華記海鮮飯店

營業中

休息中

星期日天氣非常好，所以決定到大嶼山去行個簡單既路線，梅窩至貝澳。一心去梅窩食大排檔風味，點知無留意船期，去到送船尾，唯有食住小食等啦～最後1：45分先入到去梅窩。因在等船期間係咁食小食，去到華記都唔肚餓，但因為一早就諗住去，所以唔肚餓都照食，唯有叫少d野。兩個人坐露天位置，叫左椒鹽鮮魷同豉油皇炒面，佢味道唔錯，雖然餐牌價錢唔平，但係佢勝在無加一和茶錢，仲有海景，今餐200蚊有找，我覺得算係好優惠。值得去試！

無比較無傷害，昨晚福聚來姐姐服務殷勤細心，全部外賣都用錫紙包裹保溫，款款色香味俱全，相比華記姐姐較為冷淡，而且食物質素強差人意。限聚令下食肆執既執、暫定營業既暫停、晨早收檔既收檔，無啖好食！見到邊間有開門就是但外賣，不幸地難食到要倒左一半，抱歉地浪費食物，索價六百幾。白灼東風螺，淡如水無味道無鮮味，有微弱雪櫃味而且超級乾硬，烚到過晒火有三十成熟全部尾部都斷在內，疑似翻烚再翻烚，從來未試過難食得如此地步。蠔仔煎蛋餅，好多蠔殼要食得小心翼翼，聞落香噴噴，食落有蛋香有蠔味，調味略咸略重撈飯還可以。我都再三叮囑要走蔥，竟然蔥花跟蠔仔份量幾乎一樣，我要耐心地續粒挑走，挑完蔥都已經凍晒。蟹肉扒豆苗，大大棵的豆苗略厭粗糙及炒得有點泛黃，少少爽感免強食得到菜甜味。食落有不少蟹殼蟹骨，證明真的是生拆，但要邊食要邊吐，食到疾住疾住不能大口大口地品嚐，非常唔開心。啫啫排骨煲，排骨肉質霉得出奇，輕輕地啜已骨肉分離散筲筲，味道濃濁不香甜，厚厚的芡汁漿成一塊。用來吊味的豬膶超級乾鞋硬，試一片放棄。時菜海鮮豆腐湯，整餐飯最滿意最出色就是這個湯，魚湯香氣撲鼻，湯汁厚厚十分美味可口，熱辣辣灌入渾身暖笠笠，菜爽魚香豆腐彈

我今天和家人去華記食黃昏飯，其中叫了一碟蟹，當時魚缸只餘下3只蟹，店員說例牌288元有3只蟹，就是那三只，她也捉起給我看，但送上來時，就只有其中的一只是正常的，其餘兩只細很多，於是我問剛才說是缸內的三只蟹，但現在為什麼還有2只，碟上的不是剛才說好那三只！店員從魚缸拿起一只蟹，我拿碟上的蟹蓋和她對比，好明顯細了好多，佢仲話蒸了會縮水。但就無解釋為什麼那三只蟹為什麼還有兩只在魚缸，我說碟上的其中雨只蟹的紋和看到（魚缸內仍存在）的不同，她沒有回應。飯後搭的士去東涌， 司機說那家華記過去十幾年都係咁，梅窩人一定唔會去。本來難得疫情放假想食一餐開心的。估不到會遇上這樣的海鮮店。影響香港的海鮮食店業的形象。生炒牛肉飯 70元蠔餅 105元 （有幾只蠔）蝦仁炒蛋95元 （蛋炒得幾好）椒鹽鮮魷 110元蒜蓉蒸蟹288元白飯13元茶錢20元以上的價錢，在旁邊另一家餐廳食，起碼平1/3，後來才見到隔離幾好餐廳的生炒牛肉飯只是50元。因為幾間店看似連在一起，但華記的侍應比較主動，很快便放好餐具和水，當坐下去後便不好意思再離開。

服務態度好，富人情味，每一道菜上桌時，店員都會友善的說「什麼什麼菜」，也會寒暄幾句，個人是覺得很溫暖。➊ 椒鹽鮮魷魷魚新鮮，但鹽多椒少，對我來說有點鹹，面頭的幾塊大辣椒只是擺盤用的。看似份量很少，但其實夠三四個人吃。➋ 乾瑤柱蛋白炒飯粒粒分明，不會太油，如果料多一點就好，譬如加入蝦或者肉粒。超級超級大份，建議如果人多一點才叫。我們打包回酒店吃，即便沒有微波爐，冷掉也好吃。➌ 蠔餅麵粉和蛋都不多，很蓬鬆的蠔餅，蠔仔頗多，頭幾口很好吃，再吃下去就有點膩了。

✨✨梅窩一日遊✨✨勁勁勁耐無嚟過梅窩，對上一次都可能有10年前😅😅今日天氣好好，無之前咁凍，同屋企人嚟屋企人嚟梅窩行下，感受下清幽休閑嘅感覺🥰🥰一落船食個晏就飯先，碼頭附近有幾間餐廳，我地都無咩頭緒，揀左華記，叫左幾個小菜share嚟食。價錢唔算太貴，合理價錢👍🏻全部小菜鑊氣都好夠，尤其個椒鹽魷魚🦑，即點即整，熱辣辣，好鬼正🤤🤤雞煲好多雞同配料，一d都唔吝嗇👍🏻👍🏻👍🏻屋企人叫左啤酒，所以點左個一夜干，係馬友，送酒真係一流😋😋好滿足嘅一餐👍🏻

偶爾對海鮮敏感嘅我，今星期難得同男友去咗一年一度嘅梅窩秋季旅行，所以都係食咗先算（而家就痕緊⋯）❣️由於上年喺梅窩就去過熟食市場食晚餐，坐喺海邊位，吹住海風，望住梅窩夜景，食住海鮮配啤酒，實在太正，而印象最深刻嘅就係「椒鹽九肚魚」，所以今次就重遊舊地，照喺熟食市場食晚餐🥳。但去到嘅時候發現「順興海鮮飯店」同「華記海鮮飯店」實在太似樣，我哋都唔記得上年係食邊間，唯有抱住羊群心態，去咗比較多人食果間試吓，結果啱啱發現上年食嘅唔係呢間，不過「椒鹽九肚魚」同樣咁好味🤣❣️男友就嗌咗「避風塘炒蜆」，我就覺得係出面食炒蜆始終都係覺得唔抵食，反而乾炒牛河可以喔👍🏻❣️✍🏻 / 椒鹽九肚魚💵價錢：HK$98🔘整體美味指數：❤️❤️❤️❤️❤️九肚魚個口感真係好正，滑捋捋，就算炸完食落都唔會乾身，點埋個喼汁，好夾👍🏻✨呢碟野對2個人嚟講，份量有啲大，食到好有罪惡感，起碼過半碟係落咗我肚🙈✨椒鹽真係點煮都好味，至少到而家都未食過難食嘅椒鹽料理。✍🏻 / 避風塘炒蜆💵價錢：HK$105🔘整體美味指數：❤️❤️❤️🤍🤍呢個避風塘同我想像嘅有啲出入，本來以為啲蒜係炸蒜果種，但佢啲蒜係炒濕咗嘅，不過係我心目中所有蒜都好香。雖然蒜香，但

入梅窩宅渡假，臨離開去熟食市場華記食午餐，叫咗炒粉麵飯正常普，跟住叫咗個豉油王蝦，咁就出事啦。味道屬於正常嘅，點知道埋單一睇，一斤豉油王蝦（大約十七隻，即係都唔大隻），埋單 $ 412元。嗌嘅時候我認我冇睇價錢，佢有個牌寫住26蚊一兩，所以我唔係喺度話佢呃人。而係佢嗰碟豉油王蝦412蚊實在係偏離咗正常收費水準，一個唔留神就中招。味道正常普通，蝦嘅肉質同大細亦都係一般198蚊嘅質素。所以呢間華記就真係真係絕對絕對唔好食海鮮，炒粉麵飯同小菜就正常。記得唔好幫襯佢食海鮮

我真係好多年冇入黎梅窩喇~一落船見到熟食市場既呢間 華記都幾熱鬧下，已經幾乎滿座！行到埋去，已經好好招呼叫我地坐介紹有咩海鮮食❤️真係估唔到咁有！水！準！離島海鮮都唔係第1次食但呢間食完係覺得好滿意😋全部啲汁同炸蒜都勁好送飯瀨尿蝦之前係第到食佐清蒸今次試下呢到既椒鹽先我啜晒啲殼同手指🤣沙薑雞真係整得好滑！仲有靚雞既啫喱🤪沙薑佢上之前已淋面，額外仲俾佐碗半隻雞份量黎講都算多呀！炒蜆個鼓椒汁值得一讚唔會好似第到咁一味得個濃呢到係岩岩好唔會蓋過蜆味清甜好多！仲要全部隻隻有肉冇甩到周圍係或者冇肉證明火候煮得岩岩好開晒蓋就上👍🏻5,6百蚊2個人好抵食，仲要好食又飽肚🤰🏻如果下次再有機會入梅窩一定再幫襯！☺️👍🏻👍🏻

梅窩必食！！！食物：質素高，海鮮款式多，白灼蝦鮮甜爽，椒鹽鮮魷九肚魚香脆可口（必食），其他菜式都好有鑊氣，不過有啲就偏重口味鹹咗啲，價錢就合理。服務：樓面足夠，上菜速度快，態度良好，值得推介。環境：坐係海邊食野好舒服，衛生情況正常，比一般大排檔好，唔會覺得唔衞生，食得舒服開心。

去咗梅窩玩，晚餐時間想搵檔海邊海鮮檔食下，見呢間有張邊邊檯，就坐低咗。本身諗住呢啲都係一般飯店，但竟然有驚喜。蠔餅- 蠔仔唔算好多，但都算份量適中，有鑊氣，一啲都唔咸，正炒硯- 好好味，足料，味道適中，熱辣辣，如果加啲配料，例如三色椒同洋蔥，應該會更好，不過可能老闆想比足啲硯既份量，所以先咁既安排。椒鹽鮮魷- 炸粉唔厚，魷魚好好肉，可惜略為咸咗啲。總括食物質素係好味既，服務質素都ok。唯一想提一下，當我哋食食吓既時候，都滿座了，有兩個客人到了，然後話訂咗檯，但店員話佢訂嗰張檯有人坐咗，個客話訂咗位架喎，店員就話”訂咗檯但有人坐低了都無辦法”，咁訂檯有咩用呢？！😂😂😂

登山后的海景大排档一餐，三位男士点了两瓶啤酒，人均200港币。点餐：1.椒盐九肚鱼 份量和味道都不错，焦黄酥嫩，刚刚炸出来还挺烫嘴，美中不足是要等一阵子，不建议吃到一半加单。2.椒盐濑尿虾 味道还行，份量的话200港币只给了4只不大的濑尿虾，觉得不太划算，但这个店的好处是点餐的时候可以让店员拿濑尿虾过来给你看看尺寸和份量，建议下单前看看，心里有个准备。3.椒盐大排 男士硬菜，味道和份量都不错，颜色偏酱油色而不是金黄色，比较下饭。4.蔬菜某蚬煲 全场黑点，将近100港币的价格，煲里只有上层一层薄薄的白色蚬汁，里面有那么一两只看起来像牡蛎肉的蚬，下面都是充数的蔬菜和粉丝。本来想拌匀了三个人分一分，没想到里面竟然有根头发。找店员反映，某店员态度蛮不耐烦，好在年长店员帮我们把这个菜退了，然后我们另点的椒盐九肚鱼。景色有幸坐在了临海的这排桌子，抬头就能看到对面银矿湾沙滩，夜幕下灯火连成一片，挺好。吃饭途中还看到了还有渔船开过来，也不知道是不是来给店家送刚捕的海鲜。综合海景不错的大排档，价位，口味，服务 以及卫生情况都没有惊喜，有个高个男店员普通话不错，也贴着标识支持支付宝付费。

在梅窩行完山, 慢步完沙灘後, 便想優閒地食中秋晚餐賞下月, 沿梅窩碼頭的熟食中心是很好的選擇, 首先近碼頭, 可check 好開船時間才放心吃晚餐, 而且有海景, 又可欣賞到銀礦灣酒店在沙灘中的夜色, 再者, 價錢豐儉由人,  想食貴海鮮又得, 小炒又得, 或者碟頭飯都得。由於入坐時只是5時許, 所以未太肚餓,  於是我們兩人 order 了 豉椒炒蜆, 非常有獲氣, 豉椒好香口, 帶出了蜆肉的鮮嫩味, 而且好大碟, 望落去已經好有滿足感, 另一碟羅漢豆腐, 份量爆碟, 大大片豆腐, 喜歡, 再加一碟菜心鮮魷飯, 菜心嫩, 鮮魷又很軟身,  飯的份量都很多, 真係正晒。這一餐食得很寫意, 吹著海風, 見到小魚 jump 出水面, 真有趣。我們入座時間早, 無咩人, 我們食完離開, 約 7 時左右便已經 full house 了。

自己最鍾意行山睇海食海鮮，嚟到梅窩好想推薦呢間華記，完全滿足哂我！食物雖然唔係最好味，但性價好高；午市薑蔥炒蟹，味道唔錯，但比較少肉；避風塘炒蜆好惹味！豉椒炒蟶子，味道都可以，不過比較細隻；蠔餅無咩特別；西蘭花鮮魷好新鮮，有蝦醬點；楊洲炒飯ok，有好多蝦仁；仲加埋兩支啤酒幾鑵汽水，賣單只係900另外個人最鍾意既就係d座位好接近海邊，可以一面吹海風聽浪聲一面用餐誠意推薦比追求價錢同鐘意海邊環境既各位！

今晚食左椒鹽瀨尿蝦，好好食好脆好惹味!跟住又點左雞絲炒飯好一般，冇咩咪係好足雞柳同生菜一起炒。。第三樣叫左辣味東風螺，本人覺得一般，可能佢落左好多黑椒既辣，而唔係辣椒果種😅

梅窩碼頭隔離的熟食市場要幾間食店，行入少少就可以見到呢間海邊雅座嘅小店，小炒海鮮樣樣有，最殺食嘅就係座位係正海邊，別具風味，絕對係打卡聖地。而且價錢非常公道，二人餐有三餸一湯，都係二百幾，非常抵食！