吓。。。我真係未聽過大排檔要收茶錢，而且一直沒有在記錄卡上寫明，如果唔問佢，完全唔提有茶錢呢件事，我覺得很難接受，不如建議佢收埋加一啦！如果大家去依度食飯記住要查清楚單

同同事21:30去食飯自己埋埋枱坐，可能攰啦，啲姐姐個樣黑口黑面咁，到叫嘢食，係咁叫你叫海鮮，冇問題嘅，問返佢價錢又答到模棱兩可，白灼墨魚，叫佢俾隻細嘅得啦，拎入嚟喺你面前望一望就去整，出去睇，點知又係比隻大嘅你，黃金蝦，7個人叫你嗌兩斤，好在減一減斤半，問佢幾錢一斤，佢話有限錢，埋單碟蝦成五舊水，其實如果啲嘢好食都冇乜問題，但係叫咗八樣，冇嘢好食🤤啤酒姐姐啲服務仲好過佢地我直接同阿姐講，我哋以後唔會再嚟

沒有冬菇的羊腩煲,羊肉唔肥美得排骨係羊肉煲沒有膏的椒鹽瀨尿BB蝦奇怪的焗魚腸,啖啖都食緊薑絲同陳皮唯一係得碟雞油豆苗好食的連賣俾我哋支梅酒都過咗期七個月,好彩冇屙嘔絕對唔會再去

今晚約咗老友敍舊去咗觀塘老店 "華豐海鮮菜館" 啤一啤, 位於宜安街, 好多觀塘友都知定.... 一坐低就叫咗一個沙薑雞腳， 小炒王， 焦糖雞中翼同埋脆香豬手招牌下酒菜。 老實講每一碟餸份量幾精緻, 但味道一絕, 尤其係沙薑雞腳, 油鹽水煮已經好夠味加埋佢特製嘅沙薑, 真係味道超正😋。 小炒王就炒得比較油膩啲, 但味道都ok。 另外, 焦糖雞中翼,味道不錯甜度ok... 可惜雞翼炸得唔夠脆同埋比較細隻。 我自己覺得隻豬手真係值得食, 炸到外脆內軟配埋蜜糖芥末, 配搭得好, 好食到停唔到口😋

服務態度超差，問多兩句就講粗口食物又貴又少，又唔新鮮喺嗰度做嘢嘅人，好似前世欠咗佢咁佢哋而家有生意做，就好好珍惜而家俾錢消費，仲有啲咁嘅態度對人香港嘅餐飲業，真係比呢啲人搞死晒好心佢哋認真考慮吓自己嘅態度先同埋佢哋嘅食物質素，香港就係比呢啲人連累到咁樣通街都係吉舖

食物真係好一般， 最緊要係服務態度非常之差， 老闆嘅態度都係非常差， 所以呢一間唔使去食， 我未見過啲老闆咁樣對待客人， 可能佢搵夠啦， 希望佢早日執笠， 換間新嘅上嚟可能會好啲

一間低級大排檔，由細到大都有間唔中食的，服務平時已經超級差了，侍應叫極都唔理你，又話整呢樣，又話整個樣，總要畀啲說話你聽。味道又不好，老闆見到知道，但係又唔理。已經知道係咁，習慣咗我都已經唔理佢了，但今一次無緣無故收了$19蚊, 吾知乜嘢餐桌費，唔出聲，收完錢到你問佢時，老闆佢先講，服務還超級差，唔問根本唔知無端端畀人收咗19蚊。你話每人收幾蚊茶錢，條氣都順啲，真係唔明嗰19蚊乜嘢餐桌費，點計出嚟，無下一次了，雖然食咗好多年，但都唔會畀機會了 ，唔會再嚟食

沙拉骨$89超大舊，其實可以再切開一半，因為隻碗細，唔夠位擺落碗裡面家鄉南乳小炒王$89韭菜嫩口唔會有渣，份量算多，腰果同菜甫配搭好搶飯。椒鹽三寶$89炸大腸、鮮魷、雞軟骨豬大腸不多，好似得三四舊椒鹽味唔係好重，So far so good

價錢貴，食物質素差 ，服務態度奇差 ，打邊爐 爐具殘舊不堪 ，落單樣樣都冇， 落單嘅阿嬸勁晦氣， 之後又話， 有排你等，你畀啲心機等啦 ，場內 大部份人食 煙，煙味聞到頭痛， 係一次勁差嘅晚餐，去投訴老闆叫我去報警 ，食物變壞照出 ，後加罐汽水， 就畀嗰啲阿姐鬧，你唔一次過叫曬，總之呢間嘢，唔會有下幫襯😤😤

尋晚一行九人去食飯，其實都成日去呢度食飯架啦！但係尋晚出現咗一碟叫芝士焗海蝦（伊麵底）$149.-，價錢冇問題，但係大家睇吓碟麵有幾大碟！有幾多隻蝦！衰D講呢碟嘢一個人都食得晒🤦🏻‍♂️攪到大家冇晒心情🤬八個大漢加一位女士，唔知每人分到幾多條麵，做生意做到咁！長期客仔同你say good bye 👋🏼

華豐係一間幫襯左小弟十幾年既老店。昨晚發生了一件事，實在令我不吐不快。 小弟叫了一碟蒜蓉蒸蝦 跟白飯。 老板話：例牌就6兩，可以加錢要8兩的。我：好吧，要8兩。埋單的時候，才發現 例牌6兩是99hkd,而8兩竟然是148hkd.份量多了33%,而價錢竟然不合理地貴了49%。我即時向老板投訴，而老板當時卻裝傻說： 好抵架！ 出面食碟油菜都要幾十蚊啦。老實說，食物質素可以接受的，不過不合理的價錢和老板當客人係傻仔既態度真的不能接受。我也是無語了。

多年未嚟過觀塘(近牛頭角) 既華豐食小菜，以前經常同娛樂圈朋友係度食飯，多年無嚟但水準依舊，係飲酒吹水食海鮮既好地方兩個人叫唔到好多嘢，小炒皇非常正路惹味，味道不錯，不過個人不太喜歡加叉燒，有點餸頭餸尾感覺，其他如魷魚蝦干等配料都不錯第一次油炸筍殼，炸到皮脆魚肉依然嫩滑，幾乎啖啖肉，配埋恰到好處既醬油超級美味食唔停，必叫推介椒鹽巨型瀨尿蝦，以重量計，鮮甜惹味，係價錢偏貴，但味道一流，如果叫埋白飯加上椒鹽蒜蓉撈飯一流

今日老豆約我食飯叫我諗食咩🤔我日日已經諗食咩午餐，依家連夜晚都要我諗，好苦惱姐🤡最後簡左去宜安街個邊食，細個成日去食，但已經無食好多年，所以…睇下佢既水準仲keep唔keep到，仲夠唔夠穫氣😂(其實係我唔想諗，求其簡）.椒鹽大蝦 $99蝦肉彈牙入味，不過就太多油 .豉汁蒸白鱔 $時價白鱔新鮮惹味，蒸得恰到好處，肉質柔嫩帶少少煙韌感.蒜蓉粉絲蒸蟶子 $時價份量都幾多，蟶子鮮甜再配上蒜蓉同粉絲好惹味，呢個配搭係絕配

運動完食餐飽🤨💪🏻結: 平民美食不同餸都係$89-129又係鑊氣小炒沒有邊個特別驚喜都是及格之上去開乎近都會一班人食下#小炒王#蠔餅#豬手#麻辣田雞#蒸蝦#華豐海鮮菜館