華記小食

營業中

休息中

十月上旬‧轉涼在附近經過，剛操完體能，很倦，也餓。行經這間小食店，見到炸雲吞幾吸引，不理三七二十一，吃一串先。阿姐會將已炸好的雲吞再翻炸一次，保證熱辣辣，不過就更油膩。油膩，有時也會好吃，因為至少脆脆的。餡都幾多，是菜肉餡，吃不到味精的假味，如果你不下醬油的話。好明顯我吃到，在圖中你也可以看到炸雲吞是唧滿醬油的。

六月下旬‧晴見這裡炸大腸的方法幾對辦，就買了串。但立即知道選錯了，因為個阿叔將切好的大腸再放油內翻炸，之後放在醬油中還滋滋聲的。炸得香口，但吃起來非常的韌，完全唔得。在想影相時，阿叔還想阻止，唔係卦？買了串食物想影下都唔得？

尖沙咀已經冇野好食喇~~~~有冇食客可以俾d意見呢?諗唔到之下, 我又排隊買車仔面.不過我發現堂食車仔面的人都唔少, 其實天氣咁熱, 坐起度食大汗搭細汗, 俾人睇住晒都唔自然啦~是日午餐:- 生菜+魚蛋+翼尖配油面生菜好大塊, 感覺同視覺上都好抵食, 不過生菜咁平, 抵唔抵就....魚蛋係叫做有d肉咁囉, 有5粒, 辣味. 講真, 個口感好麻麻, 只係諗唔到食乜送..翼尖真係忍無可忍, 由最開頭有6件, 變到而加得4件.19蚊一個面, 我真係冇得強求d乜, 碗面一直都係賣19蚊, 只可惜入面d送一個月比一個月少.經濟好番?真係睇唔出, 再係咁, 唔洗自動減肥都識得瘦

一來要讚的是狗毛吧，俾食客可以叫外賣，仲要服侍埋你又俾碟又幫你叫埋。呢間華記小食食物多元化，就在馬會對面食正成條赫德道口真係抵佢日日都排哂長龍﹗食物種類多，魚旦、燒賣、魷魚、三寶、春卷、咖哩角、串燒乜都有，最勁係佢連燒魚都有得食，真係總有一樣岩你胃口。味道方面，由於食物都是大路貨色，味道均未算突出，只可以講合格了吧﹗夠平，方便又快捷，買幾樣小食醫下肚餓，可以了吧﹗

一個月都食佢幾次車仔面, 都唔知佢叫乜名!每次經過都去望下, 唔通佢叫做"佳記餐廳"??再上operice查, 好似又唔似喎...原來....佢係華記.........呢期冇錢, 搵暈公司一帶, 最多送又最平係車仔面咯~~是日午餐:- 3送1面車仔面 有生菜, 辣魚蛋, 豬腸配米粉叫菜就如講急口令,講得太快又唔得喎, 阿姐會遊魂.講得太慢都唔得喎, 阿姐會xyz你.考慮亦都唔得, 阿姐會黑晒面.所以佢訓練了一班會叫車仔面的精英OL!有次個女人同阿姐講d豬手俾得少, 阿姐話"已經俾左兩舊你仲想點呀?"...咁又係既...唔好撩起阿姐把火呀, 19蚊唔好有要求喇~溫馨提示: 豬腸好肥, 叫之前考慮清楚

食完雲吞想去飲杯野，為食仔見到燒賣又想食，於是來呢度食番串﹗成日都見呢間野排哂大隊，都唔記得自己有冇食過喇﹗試左串魚肉燒賣，五蚊有五粒，也許蒸得較耐關係，燒賣皮腍得很，咬落沒大彈性軟軟的，口感不實在，完全感覺不到好食之處，試一次便算﹗

位於尖沙咀地鐵站A2出口 的堪富利士道上, 向前方步行兩至三分鐘, 往右手邊越過加拿芬交界處, ( 其實此時已經可以望見小食攤了 ), 與赫德道交界的馬路對面便是華記小食。我之前行街無意之中發現，小食攤有墨丸、魚旦(辣咖哩、不辣)、魷魚、豬頸肉、雞軟骨、芝士腸、鯪魚球、牛雜、煎釀三寶… 特別推薦炸豬大腸，即買即炸賣相普通, 但今次嚐試的時候也是朋友推薦, 起初不以為意, 沒想到咬下之後, 表皮極脆卻又不失大腸滑韌口感。

炸魚蛋粉多，還有點腥；炸雲吞很細件，不過暖而脆口，雖然取回些微分數，但總括而言，這裡的三寶好一般，還是凝香園那邊比較好味。

本來想食麵, 老Antz好耐冇拮過街邊野, 就即改計劃, 每人拮串野食. 我整串炸大腸, 酒後一流, 佢先來一個魚蛋. 炸大腸好食 (一般來說), 不太肥, 但炸得比較乾. 所以扣了小分.魚蛋, 夜深, 煮得耐左, 水份吸收得太多了. 本來不想食太多野, 但因為一有野落肚, 腦電波反應是會令你想食多串.....我忍到口, 老Antz唔得, 整多串雞柳. 即叫即燒果然不同, 聞到香嘖嘖之餘, 亦見老友食得津津有味. 完成了老友三個願望, 功成, 送了車之後, 有空再約, 再食過.

這裡的碗仔翅是我覺得吃過的最好食每一次到尖咀我例食的料多 湯底好 有一絲絲的肉絲和木耳 再加上麻油和醋 很好 食完一碗都不夠

講起街頭小食，本蟲真係覺得自己嘅價值觀有啲同時代脫節，唔係好耐之前依啲嘢食都仲係幾講緊幾蚊串，有啲區仲有兩三蚊串賣。自從食環署全力打擊流動食肆，逼使佢哋入晒鋪頭之後，香港嘅民間小食就開始出現一啲質變。首先臭豆腐總係好似冇舊時啲咁有口感，臭味亦越嚟越少。另一方面，價錢就直線上升，我好難先開始說服到自己五蚊串係市價，但今年全世界都因為通脹而瘋狂加價，再咁落去依個價格都行將衝破個位。嗰日喺尖沙咀等朋友一齊食飯，一時口痕經過依度就篤兩串嘢食下，魚蛋夠彈牙，個汁都好惹味，之後又整串炸大腸同燒賣，三兩下就洗晒身上嘅散紙，好彩朋友適時出現，如果唔係就算我未食窮都睇怕已經食飽。

前前後後都黎過呢度好多次, 每次黎食都會懷住一夥好開心心, 而食完後就會覺得好好味同好滿足! 早幾日咁又路經此地剛好肚餓, 於是乎又再黎呢度小吃一番!要左一串咖喱魚蛋同埋一串牛柏葉, 咖喱魚蛋都幾大粒, 而且幾彈牙又夠入味, 加上個咖喱汁夠香夠辣, 值頭好正呀; 而牛柏葉就好爽口, 加埋個咖喱汁又好入味, 冇得頂呀!總括而言咖喱汁真係整得好出色, 而且價錢又抵, 值頭係平, 靚, 正! 所以有機會師傅一定會黎食番餐, 淨係個咖喱汁已經值得比笑臉啦!

我都寫唔係太多吉吉檔,除非真係好好食,所以大家都知應唔應該嚟..咖哩魚旦印象好好,好香印度咖哩味,一定要食!另外燒雞翼好大隻!

吃落彈牙咖哩又十分勁辣入味一串只係5蚊值得一試

好好味, 一向都喜歡食佢d魚旦, 我一個女仔一食食20蚊. 正! 紅色果d"油魚"都好好味.呢排試過佢d串燒, 燒豬頸肉一絕, 無野講!